நீங்கள் தேடியது "உடல்நலப்பிரச்சனை"

ஒவ்வொருவருக்கும் சில சுய சுகாதாரங்கள் அவசியம். அவரவர் அறியாமலேயே சில சுகாதாரமற்ற பழக்கங்கள் அவர்களிடம் இருக்கும். அவற்றில் சில கீழே கூறப்பட்டுள்ளது. அவற்றினை நாம் சரி செய்து கொள்ளலாமே.

* முகத்தில் சிறு பரு வந்தாலும் பலருக்கு ஒரு பழக்கம். அதனை பிய்த்து பிய்த்து கிருமி தாக்குதல், மறையா வடு இவற்றினை ஏற்படுத்தி விடுவர்.

* வலி இருந்தால் அதன் மீது ஐஸ் வையுங்கள். சரும மருத்துவர் உதவி பெறுங்கள். முகத்தினை வலிய கெடுத்துக் கொள்ளாமல் இருப்பது சுகாதாரமே. மேலும் பருக்களின் மீது நகம் படுவதும் ஆபத்தானதே.

* இம்மாதிரி முகத்தில் பருக்கள், கட்டிகள் வருவதற்கு சில காரணங்களில் ஒன்று அவர்களது கை குட்டைகள், துண்டுகள்தான் இவை சுகாதாரமற்று, துவைக்காமல் அழுக்காக இருப்பதுதான். பல நாட்கள் அதே கைக்குட்டை, துண்டினை உபயோகிப்பது நோயினை ஓடி சென்று வரவழைப்பதாகும். வியர்வை, அழுக்கு போன்றவை துண்டு, கை குட்டைகளில் படிவதால் இதனை அன்றாடம் முறையாய் சுத்தம் செய்வது அவசியம்.

இதே போன்று படுக்கை விரிப்பு, தலையணை உரைகளை மாதக் கணக்கில் துவைக்காமல் இருந்தால் அநேக கிருமிகளின் நிரந்தர உறைவிடமே மனித உடல்தான் என்றாகி விடும். படுக்கை விரிப்புகளை அடிக்கடி துவைப்பதே சிறந்தது.

* சிலர் காதினை சுத்தம் செய்கின்றேன் என்கிற பெயரில் பல கூரிய ஆயுதங்களை உபயோகிப்பது வழக்கம். இதனால் ஏற்படும் பாதிப்பில் யாரும் அக்கறை கொள்வதில்லை. காதில் நிரந்தர பாதிப்புகள் ஏற்படலாம்.

ஆகவே முதலில் இப்பழக்கத்தினை கை விடுங்கள். பஞ்சு கொண்ட குச்சியாக இருந்தாலும் அதனை தொண்டை வரை உள் விட்டு உள்காதை தேய் தேய் என தேய்த்து சுத்தம் செய்ய வேண்டாம். உள் காதில் புண், பாதிப்பு என பல பிரச்சினைகளை ஏற்படுத்தி விடும். மேலும் காதில் உள் உள்ள கீகிஙீ மேலும் உள் தள்ளப்படலாம். பஞ்சு உள்ளே சிக்கிக் கொள்ளலாம். உள் அழுக்கினை நீக்க மருத்துவர் மருந்தினை சிபாரிசு செய்வார். அதனையே பயன்படுத்தவும்.

* அன்றாடம் பள்ளிக்கு, அலவலகத்திற்கு தண்ணீர் கொண்டு செல்வது பலரின் வழக்கம். இது நல்லதே. ஆனால் அதனை சுத்தமே செய்யாமல் தொடர்ந்து அந்த பாட்டிலிலேயே தண்ணீர் கொண்டு செல்வது பல வைரஸ் கிருமிகளை கொண்டு வந்து சேர்க்கும். தண்ணீர் பாட்டிலை சுத்தமாக சோப்பு கொண்டு கழுவுவது மிக முக்கியம்.

* இருமல், சளி இருக்கும்போது அடுத்தவர் முகத்துக்கு நேரே இருமவோ, தும்மவோ செய்வது தவறு. எளிதாக அனைவருக்கும் நோயினை தானம் செய்து விடுகின்றீர்கள். கை குட்டை, டிஷ்யூ இவற்றினை பயன்படுத்துங்கள். இது நமது கடமையாகும்.



* அதிக நேரம் ஷவரில், சுடுநீரில் நின்று கொண்டே இருக்காதீர்கள். உடலிலுள்ள இயற்கை எண்ணை பசையினை நீக்கி சருமத்தினை வறண்டு விடச் செய்யும். தோல் வயதானவர் போல் தோற்றமளிக்கும்.

* சாப்பிட்டவுடன் பற்களை நன்கு சுத்தம் செய்யுங்கள். இது ஆரோக்கியம் மற்றும் நாகரீகமும் கூட. வைட்டமின் பி12 பற்றாக்குறை உள்ளதைக் கூறும் அறிகுறிகள். பொதுவில் சாதாரண மறதி. வெளிர்ந்த தோல் இவைகளை பி12 குறைபாடு என எளிதில் கூறி விடுவர்.

வைட்டமின் பி- பிரிவில் 8 வகை உள்ளன. அவை அனைத்தும் உடலுக்கு உணவிலிருந்து சக்தி கிடைக்க உதவுபவை. ஞிழிகி, ஆரோக்கிய நரம்பு, ரத்த செல்கள் இவற்றுக்கு பி12 மிகவும் அவசியமானது. ரத்த சோகையினைத் தவிர்க்கின்றது. இதன் குறைபாடு காட்டும் சில அறிகுறிகளைப் பார்ப்போம்.

* கை, பாதம் இவை மரத்து போவது, ஒருவித குறுகுறுப்பு உணர்வு இருப்பது, சிறு சிறு ஊசி குத்தல்கள் போல் உணர்வது போன்ற அறிகுறிகள் இருக்கும்.

* அடிக்கடி சோர்ந்து போவது, பலவீனமாக உணர்வது
* வெளிரிய சருமம்
* சைவ உணவு மட்டுமே உட்கொள்பவர்கள்
* நீரிழிவு நோய் பாதிப்பு உள்ளவர்கள்
* நெஞ்செரிச்சல் மருந்து அடிக்கடி எடுத்துக் கொள்பவர்கள்
* அதிக மன உளைச்சல்
* அதிக மறதி
* வயது 50-க்கும் மேல்

மருத்துவர் ரத்த பரிசோதனை மூலம் குறைபாட்டினை உறுதி செய்து அதற்கான சத்து மாத்திரைகளைத் தருவார். சுயமாக தானே எந்த மருந்து, சத்து மாத்திரையினையும் எடுத்துக் கொள்ளக் கூடாது என்பதனை நினைவில் கொள்க.

மேலும் காரணமின்றி முடி கொட்டுதல், இளநரை, வாயு புண் இவைகள் ஏற்படும் பொழுதும் வைட்டமின் பி12 பற்றி மருத்துவ ஆலோசனைப் பெற வேண்டும்.
வயது கூடும்பொழுது நமது உடலில் மாற்றங்கள் ஏற்படுகின்றன. இளம் வயதில் இருந்த ஒரு வேகம் இருப்பதில்லை. பல உணவுகள் வயது கூடும்பொழுது ஒத்துக் கொள்வதில்லை. சிலரது வாழ்க்கை, உணவு முறை மாறுதல்களின் மூலம் வயது கூடும்பொழுது ஏற்படும் மாறுதல்களை குறைத்துக் கொள்ள முடியும்.

* வயது கூடும்பொழுது பலருக்கு சர்க்கரை நோய் பிரிவு 2 தாக்குதல் எளிதில் ஏற்படுகின்றது. அனைவரும் அன்றாடம்? கப் அளவு பீன்ஸ், மொச்சை, பருப்பு வகைகள் இவைகளை சேர்த்து வந்தால் கெட்ட கொழுப்பு குறைவதுடன் சர்க்கரை அளவும் கட்டுப்பாட்டில் இருக்க உதவுகின்றது.



* வயது கூடும்பொழுது இருதயநோய் பாதிப்புகள் எளிதில் ஏற்படுகின்றது. ஒருவேளையாவது ஓட்ஸ் எடுத்துக் கொள்வது மிகவும் சிறந்தது. இதில் உள்ள நார்ச்சத்து கொழுப்பு குறைய பெரிதும் உதவுகின்றது.

* அந்த காலம் முதல் சிபாரிசு செய்யப்படும் ஆப்பிள் எந்த காலத்திலும் சிறந்த உணவு பொருளாகவே இருக்கும். இதிலுள்ள நார்சத்து கொலஸ்டிராலினை குறைக்கும். மேலும் வைட்டமின் சி, பொட்டாசியம் என பல சத்துக்கள் இருப்பதால் நோய் எதிர்ப்பு சக்தி இதற்கு அதிகம்.

* பாதம், பிஸ்தா, ஆக்ரூட், முந்திரிகொட்டை வகைகள். இந்த கொட்டைகள் கலவை ஒரு அவுன்ஸ் அன்றாடம் எடுத்துக் கொள்வது மாரடைப்பு, பக்கவாதம் இவற்றினை 28 சதவீதம் வரை குறைக்கின்றது என ஆய்வுகள் கூறுகின்றன.

சிறிதளவு வேர்கடலை கூட சிறந்ததுதான். எதையும் வறுத்து, பொரித்து, உப்பு போட்டு சாப்பிடுவது என்பது தீங்கே. ஆகவே சுவையினை இங்கு தவிர்த்து கைப்பிடி கலவை கொட்டைகளை அன்றாடம் எடுத்துக் கொள்ளுங்கள்.

* மூளைக்கும் சக்தி வேண்டாமா? இங்குதான் கீரை வகைகளை முக்கியமாக குறிப்பிட வேண்டும். அடிக்கடி கீரை உணவினை சேர்த்து வருபவர்களுக்கு மூளையின் செயல்பாட்டுத் திறன் சிறந்து விளங்குவதாக கூறப்படுகின்றது. இருப்பினும் ஏதேனும் உடல்நல பாதிப்பு இருந்தால் உணவு முறை, கீரைகளை உணவில் சேர்த்தல் இவைகளைப் பற்றி மருத்துவரின் ஆலோசனைப் பெற்று அதனை கடைபிடிக்க வேண்டும்.

* உங்கள் உடல் தசைகள் வலுவோடு இருக்க வேண்டுமா? உடலுக்கு தேவையான புரதம் கிடைக்க வேண்டும். பல பொருட்களை புரதம் கிடைக்க வேண்டி நாம் எடுத்துக் கொள்கிறோம். அதிக கொழுப்பு இல்லாத தயிர் ஒரு கப் அளவு அன்றாட உணவில் சேர்த்துக் கொள்வது மிகவும் நல்லது. மேலும் இதில் உள்ள கால்சியம் நம் எலும்புகளின் ஆரோக்கியத்தினை காக்கும்.

கேரட்: இது உடலின் ஒவ்வொரு உறுப்பிற்கும் நலத்தினை அளிக்கக் கூடியது. கண்கள், வாய், சருமம், இருதயம் என சொல்லிக் கொண்டே போகலாம். கேரட் ரத்தக் கொதிப்பினைக் குறைக்கும். கெட்ட கொழுப்பினை குறைக்கும். நோய் எதிர்ப்பு சக்தியினை கூட்டும். ஜீரண சக்திக்கு உதவும். இருதய நோய் பாதிப்புகளை குறைக்கும். புற்றுநோய் பாதிப்பினை வெகுவாக குறைக்கும்.

இதில் உள்ள நார்சத்து, வைட்டமின்கள் ஏ, பி8, சி, ஈ., கே. மற்றும் தாது உப்புக்கள் இரும்பு, பொட்டாசியம், காப்பர், மக்னீஸ், பீட்டா கேரோட்டின் மற்றும் பல பிரிவான நோய் எதிர்ப்பு சக்தி இவை கேரட்டினை மிக முக்கியமான உணவாக்கி விடுகின்றது.

பீட்ரூட்: கேரட் போன்ற மற்றொரு உணவு பீட்ரூட் புற்று நோயை தவிர்க்க, மறதி நீக்க, உயர் ரத்த அழுத்தம் குறைய என பீட்ரூட்டின் நன்மைகள் ஏராளம்.

* அடர்ந்த சாக்லேட்டில் 70 சதவீதம் கோகோ இருப்பதால் தினமும் ஒரு துண்டு அடர்ந்த சாக்லேட் எடுத்துக் கொள்ளலாம்.

மேற்கூறியவைகளை ஆரோக்கிய வாழ்வின் ஒரு பகுதி என்பதனை அறிந்து பின்பற்றுவோம்.

உணவுப் பழக்கத்தையும், வாழ்வியல் முறையையும் அலட்சியப்படுத்துவதால் ஏற்படும் பிரச்சனை அல்சர். வேலைக்குச் செல்லும் ஆண்கள் மற்றும் பெண்கள் பலர், காலை உணவைச் சாப்பிடத் தவறுவதால், பலரும் வயிற்றுப் புண் பிரச்சனையால் அவதிப்படுகின்றனர்.

அல்சர் என்றால்...

அல்சர் என்றால் வயிற்றில் உருவாகும் புண்கள். உணவுக்குழாய், இரைப்பை மற்றும் சிறுகுடலின் முன்பகுதியிலிருக்கும் உட்சுவரில் உருவாகும் புண்களைக் குடல் புண் அல்லது வயிற்றுப்புண் என்கிறோம்.

* இரைப்பையில் ஏற்படுகின்ற புண்களை கேஸ்ட்ரிக் அல்சர் எனச் சொல்லலாம்.
* உணவுப்பாதையில் ஏற்படுகின்ற புண்களை ஈசோபேகல் அல்சர் என வகைப்படுத்தப்படுகிறது.
* சிறுகுடலின் முன்பகுதியில் உள்ள புண்களை டியோடனல் அல்சர் எனச் சொல்லலாம்.

காரணங்கள் என்னென்ன?

பாக்டீரியா தொற்று (Helicobacter pylori)
மன உளைச்சல்
அதீத கவலை
தவறான உணவுப் பழக்கம்
சில வகை மருந்துகளை உட்கொள்வது
அதிகமாகக் காபி குடிப்பது
மசாலா, கார உணவுகளை அதிகமாக சாப்பிடுவது  போன்ற பல்வேறு காரணங்களால் அல்சர் ஏற்படுகிறது.

தவிர்க்க வேண்டிய உணவுகள் :

* காபியில் உள்ள கெஃபைன், வயிற்றின் அமிலத் தன்மையை அதிகரிப்பதால், வயிற்றுப் புண்ணால் அவதிப்படுபவர்கள் காபியைக் கட்டாயமாகத் தவிர்க்க வேண்டும். கடுமையான வயிற்று வலி ஏற்படுவதோடு, நோயின் தீவிரத்தையும் அதிகமாக்கிவிடும். கெஃபைன் அதிகமாக இருக்கும் டீ, சாக்லேட், ஐஸ்கிரீம் போன்றவற்றைத் தவிர்க்க வேண்டும்.


* பால் குடித்தால் வயிற்றுப் புண் குணமாகும், எரிச்சல் ஏற்படாது என்று சிலர் கூறுவார்கள். இது தவறாகும். பால் வயிற்றிலுள்ள அமிலத்தன்மையை அதிகரிக்கச் செய்கிறது. அது மட்டுமல்லாமல் பாலில் உள்ள அதிகப்படியான கொழுப்பு மற்றும் புரதம், நோய் குணமடைவதைத் தாமதப்படுத்துகிறது.

* சோடா மற்றும் குளிர்பானங்களுக்கு முற்றிலுமாகத் தடைப்போடுங்கள். அதில் உள்ள சிட்ரிக் அமிலம் வயிற்றின் அமிலத்தன்மையை அதிகரிக்கச் செய்கிறது. இதனுடன் செரிமானக் கோளாறுகளையும் உண்டாக்குகிறது. குறிப்பாக, மதுப்பழக்கம் உள்ளவர்கள், குடிப்பதை நிறுத்த வேண்டும். இந்தப் பழக்கம் நோயைத் தீவிரமாக்கும். அதுமட்டுமல்ல வயிறு மற்றும் சிறுகுடலில் கடுமையான எரிச்சல் ஏற்பட்டு, வீக்கம்கூட உண்டாகலாம்.

* ரெட் மீட்டை உணவில் சேர்த்துக்கொள்ளாதீர்கள். இதில் அதிக அளவில் புரதம் மற்றும் கொழுப்பு நிறைந்துள்ளதால், உணவு செரிமானமாக நீண்ட நேரம் எடுக்கும். அதனுடன் நோயின் வீரியத்தையும் அதிகப்படுத்தும்.

சாப்பிட வேண்டிய உணவுகள்:

* நார்ச்சத்து நிறைந்த காய்கறிகள், பழங்களைச் சாப்பிடுவதால் செரிமான மண்டலம் சீராகச் செயல்படும். உணவுகளும் எளிதாகச் செரிமானமாகும். நாள் ஒன்றுக்கு 2 கப் அளவுக்கு நார்ச்சத்து நிறைந்த உணவுகளைச் சாப்பிடுவதால் வயிற்றுப்புண் வராமல் பாதுகாக்கலாம்.

* தயிரில் உள்ள நன்மை தரும் பாக்டீரியாக்கள், கெட்ட பாக்டீரியாக்களின் வளர்ச்சியைத் தடுத்து, நோயைக் குணப்படுத்த உதவுகிறது. தயிரை வாரத்துக்கு மூன்று முறை சாப்பிட்டுவர, சிறந்த பலன்களைப் பெறலாம்.

* முட்டைக்கோஸில் உள்ள குளூட்டமைன் (Glutamine), வயிற்றுப்புண்களை எதிர்க்கும் தன்மையுடையவை. இதனால் வயிற்றுப்புண்கள் வராமல் தடுக்கலாம்.

* ஃபிரெஷ் திராட்சைப் பழங்களை ஜூஸாக செய்து, வாரத்துக்கு மூன்று முறை அருந்தலாம்.

* கல்யாண பூசணிக்காயின் சதைப்பகுதியை எடுத்து, அதனுடன் ஏலக்காய் ஒன்று, தேவையான பனங்கற்கண்டு சேர்த்து வெறும் வயிற்றில் 48 நாட்கள் குடித்து வர, நோய் குணமாகும் வாய்ப்புகள் அதிகம்.

* அவ்வப்போது புதினா ஜூஸ், புதினா துவையல், புதினா சாதம் என ஏதாவது ஒரு வகையில், புதினாவைச் சேர்த்துக்கொள்வது நல்லது.

* வாரத்துக்கு மூன்று நாட்கள், ஒரு டம்ளர் அளவுக்கு வெறும் வயிற்றில் தேங்காய்ப்பால் குடித்து வரலாம். ஒரு பெரிய ஸ்லைஸ் தேங்காயை நன்றாக மென்று விழுங்குவது நல்லது.

* மணத்தக்காளி கீரை சூப், மணத்தக்காளி கீரை, மணத்தக்காளி கூட்டு என ஏதாவது ஒருவகையில் கீரையைச் சேர்த்துக்கொள்வது நல்லது.

* பாசிப் பருப்பு சேர்த்து கீரைக் கூட்டு செய்து, ஒரு கப் அளவுக்கு தினமும் சாப்பிட்டு வரலாம்.

* முள்ளங்கி, புடலைங்காய், பூசணிக்காய், தர்பூசணி, வெள்ளரிக்காய், நுங்கு, இளநீர் ஆகிய நீர்ச்சத்து நிறைந்த உணவுகளைச் சாப்பிடுவது நல்லது.

எந்த ஒரு பழக்கத்திற்கும் ஒருவர் தன்னை அடிமைப்படுத்திக் கொள்ள கூடாது. சிலருக்கு காப்பி குடிக்காவிட்டால் தலையே உடைந்து விடும். சிலர் எந்நேரமும் கையில் செல்போனோ அல்லது ஏதாவது ஒன்றினை வைத்து விளையாடிக் கொண்டே இருப்பார்கள். யாரிடமும் பேச மாட்டார்கள். இவை ஆரோக்கியமற்ற பழக்கங்களாகவும் காலப் போக்கில் மனநலம், உடல் நலம் இவற்றினை பாதிக்கும் எனவும் ஆய்வுகள் கூறுகின்றன. சிலருக்கு தாம் இவ்வாறு சில பழக்கங்களில் அடிமைப்பட்டுள்ளோம் என்று கூட தெரியாது. நீங்களே உங்களை பரிசோதித்துக் கொள்ளவும்.

சிலர் விடாமல் எந்நேரமும் செல்போனை குடைந்து கொண்டே இருப்பார்கள். கண் சோர்ந்து தானே மூடும் வரை இந்த வேலையைச் செய்வார்கள். இப்பழக்கம் உடையவர்கள், இது மிகவும் ஆபத்தானது என்பதனை உணர்ந்து தானே முயற்சி செய்து வெளிவர வேண்டும். சிறிது நேரம் நல்ல புத்தகம் படியுங்கள். வெளியில் சென்று விளையாடுங்கள். செல்போனை அவசியத்திற்கு மட்டுமே பயன்படுத்துங்கள். மணிக்கணக்கில் போனில் பேசுவதும் உடலுக்கு அநேகத்தீமைகளை அளிக்கும்.


இதன் விளைவுகள் இவர்களை மிகவும் சோம்பேறிகளாகவும், உடல் நலம் அற்றவர்களாகவும் முன்பின் தெரியாதவர்களை செல்போன் மூலம் நண்பர் என்ற பெயரில் பழகி வாழ்க்கையைத் தொலைத்தவர்களாகவும் ஆக்கி விடுகிறது. என்பது சமீபத்திய ஆய்வின் கூற்று. எனவே இன்றே உங்களை சரி செய்து கொள்ளுங்கள்.

முதல் நாள் இரவு சரியான தூக்கம் இல்லையா? படுக்கையில் புரண்டு படுத்து, பழைய வாழ்க்கை சம்பவங்களை யோசித்து வருந்தி பின்பு வெகு நேரம் சென்று தூங்குவர். சமீபத்திய ஆய்வுகள் இத்தகையோர் மறுநாள் அதிக இனிப்புகளை சாப்பிடுவதாகக் கூறுகின்றது. மேலும் இவர்களுக்கு உடல் வீக்கம் ஏற்படுகின்றது. காலப் போக்கில் இவர்களுக்கு எடை கூடுதல், சர்க்கரை நோய் பாதிப்பு ஆகியவை ஏற்படுகின்றன.

அமைதியான, ஆழ்ந்த துக்கம் உடல் ஆரோக்கியத்திற்கு மிக அவசியமான ஒன்று. இரவு படுக்கப்போகும் முன் ஈ மெயில் பார்ப்பது, டி.வி. பார்ப்பது போன்றவை உடலில் ஸ்ட்ரெஸ் பாதிப்பினை ஏற்படுத்துகின்றது. இதற்கு பதிலாக நல்ல புத்தகத்தினை சிறிது நேரம் படித்தால் அமைதியான தூக்கம் ஏற்படும் என்கின்றனர் ஆய்வாளர்கள். அதுவும் மெழுகுவர்த்தி ஒளி சிறந்தது என்கின்றனர். இவற்றினை கடை பிடிப்போமே.

உடல் ரத்தத்தில் மஞ்சள் பித்தம்(பிலிரூபின்) அதிகரிப்பதே மஞ்சள் காமாலை ஆகும். மஞ்சள் காமாலை என்று சொன்னால் மக்களிடையே ஒரு வித பயம் அல்லது பீதி ஏற்பட்டு விடுகிறது. முதலில் இதனை பற்றி மக்களிடையே ஒரு விழிப்புணர்வு வரவேண்டும். மஞ்சள் காமாலை எப்படி உருவாகிறது என்பதை புரிந்து கொண்டால் இதற்கான தீர்வு என்ன என்பதை தெரிந்து கொள்ளலாம்.

மஞ்சள் பித்தம் என்பது சிவப்பு அணுக்கள் இறக்கும் போது அவற்றில் இருந்து வெளிவருகிறது. இது இயற்கையாகவே நமது ரத்தத்தில் ஒரு சிறு அளவு இருக்கும். இது அதிகமாகாமல் பார்த்து கொள்வது கல்லீரலின் வேலை ஆகும். அளவுக்குமேல் போகும் பித்தத்தை ரத்தத்தில் இருந்து எடுத்துக்கொண்டு, அதை பித்த நீராக மாற்றி பித்த நாளங்களில் சுரந்து பிறகு அது பித்தப்பையில் தேக்கி வைக்கப்படுகிறது. பின்னர் மலத்தின் வழியாக உடலை விட்டு வெளியேறி விடுகிறது.

சிவப்பு அணுக்களில் இருந்து ஆரம்பித்து கல்லீரலினால் பித்த நீராக உருவாகி பித்தப்பையில் தங்கியிருந்து பித்தநாளம் மூலமாக குடலுக்கு வந்து பின்னர் வெளியேறும் பாதைகளில் ஏதாவது ஒரு இடத்தில் கோளாறு ஏற்பட்டால் வருவதே இந்த மஞ்சள் காமாலை நோய். இதனை அடிப்படையாக கொண்டே மஞ்சள் காமாலை மூன்று வகையாக பிரிக்கப்படுகிறது. முதல்வகை சிவப்பு அணுக்கள் சம்பந்தப்பட்ட நோய்கள்.

இதில் அளவுக்கு அதிகமாக சிவப்பு அணுக்கள் இறந்து அவற்றில் இருந்து அதிகமாக மஞ்சள் பித்தம் வருவது. 2-வது கல்லீரல் சம்பந்தப்பட்ட நோய்கள். இதில் கல்லீரல் அதன் வேலையை செய்யாமல் இருப்பதனால் ரத்தத்தில் மஞ்சள் பித்தம் தங்கி விடுகிறது. 3-வது அடப்பு காமாலை என்பது அதாவது பித்தநீர் பாதையில் ஏதாவது அடைப்பு ஏற்பட்டு அது கல்லீரலில் இருந்து குடலுக்கு வரமுடியாமல் தடைபட்டு வருகிறது.

இந்த 3 வகை வருவதற்கு தனித்தனியே நிறைய காரணங்கள் உள்ளது. எனவே மஞ்சள் காமாலை வந்தவுடன் முதலில் நாம் செய்யவேண்டியது என்னவென்றால் மூன்றில் எந்தவகை மஞ்சள் காமாலை என்று தெரிந்து கொள்ளவேண்டும். பின்னர் அதற்கான காரணத்தையும் தெரிந்து கொள்ளவேண்டும். ஏனென்றால் ஒவ்வொன்றுக்கும் வேறு வேறு சிகிச்சை முறைகள் உள்ளன.

இதில் மக்கள் தெரிந்து கொள்ள வேண்டிய முக்கிய விஷயம என்னவென்றால், கல்லீரலினால் வருகிற ஒரு சில காரத்திற்கு தான் நாட்டு மருந்து உதவி செய்யும். சிவப்பு அணுக்கள் சம்பந்தப்பட்ட காமாலை, அடப்பு காமாலை மற்றும் ஒரு சில கல்லீரல் நோய்களினால் வரும் காமாலைக்கு வேறுவிதமான மாத்திரை மருந்துகள் அல்லது அறுவை சிகிச்சை மூலமாக அடைப்பை நீக்குதல் போன்ற சிகிச்சைகளும் தேவைப்படும்.

நோய்நாடி நோய் முதல் நாடி அது தணிக்கும் நோய்நாடி வாய்ப்பசெயல் என்ற வள்ளுவன் வாக்குக்கிணங்க மஞ்சள் காமாலையின் வகையை கண்டுபிடித்து அதன் காரணத்தை கண்டுபிடித்து அதற்கான சரியான சிகிச்சை முறையை தேர்ந்தெடுத்து டாக்டர்கள் சிகிச்சை அளித்தால், இந்த மஞ்சள் காமாலை குணமடைய நிறைய வாய்ப்புள்ளது. மேற்கண்ட தகவலை கடலூர் குடல் கல்லீரல் மருத்துவம் மற்றும் குடல் உள்நோக்கு மைய டாக்டர் வினோத் கூறி உள்ளார்.

டாக்டர் வினோத்

உங்கள் உடலுறுப்பில் மிகவும் முக்கியமான பாகம் சிறுநீரகம். ஏனெனில் இது தான் உங்கள் உடலில் உள்ள கழிவுகளை வெளியேற்ற உழைக்கின்றது. உங்களுக்கு உடல்நிலை சரியாக இல்லை அல்லது உங்கள் உடலில் ஏதேனும் மாற்றம் ஏற்பட்டு வருகிறது என்பதை உங்கள் இயற்கை உபாதையை வைத்தே கண்டுப்பிடித்துவிடலாம்.

பொதுவாக உங்கள் சிறுநீரில் ஏற்படும் மாற்றத்தை வைத்து எளிதாக உங்கள் உடல்நல மாற்றத்தை கண்டறிந்துவிடலாம். உடல்நிலை சரியில்லை எனும் போது முதலில் சிறுநீர் பரிசோதனை செய்வதற்கு காரணமும் இதுதான். நாட்டு வைத்தியம் செய்பவர்கள் கூட சிறுநீரின் நிறத்தை வைத்தே என்ன பாதிப்பாக இருக்ககூடும் என்பதை கணித்துவிடுவார்கள்.

எனவே, நீங்கள் சிறுநீர் கழிக்கும் போது அண்ணாந்து விட்டத்தை பார்ப்பதை தவிர்த்து சிறுநீரின் நிறம் சரியாக தான் இருக்கிறதா என்பதை பார்க்க வேண்டியது அவசியம்…

உங்கள் சிறுநீர் மந்தமாக வெளிப்படுகிறது என்றால் அது உங்களுக்கு பாக்டீரியா தொற்று ஏற்பட்டிருக்கிறது என்பதற்கான முன்னறிவுப்பு ஆகும். வெள்ளை இரத்த அணுக்கள் பாக்டீரியாக்களுடன் சண்டையிட்டு கொண்டிருந்தால் தான் இந்த மாதிரி சிறுநீர் வெளிப்படும்.



சிறுநீர் கழிக்கும் போதும் சிவப்பு நிறமாகவோ அல்லது இரத்தம் கசிவது போலவோ இருந்தால் உங்கள் சிறுநீரகத்தில் கட்டிகள் இருக்கின்றன என்று அர்த்தம். உடனடியாக பரிசோதனை செய்துக்கொள்வது நல்லது.

சிறுநீர் கழிக்கும் போது நுரை போன்று வெளிபடுதல், நீரிழிவு அல்லது சிறுநீரக கோளாறுகள் ஏற்படுவதற்கான அறிகுறி ஆகும். இது ஏற்படுவதற்கு காரணம் சிறுநீரகம் சரியாக புரதச்சத்திணை வடிகட்டாது செயல்படுவதுதான் என கூறப்படுகிறது.

கல்லீரலில் பாதிப்பு ஏற்பட்டிருக்கிறது என்பதன் முன்னறிவிப்பு தான் சிறுநீர் பழுப்பு நிறமாக வெளிப்படுவது என்று கூறப்படுகிறது. மற்றும் பித்தச்செம்பசையின் (bilirubin) காரணமாக கூட ஒருவகையில் காரணமாக இருக்கலாம்.

இவ்வாறான நிற மாற்றங்கள் சிறுநீரில் காணப்பட்டால் உடனடியாக மருத்துவிரிடம் பரிசோதனை செய்துக்கொள்ளுங்கள்.