இருசக்கர வாகனம் டயர் வெடித்து விபத்து

பாப்பிரெட்டிப்பட்டி,

தருமபுரி மாவட்டம் பாப்பிரெட்டிப்பட்டி அடுத்த தென்கரைகோட்டை பாத்திமா நகரை சேர்ந்த வர்கள் பிண்டோ (வயது 50), ஆரோக்கிய தாஸ் (60), அந்தோணி(60 ) இவர்கள் 3 பேரும் கூலி வேலை செய்து வந்தனர்.

இந்நிலையில் இவர்கள் கடத்தூர் மின் வாரிய அலுவலகத்திற்கு செல்வதற்காக அந்தோணி க்கு சொந்தமான பைக்கில் தென்கரைகோட்ட்டை -கடத்தூர் சாலையில் சென்றனர். பிண்டோ, அந் தோணி பைக்கில் பின்னால் உட்கார்ந்து கொள்ள, ஆரோக்கியதாஸ் பைக்கை ஓட்டி சென்றார்.

இருசக்கர வாகனம் புட்டிரெட்டிப்பட்டி ரோட்டில் செல்லும் போது பைக்கின் முன் பக்க டயர் திடீரென வெடித்தது. இதில் பைக்கில் இருந்தவர்கள் நிலைத்தடுமாறி கீழே விழுந்து படுகாயம் அடைந்தனர்.

அங்கிருந்தவர்கள் அவர்களை மீட்டு தருமபுரி அரசு மருத்துவமனையில் சிகிச்சைக்காக சேர்த்தனர். இந்த விபத்து குறித்து கடத்தூர் போலீசார் விசா ரணை நடத்தி வருகின்றனர்.