அஜித் பிறந்தநாள் அன்று ரீ-ரிலீஸ் ஆகும் "பில்லா"

தமிழ் திரைத்துறையில் கடந்த காலங்களில் வெளியாகி சூப்பர் டூப்பர் ஹிட் ஆன படங்களை தற்போது ரீ- ரிலீஸ் செய்வது டிரெண்டாகி உள்ளது.

அவ்வாறு, சிவா மனசுல சக்தி, விண்ணை தாண்டி வருவாயா, வேட்டையாடு விளையாடு, வாரணம் ஆயிரம் உள்ளிட்ட படங்கள் சமீபத்தில் ரீ- ரிலீஸ் செய்யப்பட்டது.

தொடர்ந்து, நடிகர் விஜய் நடித்து வெளியான கில்லி படம் 20 ஆண்டுகள் கழித்து சமீபத்தில் ரீ-ரிலீஸ் ஆனது. இதில், இதுவரை கில்லி 8 கோடிக்கும் மேல் வசூலாகியுள்ளது.

தொடர்ந்து, நடிகர் அஜித் குமார் நடித்து வெளியான மங்காத்தா திரைப்படம் ரீ-ரிலீஸ் செய்யப்படும் என கூறப்பட்டிருந்தது.

இந்நிலையில், நடிகர் அஜித் குமாரின் பிறந்த நாளான மே 1ம் தேதி அன்று, அவர் நடித்து சூப்பர் ஹிட் ஆன பில்லா படம் திரையரங்குகளில் ரீ-ரிலீஸ் செய்யப்பட உள்ளதாக தகவல் வெளியாகியுள்ளது.

அஜித்- ஷாலினியின் இன்று 24வது திருமண நாளையொட்டி இந்த அறிவிப்பு வௌயிடப்பட்டுள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.