கர்நாடகா

கன்னட திரையுலகில் பிரபல நடிகராக இருப்பவர் தர்ஷன். இவர், சித்ரதுர்காவை சேர்ந்த ரேணுகாசாமியை கொலை செய்ததாக பெங்களூரு காமாட்சிபாளையா போலீசாரால் கைது செய்யப்பட்டு சிறையில் அடைக்கப்பட்டுள்ளார். கடந்த இரு மாதங்களாக சிறைவாசம் அனுபவிக்கும் அவர், இதுவரை ஜாமீன் கோரி கோர்ட்டில் மனு தாக்கல் செய்யவில்லை.

அடுத்த மாதம்(செப்டம்பர்) முதல் வாரத்தில் ரேணுகாசாமி கொலை வழக்கில் நடிகர் தர்ஷன் உள்பட 17 பேர் மீதும் குற்றப்பத்திரிகை தாக்கல் செய்யப்படும் என்று போலீசார் தெரிவித்துள்ளனர்.

இந்நிலையில், நடிகர் தர்ஷனுக்கு செப்டம்பர் 9ம் தேதி வரை நீதிமன்ற காவல் நீட்டித்து பெங்களூரு நீதிமன்றம் உத்தரவிட்டுள்ளது.

இன்னும் சில சாட்சியங்களை விசாரிக்க வேண்டியுள்ளதாக கூறி, தர்ஷனுக்கு ஜாமின் வழங்க அரசு தரப்பு எதிர்ப்பு தெரிவித்துள்ளது.

கன்னட திரையுலகில் பிரபல நடிகராக இருப்பவர் தர்ஷன். இவர், சித்ரதுர்காவை சேர்ந்த ரேணுகாசாமியை கொலை செய்ததாக பெங்களூரு காமாட்சிபாளையா போலீசாரால் கைது செய்யப்பட்டு சிறையில் அடைக்கப்பட்டுள்ளார். கடந்த இரு மாதங்களாக சிறைவாசம் அனுபவிக்கும் அவர், இதுவரை ஜாமீன் கோரி கோர்ட்டில் மனு தாக்கல் செய்யவில்லை.

அடுத்த மாதம்(செப்டம்பர்) முதல் வாரத்தில் ரேணுகாசாமி கொலை வழக்கில் நடிகர் தர்ஷன் உள்பட 17 பேர் மீதும் குற்றப்பத்திரிகை தாக்கல் செய்யப்படும் என்று போலீசார் தெரிவித்துள்ளனர். சிறையில் விசாரணை கைதியாக அடைக்கப்பட்டுள்ள தர்ஷன் வீட்டு உணவு, படுக்கை விரிப்பு கேட்டு கர்நாடக ஐகோர்ட்டு, சிறைத்துறை நிர்வாகத்திடம் கோரிக்கை வைத்திருந்தார்.

ஆனால் அவரது கோரிக்கை நிராகரிக்கப்பட்டது. நடிகர் தர்ஷனுக்கு மற்ற கைதிகள் போல சிறை உணவு வழங்கப்படுவதாகவும், எந்த சொகுசு வசதியும் செய்து கொடுக்கப்படவில்லை எனவும் அமைச்சர் பரமேஸ்வர் தெரிவித்து இருந்தார். இதையடுத்து பெங்களூரு பரப்பன அக்ரஹாரா சிறையில் நடிகர் தர்ஷன் பிளாஸ்டிக் நாற்காலியில் அமர்ந்தபடி ரவுடியுடன் சேர்ந்து சிகரெட் புகைக்கும் புகைப்படங்கள் சமூக வலைதளங்களில் வெளியாகி பரபரப்பை ஏற்படுத்தியது.

கொலை வழக்கில் விசாரணை கைதியாக அடைக்கப்பட்டுள்ள தர்ஷன், நாற்காலியில் அமர்ந்தபடி டீ குடித்து கொண்டே சிகரெட் புகைப்பதுடன், ரவுடியுடன் ஜாலியாக பேசிக் கொண்டு இருக்கும் புகைப்படம் வெளியானது பேசு பொருளாகி உள்ளது. இது தொடர்பாக சிறை அதிகாரிகள் இடைநீக்கம் செய்யப்பட்டனர்.

இந்த நிலையில், சிறையில் சொகுசு வசதிகளை அனுபவித்து வந்த நடிகர் தர்ஷனை பெல்லாரி சிறைக்கு மாற்ற உத்தரவு பிறப்பிக்கப்பட்டு இருக்கிறது. தர்ஷனுக்கு சிறையில் சொகுசு வசதிகள் வழங்கப்பட்ட புகைப்படங்கள் வெளியான நிலையில் நீதிமன்றம் இந்த நடவடிக்கையை எடுத்துள்ளது.

இதே போன்று, புகைப்படங்களில் தர்ஷன் உடன் இருந்த மற்ற கைதிகளையும் வெவ்வேறு சிறைகளுக்கு மாற்ற உத்தரவு பிறப்பிக்கப்பட்டு இருக்கிறது.

விஜயநகர் மெட்ரோ நிலையம் மற்றும் பேருந்து நிலையம் அருகே ரூ.13 கோடி மதிப்பீட்டில் அமைக்கப்பட்டுள்ள பாலிகே பஜாரை கர்நாடக முதல் மந்திரி சித்தராமையா மற்றும் விஜயநகர் எம்.எல்.ஏ. எம். கிருஷ்ணப்பா ஆகியோர் நேற்று முன்தினம் (25-ந்தேதி ஞாயிற்றுக்கிழமை) திறந்து வைத்தனர். இந்த சந்தை முழுவதும் குளிரூட்டப்பட்டதாகும்.

இதன் மூலம் தென்இந்தியாவில் பூமிக்கடியில் குளிரூட்டப்பட்ட சந்தை கொண்ட முதல் நகரம் என்ற பெருமையை பெங்களூரு பெற்றுள்ளது. டெல்லியில் புகழ்பெற்ற பாலிகா பஜார் இது போன்று பூமிக்கடியில் முற்றிலும் ஏசி வசதி கொண்ட மார்க்கெட்டை பெற்றுள்ளது.

இதே போன்ற மார்க்கெட்டை உருவாக்க முடிவு செய்யப்பட்டது. 16-ம் நூற்றாண்டின் விஜய நகரப் பேரரசர் கிருஷ்ணதேவராயரின் பெயர் இந்த சந்தைக்கு வைக்கப்பட்டுள்ளது. இந்த சந்தை 1,365 சதுர மீட்டர் பரப்பளவு உருவாக்கப்பட்டுள்ளது. மொத்தம் 79 கடைகள் உள்ளன.

சந்தையில் ஒருங்கிணைந்த ஏர் கண்டிஷனிங் இருந்தாலும் 31 கடைகளில் தனித்தனியாக ஏர் கண்டிஷனிங் உள்ளது. ஒவ்வொரு கடையும் 9 சதுர மீட்டர் அளவு கொண்டதாகும். இந்த சந்தையை பரிசிதா கன்ஸ்ட்ரக்ஷன்ஸ் என்ற தனியார் நிறுவனம் கட்டியது.

பாலிகே பஜார் அமைப்பதற்காக 2017-18-ம் ஆண்டில் ரூ.5 கோடி ஒதுக்கப்பட்டது. பின்னர் 2021-22-ம் ஆண்டில் கூடுதலாக ரூ.8 கோடி ரூபாய் ஒதுக்கப்பட்டது.

இந்த பாலிகே பஜாரில் 8 நுழைவு வாயில்கள், 145 விளக்குகள், 2 எஸ்கலேட்டர்கள் மற்றும் ஒரு லிப்ட் வசதியும் உள்ளது. தீயணைப்பு கருவிகள் மற்றும் மின்மாற்றியும் பொருத்தப்பட்டுள்ளது. நிலத்தடி சந்தைக்கு மேலே உள்ள பகுதி தெரு ஷாப்பிங்கிற்கு நன்கு அறியப்படாத இந்த திட்டம் குடியிருப்பாளர்களுக்கு உதவும்.

பெங்களூரு:

கன்னட திரையுலகில் பிரபல நடிகராக இருப்பவர் தர்ஷன். இவர், சித்ரதுர்காவை சேர்ந்த ரேணுகாசாமியை கொலை செய்ததாக பெங்களூரு காமாட்சிபாளையா போலீசாரால் கைது செய்யப்பட்டு சிறையில் அடைக்கப்பட்டுள்ளார். 2 மாதமாக சிறைவாசம் அனுபவிக்கும் அவர், இதுவரை ஜாமீன் கோரி கோர்ட்டில் மனு தாக்கல் செய்யவில்லை. அடுத்த மாதம்(செப்டம்பர்) முதல் வாரத்தில் ரேணுகாசாமி கொலை வழக்கில் நடிகர் தர்ஷன் உள்பட 17 பேர் மீதும் குற்றப்பத்திரிகை தாக்கல் செய்யப்படும் என்று போலீசார் தெரிவித்துள்ளனர்.

சிறையில் விசாரணை கைதியாக அடைக்கப்பட்டுள்ள தர்ஷன் வீட்டு உணவு, படுக்கை விரிப்பு கேட்டு கர்நாடக ஐகோர்ட்டு, சிறைத்துறை நிர்வாகத்திடம் கோரிக்கை வைத்திருந்தார்.

ஆனால் அவரது கோரிக்கை நிராகரிக்கப்பட்டது. நடிகர் தர்ஷனுக்கு மற்ற கைதிகள் போல சிறை உணவு வழங்கப்படுவதாகவும், எந்த சொகுசு வசதியும் செய்து கொடுக்கப்படவில்லை எனவும் அமைச்சர் பரமேஸ்வர் தெரிவித்து இருந்தார்.

இதையடுத்து பெங்களூரு பரப்பனஅக்ரஹாரா சிறையில் நடிகர் தர்ஷன் பிளாஸ்டிக் நாற்காலியில் அமர்ந்தபடி ரவுடியுடன் சேர்ந்து சிகரெட் புகைக்கும் புகைப்படங்கள் சமூக வலைதளங்களில் வெளியாகி உள்ளது.

அதாவது ஒரு கையில் டீ கப்பும், மற்றொரு கையில் சிகரெட் வைத்திருப்பது போல் நாற்காலியில் நடிகர் தர்ஷன் அமர்ந்துள்ளார். அவருடன் பிளாஸ்டிக் நாற்காலியில் தர்ஷனின் மேலாளர் நாகராஜ், பிரபல ரவுடி வில்சன் கார்டன் நாகா, மற்றொரு கைதி அமர்ந்துள்ளனர். அவர்கள் 3 பேருடன் நடிகர் தர்ஷன் சிரித்து பேசியபடி இருக்கும் புகைப்படங்கள் வெளியாகி உள்ளது.

சிறையில் கைதிகள் பீடி, சிகரெட் உள்ளிட்டவை புகைக்க அனுமதி கிடையாது. அப்படி இருந்தும் கொலை வழக்கில் விசாரணை கைதியாக அடைக்கப்பட்டுள்ள தர்ஷன், நாற்காலியில் அமர்ந்தபடி டீ குடித்து கொண்டே சிகரெட் புகைப்பதுடன், ரவுடியுடன் ஜாலியாக பேசிக் கொண்டு இருக்கும் புகைப்படம் வெளியாகி இருப்பது பரபரப்பை ஏற்படுத்தி உள்ளது.

இந்நிலையில் போலீசார் நடத்திய முதற்கட்ட விசாரணையின் அடிப்படையில், நடிகர் தர்ஷனுக்கு சலுகை வழங்கியதில் தொடர்புடைய 7 அதிகாரிகளை கண்டறிந்து அவர்கள் சஸ்பெண்ட் செய்யப்பட்டுள்ளனர். இது ஒரு கடுமையான பாதுகாப்பு குறைபாடு என்று அமைச்சர் பரமேஸ்வர் கூறினார்.

கன்னடத்தில் பிரபல நடிகராக திகழ்ந்து வருபவர் தர்ஷன். இவரது தோழி பவித்ரா கவுடா. தர்ஷனின் ரசிகர் ரேணுகாசுவாமி பவித்ரா கவுடாவுக்கு அருவருக்கத்தக்க மெசேஜ்களை அனுப்பி தொல்லை செய்து வந்ததாகத் தெரிகிறது. இதனால் தர்ஷன் பவித்ரா கவுடா உடன் இணைந்து திட்டமிட்டு ரேணுகாசுவாமியை கொலை செய்து உடலை மறைத்துள்ளார். போலீசார் விசாரணையில் தர்ஷன், பவித்ரா கவுடா மற்றும் 17 பேரை இந்த வழக்கில் கைது செய்துள்ளனர். இந்த வழக்கு தொடர்பான விசாரணை நடந்து வரும் நிலையில் பெங்களூரில் உள்ள பரப்பன அக்ரஹார மத்தியச் சிறைச்சாலையில் நடிகர் தர்ஷன் அடைக்கப்பட்டுள்ளார்.

இந்நிலையில் நடிகர் தர்ஷன் சிறை வளாகத்துக்குள் கையில் சிகரெட் மற்றும் காப்பி குவளையுடன் தனது மேலாளர் மற்றும் இரண்டு சிறை நண்பர்களுடன் சொகுசாக சேர் போட்டு அமர்ந்திருக்கும் புகைப்படம் வெளியாகி சர்ச்சையை ஏற்படுத்தியுள்ளது. இந்த புகைப்படம் தற்போது வைரலாகி வரும் நிலையில் கொலை வழக்கில் கைது செய்யப்பட்டவருக்கு சிறையில் இதுபோன்ற வசதிகளா? அதிகாரிகள் துணை இன்றி இது நடக்க சாத்தியமில்லை என்ற குற்றச்சாட்டு எழுந்துள்ளது.

இந்த புகைப்படத்தின் உண்மைத்தன்மை குறித்து விசாரணை நடத்தப்படும் என்று கர்நாடகா சிறைத்துறை டிஜிபி மாலினி கிருஷ்ணமூர்த்தி தெரிவித்திருந்த நிலையில், தற்போது நடிகர் தர்ஷன் சிறைக்குள் இருந்தபடி வீடியோ காலில் பெரும் காணொளி வெளியாகி மேலும் அதிர்ச்சியை ஏற்படுத்தியுள்ளது. 25 நொடிகள் கொண்ட அந்த வீடியோவில் திரைத் துணியால் மறைக்கப்பட்டு சிறை அறையில் மஞ்சள் டீ-சர்ட் அணிந்து அமர்ந்திருக்கும் தர்ஷன், நபர் ஒருவருடன் பேசும் காட்சிகள் பதிவாகியுள்ளது. 

பிரஜ்வல் ரேவண்ணா 

கர்நாடக மாநிலம் ஹாசன் பாராளுமன்ற தொகுதி முன்னாள் எம்.பி. பிரஜ்வல் ரேவண்ணா கடந்த மக்களவைத் தேர்தலில் பாஜக கூட்டணி வேட்பாளராகப் போட்டியிட்டார். ஆனால் இடையே பல்வேறு பெண்களுக்கு பிரஜ்வல் ரேவண்ணா பாலியல் துன்புறுத்தல் அளித்த 2,976 ஆபாச வீடியோக்கள் வெளியாகி நிலைமையை தலைகீழாக மாற்றியது. வீடியோ வெளியானதைத் தொடர்ந்து பிரஜ்வல் ரேவண்ணா மீது பாதிக்கப்பட்ட பெண்கள் கொடுத்த புகாரின் பேரில் 5 பாலியல் பலாத்கார வழக்குகள் பதிவு செய்யப்பட்டது.

இதற்கிடையே பிரஜ்வல் ரேவண்ணா வெளிநாட்டிற்குத் தப்பி சென்றார். இதையடுத்து அவரை பிடிக்க சிறப்புப் புலனாய்வு குழுவினர் தீவிரம் காட்டி வந்தனர். அதன் பேரில் பெங்களூரு விமான நிலையத்தில் வைத்து பிரஜ்வல் ரேவண்ணாவை சிறப்புப் புலனாய்வு குழுவினர் கடந்த 31-ந்தேதி கைது செய்தனர். இந்த விவகாரத்தால் பாஜக சார்பில் போட்டியிட்ட ரேவண்ணா ஹசன் தொகுதியில் படுதோல்வி அடைந்தார். அவர் மீது சிறப்புப் புலனாய்வு குழுவினர் விசாரணை ,மேற்கொண்டு வந்த நிலையில் நேற்று இந்த விவகாரம் தொடர்பாக பிரஜ்வல் மீதும் அவரது தந்தை எச்.டி ரேவண்ணா மீதும்  2,144 பக்கங்கள் அடங்கிய 4 குற்றப்பத்திரிகைகளை பெங்களூரில் உள்ள மக்கள் பிரதிநிதிகளுக்கான சிறப்பு நீதிமன்றத்தில் தாக்கல் செய்துள்ளனர். 150 பேரின் சாட்சிகளையும் , பாதிக்கப்பட்டவர்களின் வாக்குமூலங்களையும் பெற்று இந்த குற்றப்பத்திரிகையானது தயாரிக்கப்பட்டுள்ளது.

குற்றப்பத்திரிகை 

பெண்களை பாலியல் தொடர்ச்சியாக பாலியல் துன்புறுத்தலுக்கு உட்படுத்தி பலாத்காரம் செய்தது, அதை வீடியோ எடுத்து பெண்களை மிரட்டியது என பிரஜ்வல் ரேவண்ணாவின் செயல்கள் குறித்த அதிர்ச்சியூட்டும் உண்மைகளைச் சிறப்புப் புலனாய்வுக் குழு வெளிக்கொணர்ந்துள்ளது. அந்த குற்றப்பத்திரிகையில், பிரஜ்வல் ரேவண்ணா பல்வேறு பெண்களைப் பலாத்காரம் செய்து அதை வீடியோ எடுத்து அவர்களை மிரட்டி மீண்டும் தொடர்ந்து பாலியல் துன்புறுத்தல் செய்து வந்துள்ளார் என்று குறிப்பிடப்பட்டுள்ளது. 

இதை நிரூபிக்கும் விதமாக அதில் உயிரியல், உடல், அறிவியல், மொபைல், டிஜிட்டல் மற்றும் பிற தொடர்புடைய ஆதாரங்களையும் சிறப்புப் புலனாய்வுக் குழு நீதிமன்றத்தில் சமர்ப்பித்துள்ளது. குறிப்பாக ரேவண்ணாவின் மனைவி பவானி மூலம் விடுதி ஒன்றும் பணியில் சேர்ந்த பெண் பின்னர் ரேவண்ணாவின் வீட்டில் பணி செய்ய அழைக்கப்பட்டுள்ளார்.

பணியில் சேர்ந்த பெண்ணை 2019 முதல் 2022 வரையிலான காலகட்டத்தில் தொடர்ச்சியாக பலாத்காரம் செய்து வந்துள்ளார் பிரஜ்வல் ரேவண்ணா. 2020 இல் பெங்களூருவில் உள்ள வீட்டில் வைத்து அந்த பெண்ணை பாலியல் வன்கொடுமை செய்த பிரஜ்வல் ரேவண்ணா அதை வீடியோ எடுத்துள்ளார். அப்போது அந்த பெண், தான் இங்கு நடந்ததை வெளியே சொல்லப் போவதாகக் கூறியுள்ளார்.

அதற்கு பிரஜ்வல் ரேவண்ணா, இதை நீ வெளியே சொன்னால் உனது கணவனை சிறையில் தள்ளுவேன், உனக்கு என்ன செய்தேனோ அதையே உனது மகளுக்கும் செய்வேன். எந்த வழக்காக இருந்தாலும் அதை எப்படி மூட வேண்டும் என்று எனக்குத் தெரியும், நான் ஒரு எம்.பி [பாராளுமன்ற உறுப்பினர்] என்னை யாரும் எதுவும் செய்ய முடியாது என்று மிரட்டல் விடுத்துள்ளதாக அந்த குற்றப்பத்திரிகையில் குறிப்பிடப்பட்டுள்ளது. மேலும் அடுத்த சில தினங்களில் எஞ்சியுள்ள தகவல்களும் தாக்கல் செய்யப்படும் என்று சிறப்புப் புலனாய்வுக் குழு நீதிமன்றத்தில் தெரிவித்துள்ளது. 

கர்நாடக மாநில கிரிக்கெட் சங்கம் மகாராஜா டிராபி என்ற பெயரில் டி20 லீக் தொடரை நடத்தி வருகிறது. இந்த தொடரில் நேற்று நடைபெற்ற போட்டியில் ஹூப்ளி டைகர்ஸ்- பெங்களூரு பிளாஸ்டர்ஸ் அணிகள் மோதின.

முதலில் விளையாடிய ஹூப்ளி டைகர்ஸ் அணி 20 ஓவரில் 164 ரன்கள் எடுத்து ஆல்அவுட் ஆனது. ஒரு கட்டத்தில் அந்த அணி திணறியபோது மணிஷ் பாண்டே 33 ரன்களும், அனீஷ்வர் கவுதம் 30 ரன்களும் சேர்த்தனர். பெங்களூரு டைகர்ஸ் அணி சார்பில் லாவிஷ் கவுசல் சிறப்பாக பந்து வீசி 17 ரன்கள் மட்டும் விட்டுக்கொடுத்து ஐந்து விக்கெட்டுகள் சாய்த்தார்.

பின்னர் பெங்களூரு பிளாஸ்டர்ஸ் பேட்டிங் செய்தது. அந்த அணிக்கு சிறப்பான தொடக்கம் கிடைத்தது. மயங்க் அகர்வால் 34 பந்தில் 54 ரன்கள் விளாசினார். என்ற போதிலும் போட்டியை வெற்றிகரமாக முடிக்கவில்லை. பெங்களூரு பிளாஸ்டர்ஸ் அணியும் 164 ரன்னில் ஆல்அவுட் ஆனதால் போட்டி "டை"யில் முடிந்தது.

இதனால் சூப்பர் ஓவர் கடைபிடிக்கப்பட்டது. சூப்பர் ஓவரில் இரண்டு அணிகளும் தலா 10 ரன்கள் அடித்தன. இதனால் 2-வது முறை சூப்பர் ஓவரை கடைபிடிக்கப்பட்டது. 2-வது முறை இரு அணிகளும் தலா 8 ரன்கள் அடித்தன. இதனால் 3-வது முறை ஓவர் கடைபிடிக்கப்பட்டது.

இந்த முறை பெங்களூரு பிளாஸ்டர்ஸ் 12 ரன்கள் அடித்தது. ஆனால் ஹூப்ளி அணி இதை சேஸிங் செய்து வெற்றி பெற்றது. டி20 கிரிக்கெட்டில் இதுவரை மூன்று முறை சூப்பர் ஓவர் கடைபிடிக்கப்பட்டதா? எனத் தெரியவில்லை. இதனால் இநத் போட்டி வரலாற்றில் இடம் பெறும் ஒரு போட்டியாக அமைந்துள்ளது.

பெங்களூரு:

கர்நாடக மாநிலத்தின் பெங்களூரூவில் உள்கட்டமைப்பு வசதிகளை மேம்படுத்த சித்தராமையா தலைமையிலான காங்கிரஸ் அரசு முடிவுசெய்துள்ளது. இதற்காக பல்வேறு நடவடிக்கைகளை எடுத்துவருகிறது.

இந்நிலையில், சுற்றுலாப் பயணிகளை கவரும் விதமாக 250 மீட்டர் உயரத்திற்கு ஸ்கை டெக் எனப்படும் வானுயர கோபுரம் அமைக்க முடிவு செய்யப்பட்டுள்ளது. இதற்கான திட்டத்திற்கு கர்நாடகா அமைச்சரவை இன்று ஒப்புதல் அளித்துள்ளது.

தென் ஆசியாவின் முதல் உயரமான கட்டிடமாக இது அமைய உள்ளது. இந்தியாவின் தலைநகர் டெல்லியில் உள்ள குதுப்மினார் கட்டிடம் 73 மீட்டர் உயரம் கொண்டது. அதனைவிட பெங்களூருவில் அமையவிருக்கும் இந்த ஸ்கை டெக் 3 மடங்கு உயரமானதாகும்.

பெங்களூரு நகரின் மையப் பகுதியில் ஸ்கை டெக் அமைக்க முதலில் திட்டமிடப்பட்டிருந்தது. இதற்காக நகரின் மையப்பகுதியில் 25 ஏக்கர் நிலத்தை எடுப்பது சவாலானது. மேலும், பெங்களூரூவில் பாதுகாப்புத் துறைக்குச் சொந்தமான பகுதிகள் நிறைய உள்ளதால், இந்த உயரமான கோபுரத்தை அமைக்க அனுமதி கிடைப்பதில் சந்தேகம்.

அதுமட்டுமின்றி, பொதுமக்களின் பாதுகாப்பு, ராணுவ விமான நிலையம் உள்ளிட்டவை இந்த ஸ்கை டெக்கை அமைப்பதற்கு சாத்தியக் கூறுகள் அற்றவையாக ஆக்கியுள்ளன. எனவே பெங்களூரூ நகரத்திற்கு வெளியே இந்த 250 மீட்டர் உயரமுள்ள ஸ்கை டெக் அமைக்க முடிவு செய்யப்பட்டுள்ளது.

மேலும், ரூ.1,269 கோடி செலவில் பெங்களூருவில் ஹெப்பல்-சில்க் போர்டு ஜங்ஷன் வரையில் இரட்டைவழி சுரங்கப்பாதை அமைக்கவும் அமைச்சரவை அனுமதி அளித்துள்ளது.

பெங்களூருவில் உள்ள டிஜி ஹல்லி பகுதியைச் சேர்ந்தவர் 18 வயது வாலிபர் டீக்கடையில் வேலை பார்த்து வந்துள்ளார். டீக்கடைக்கு தேநீர் அருந்த வந்தபோது சில திருநங்கைகளுடன் அவருக்கு பழக்கம் ஏற்பட்டுள்ளது.

அப்போது ஐந்து திருநங்கைகள் அந்த நபரிடம், அதிக வருமானம் ஈட்டுவதற்கான வேலை தங்களிடம் இருப்பதாக ஆசைவார்த்தை கூறியுள்ளனர். அதற்கு அந்த வாலிபர் மறுப்பு தெரிவிக்க, திருநங்கைகள் வலுக்கட்டாயமாக கடத்திச் சென்றுள்ளனர்.

மேலும், தெருக்களில் பிச்சை எடுக்க வைத்துள்ளனர். கடந்த மாதம் 12-ந்தேதி இரவு திருநங்கைகள் அந் வாலிபர் வசிக்கும் இடத்திற்கு சென்று, ஒரு ஆண் பிச்சைக்காரராக நீ ஒரு நாளைக்கு 2 ஆயிரம் ரூபாய் சம்பாதித்துள்ளாய். பெண் பிச்சைக்காரராக இருந்தால் எவ்வளவு சம்பாதிக்க முடியும் என எண்ணிப்பார் என்று தெரிவித்துள்ளனர்.

வாலிபர் அதற்கு மறுப்பு தெரிவித்துள்ளார். உடனே வலுக்கட்டாயமாக ஐந்து திருநங்ககைள் அந்த வாலிபருக்கு சில ஊசிகளை செலுத்தியுள்ளனர். இதனால் அந்த நபர் மயக்கம் அடைந்துள்ளார். மயக்கம் தெளிந்த பின்னர் அவரது ஆணுறுப்பை கத்தியால் கட் செய்ததை கண்டு அதிர்ச்சி அடைந்துள்ளார். அவனை வீட்டில் பூட்டு வைத்துள்ளனர்.

ஆகஸ்ட் 3-ந்தேதி வீட்டிற்குள் அடைக்கப்பட்டிருந்த அந்த வாலிபரை பாலியல் தொழிலில் ஈடுபடுமாறு வற்புறுத்தியுள்ளனர். எப்படியோ அங்கிருந்து தப்பித்து வந்த போலீசார் புகார் அளித்துள்ளனர். அதன் அடிப்படையில் போலீசார் வழக்குப்பதிவு செய்து அந்த ஐந்து திருநங்கைகளையும் போலீசார் கைது செய்துள்ளனர்.

பெங்களூருவில் உள்ள எலக்ட்ரானிக் சிட்டி மேம்பாலத்தில் வேகமாக வந்த ஆம்புலன்ஸ்க்கு வழிவிடும் போது பக்கத்தில் இருந்த பைக் மீது கார் மோதிய வீடியோ இணையத்தில் வெளியாகி பெரும் அதிர்ச்சியை ஏற்படுத்தியுள்ளது.

காரை முந்துவதற்காக ஆம்புலன்ஸ் வேகமாக வந்தபோது இந்த விபத்து ஏற்பட்டுள்ளது. இந்த விபத்தில் பைக்கில் வந்தவர் காயமடைந்தார்.

இந்த விபத்து ஆம்புலன்ஸ்க்கு முன்னாள் வந்த காரின் பின்புற கேமராவில் பதிவாகியுள்ளது. இந்த வீடியோ தற்போது இணையத்தில் வைரலாகி வருகிறது.

முதல்-மந்திரி சித்தராமையா மீதான முடா நில முறைகேடு வழக்கில் விசாரணை நீதிமன்றம் எந்த நடவடிக்கையும் எடுக்கக்கூடாது. இந்த வழக்கு தொடர்பாக அடுத்த விசாரணை 29-ந்தேதி நடைபெறும். அதுவரை இந்த உத்தரவு தொடரும் என கர்நாடக மாநில உயர்நீதிமன்றம் தெரிவித்துள்ளது.

மைசூரு நகர்ப்புற மேம்பாட்டு ஆணையம் (முடா) சார்பில் கர்நாடக முதல்-மந்திரி சித்தராமையாவின் மனைவி பார்வதிக்கு 14 வீட்டுமனைகள் கடந்த 2011-ம் ஆண்டு பா.ஜனதா ஆட்சியில் ஒதுக்கப்பட்டன.

இதில் முறைகேடு நடந்துள்ளதாகவும், அதனால் முதல்-மந்திரி சித்தராமையா மீது வழக்கு தொடரவும் அனுமதி வழங்க வேண்டும் என்று கோரி கவர்னர் தாவர்சந்த் கெலாட்டிடம் சமூக ஆர்வலர்கள் டி.ஜே. ஆபிரகாம், சினேகமயி கிருஷ்ணா, பிரதீப்குமார் ஆகியோர் கடிதம் வழங்கினர்.

அதன் அடிப்படையில் சித்தராமையா மீது வழக்கு தொடர அனுமதி வழங்கி கவர்னர் கடந்த 17-ந்தேதி உத்தரவிட்டார்.

முன்னதாக மூடா நில முறைகேடு விவகாரத்தில் முதல்-மந்திரி சித்தராமையா மீது நடவடிக்கை எடுக்க கவர்னர் முறைப்படி அனுமதி வழங்காத நிலையில், டி.ஜே. ஆபிரகாம் மற்றும் சினேகமயி கிருஷ்ணா ஆகிய 2 பேரும், சித்தராமையா மீது வழக்குப்பதிவு செய்ய கோரி பெங்களூருவில் உள்ள மக்கள் பிரதிநிதிகள் சிறப்பு கோர்ட்டிலும் ஏற்கனவே மனு தாக்கல் செய்திருந்தனர்.

இதில், சினேகமயி கிருஷ்ணா தொடர்ந்த மனு மீதான தீர்ப்பு வருகிற இன்று கூறப்படும் என்று நீதிபதி அறிவித்தார். டி.ஜே. ஆபிரகாம் தாக்கல் செய்துள்ள மனு மீதான விசாரணை வருகிற 21-ந்தேதி (நாளை) நடைபெறும் என அறிவிக்கப்பட்டு இருந்தது.

இந்த நிலையில் வழக்கு தொடர அனுமதித்த கவர்னரின் இந்த உத்தரவை எதிர்த்து கர்நாடக ஐகோர்ட்டில் நேற்று முதல்-மந்திரி சித்தராமையா சார்பில் அவரது வக்கீல் ரவிவர்மா குமார் 'ரிட்' மனு தாக்கல் செய்தார்.

இந்த மனுவை அவசர வழக்காக கருதி உடனே விசாரணை நடத்த வேண்டும் என்று அவர் கோரினார். அப்போது நீதிபதி நாகபிரசன்னா, ஏன் இவ்வளவு அவசரம் காட்டுகிறீர்கள் என கேள்வி எழுப்பினார். அதற்கு வக்கீல் ரவிவர்மா குமார், மக்கள் பிரதிநிதிகள் கோர்ட்டில் சமூக ஆர்வலர் சித்தராமையாவுக்கு எதிராக தொடர்ந்த வழக்கில் வருகிற 20-ந்தேதி (நாளை) தீர்ப்பு வருகிறது.

எனவே இந்த வழக்கை அவசர வழக்காக விசாரிக்க வேண்டும் என்று வாதிட்டார். இதை நீதிபதி ஏற்றுக் கொண்டார்.

ஐகோர்ட்டில் நீதிபதி நாகபிரசன்னா முன்னிலையில் விசாரணை தொடங்கியது. அப்போது முதல்-மந்திரி சித்தராமையா சார்பில் மூத்த வக்கீல் அபிஷேக் மனு சிங்வியும், கவர்னர் சார்பில் மத்திய அரசின் சொலிசிட்டர் ஜெனரல் வக்கீல் துஷார் மேத்தாவும் ஆஜராகினர். முதலில் சித்தராமையா வக்கீல் அபிஷேக் மனு சிங்வி வாதிட்டார். அவர் தனது தரப்பு வாதத்தை விளக்கமாக எடுத்து வைத்தார். அவர் வாதிடுகையில் கூறியதாவது:-

கவர்னர் அரசியல் சாசனத்திற்கு விரோதமாக செயல்பட்டு முதல்-மந்திரி மீது வழக்கு தொடர அனுமதி வழங்கியுள்ளார். மந்திரிசபையின் முடிவையும் அவா் நிராகரித்துள்ளார். இது அரசியல் சாசனத்தின் 163-வது அட்டவணையை மீறுவது ஆகும். அரசியல் காரணங்களுக்காக மக்களால் தேர்ந்தெடுக்கப்பட்ட அரசை கவிழ்க்கும் உள்நோக்கத்தில் கவர்னர் முடிவு எடுத்துள்ளார். இதுபோன்ற வழக்குகளில் கவர்னர் மந்திரிசபையின் முடிவுக்கு கட்டுப்பட்டவர். ஆனால் அதற்கு பதிலாக வழக்கின் உண்மை தன்மையை ஆராயாமல் 2 பக்க விளக்கத்துடன் வழக்கு தொடர அனுமதி வழங்கியுள்ளார்.

கவர்னரிடம் பல்வேறு புகார்கள் நிலுவையில் உள்ளன. ஆனால் அவர் முதல்-மந்திரிக்கு எதிரான புகாரை மட்டுமே தேர்ந்தெடுத்து அனுமதி அளித்துள்ளார். முடா முறைகேட்டில் முதல்-மந்திரிக்கு எந்த தொடர்பும் இல்லை. ஏனெனில் இது முந்தைய பா.ஜனதா ஆட்சியில் நடைபெற்றது. இதை கருத்தில் கொள்ளாமல் வழக்கு தொடர அனுமதி அளிக்கப்பட்டுள்ளது. அதனால் கவர்னரின் உத்தரவை ரத்து செய்ய வேண்டும்.

தன்னை மந்திரிசபையின் முடிவு கட்டுப்படுத்தாது என்று கவர்னர் கூறியுள்ளார். மந்திரிசபையின் முடிவில் முதல்-மந்திரிக்கு தொடர்பு இல்லை. ஏனெனில் அவர் அந்த கூட்டத்தில் கலந்து கொள்ளவில்லை. புகார்களை தான் தன்னிச்சையாக ஆய்வு செய்ததாக கவர்னர் சொல்கிறார். பாதி உண்மை ஒரு பொய்யை விட அபாயகரமானது. மந்திரிசபையின் முடிவை மீறி அவர் முடிவு எடுத்திருந்தாலும், அதற்கு சரியான காரணம் இருக்க வேண்டும். அத்தகைய சரியான காரணத்தை கவர்னர் இதில் கூறவில்லை.

இவ்வாறு அவர் கூறினார்.

அதைத்தொடர்ந்து கவர்னர் சார்பில் ஆஜரான மூத்த வக்கீல் துஷார் மேத்தா வாதிடுகையில், "இந்த வழக்கில் முதல்-மந்திரியை பாதுகாக்கும் நோக்கத்தில் மந்திரிசபை முடிவு அமைந்துள்ளது. மந்திரிசபை முடிவின்படி கவர்னர் செயல்பட வேண்டும் என்றாலும், சில நேரங்களில் கவர்னர் தன்னிச்சையாக முடிவு எடுக்க அதிகாரம் உள்ளது.

அதன் அடிப்படையில் கவர்னர் முடிவு எடுத்து முதல்-மந்திரி மீது வழக்கு தொடர அனுமதி வழங்கியுள்ளார். அரசியல் சாசன அதிகாரத்தை கொண்ட கவர்னர் சட்டப்படி உத்தரவிட்டுள்ளார். அதனால் அவரது உத்தரவுக்கு தடை விதிக்க கூடாது. தேவைப்பட்டால் மனுதாரர், சிறப்பு கோர்ட்டை அணுகி விசாரணையை ஒத்திவைக்குமாறு கோரலாம்" என்றார்.

இருதரப்பு வாதங்களையும் கேட்ட நீதிபதி நாகபிரசன்னா, முதல்-மந்திரி மீதான ஊழல் வழக்கின் தீர்ப்பை வருகிற 29-ந் தேதி ஒத்திவைக்கும்படி பெங்களூரு மக்கள் பிரதிநிதிகள் சிறப்பு கோர்ட்டுக்கு உத்தரவிட்டார். மேலும் நீதிபதி கூறுகையில், "முடா வழக்கில் சிறப்பு கோர்ட்டு எந்த நடவடிக்கையும் எடுக்க கூடாது. ஏனெனில் ஐகோர்ட்டில் முதல்-மந்திரியின் மனு மீது விசாரணை நடக்கிறது. இதன் மீதான அடுத்த விசாரணை நடைபெறும் வரை சிறப்பு கோர்ட்டு தனது தீர்ப்பை ஒத்திவைக்க வேண்டும்" என்றார்.

இந்த ரிட் மனு மீதான அடுத்த விசாரணை வருகிற 29-ந்தேதிக்கு ஒத்திவைக்கப்பட்டு உள்ளது. ஐகோர்ட்டின் இந்த உத்தரவால் முதல்-மந்திரி சித்தராமையாவுக்கு ஏற்பட்டுள்ள நெருக்கடி தற்போதைக்கு விலகியுள்ளது. அவருக்கு தற்காலிக நிவாரணமாக 10 நாட்களுக்கு அவர் மீது நடவடிக்கை எடுக்க தடை ஏற்படுள்ளது குறிப்பிடத்தக்கது.

முடா முறைகேடு தொடர்பாக கர்நாடக மாநில முதல்வர் சித்தராமையா மீது வழக்குப்பதிவு செய்ய அம்மாநில ஆளுநர் தாவர்சந்த் கெலாட் அனுமதி அளிதுள்ளார். முடா முறைகேட்டில் தனக்கு எந்த தொடர்பும் கிடையாது என சித்தராமையா தொடர்ந்து கூறி வருகிறார். முதல்வர் பதவியை ராஜினாமா செய்யமாட்டேன் எனத் தெரிவித்துள்ளார்.

இந்த நிலையில் ஆளுநர் வழக்குப்பதிவை செய்ய வழங்கிய அனுமதியை ரத்து செய்ய உத்தரவிடக்கோரி உயர்நீதிமன்றத்தில் சித்தராமையா சார்பில் மனு தாக்கல் செய்யப்பட இருக்கிறது. இந்த மனுவை உடனடியாக விசாரிக்ககோரியும் கோரிக்கை வைக்கப்பட இருக்கிறது.

மைசூர் நகர்ப்புற மேம்பாட்டு ஆணையம் (MUDA) சித்தராமையா மனைவிக்கு வீட்டுமனைகள் ஒதுக்கியது. இந்த வீட்டுமனைகள் முறையற்ற முறையில் ஒதுக்கப்பட்டதாக கூறி, அதற்கு இழப்பீடாக மிகவும் அதிக மதிப்பிலான இடத்தில் 50:50 என்ற விகிதம் அடிப்படையில் வீட்டுமனை ஒதுக்கப்பட்டதது. இந்த விவகார்தில் 4 ஆயிரம் கோடி முதல் 5 ஆயிரம் கோடி வரை முறைகேடு நடைபெற்றுள்ளதாக பாஜக தலைவர்கள் குற்றம்சாட்டினர்.

இது தொடர்பாக சமூக ஆர்வலர் ஒருவர் புகார் அளித்துள்ளார். அதனடிப்படையில் உங்கள் மீது ஏன் வழக்குப்பதிவு செய்ய அனுமதி வழங்கக்கூடாது? இது தொடர்பாக விளக்கம் அளிக்க வேண்டும் என சித்தராமையாகவுக்கு ஆளுநர் தாவர்சந்த் கெலாட் கடிதம் எழுந்திருந்தார். இது தொடர்பாக அமைச்சரவை கூடி ஆலோசனை நடத்தியது.

அப்போது ஆளுநர் தனது கடிதத்தை திரும்பப்பெற வேண்டும் என அதில் முடிவு செய்யப்பட்டது. அதனைத் தொடர்ந்துதான் ஆளுநர் வழக்குப்பதிவு செய்ய அனுமதி அளித்துள்ளார்.