நீங்கள் தேடியது "மினி லாரி மோதல்"

பேரையூர்:

மதுரை, பைக்காராவைச் சேர்ந்தவர் ராமசாமி. இவரது மகன் சரவணக்குமார் (வயது 38). இவர் கப்பலூர் சிப்கோவில் உள்ள தனியார் தொழிற்சாலையில் மெக்கானிக்காக பணியாற்றி வந்தார்.

தினமும் சரவணக்குமார் மோட்டார் சைக்கிளில் வேலைக்கு சென்று வருவது வழக்கம். நேற்று காலை வழக்கம்போல் சரவணக்குமார் வேலைக்கு புறப்பட்டார்.

கப்பலூர் 4 வழிச்சாலையை கடக்க முயன்றபோது மதுரையில் இருந்து வந்த மினிலாரி எதிர்பாராத விதமாக மோட்டார் சைக்கிள் மீது மோதியது. இதில் தூக்கி வீசப்பட்ட சரவணக்குமார் ரத்த வெள்ளத்தில் சம்பவ இடத்திலேயே பரிதாபமாக இறந்தார்.

இது குறித்து தகவல் அறிந்த திருமங்கலம் நகர் போலீசார் சம்பவ இடத்திற்கு வந்து சரவணக்குமாரின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். விபத்து குறித்து வழக்குப்பதிவு செய்த போலீசார் தோப்பூரைச் சேர்ந்த கோடீஸ்வரன் (33) என்பவரை கைது செய்தனர்.