நீங்கள் தேடியது "TVS Motors"

இந்தியாவில் யுபிஐ மூலம் டிஜிட்டல் பண பரிவர்த்தனைகள் ஒவ்வொரு நாளும் பலமடங்கு அதிகரித்து வருகிறது. இளம் தலைமுறையினர் பரவலாக இந்த முறையில் பரிவர்த்தனை செய்து வரும் நிலையில், முதியவர்கள் தொடர்ந்து ரொக்கம் மற்றும் சில்லறை காயின்களை பயன்படுத்துவதை வழக்கமாக கொண்டுள்ளனர்.

இந்த நிலையில், நபர் ஒருவர் தான் விரும்பிய ஸ்கூட்டரை வாங்க ரூ. 50 ஆயிரம் தொகையை முழுக்க ரூ. 10 காயின்களாக கொடுத்து இருக்கிறார். ருத்ராபூரை சேர்ந்த நபர் முற்றிலும் புதிய டிவிஎஸ் ஜூப்பிட்டர் ஸ்கூட்டரை வாங்க ரூ. 50 ஆயிரம் தொகையை 5 ஆயிரம் ரூ. 10 காயின்களாக கொடுத்து பணம் செலுத்தி இருக்கிறார். இந்த சம்பவம் அடங்கிய வீடியோ சமூக வலைதளங்களில் வைரல் ஆகி வருகிறது.

பெரிய தொகையை காயின்களாக கொடுக்கும் முறை ஏற்கனவே சிலர் மேற்கொண்டுள்ளனர். முன்னதாக காயின்களை மூட்டை மற்றும் பெட்டிகளில் எடுத்து வந்து செலுத்திய சம்பவங்கள் நடைபெற்றுள்ளன. காயின் மூலம் பணம் செலுத்துவது சட்டப்பூர்வமான ஒன்று தான் என்ற போதிலும், காயின்களை முழுமையாக எண்ணி முடிக்க அதிக நேரம் ஆகும். இதன் காரணமாக அதிகபட்சம் ரூ. 2 லட்சம் வரை காயின்களாக செலுத்த டீலர்கள் வரையறை வைத்துள்ளனர்.

இந்தியாவில் டிவிஎஸ் ஜூப்பிட்டர் ஸ்கூட்டரின் விலை ரூ. 69 ஆயிரத்து 900 என துவங்குகிறது. இதன் டாப் எண்ட் மாடல் விலை ரூ. 85 ஆயிரத்து 246 என நிர்ணயம் செய்யப்பட்டு உள்ளது. இந்த சம்பவத்தில் அந்த நபர் ஜூப்பிட்டர் ஸ்கூட்டரின் எந்த வேரியண்டை தேர்வு செய்தார் என்ற தகவல் மர்மமாகவே உள்ளது.

டிவிஎஸ் மோட்டார் கம்பெனி நிறுவனம் இந்திய சந்தையில் புதிய அபாச்சி RTR 160 4V ஸ்பெஷல் எடிஷன் மோட்டார்சைக்கிளை அறிமுகம் செய்து இருக்கிறது. புதிய அபாச்சி RTR 160 4V ஸ்பெஷல் எடிஷன் விலை ரூ. 1 லட்சத்து 30 ஆயிரம், எக்ஸ்-ஷோரூம் என துவங்குகிறது. வழக்கமான RTR 160 4V மாடலை விட ஸ்பெஷல் எடிஷனில் குறிப்பிடத்தக்க மாற்றங்கள் செய்யப்பட்டு புது நிறத்தில் கிடைக்கிறது.

முந்தைய ஸ்பெஷல் எடிஷன் அபாச்சி RTR 160 4V மாடல் மேட் பிளாக் நிறத்தில் வழங்கப்பட்டு இருந்தது. தற்போது இதே நிறம் புதிய 2023 மாடலிலும் மேற்கொள்ளப்பட்டு இருக்கிறது. இத்துடன் பியல் வைட் ஷேட் கொடுக்கப்பட்டுள்ளது. புதிய பெயிண்ட் ஃபினிஷ் பை-டோன் அலாய் வீல்கள் - முன்புறம் பிளாக், பின்புறத்தில் ரெட் நிறம் வழங்கப்பட்டு இருக்கிறது. சீட் தொடர்ந்து டூயல் டோன் ஃபினிஷ் கொண்டிருக்கிறது.

புதிய ஸ்பெஷல் எடிஷன் மாடலில் ட்வீக் செய்யப்பட்ட எக்சாஸ்ட், புதிய புல்-பப் மஃப்ளர் வழங்கப்பட்டு இருக்கிறது. இது ஸ்டாண்டர்டு மாடலில் இருப்பதை விட 1 கிலோ வரை எடை குறைவு ஆகும். இந்த மாடலில் அட்ஜஸ்ட் செய்யக்கூடிய கிளட்ச் மற்றும் பிரேக் லீவர்கள் வழங்கப்பட்டுள்ளன.

இவற்றுடன் ஸ்டாண்டர்டு மாடலில் வழங்கப்பட்டு இருக்கும் மூன்று வித ரைடு மோட்கள், smartXonnect ப்ளூடூத் கனெக்டிவிட்டி, எல்இடி ஹெட்லேம்ப், டிஆர்எல் மற்றும் கியர் ஷிஃப்ட் இண்டிகேட்டர் உள்ளிட்டவை வழங்கப்பட்டு இருக்கிறது. என்ஜினை பொருத்தவரை புது மாடலிலும் 159.7சிசி, ஆயில் கூல்டு, ஃபியூவல் இன்ஜெக்ட் செய்யப்பட்ட, சிங்கில் சிலிண்டர் என்ஜின் வழங்கப்பட்டு இருக்கிறது.

இந்த என்ஜின் 17.3 ஹெச்பி பவர், 14.73 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது. 

டிவிஎஸ் மோட்டார்ஸ் நிறுவனம் தனது மேம்பட்ட ஐகியூப் எலெக்ட்ரிக் ஸ்கூட்டர் விற்பனையில் 50 ஆயிரம் யூனிட்களை கடந்துள்ளது. இது டிவிஎஸ் நிறுவனத்தின் ஒற்றை எலெக்ட்ரிக் ஸ்கூட்டர் ஆகும். அறிமுகம் செய்யப்பட்டதில் இருந்தே பலரும் விரும்பும் எலெக்ட்ரிக் ஸ்கூட்டராக ஐகியூப் இருந்து வருகிறது.

எலெக்ட்ரிக் ஸ்கூட்டரை அறிமுகம் செய்யும் போது டிவிஎஸ் நிறுவனம் அதன் விற்பனைக்கு அதிக முக்கியத்துவம் கொடுக்கவில்லை. எனினும், நாடு முழுக்க தனது விற்பனை மையங்கள் மூலம் விற்பனையை அதிகப்படுத்தும் பணிகளில் ஈடுபட்டு வருகிறது.

தற்போது டிவிஎஸ் ஐகியூப் மாடல்- ஐகியூப், ஐகியூப் S மற்றும் ஐகியூப் ST என மூன்று வித வேரியண்ட்களில் கிடைக்கிறது. இதன் முதல் இரு வேரியண்ட்களில் ஒரே மாதிரியான அம்சங்கள் வழங்கப்பட்டுள்ளன. ஐகியூப் ST டாப் எண்ட் மாடலில் பெரிய பேட்டரி பேக் உள்ளது. இது 140 கிலோமீட்டர் ரேன்ஜ் வழங்குகிறது.

டிவிஎஸ் ஐகியூப் ST மாடலில் டச் ஸ்கிரீன் இன்ஸ்ட்ரூமெண்ட் கிளஸ்டர், TPMS மற்றும் வாய்ஸ் அசிஸ்ட் போன்ற அம்சங்கள் உள்ளது. அடுத்த சில மாதங்ளில் டிவிஎஸ் நிறுவனம் தனது ஐகியூப் விற்பனையை அதிகப்படுத்தும் என எதிர்பார்க்கலாம்.

டிவிஎஸ் மோட்டார் கம்பெனி நிறுவனம் விரைவில் முற்றிலும் புதிய ஃபிளாக்ஷிப் மோட்டார்சைக்கிளை இம்மாத இறுதியில் இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. புதிய மோட்டார்சைக்கிள் அபாச்சி RTR 310 பெயரில் அறிமுகமாகும் என்றும் இது பிஎம்டபிள்யூ மோட்டராட் நிறுவனத்தின் G310 R மாடலை தழுவி உருவாக்கப்படுகிறது என கூறப்படுகிறது.

இந்திய சந்தையில் புதிய டிவிஎஸ் அபாச்சி RTR 310 விலை ரூ. 2 லட்சத்து 50 ஆயிரம், எக்ஸ்-ஷோரூம் என நிர்ணயம் செய்யப்படும் என தெரிகிறது. புதிய RTR 310 மாடலில் அபாச்சி RR 310 பைக்கில் உள்ளதை போன்ற அம்சங்கள் வழங்கப்படலாம் என கூறப்படுகிறது. கடந்த சில மாதங்களுக்கு முன் அபாச்சி RR 310 மாடலை சார்ந்து உருவாக்கப்பட்ட G310 RR பைக்கை பிஎம்டபிள்யூ அறிமுகம் செய்தது.

ஜெர்மனியை சேர்ந்த பிஎம்பிள்யூ நிறுவனத்திற்கு அதிக விற்பனையை ஈட்டித் தரும் மாடலாக RR-310 சார்ந்த பிஎம்பிள்யூ G310 RR உள்ளது. இந்தியா மட்டுமின்றி சர்வதேச சந்தைக்கும் இந்த மோட்டார்சைக்கிள் ஓசூரில் உள்ள டிவிஎஸ் உற்பத்தி ஆலையில் உற்பத்தி செய்யப்படுகிறது.

புதிய டிவிஎஸ் அபாச்சி RTR 310 மாடலின் விலை RR 310-ஐ விட ரூ. 15 ஆயிரத்தில் இருந்து ரூ. 20 ஆயிரம் வரை குறைவாகவே நிர்ணயம் செய்யப்படும் என தெரிகிறது. டிவிஎஸ் அபாச்சி RTR 310 மாடலில் கிடைமட்டமாக பொருத்தப்பட்ட TFT இன்ஸ்ட்ரூமெண்ட் கிளஸ்டர், பல்வேறு ரைடிங் மோட்கள் வழங்கப்படுகிறது. செயல்திறனை பொருத்தவரை 312சிசி சிங்கில் சிலிண்டர் லிக்விட் கூல்டு ஃபியூவல் இன்ஜெக்ட் செய்யப்பட்ட யூனிட் வழங்கப்படுகிறது.

இந்த என்ஜின் 34 பிஎஸ் பவர், 27 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு டிரான்ஸ்மிஷன், ஸ்லிப்பர் மற்றும் அசிஸ்ட் கிளட்ச், அட்ஜஸ்ட் செய்யக்கூடிய கிளட்ச் மற்றும் பிரேக் லீவர்கள், அப்சைடு டவுன் ஃபோர்க்குகள், பிரீ-லோட் அட்ஜஸ்ட் செய்யக்கூடிய மோனோஷாக் சஸ்பென்ஷன், டூயல் சேனல் ஏபிஎஸ் உள்ளிட்டவை ஸ்டாண்டர்டு அம்சங்களாக வழங்கப்படலாம்.

Photo Courtesy: GaadiWaadi

டிவிஎஸ் மோட்டார் கம்பெனி நிறுவழனம் சர்வதேச சந்தையில் வளர்ந்து வரும் இருசக்கர மற்றும் மூன்று சக்கர வாகனங்கள் உற்பத்தியாளராக உள்ளது. டிவிஎஸ் நிறுவனத்தின் அபாச்சி சீரிஸ் தொடர்ந்து நல்ல வரவேற்பை பெற்று வருகிறது. அறிமுகம் செய்யப்பட்டதில் இருந்து டிவிஎஸ் நிறுவனம் அபாச்சி சீரிஸ் விற்பனையில் தற்போது 50 லட்சம் யூனிட்களை கடந்துள்ளது.

புதிய மைல்கல் எட்டியதை அடுத்து சர்வதேச சந்தையில் வேகமாக வளர்ந்து வரும் பிரீமியம் மோட்டார்சைக்கிள் பிராண்டுகளில் ஒன்றாக டிவிஎஸ் உள்ளது. டிவிஎஸ் அபாச்சி சீரிஸ்-இன் டிராக்-டு-ரோட் திட்டத்தின் கீழ் தலைசிறந்த செயல்திறன், அம்சங்கள் மற்றும் தொழில்நுட்பம் வழங்கப்பட்டு வருகிறது. 2005 ஆம் ஆண்டு அறிமுகம் செய்யப்பட்ட டிவிஎஸ் அபாச்சி சீரிஸ் சர்வதேச விற்பனையில் 50 லட்சம் யூனிட்களை கடந்துள்ளது.

அசத்தலான டிசைன், மேம்பட்ட அம்சங்களை கொண்டிருப்பதற்கு அறியப்படும் அபாச்சி சீரிஸ் தொடர்ந்து வளர்ச்சியை பதிவு செய்து வருகிறது. சமீபத்திய மைல்கல்லை அடுத்து டிவிஎஸ் நிருவனம் முன்னணி வாகன உற்பத்தியாளர் என்பதை நிரூபித்துள்ளது. விற்பனையில் 40 லட்சம் யூனிட்கள் எனும் மைல்கல்லை அடைய டிவிஎஸ் நிறுவனம் 15 ஆண்டுகளை எடுத்துக் கொண்டிருந்தது. கடைசி பத்து லட்சம் யூனிட்கள் 28 மாதங்களில் விற்பனையாகி உள்ளன.

புதுமைகளை வழங்குவது மற்றும் சிறந்த வாடிக்கையாளர் சேவையை வழங்கியதன் காரணமாக டிவிஎஸ் அபாச்சி சீரிஸ் இத்தகைய வரவேற்பை பெற்று வருகிறது. தொடர்ந்து புதுமைகளை வழங்கும் பட்சத்தில் டிவிஎஸ் அபாச்சி சீரிஸ் மேலும் அதிக மைல்கல்களை எட்டும் என எதிர்பார்க்கலாம்.

இந்திய சந்தையில் டிவிஎஸ் நிறுவனம் நேக்கட் மற்றும் சூப்பர் ஸ்போர்ட் என இருவித மோட்டார்சைக்கிள் மாடல்களை விற்பனை செய்து வருகிறது. நேக்கட் மாடல்கள் பிரிவில் - அபாச்சி RTR 160, அபாச்சி RTR 150 4V, அபாச்சி RTR 180 மற்றும் அபாச்சி RTR 200 4V போன்ற மாடல்கள் விற்பனை செய்யப்பட்டு வருகின்றன.

இந்த மாடல்கள் அதிக செயல்திறன், அசத்தலான அம்சங்கள், தொழில்நுட்பம் கொண்டுள்ளன. மேலும் இவை 160 சிசி-யில் துவங்கி அதிகபட்சம் 200சிசி வரையிலான பிரிவுகளில் கிடைக்கின்றன. சூப்பர் ஸ்போர்ட் பிரிவில் டிவிஎஸ் அபாச்சி RR 310 மாடல் இடம்பெற்று இருக்கிறது. 

ஹோண்டா இந்தியா நிறுவனம் தனது முதல் எலெக்ட்ரிக் ஸ்கூட்டர் பற்றிய திட்டங்களை மார்ச் 29 ஆம் தேதி அறிவிக்க இருக்கிறது. இதே வரிசையில் டிவிஎஸ் நிறுவனமும் தனது புதிய எலெக்ட்ரிக் வாகனத்தை அறிமுகம் செய்யும் பணிகளில் ஈடுபட்டு வருகிறது. இந்தியாவில் எலெக்ட்ரிக் இருசக்கர பிரிவு தொடர்ந்து வளர்ச்சியடைந்து வருகிறது.

ஏத்தர் எனர்ஜி மற்றும் ஒலா எலெக்ட்ரிக் நிறுவனங்கள் தொடர்ந்து விற்பனையில் நல்ல வரவேற்பை பெற்று வருகின்றன. இதுதவிர மேலும் பல்வேறு நிறுவனங்கள் புதிதாக எலெக்ட்ரிக் வாகனங்களை அறிமுகம் செய்து வருகின்றன. அடுத்த சில ஆண்டுகளில் மேலும் பல்வேறு முன்னணி நிறுவனங்களும் எலெக்ட்ரிக் வாகன துறையில் களமிறங்கும் பணிகளை மேற்கொண்டு வருகின்றன.

டிவிஎஸ் மோட்டார் கம்பெனி நிறுவனம் இந்திய சந்தையில் ஐகியூப் எலெக்ட்ரிக் ஸ்கூட்டரை விற்பனை செய்து வருகிறது. இதுதவிர டிவிஎஸ் நிறுவனம் அடுத்த சில ஆண்டுகளில் மேலும் புதிய எலெக்ட்ரிக் வாகனங்களை அறிமுகம் செய்ய திட்டமிட்டுள்ளது. புதிய டிவிஎஸ் எலெக்ட்ரிக் ஸ்கூட்டர்கள் 5 கிலோவாட் முதல் 25 கிலோவாட் வரையிலான திறன் கொண்டிருக்கும் என தெரிகிறது.

இதுதவிர டிவிஎஸ் நிறுவனத்தின் எதிர்கால எலெக்ட்ரிக் வாகனங்கள் முற்றிலும் புதிய பவர்டிரெயின் கொண்டிருக்கும் என காப்புரிமை விண்ணப்பங்களில் தெரியவந்து இருக்கிறது.

ஹோண்டா நிறுவனம் தனது முதல் எலெக்ட்ரிக் ஸ்கூட்டர் விவரங்களை மார்ச் 29 ஆம் தேதி அறிவிக்க இருக்கிறது. புதிய காப்புரிமையில் எலெக்ட்ரிக் மோட்டார், சார்ஜர் மற்றும் பேட்டரி பேக் கண்ட்ரோலர் என பல்வேறு பாகங்களின் விவரங்கள் இடம்பெற்றுள்ளன.

காப்புரிமை வரைபடங்களின் படி இது இ-ஸ்கூட்டராக இருக்கும் என தெரிகிறது. மேலும் இதில் பேட்டரி பேக் புளோர்போர்டின் கீழ் பொருத்தப்பட்டு இருக்கும் என தெரிகிறது. இதன் பின்புறம் ஹப் மோட்டார் பொருத்தப்பட்டு இருக்கிறது. ஹோண்டா நிறுவனம் கழற்றக்கூடிய பேட்டரி பேக் பயன்படுத்துவது பற்றிய பணிகளில் ஈடுபட்டு வருவதாக கூறப்படுகிறது.

முன்னதாக வெளியான தகவல்களின் படி ஹோண்டா நிறுவனம் தற்போது விற்பனை செய்து வரும் ஆக்டிவா 6ஜி மாடலை எலெக்ட்ரிக் வடிவில் அறிமுகம் செய்யும் என கூறப்பட்டது.

டிவிஎஸ் மோட்டார் கம்பெனி நிறுவனத்தின் ஐகியூப் எலெக்ட்ரிக் ஸ்கூட்டர் தொடர்ந்து இரண்டு மாதங்களாக 15 ஆயிரத்திற்கும் அதிக யூனிட்கள் விற்பனையாகி உள்ளது. 2023 பிப்ரவரி மாத வாக்கில் 15 ஆயிரத்து 522 யூனிட்களும், மார்ச் மாதத்தில் 15 ஆயிரத்து 364 யூனிட்களும் விற்பனையாகி இருக்கின்றன. இதன் மூலம் ஐகியூப் மாடல் ஒட்டுமொத்தமாக இந்திய சந்தையில் ஒரு லட்சம் யூனிட்கள் எனும் மைல்கல்லை எட்டியுள்ளது.

இந்திய சந்தையில் இதுவரை மொத்தத்தில் ஒரு லட்சத்து 08 ஆயிரத்து 550 ஐகியூப் யூனிட்களை டிவிஎஸ் நிறுவனம் விற்பனை செய்துள்ளது. 2020 ஜனவரி மாத வாக்கில் அறிமுகம் செய்யப்பட்ட டிவிஎஸ் ஐகியூப் மாடலின் விற்பனையில் 89 சதவீதம் மார்ச் 2023 இறுதியிலேயே நடைபெற்று இருக்கிறது. முன்னதாக 2023 நிதியாண்டிலேயே ஒரு லட்சம் யூனிட்கள் எனும் மைல்கல்லை எட்ட டிவிஎஸ் இலக்கு நிர்ணயம் செய்து இருந்தது. எனினும், 3 ஆயிரத்து 346 யூனிட்கள் இடைவெளியில் இது தவறிவிட்டது.

கடந்த 12 மாதங்களாக டிவிஎஸ் ஐகியூப் மாடலுக்கான தட்டுப்பாடு தொடர்ந்து அதிகரித்துக் கொண்டே வருகிறது. ஏப்ரல் முதல் ஜூன் 2022 வரை 8 ஆயிரத்து 724 யூனிட்கள் விற்பனையான நிலையில், ஜூலை முதல் செப்டம்பர் 2022 வரை 15 ஆயிரத்து 645 யூனிட்களாக அதிகரித்து இருக்கிறது. பின் அக்டோபர் முதல் டிசம்பர் 2022-க்குள் 43 ஆயிரத்து 055 யூனிட்களாக உயர்ந்தது.

ஐகியூப் மாடலின் விற்பனை எலெக்ட்ரிக் இருசக்கர வாகனங்கள் பட்டியலில் எதிரொலித்தது. 2023 நிதியாண்டில் மட்டும் ஐகியூப் மாடலை 80 ஆயிரத்து 565 பேர் வாங்கியுள்ளனர். இதன் மூலம் டிவிஎஸ் நிறுவனம் டாப் 20 உற்பத்தியாளர்கள் பட்டியலில் ஆறாவது இடத்தை பிடித்துள்ளது.

மூன்று வேரியண்ட்களில் கிடைக்கும் டிவிஎஸ் ஐகியூப் மாடலின் விலை ரூ. 98 ஆயிரத்து 564 என துவங்குகிறது. இதன் டாப் எண்ட் மாடல் விலை ரூ. 1 லட்சத்து 08 ஆயிரத்து 690 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

சமீபத்தில் டிவிஎஸ் மோட்டார் நிறுவனம் 140 கிலோமீட்டர் ரேஞ்ச் வழங்கும் டாப் எண்ட் ஐகியூப் ST வேரியண்டை அறிமுகம் செய்தது. எனினும், இதன் விலை விவரங்கள் இதுவரை வெளியிடப்படவில்லை.

டிவிஎஸ் நிறுவனம் அபாச்சி RR 310 ஃபிளாக்ஷிப் மோட்டார்சைக்கிளின் புதிய வேரியண்டை அறிமுகம் செய்தது. புதிய வேரியண்ட் அபாச்சி RR 310 மியாமி புளூ என அழைக்கப்படுகிறது. இந்த வேரியண்ட் முதற்கட்டமாக கொலம்பியாவில் அறிமுகம் செய்யப்பட்டுள்ளது.

அபாச்சி RR 310 மியாமி புளூ நிற வேரியண்டில் புளூ, பிளாக் மற்றும் ரெட் என மூன்று நிறங்கள் பயன்படுத்தப்பட்டு இருக்கிறது. இந்த நிறத்தில் அபாச்சி RR 310 மாடல் அதிக ஸ்போர்ட் மற்றும் கவர்ச்சிகர தோற்றம் கொண்டிருக்கிறது. இந்த மாடலின் வீல்கள், ஃபிரேம், முகப்பு மற்றும் டெயில் பகுதியில் ரெட் அக்சென்ட்கள் செய்யப்பட்டு உள்ளது.

புதிய அபாச்சி RR 310 மாடலில் 312சிசி, நான்கு வால்வுகள் கொண்ட சிலின்டர் சிங்கில் சிலின்டர் லிக்விட் கூல்டு என்ஜின் வழங்கப்படுகிறது. இந்த என்ஜின் 34 ஹெச்பி பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாடலில் அர்பன், ரெயின், ஸ்போர்ட் மற்றும் டிராக் என நான்கு ரைடு மோட்களை கொண்டிருக்கிறது.

இவைதவிர புதிய அபாச்சி மாடலில் ஸ்மார்ட் எக்சோனெக்ட் ப்ளூடூத் கனெக்டிவிட்டி, மல்டி ஃபன்ஷன் ஸ்விட்ச்கியர், மிஷலின் ரோடு 5 ரக டயர்கள் வழங்கப்பட்டு உள்ளன. இந்த மாடல் இந்திய சந்தையில் அறிமுகம் செய்யப்படுமா என்பது குறித்து இதுவரை எவ்வித தகவலும் இல்லை.

Photo Courtesy: rpmotos

டிவிஎஸ் மோட்டார் நிறுவனத்தின் அதிகம் எதிர்பார்க்கப்படும் அபாச்சி RTR 310 மோட்டார்சைக்கிள் புகைப்படம் இணையத்தில் லீக் ஆகி இருக்கிறது. இவை மோட்டார்சைக்கிள் விளம்பர படப்பிடிப்பின் போது எடுக்கப்பட்டு இருக்கும் என்று தெரிகிறது.

புகைப்படங்களில் புதிய அபாச்சி RTR 310 மாடல் முற்றிலும் புதிய டிசைன் கொண்டிருக்கும் என்று தெரியவந்துள்ளது. ஏற்கனவே வெளியான தகவல்களில் இந்த மாடல், பிஎம்டபிள்யூ G 310 R மாடலில் உள்ளதை போன்ற சேசிஸ் கொண்டிருக்கும் என்று கூறப்பட்டது. எனினும், தற்போதைய ஸ்பை படங்களில் புதிய மாடலின் சேசிஸ் மாற்றப்பட்டு இருக்கும் என்று தெரியவந்துள்ளது.

இந்த மாடலின் ஃபிரேம் காணப்படாத நிலையில், இதன் சப் ஃபிரேம் முற்றிலும் புதிதாக இருக்கிறது. இதன் முன்புற ஃபோர்க் டியூப்கள் பிஎம்டபிள்யூ G310R மாடலில் இருப்பதை விட சற்று மெல்லியதாக காட்சியளிக்கின்றன. மற்ற பாகங்களான வீல்கள், பிரேக் டிஸ்க், சீட், எல்இடி லைட் உள்ளிட்டவை முற்றிலும் புதிதாக உள்ளன.

புதிய அபாச்சி RTR 310 மாடலிலும் 310சிசி சிங்கில் சிலின்டர், லிக்விட் கூல்டு என்ஜின் வழங்கப்படுகிறது. இந்த என்ஜின் 34 ஹெச்பி பவர், 28 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மாடலில் பவர் மோட்கள், டிஜிட்டல் இன்ஸ்ட்ரூமென்டேஷன் மற்றும் ஸ்மார்ட்போன் கனெக்டிவிட்டி வழங்கப்படும் என்று தெரிகிறது.

அடுத்த சில மாதங்களுக்குள் டிவிஎஸ் அபாச்சி RTR 310 மாடல் சந்தையில் அறிமுகம் செய்யப்படும் என்று தெரிகிறது. அறிமுகமாகும் பட்சத்தில் இந்த மாடல் கேடிஎம் 390 டியூக், ஹோன்டா CB300R மற்றும் பஜாஜ் டாமினர் 400 மாடல்களுக்கு போட்டியாக அமையும்.

Photo Courtesy: IamBikerDotcom 

இந்திய எலெக்ட்ரிக் வாகன பிரிவில், அதிகம் விற்பனையாகும் எலெக்ட்ரிக் ஸ்கூட்டர்கள் பிரிவில் டிவிஎஸ் ஐகியூப் மாடல் இரண்டாவது இடம் பிடித்துள்ளது. ஒலா S1 சீரிஸ் முதலிடத்தில் இருக்கிறது. ஐகியூப் மாடலின் விற்பனையை அதிகப்படுத்தும் நோக்கில், டிவிஎஸ் மோட்டார்ஸ் நிறுவனம் புது திட்டம் தீட்டி இருப்பதாக தகவல்கள் வெளியாகி உள்ளன.

டிவிஎஸ் நிறுவனம் ஐகியூப் எலெக்ட்ரிக் ஸ்கூட்டரின் புதிய வேரியண்டை உருவாக்கி வருவதாக கூறப்படுகிறது. கடந்த சில ஆண்டுகளாக இந்தியாவில் வழங்கப்பட்டு வந்த ஃபேம் 2 திட்ட மானியம் குறைக்கப்பட்டு விட்டதை அடுத்து, இந்த நடவடிக்கை எடுக்கப்படுவதாக தெரிகிறது.

தற்போது வெளியாகி இருக்கும் தகவல்கள் உண்மையாகும் பட்சத்தில் டிவிஎஸ் நிறுவனம் தனது ஐகியூப் எலெக்ட்ரிக் ஸ்கூட்டரினை சற்றே சிறிய பேட்டரி மற்றும் குறைந்த அம்சங்களுடன் அறிமுகம் செய்யலாம் என்று கூறப்படுகிறது. தற்போதைய ஐகியூப் மாடலில் 3.04 கிலோவாட் ஹவர் பேட்டரி மற்றும் TFT டிஸ்ப்ளே வழங்கப்பட்டு இருக்கிறது.

இந்திய சந்தையில் டிவிஎஸ் ஐகியூப் மாடலின் விலை ரூ. 1 லட்சத்து 35 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இத்தனை அம்சங்கள் மற்றும் விலை காரணமாகவும், ஐகியூப் மாடல் குறைந்த விலை எலெக்ட்ரிக் ஸ்கூட்டர் மாடலாக இருக்கிறது.

அடுத்த சில மாதங்களில் அறிமுகம் செய்யப்பட இருக்கும் டிவிஎஸ் ஐகியூப் மாடலின் விலை தற்போதைய வேரியன்டை விட ரூ. 10 ஆயிரத்தில் இருந்து ரூ. 15 ஆயிரம் வரை குறைவாக நிர்ணயம் செய்யப்படலாம்.

டிவிஎஸ் நிறுவனம் தனது எலெக்ட்ரிக் வாகனங்கள் எண்ணிக்கையை அதிகப்படுத்தும் முயற்சியில் ஈடுபட்டு வருகிறது. இதனை உறுதிப்படுத்தும் வகையில் எலெக்ட்ரிக் XL மொபெட் மாடல் காப்புரிமை படங்கள் இணையத்தில் வெளியாகி உள்ளது. தற்போது டிவிஎஸ் நிறுவனம் ஐகியூப் மாடலை மட்டுமே எலெக்ட்ரிக் பிரிவில் விற்பனை செய்து வருகிறது.

இவைதவிர டிவிஎஸ் நிறுவனம் க்ரியான் எலெக்ட்ரிக் ஸ்கூட்டரையும் இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. இந்த மாடல் ஆகஸ்ட் மாதத்திலேயே அறிமுகம் செய்யப்படலாம் என்று தெரிகிறது. தற்போது XL எலெக்ட்ரிக் மாடல் விவரங்கள் வெளியாகி இருப்பதை அடுத்து டிவிஎஸ் நிறுவனம் மேலும் பல எலெக்ட்ரிக் வாகனங்களை அறிமுகம் செய்யும் என்று எதிர்பார்க்கலாம்.

தோற்றத்தில் இந்த மாடல் அதன் பெட்ரோல் வெர்ஷனை போன்றே காட்சியளிக்கிறது. இதன் பிரேம், வட்ட வடிவம் கொண்ட ஹெட்லைட், டியுபுலர் கிராப்-ரெயில் உள்ளிட்டவை XL மாடலில் இருப்பதை போன்றே வழங்கப்படும் என்று தெரியவந்துள்ளது. ஹார்டுவேர் அம்சங்களை பொருத்தவரை முன்புறம் டெலிஸ்கோபிக் ஃபோர்க்குகள், பின்புறம் டூயல் ஸ்ப்ரிங்குகள் உள்ளன.

தற்போதைய டிவிஎஸ் XL மாடலில் 99.7சிசி, சிங்கில் சிலின்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 4.3 ஹெச்பி பவர், 6.5 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மொபெட் மாடல் 86 கிலோ எடை கொண்டிருக்கிறது.

Photo Courtesy: Bikewale

டிவிஎஸ் மோட்டார்ஸ் நிறுவனம் ஜூப்பிட்டர் ZX டிரம் வேரியன்டில் ப்ளூடூத் கனெக்டிவிட்டி வழங்கி இருக்கிறது. இந்த வெர்ஷனின் விலை ரூ. 84 ஆயிரத்து 468, எக்ஸ்-ஷோரூம் என்று நிர்ணயம் செய்யப்பட்டு உள்ளது. இது ப்ளூடூத் கனெக்டிவிட்டி இல்லாத வேரியன்டை விட ரூ. 2 ஆயிரத்து 300 வரை விலை அதிகம் ஆகும்.

ப்ளூடூத் வசதி கொண்ட இரண்டாவது ஜூப்பிட்டர் வேரியன்ட் இது ஆகும். ஏற்கனவே விற்பனை செய்யப்பட்டு வரும் ஜூப்பிட்டர் ZX ஸ்மார்ட் எக்சோ-னெக்ட் வேரியன்ட் விலை இதைவிட அதிகம் ஆகும். இந்த வேரியன்டிற்கு அதிக வரவேற்பு கிடைத்த காரணத்தால், தற்போது இந்த வேரியன்டிலும் ப்ளூடூத் கனெக்டிவிட்டி வழங்கப்பட்டு இருக்கிறது.

புதிய அப்டேட் காரணமாக ஜூப்பிட்டர் ZX டிரம் வேரியன்டில் டிவிஎஸ் டிரேட்மார்க் செய்திருக்கும் ஸ்மார்ட் எக்சோ-னெக்ட் தொழில்நுட்பம் வழங்கப்பட்டு இருக்கிறது. இதில் டர்ன்-பை-டர்ன் நேவிகேஷன், வாய்ஸ் அசிஸ்ட், எஸ்எம்எஸ் மற்றும் கால் அலெர்ட்கள் வழங்கப்படுகிறது. இத்துடன் பில்ட்-இன் யுஎஸ்பி மொபைல் சார்ஜிங் வசதி வழங்கப்படுகிறது.

மற்ற வேரியன்ட்களை போன்றே டிவிஎஸ் ஜூப்பிட்டர் ZX வேரியன்டிலும் 109.7சிசி, ஏர் கூல்டு மோட்டார் வழங்கப்பட்டு இருக்கிறது. இந்த என்ஜின் 7.77 ஹெச்பி பவர், 8.8 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் CVT டிரான்ஸ்மிஷன் வழங்கப்படுகிறது.

புதிய டிவிஎஸ் ஜூப்பிட்டர் வேரியன்ட் விலை ரூ. 73 ஆயிரத்து 240 என்றும் கிளாசிக் வேரியன்ட் விலை ரூ. 89 ஆயிரத்து 648 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. இந்திய சந்தையில் டிவிஎஸ் ஜூப்பிட்டர் மாடல் ஹோண்டா ஆக்டிவா 6ஜி மாடலுக்கு போட்டியாக அமைகிறது.