ஸ்ரீவில்லிபுத்தூர்:
ஸ்ரீவில்லிபுத்தூர் மடவார்வளாகம் தன்யா நகர் குடியிருப்போர் நலச் சங்கத்தின் சார்பில் ஸ்ரீவில்லிபுத்தூர் சட்டமன்ற உறுப்பினர் சந்திரபிரபா முத்தையா மற்றும் நகராட்சி ஆணையாளர் மாணிக்க அரசி ஆகியோருக்கு அடிப்படை வசதிகள் செய்து கொடுத்ததற்காக பாராட்டு விழா நடைபெற்றது. சாந்தி செந்தில் வரவேற்றார்.
விழாவிற்கு தலைவர் ராதாகிருஷ்ணராஜா தலைமை தாங்கினார். ஹரிகோவிந்த பரசுராம், முன்னிலை வகித்தார். நிர்வாகிகள் நமச்சிவாயம், பாலகிருஷ்ணன் ஆகியோர் பாராட்டி பேசிய பின்பு கூடுதல் அடிப்படை தேவைகளை செய்து தருமாறு வலியுறுத்தினர்.
நகராட்சி ஆணையாளர் மாணிக்க அரசி பேசும்போது, தன்யா நகர் மற்றும் உள்பகுதிகளான லட்சுமி நகர் உட்பட அனைத்து பகுதிகளிலும் அடிப்படை வசதிகள் ஏற்படுத்த நடவடிக்கை எடுக்கப்படும்.
அதற்குள் அனைத்து வீட்டு மனைகளையும் முறைப்படுத்த மக்கள் ஒத்துழைக்க வேண்டும். அதற்குரிய விண்ணப்பங்களில் விண்ணப்பிக்க வேண்டும். பிளாஸ்டிக் பொருட்களை உபயோகத்தை தடுக்க வேண்டும் என கோரிக்கை விடுத்தார்.
சட்டமன்ற உறுப்பினர் சந்திரபிரபா முத்தையா பேசும்போது, தன்யா நகர் முழுவதும் அடிப்படை வசதிகள் செய்துதர நடவடிக்கை எடுக்கப்படும்.
குடிநீர், தெருவிளக்கு, சாலை வசதி, வாறுகால் வசதிகள் செய்து தரப்பட்ட பகுதிகள் போக மற்ற பகுதிகளிலும் விரைவில் அனைத்து அடிப்படை வசதிகள் செய்து தர நடவடிக்கை எடுக்கப்படும். ஆணையாளர் கேட்டுக் கொண்டது போல் பிளாஸ்டிக் உபயோகத்தை தவிர்க்க வேண்டும்.
அரசு எடுக்கும் முயற்சிகளுக்கு முழு ஒத்துழைப்பு கொடுத்து பிளாஸ்டிக் இல்லாத தமிழகத்தை உருவாக்க வேண்டும் என கேட்டுக் கொண்டார்.
முன்னதாக புதிதாக போடப்பட்ட சின்டெக்ஸ் டேங்க், பேவர் பிளாக் சாலை ஆகியவற்றை சட்டமன்ற உறுப்பினர் சந்திரபிரபிரபா முத்தையா திறந்து வைத்தார்.
முடிவில் தன்யா நகர் குடியிருப்போர் நலச்சங்கத்தின் முன்னாள் தலைவர் ஐசக் மதுரம் நன்றி கூறினார். #tamilnews
