கர்நாடகா

கர்நாடகா- மகாராஷ்டிரா எல்லையில் அமைந்துள்ளது அந்த சுங்கச்சாவடி. அந்த வழியாக சென்ற கர்நாடகாவை சேர்ந்த ஒரு டிரைவரின் வாகனத்தை சுங்கச்சாவடி ஊழியர்கள் நிறுத்தி கட்டணம் வசூலித்தனர்.

அப்போது சுங்கச்சாவடி ஊழியர்கள் இந்தியில் பேசி உள்ளனர். இதற்கு கர்நாடக டிரைவர் எதிர்ப்பு தெரிவித்தார். 'நீங்கள் ஏன் கன்னடத்தில் பேசவில்லை?' என்று கேட்டார். இதனால் ஆத்திரம் அடைந்த சுங்கச்சாவடி ஊழியர், தனது செல்போனை எடுத்து வீடியோவாக பதிவு செய்து கொண்டே டிரைவருடன் வாக்குவாதம் செய்தார். 'இந்தியா முழுவதும் இந்தி பேசப்படுகிறது' என்று வாதம் செய்கிறார். இதனால் அவர்களுக்குள் வாக்குவாதம் மேலும் வளர்ந்தது.

இதுபற்றிய வீடியோ எக்ஸ் வலைத்தளத்தில் வெளியாகி ஒரே நாளில் சுமார் 8 லட்சம் பேரின் பார்வைகளைப் பெற்றதுடன், பரபரப்பையும் பற்ற வைத்தது. விவாத முடிவில் டிரைவர், சுங்கச்சாவடி ஊழியரின் கன்னத்தில் அறைந்ததாகவும் சர்ச்சை கிளம்பி உள்ளது. சம்பவம் குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.

Watch this video and decide who is waging a language war in India.

These BIMARU Hindi speakers are disgrace to the idea of India.

These BIMARU Hindi speakers are not Indian Nationalists, they are Hindi Nationalists.

#StopHindiImposition pic.twitter.com/AdrQfUrvMT

— PLE Karnataka (@PLEKarnataka) September 15, 2024

கர்நாடக மாநிலம் பெங்களூருவை சேர்ந்த நிஷா என்பவர், ஓலா எலக்ட்ரிக் ஸ்கூட்டர் பயணத்தின்போது பலமுறை பழுதடைந்ததால், இதனை வாங்க வேண்டாம் என்று மற்றவர்களை எச்சரித்துள்ளார்.

நிஷா சி சேகர் என்ற அந்த வாடிக்கையாளர், கஸ்டமர் கேர் (customer care) மென்பொருளை புதுப்பித்ததாகவும், ஆனால் சிக்கல் நீடித்ததாகவும் கூறி உள்ளார்.

ஸ்கூட்டரை பெற கிட்டத்தட்ட ஒரு மாதம் காத்திருக்க வேண்டியிருந்தது என்றும், முழுத் தொகையையும் ரொக்கமாகச் செலுத்தியதாகவும் அவர் குறிப்பிட்டு உள்ளார்.

ஓலா எலக்ட்ரிக்கிற்கு எதிராக நான் விழிப்புணர்வை பரப்புவேன் என்று தெரிவித்துள்ள அவர் தனது எக்ஸ் பதிவில், தனது ஸ்கூட்டரின் படத்தை பகிர்ந்துள்ளார். அதில்,

அன்புள்ள கன்னடர்களே, ஓலா ஒரு பயனற்ற இருசக்கர வாகனம். நீங்கள் ஒன்றை வாங்கினால், அது உங்கள் வாழ்க்கையை கடினமாக்கும். தயவுசெய்து ஓலா எலக்ட்ரிக் ஸ்கூட்டரை வாங்காதீர்கள்.

"விரக்தியடைந்த ஓலா வாடிக்கையாளர்" என்று பிளக்ஸ் கார்டில் கையெழுத்திட்டு உள்ளார். தனது ஸ்கூட்டரில் பிளக்ஸ் கார்டைத் தொங்கவிட்டு, அதைப் பார்க்கும் அனைவருக்கும் வாகனத்தை பற்றிய உண்மை சரிபார்ப்பை கொடுப்பதை நோக்கமாகக் கொண்டு, அதை வாங்குவதை மறுபரிசீலனை செய்யுமாறு வலியுறுத்தி உள்ளார்.

கர்நாடகாவில் ஆளும் காங்கிரஸ் கட்சியின் முதல்வர் சித்தராமையா தலைமையில் ஜனநாயக தினம் கொண்டாட்ட விழா நடைபெற்றது. பெங்களூருவில் உள்ள விதான் சவுதா முன்பு இந்த நடந்தது. இதற்கான நிகழ்ச்சியில் முதலமைச்சர் சித்தராமையா மற்றும் அமைச்சர்கள் பங்கேற்றனர்.

இந்த நிகழ்ச்சியில் அமைச்சர் மகாதேவப்பா மேடையில் பேசி கொண்டிருந்தார். இதே மேடையில் முதல்வர் சித்தராமையா இருக்கையில் அமர்ந்து இருந்தார். அப்போது கூட்டத்தில் முன் பார்வையாளர்கள் கூட்டத்தில் அமர்ந்திருந்த நபர் ஒருவர் திடீரென மேடையை நோக்கி ஓடினார்.

மேடை அருகே சென்றதும் முதல்வர் சித்தராமையாவை நோக்கி ஓட முயன்றார். இதை கவனித்த பாதுகாவலர்கள் உடனடியாக அந்த நபரை தடுத்தனர். பிறகு பாதுகாவலர்கள் அந்த நபரை குண்டுகட்டாக இழுத்து சென்று போலீஸ் வாகனத்தில் ஏற்றிச் சென்றனர்.

முதல்வர் பங்கேற்ற நிகழ்ச்சியில் பாதுகாப்பை மீறி நபர் ஒருவர் சித்தராமையாவை நோக்கி ஓடிய சம்பவத்தால் அங்கு பரபரப்பான சூழல் நிலவியது. எனினும் நிகழ்ச்சி தொடர்ந்து நடத்தப்பட்டது.

இந்த சம்பவம் குறித்த முதற்கட்ட விசாரணையில், அவரது பெயர் மகாதேவ் நாயக் என்பதும், அவர் முதல்வர் சித்தராமையாவின் தீவிர ஆதரவாளர் என்றும் தெரியவந்துள்ளது. முதலமைச்சருக்கு சால்வை அணிவிக்கும் முயற்சியில்தான், அவரை அணுக முயற்சி செய்தாக அந்த நபர் கூறியதாக தகவல் வெளியாகி உள்ளது. 

பிரஜ்வல் ரேவண்ணா வழக்கு 

கர்நாடக மாநிலம் ஹாசன் பாராளுமன்ற தொகுதி முன்னாள் எம்.பி. பிரஜ்வல் ரேவண்ணா கடந்த மக்களவைத் தேர்தலில் பாஜக கூட்டணி வேட்பாளராகப் போட்டியிட்டார். ஆனால் இடையே பல்வேறு பெண்களுக்கு பிரஜ்வல் ரேவண்ணா பாலியல் துன்புறுத்தல் அளித்த 2,976 ஆபாச வீடியோக்கள் வெளியாகி நிலைமையை தலைகீழாக மாற்றியது. வீடியோ வெளியானதைத் தொடர்ந்து பிரஜ்வல் ரேவண்ணா மீது பாதிக்கப்பட்ட பெண்கள் கொடுத்த புகாரின் பேரில் 5 பாலியல் பலாத்கார வழக்குகள் பதிவு செய்யப்பட்டது.

இதற்கிடையே ஜெர்மனிக்கு தப்பி சென்ற பிரஜ்வல் ரேவண்ணா கடந்த 31-ந்தேதி மீண்டும் பெங்களூரு விமானநிலையத்தில் வந்திறங்கியதும் சிறப்புப் புலனாய்வு குழுவினரால் கைது செய்யப்பட்டான் அவர் மீது விசாரணை நடைபெற்று வந்த நிலையில் 150 பேரின் சாட்சிகளையும் , பாதிக்கப்பட்டவர்களின் வாக்குமூலங்களையும் உள்ளடக்கிய 2,144 பக்கங்கள் அடங்கிய 2 குற்றப்பத்திரிகைகள் கடந்த மாதம் பெங்களூரு சிறப்பு நீதிமன்றத்தில் தாக்கல் செய்யப்பட்டது . இதில் வீட்டில் வேலை செய்துவந்த பெண்மணியை இரக்கமற்ற முறையில் பாலியல் சித்திரவதை செய்து அவர்களது மகளையும் பலாத்காரம் செய்வதாக பிரஜ்வல் மிரட்டல் விடுத்தது பதிவு செய்யப்பட்டிருந்தது.

புதிய குற்றப்பத்திரிகை 

இந்நிலையில் கடந்த வெள்ளிக்கிழமை பிரஜ்வல் ரேவண்ணா விவகாரத்தால் 1,691 பக்கங்கள் அடங்கிய மூன்றாவது  குற்றப்பத்திரிகையானது தாக்கல் செய்யப்பட்டுள்ளது. இதில் பாதிக்கப்பட்ட மற்றொரு பெண்ணின் வாக்குமூலம் அவலம் நிறைந்ததாக உள்ளது. அந்த பெண்ணை கடந்த 20220 முதல் 2023 வரையிலான காலகட்டத்தில் பிரஜ்வல் தொடர்ந்து பாலியல் பலாத்கார சித்ரவதைக்கு உள்ளாகியுள்ளான். ஹோலேநரிஷிபுரா [Holenarasipura] பகுதியில் உள்ள தனது  கெஸ்ட் ஹவுஸ் வீட்டில்  வைத்து அந்த பெண்ணுக்கு இந்த கொடூரங்களை பிரஜ்வல் செய்துள்ளான்.

ஒவ்வொரு முறையும் அந்த பெண்ணை குறிப்பிட்ட உள்ளாடை [lingerie] அணியவைத்து தான் பலாத்காரம் செய்யும்போது சிரித்த மாதிரி இருக்க வேண்டும் என்று துப்பாக்கி முனையில் இந்த கொடூரங்களை அரங்கேற்றியுள்ளான். இதை வெளியில் சொன்னால் ஒவ்வொரு முறையும் தான் எடுத்த வீடியோ பதிவுகளை வெளியிட்டுவிட்டேன் என்று கூறி தொடர்ச்சியாக பலாத்காரத்தில் ஈடுபட்டுள்ளான்.

பாதிக்கப்பட்ட அந்த பெண்ணை பிரஜ்வல் நிகழ்ச்சி ஒன்றில் பார்த்து முதன்முதலில் தனது கெஸ்ட் ஹவுஸுக்கு வரவழைத்து இந்த கொடூரங்களை செய்துள்ளான் என்று அந்த நிகழ்ச்சியில் பிரஜ்வலுடம் கலந்துகொண்ட எம்.எல்.ஏ ஒருவரின் வாக்குமூலமும் குற்றப்பத்திரிகையில் இடம்பெற்றுள்ளது. 

அரசுப் பள்ளிகளில் மட்டுமே பிள்ளைகளை சேர்க்கும் கர்நாடக கிராம மக்களின் முடிவு தற்போது பேசுபொருளாகியுள்ளது.

கர்நாடக மாநிலம் மாண்டியா மாவட்டத்தில் உள்ள மாதகவுடனகோப்பலு கிராமத்தில் உள்ள மக்கள் தங்கள் பிள்ளைகளை அரசுப் பள்ளிகளில் மட்டும் தான் சேர்க்கின்றனர்.

அரசுப் பள்ளிகளை ஊக்குவிக்கவும் கன்னட மொழியை பாதுகாக்கவும் தனியார் பள்ளிகளை இக்கிராம மக்கள் புறக்கணித்து வருகின்றனர்.

கடந்த 20 ஆண்டுகளாக இக்கிராமத்தில் இருந்து ஒருவர் கூட தனியார்ப் பள்ளியில் படிக்கவில்லை. இதுவரை தனியார்ப் பள்ளி வாகனங்கள் எதுவும் இக்கிராமத்திற்கு வந்ததில்லை.

தங்கள் குழந்தைகளுக்கு தரமான கல்வி மற்றும் அடிப்படை வசதிகளை அரசு செய்து கொடுத்துள்ளதாக கிராம மக்கள் தெரிவிக்கின்றனர். தற்போது, இக்கிராமத்தில் 20க்கும் மேற்பட்ட குழந்தைகள் படிக்கின்றனர். இக்கிராமத்தில் இருந்து அரசுப் பள்ளியில் படித்த முன்னாள் மாணவர்கள் பெங்களூரு, மைசூர் போன்ற இடங்களில் பணிபுரிகின்றனர்.

பெங்களூரு:

நாட்டின் அதிவேக ரெயில் சேவையான வந்தே பாரத் ரெயில் பல்வேறு பகுதிகளில் இயக்கப்பட்டு வருகிறது. இந்த ரெயிலுக்கு மக்கள் மத்தியில் அமோக வரவேற்பு கிடைத்துள்ளது. கர்நாடகத்தை பொறுத்தவரை சென்னை-மைசூரு, பெங்களூரு-தார்வார், பெங்களூரு-மதுரை, பெங்களூரு-கோவை, மங்களூரு-கோவா உள்ளிட்ட ரெயில்கள் இயக்கப்பட்டு வருகிறது. இந்த நிலையில் வடகர்நாடக மாவட்டமான உப்பள்ளியில் இருந்து மகாராஷ்டிரா மாநிலம் புனேவுக்கு வந்தே பாரத் ரெயில் இயக்க வேண்டும் என்று மக்கள் கோரிக்கை விடுத்து வந்தனர்.

இந்த கோரிக்கையை ஏற்று எஸ்.எஸ்.எஸ். உப்பள்ளி-புனே இடையே வந்தே பாரத் ரெயில் சேவையை தொடங்க முடிவு செய்யப்பட்டுள்ளது. இந்த நிலையில் உப்பள்ளி-புனே வந்தேபாரத் ரெயிலின் தொடக்க விழா நாளை (திங்கட்கிழமை) நடக்க உள்ளது.

இந்த ரெயில் சேவையை நாளை பிரதமர் மோடி காணொலி காட்சி மூலம் தொடங்கி வைக்க உள்ளார். இந்த வந்தே பாரத் ரெயில் புனேயில் இருந்து மாலை 4.15 மணிக்கு புறப்பட்டு இரவு 11.40 மணிக்கு உப்பள்ளியை வந்தடையும். தொடக்க விழாவில் இந்த ரெயில் மிரஜ், பெலகாவி, தார்வார் ஆகிய ரெயில் நிலையங்களில் நின்று செல்லும். இந்த வந்தே பாரத் ரெயில் வருகிற 18-ந்தேதி முதல் வாரத்தில் 3 நாட்கள் இயங்க உள்ளது.

அதாவது உப்பள்ளி-புனே இடையே புதன், வெள்ளி, ஞாயிற்றுக்கிழமைகளிலும், புனே-உப்பள்ளி இடையே வியாழன், சனி, திங்கட்கிழமைகளிலும் இயங்க உள்ளது.

எஸ்.எஸ்.எஸ். உப்பள்ளி-புனே வந்தேபாரத் ரெயில் (வண்டி எண்: 20669) உப்பள்ளியில் இருந்து காலை 5 மணிக்கு புறப்பட்டு மதியம் 1.30 மணிக்கு புனேயை சென்றடையும். மறுமார்க்கமாக புனே-எஸ்.எஸ்.எஸ். உப்பள்ளி வந்தே பாரத் ரெயில் (20670) புனேயில் இருந்து மதியம் 2.15 மணிக்கு புறப்பட்டு இரவு 10.45 மணிக்கு உப்பள்ளியை வந்தடையும். இந்த ரெயிலின் பயண நேரம் 8½ மணி நேரம் ஆகும்.

இந்த ரெயில்கள் இருமார்க்கமாகவும் தார்வார், பெலகாவி, மிரஜ், சாங்கிலி, சத்தாரா ஆகிய ரெயில் நிலையங்களில் நின்று செல்லும். இந்த வந்தே பாரத் ரெயிலில் மொத்தம் 8 பெட்டிகள் இணைக்கப்பட்டுள்ளது. இதில் சாதாரண சேர் கார் பெட்டியில் 478 இருக்கைகளும், எக்சிக்கியூட்டிவ் கிளாசில் 52 இருக்கைகளும் உள்ளன.

இந்த தகவலை தென்மேற்கு ரெயில்வே தெரிவித்துள்ளது.

கர்நாடகாவில் தலித் சிறுமியை பாலியல் பலாத்காரம் செய்த ஆதிக்க சாதி இளைஞனை காப்பாற்ற 50 தலித் குடும்பங்கள் ஊரை விட்டு ஒதுக்கி வைக்கப்பட்ட அவலம் அரங்கேறியுள்ளது. பெங்களூருக்கு 500 கிலோமீட்டர் தூரத்தில் வடக்கு கர்நாடகாவில் உள்ள யாத்கிர் மாவட்டத்தில் அமைத்துள்ள பாப்பரகா [Bapparaga] கிராமத்தில் தலித் குடும்பங்களைச் சேர்ந்தவர்கவர்கள் கடைகளில் பொருட்கள் வாங்கவும், கோவில்களில் வழிபாடு செய்யவும், பொது இடங்களைப் பயன்படுத்தவும் ஆதிக்க சாதியினர் தடை விதித்துள்ளனர்.

இந்த கிராமத்தில் வசித்து வரும் ஆதிக்க சாதியை சேர்ந்த 23 வயது இளைஞன் தலித் சமூகத்தை சேர்ந்த 15 வயது சிறுமியை திருமணம் செய்து கொள்வதாக ஏமாற்றி பாலியல் பலாத்காரம் செய்துள்ளான். இதனால் அந்த சிறுமி 5 மாத கர்ப்பமான நிலையில் கடந்த ஆகஸ்ட் 12 ஆம் தேதி சிறுமியின் பெற்றோர் அந்த இளைஞன் மீது போலீசில் புகார் அளித்துள்ளனர். இதனபடி போலீசார் போக்ஸோ வழக்கு பதிந்துள்ளனர்.

இந்நிலையில் அந்த புகாரை வாபஸ் வாங்குமாறு அந்த கிராமத்தில் உள்ள ஆதிக்க சாதியினரால் சிறுமியின் குடும்பத்துக்கு தொடர்ந்து அழுத்தம் கொடுக்கப்பட்டு வந்துள்ளது. ஆனால் சிறுமியின் குடும்பம் விடாப்பிடியாக மறுத்த நிலையில் புகாரை வாபஸ் வாங்கும்வரை அந்த கிராமத்தில் வசிக்கும் 50 குடும்பங்கள் ஊரை விட்டு ஒதுக்கிவைக்கப்பட்டுள்ளன. இந்த மனிதாபிமானமற்ற செயலை கைவிடுமாறு யாத்கிர் மாவட்ட காவல் கண்காணிப்பாளர் ஆதிக்க சாதியினரை வலியுறுத்தி வருகிறார். 

மக்களவை எதிர்க்கட்சி தலைவர் ராகுல் காந்தியின் சாதி என்ன? என்று கர்நாடக பாஜக எம்.எல்.ஏ. பசங்கௌடா பாட்டீல் கேள்வி எழுப்பியுள்ளது சர்ச்சையை ஏற்படுத்தியுள்ளது.

இது குறித்து பேசிய அவர் "ராகுல் காந்தி அமெரிக்க சென்று நாட்டிற்கு எதிரான கருத்துக்களை பேசுகிறார். இந்தியா முழுவதும் சாதிவாரி கணக்கெடுப்பு நடத்த வேண்டும் என்று அவர் கூறுகிறார். ஆனால் அவருக்கு அவர் பிறந்த சாதியே தெரியாது. அவர் தன்னை பிராமணர் என்று கூறினால் அவர் எந்த பிராமண பிரிவை சேர்ந்தவர். அவர் பூணூல் அணிகிறாரா?... அவர் கிறிஸ்தவரா முஸ்லிமா என்பதை விசாரிக்க வேண்டும்" என்று தெரிவித்துள்ளார்.

பசங்கௌடா பாட்டீல் சர்ச்சைக்குரிய வகையில் பேசுவது ஒன்றும் புதிதல்ல. இந்தியாவின் முதல் பிரதமர் ஜவஹர்லால் நேரு அல்ல சுபாஷ் சந்திரபோஸ் தான் என்று கடந்தாண்டு அவர் தெரிவித்த கருத்து சர்ச்சையை ஏற்படுத்தியது.

சாதி தெரியாதவர்கள் சாதிவாரி கணக்கெடுப்பு பற்றி பேசுகிறார்கள் என்று ராகுல்காந்தியை குறிப்பிட்டு கடந்த ஜூலை மாதம் மக்களைவையில் பாஜக எம்.பி அனுராக் தாகூர் பேசியது சர்ச்சையை ஏற்படுத்தியது. அனுராக் தாக்கூரின் இந்த பேச்சை பிரதமர் மோடி பாராட்டினார் என்பது குறிப்பிடத்தக்கது.

பெங்களூருவை சேர்ந்த பெண் ஒருவர் சமூக வலைத்தளமான ரெட்டிட்டில் வெளியிட்டுள்ள வீடியோ பயனர்களின் கடும் கோபத்தையும், சமூக கவலையும் ஏற்படுத்தியுள்ளது.

கத்ரிகுப்பே சாலையில் காரில் அப்பெண்ணும், தாயாரும் சென்றுக் கொண்டிருந்த போது ஒரு ஆட்டோ திடீரென இடமிருந்து வலமாகச் சென்றதால் மற்ற வாகனங்கள் மீது மோதாமல் தவிர்க்கப்பட்டது. ஆட்டோ குறுக்கே வந்தது குறித்து கேட்ட போது, ஆட்டோ ஓட்டுநர் அமைதியாக இருக்க ஆனால் ஆட்டோவில் அமர்ந்திருந்த 20 வயதுடைய நபர் ஆபாசமான வார்த்தைகளால் திட்டத் தொடங்கினார்.

மேலும் கொலை மற்றும் கற்பழிப்பு மிரட்டல் விடுத்து, அருகில் இருந்தவர்கள் பார்த்துக் கொண்டிருக்கும் போது, அந்த நபர் பெண்ணின் கார் கண்ணாடியை உடைத்து, கதவை வலுக்கட்டாயமாக திறக்க முயன்றுள்ளார். சம்பவம் நடந்து கொண்டிருக்கும் போதே அப்பெண் தனது செல்போன் மூலம் வீடியோ எடுத்துள்ளார். அதனால் வீடியோ வெளிவந்தால் பெண்ணையும், முழு குடும்பத்தையும் கற்பழித்த பிறகு கொலை செய்து விடுவதாக அந்த வாலிபர் மிரட்டியுள்ளார்.

அந்த பெண் தனது காருக்குள் இருந்து மோதலை பதிவு செய்து, சம்பவத்தின் வீடியோக்களை சமூக ஊடகங்களில் பகிர்ந்துள்ளார். இதற்கு பதிலளிக்கும் விதமாக, பெங்களூரு போலீசார் ஆட்டோ டிரைவரை கவனக்குறைவாக ஓட்டி உயிருக்கு ஆபத்து ஏற்படுத்தியதற்காக கைது செய்தனர். ஆனால் மிரட்டல் விடுத்த நபரை இதுவரை கைது செய்யவில்லை.

இந்த சம்பவம் சமூக வலைத்தளங்களில் வைரலான நிலையில், பயனர்கள் பலரின் சமூக கவலையையும், கோபத்தையும் ஏற்படுத்தியுள்ளது. குற்றவாளிக்கு அதிகபட்ச சட்ட தண்டனைகளை வழங்க வேண்டும் என்று பலரும் தெரிவித்துள்ளனர்.

நாமக்கல்லை தலைமையிடமாக கொண்டு தென் மண்டல எல்.பி.ஜி. டேங்கர் லாரி உரிமையாளர்கள் சங்கம் செயல்பட்டு வருகிறது.

இந்த சங்கத்தின் கட்டுப்பாட்டில் உள்ள சுமார் 5,500 கியாஸ் டேங்கர் லாரிகள் மத்திய அரசுக்கு சொந்தமான இந்தியன் ஆயில் கார்ப்பரேஷன், பாரத் பெட்ரோலியம், இந்துஸ்தான் பெட்ரோலியம் ஆகிய 3 எண்ணெய் நிறுவனங்களின் சுத்திகரிப்பு நிலையங்களில் இருந்து சமையல் கியாசை சிலிண்டரில் நிரப்பும் மையங்களுக்கு (பாட்லிங் பிளாண்டு) கொண்டு செல்லும் பணியில் ஒப்பந்த அடிப்படையில் இயக்கப்பட்டு வருகின்றன.

அந்த வகையில் கர்நாடக மாநிலம் மங்களூரில் உள்ள இந்துஸ்தான் பெட்ரோலியம் கார்ப்பரேஷனுக்கு சொந்தமான எண்ணெய் சுத்திகரிப்பு நிலையத்தில் இருந்து ஹூப்ளியில் உள்ள சிலிண்டர்களில் கியாஸ் நிரப்பும் மையத்திற்கு ஒப்பந்த அடிப்படையில் நாமக்கல்லை சேர்ந்த 200 எல்.பி.ஜி. கியாஸ் டேங்கர் லாரிகள் இயக்கப்பட்டு வருகின்றன.

ஒப்பந்த அடிப்படையில் லாரி உரிமையாளர்களுக்கு எண்ணெய் நிறுவனம் சுங்க கட்டணத்தை திருப்பி வழங்கி வருகிறது. ஆனால் கடந்த 2 ஆண்டுகளுக்கு மேலாக நிலுவையில் உள்ள தொகையை லாரி உரிமையாளர்களுக்கு வழங்கவில்லை என கூறப்படுகிறது. இதை கண்டித்து, நாமக்கல்லை சேர்ந்த 200 எல்.பி.ஜி. கியாஸ் டேங்கர் லாரிகளை கர்நாடக மாநிலத்தில் கடந்த 2 நாட்களாக இயக்காமல் நிறுத்தி வைத்து வேலைநிறுத்த போராட்டத்தில் ஈடுபட்டு வருகின்றனர்.

இந்த போராட்டம் குறித்து தென்மண்டல எல்.பி.ஜி. டேங்கர் லாரி உரிமையாளர்கள் சங்க தலைவர் சுந்தர்ராஜன் கூறியதாவது:-

கடந்த 2 ஆண்டுகளாக நிலுவைத் தொகையை ஆயில் நிறுவனங்கள், தராததால் லாரி உரிமையாளர்களால் தொழில் செய்ய முடியவில்லை. எனவே வேறு வழியில்லாமல் லாரிகளை நிறுத்தி வைத்து உள்ளோம். சுங்க கட்டணம் தொடர்பான நிலுவைத்தொகை கிடைக்கும் வரை லாரிகளை இயக்க மாட்டோம்.

இவ்வாறு அவர் கூறினார்.

பெங்களூரு:

கர்நாடக மாநிலம் விஜயநகர் மாவட்டம் ஒசப்பேட்டேயை சேர்ந்தவர் ராஜா உசேன். திருமணமான இவர் மனைவியை பிரிந்து தனியாக வசித்து வருகிறார். இந்தநிலையில் ராஜா உசேன் தன்னிடம் வரதட்சணை கேட்டு கொடுமைப்படுத்துவதாக ஒரு பெண் போலீசில் புகார் அளித்திருந்தார்.

இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள். இந்த நிலையில் ராஜா உசேன், தன் மீது பதிவான வழக்கை ரத்து செய்ய கோரி கர்நாடக ஐகோர்ட்டில் மனு தாக்கல் செய்தார்.

அந்த மனுவில் தனது மனைவிக்கு ஏற்கனவே 8 முறை திருமணமாகி உள்ளதாக கூறி அதிர்ச்சி தகவலை தெரிவித்து இருந்தார். மேலும் ஏற்கனவே 8 பேரை திருமணம் செய்து என்னை மோசடி செய்ததுடன், தன் மீது பொய்யான வரதட்சணை புகார் கொடுத்துள்ளதாகவும், அந்த வழக்கு விசாரணைக்கு தடை விதிக்க வேண்டும் என்று கூறியிருந்தார்.

இந்த மனு மீதான விசாரணை நீதிபதி நாகபிரசன்னா தலைமையிலான அமர்வில் விசாரணைக்கு வந்தது. அப்போது பெண் தரப்பில் ஆஜரான வக்கீல் கூறுகையில், முதல் கணவர் இறந்ததால் பெண் மறுமணம் செய்துள்ளார். அவர் 8 திருமணங்கள் செய்யவில்லை. 4 பேரை மட்டுமே திருமணம் செய்துள்ளார். ஆனால் ராஜா உசேன், தனது மனைவி 8 பேரை திருமணம் செய்ததாக பொய்யான தகவலை பதிவு செய்துள்ளார். இதனால் பெண்ணுக்கும் அவப்பெயர் ஏற்பட்டுள்ளது. எனவே ராஜா உசேன் மீது மானநஷ்ட வழக்கு தொடர முடிவு செய்துள்ளோம் என்றார்.

இதற்கு மறுப்பு தெரிவித்த ராஜா உசேன் தரப்பு வக்கீல், அந்த பெண் 8 பேரை திருமணம் செய்ததற்கான சாட்சிகள் எங்களிடம் உள்ளது. இதுவரை 5 போ் கோர்ட்டில் ஆஜராகி உள்ளனர். இன்னும் 3 பேர் மட்டும் ஆஜராக வேண்டி உள்ளது. அவர்கள் சார்பில் பிரமாண பத்திரம் தாக்கல் செய்யப்பட்டுள்ளது. இதற்கிடையில் பெண் தரப்பில் வேண்டுமென்றே பொய்யான தகவல்களை முன் வைக்கப்படுகிறது.

இதுகுறித்து மத்திய குற்றப்பிரிவு போலீசார் விசாரணை நடத்த அனுமதி வழங்க வேண்டும் என்று கூறினார். இருதரப்பு வாதங்களையும் கேட்ட நீதிபதி நாகபிரசன்னா, ராஜா உசேன் தரப்பில் கூடுதல் ஆவணங்களை சமர்ப்பிக்கும்படி கூறினார். மேலும் வழக்கு விசாரணையை வருகிற 27-ந் தேதிக்கு ஒத்திவைத்து நீதிபதி உத்தரவிட்டார்.

பெங்களூரு:

பெங்களூரு பையப்பனஹள்ளியை சேர்ந்தவர் கேசவ்தக். தொழில் அதிபரான இவர். கடந்த 30-ந் தேதி வீட்டில் இருந்தபோது, சரக்கு மற்றும் சேவை வரி (ஜி.எஸ்.டி.) அதிகாரிகள் என்று கூறி பெண் உள்பட 4 பேர் வந்து அவரை அழைத்து சென்றனர். பின்னர் அவர்கள் கேசவ்தக்கிடம் உங்கள் நிறுவனத்தில் வரி ஏய்ப்பு செய்ததாக உங்கள் மீது புகார் வந்துள்ளது. இதுகுறித்து வழக்கு எதுவும் பதிவு செய்ய வேண்டாம் என்றால் ரூ.3 கோடி தரவேண்டும் என்று மிரட்டினர்.

அதற்கு கேசவ்தக் மறுப்பு தெரிவித்ததாக கூறப்படுகிறது. இதனால் கோபம் அடைந்த அவர்கள், கேசவ்தக்கை இந்திராநகர் பகுதிக்கு காரில் கடத்தி சென்று தாக்கினர்.

பின்னர் அவரது நண்பர் ரோஷன் என்பவரை செல்போனில் தொடர்பு கொண்ட அவர்கள் ரூ.3 கோடி எடுத்துவரும்படி மிரட்டினர். இதை கேட்ட ரோஷன், ரூ.1½ கோடியை எடுத்து வந்து கொடுத்தார். அதை வாங்கிய கும்பல் கேசவை கீழே இறக்கிவிட்டுவிட்டு, அங்கிருந்து தப்பியோடினர்.

இந்தநிலையில் கும்பல் மீது சந்தேகம் அடைந்த கேசவ்தக், ஜி.எஸ்.டி. அலுவலகத்திற்கு சென்று விசாரித்தார். அப்போது அங்கிருந்த அதிகாரிகள் எந்த சோதனையும் நடத்த அனுமதி வழங்கவில்லை என்று கூறினர்.

இதையடுத்து அவர்கள் 4 பேரும் தன்னை ஏமாற்றியதை அறிந்த கேசவ்தக், இதுகுறித்து பையப்பனஹள்ளி போலீசில் புகார் அளித்தார். அந்த புகாரின் பேரில் வழக்குப்பதிவு செய்த போலீசார் விசாரணை நடத்தினர். விசாரணையில் அவர்கள் மத்திய ஜி.எஸ்.டி. அதிகாரிகளான சோனாலி சஹாயி, மனோஜ் சைனி, அபிஷேக், நாகேஷ் என்பது தெரியவந்தது. மேலும் அவர்கள் கேசவ்தக் வீட்டிற்கு வாடகை காரில் சென்றதும். காரை வேறு ஒரு இடத்தில் நிறுத்திவிட்டு கேசவ்தக் வீட்டிற்கு சென்றதும். கண்காணிப்பு கேமராவில் பதிவாகி இருந்தது. சுமார் 15 கிலோமீட்டர் சாலையோரம் இருந்த சிசிடிவி கேமராக்களை கைப்பற்றி சோதனை செய்த போது அவர்கள் கேசவ்தக் வீட்டிற்கு வந்து சென்றது உறுதியானது. இதையடுத்து 4 பேரையும் போலீசார் கைது செய்து சிறையில் அடைத்தனர். அவர்களிடம் இருந்து 34 செல்போன்கள், 2 லேப்டாப்கள், 50 காசோலை புத்தகங்கள் பறிமுதல் செய்யப்பட்டது.

மேலும் அவர்களிடம் இருந்த ரூ.1½ கோடியை பறிமுதல் செய்த போலீசார் தொடர்ந்து விசாரணை நடத்தி வருகின்றனர்.