சத்தீஷ்கரில் நக்சலைட்டுகள் வெடிகுண்டு தாக்குதலில் போலீஸ்காரர் பலி

ராய்ப்பூர்:

சத்தீஷ்கர் மாநிலம் நாராயண்பூர் மாவட்டம் பதும் கிராமம் அருகே நக்சலைட்டுகள் பாதாள அறைகள் வைத்துள்ளதாக கிடைத்த தகவலின் பேரில் சத்தீஷ்கர் ஆயுத படை போலீசார் அப்பகுதிக்கு சென்று தேடுதல் வேட்டையில் ஈடுபட்டனர். அப்போது தலைமை காவலர் சஞ்சய் லக்ரா, நக்சலைட்டுகள் புதைத்து வைத்திருந்த வெடிகுண்டை மிதித்து விட்டார். இதில் குண்டு வெடித்து அவர் உயிரிழந்தார்.

நேற்று சுக்மா மாவட்டத்தில் நக்சலைட்டுகளுடன் நடந்த துப்பாக்கி சண்டையில் 3 போலீசார் பலியானார்கள் என்பது குறிப்பிடத்தக்கது.