நியூயார்க்:
அமெரிக்காவின் நியூயார்க் நகரில் முதலீட்டாளர்கள் கருத்தரங்கம் நடைபெற்றது. இதில் கூகுள் நிறுவனத்தின் தலைமை நிர்வாக அதிகாரி சுந்தர் பிச்சை கலந்து கொண்டு பேசினார். கூகுளின் இலவச வை-பை வழங்கும் திட்டம் பற்றி பேசிய அவர் “இந்தியாவில் உள்ள ரெயில் நிலையங்களில் இலவச வை-பை வசதியை ரெயில்டெல் உடன் இணைந்து கூகுள் வழங்கி வருகிறது.
இந்தியாவில் 23 ரெயில் நிலையங்களில் அதிவேக இலவச வை-பை சேவை செயல்படுத்தப்பட்டு வருகிறது. 23 ரெயில் நிலையங்கள் மூலம் ஒவ்வொரு மாதமும் 20 லட்சம் மக்கள், இலவச வை-பை வசதியை பயன்படுத்தி வருவகின்றனர். இணையத்தை மொபைல் போன் நெட்வொர்க் மூலம் பயன்படுத்துவதை விட ரெயில் நிலையங்களில் 15 சதவீதம் அதிகமாக பயன்படுத்துகிறார்கள். இந்த ஆண்டின் இறுதிக்குள் 100 ரெயில் நிலையங்களில் சேவையை விரிவுபடுத்த திட்டமிட்டப்பட்டுள்ளது.” என்று தெரிவித்தார்.
கூகுளின் இலவச வை-பை திட்டம் சென்னை சென்ட்ரல் ரெயில் நிலையத்தில் செயல்பட்டு வருவது குறிப்பிடத்தக்கது.
