இயக்குநர் வெற்றிமாறன் இயக்கத்தில் கடந்த ஆண்டு வெளியாகி பெரும் வெற்றி பெற்ற படம் விடுதலை. இந்தப் படத்தில் சூரி, விஜய் சேதுபதி நடித்திருந்தனர். இந்தப் படத்தின் முதல் பாகத்தில் சூரி, விஜய் சேதுபதியுடன் கௌதம் வாசுதேவ் மேனன், சேத்தன், பவானி ஸ்ரீ, இளவரசு போன்ற நடிகர்கள் நடித்திருந்தனர்.

சூரியின் திரைப்பயணத்தில் இப்படம் திருப்பு முனையாக அமைந்தது. இந்த படம் ரசிகர்கள் மத்தியில் நல்ல வரவேற்பை பெற்று பல்வேறு தரப்பினரால் பாராட்டப்பட்டது. இளையராஜாவின் இசையில் வெளியான பாடல்களும் ரசிகர்களை வெகுவாக கவர்ந்தது.

இதைத் தொடர்ந்து விடுதலை இரண்டாம் பாகத்தை இயக்குநர் வெற்றிமாறன் இயக்கியுள்ளார். இதிலும் சூரி, விஜய் சேதுபதி, மஞ்சு வாரியர், அட்டக்கத்தி தினேஷ் ஆகியோர் நடித்துள்ளனர். விடுதலை பாகம் ஒன்று பல்வேறு சர்வதேச திரைப்பட விழாக்களில் திரையிடப்பட்டு மக்களின் பாராட்டை வென்றது. விடுதலை 2 திரைப்படம் இந்தாண்டு டிசம்பர் 20 ஆம் தேதி வெளியாகவுள்ளது.

இந்நிலையில், விடுதலை 2 படத்தின் இசை மற்றும் டிரெய்லர் வருகிற 26 ஆம் தேதி வெளியாகும் என படக்குழு அறிவித்துள்ளது. இளையராஜா இசையில் இந்தப் படத்தின் மூதல் பாடல் சமீபத்தில் வெளியாகி ரசிகர்களை வெகுவாக கவர்ந்தது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இயக்குநர் ஏ. காளீஸ்வரன் இயக்கத்தில் உருவாகியுள்ள திரைப்படம் 'பேபி ஜான்'. தமிழில் வெளியான 'தெறி' திரைப்படத்தின் ரீமேக்கான இப்படத்தில் நடிகர் வருண் தவான் கதையின் நாயகனாக நடித்துள்ளார். இவருடன் கீர்த்தி சுரேஷ், வாமிகா கபி, ஜாக்கி ஷெராப், ராஜ்பால் யாதவ், மணிகண்டன், பி. எஸ். அவினாஷ் உள்ளிட்ட பலர் நடித்துள்ளனர்.

கிரண் கவுஷிக் ஒளிப்பதிவு செய்த இந்த திரைப்படத்திற்கு எஸ். தமன் இசையமைத்துள்ளார். ஆக்ஷன் எண்டர்டெய்னராக தயாராகியுள்ள இந்தத் திரைப்படத்தை ஜியோ ஸ்டுடியோஸ், சினி ஒன் ஸ்டுடியோஸ் மற்றும் இயக்குநர் அட்லியின் தயாரிப்பு நிறுவனமான ஏ ஃபார் ஆப்பிள் ஆகிய நிறுவனங்கள் சார்பில் தயாரிப்பாளர்கள் முராத் கெடானி, ஜோதி தேஷ்பாண்டே மற்றும் பிரியா அட்லீ ஆகியோர் இணைந்து தயாரிகத்துள்ளனர்.

இந்தப் படம் இந்தாண்டு கிறிஸ்துமஸ் பண்டிகையை ஒட்டி டிசம்பர் 25 ஆம் தேதி வெளியாகவுள்ளது. இந்தப் படத்தின் டீசர் ஏற்கனவே வெளியாகி பெரும் வரவேற்பை பெற்றது. இந்த நிலையில், பேபி ஜான் படத்தின் 'நைன் மடாக்கா' முதல் பாடல் வருகிற 25 ஆம் தேதி வெளியாகும் என படக்குழு அறிவித்து இருக்கிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

திரையரங்கிள் சில படங்கள் வெற்றிப் பெற்றாலும், பல படங்கள் ஓடிடி வெளியீட்டிற்கு பிறகு தான் மக்களிடம் சென்றடைகிறது. ஓடிடி யில் திரைப்படம் வெளியானபின் சமூக வலைதளத்தில் நெட்டிசன்கள் உற்சாகமாக விமர்சனம் செய்வது வழக்கம்.

அந்த வகையில் இந்த வார ஓடிடி-யில் வெளியாகும் திரைப்படங்கள் மற்றும் வெப் தொடர்களைப் பற்றி பார்ப்போம்

'நயன்தாரா: பியாண்ட் தி பேரி டேல்'

பல சர்ச்சைகளை கடந்து நயன் தாராவின் ஆவண திரைப்படம் ஓடிடி தளமான நெட்பிளிக்ஸ்-இல் கடந்த 18 ஆம் தேதி வெளியானது. இதில் நயன்தாராவின் சிறுவயது வாழ்க்கை முதல் அவரது முன்னணி கதாநாயகியாக வளர்ந்து வந்த பாதையை அதில் காட்சி படுட்தியுள்ளனர். விக்னேஷ் சிவன் மற்றும் நயன் தாரா இருவருக்கும் நடந்த திருமண விழாவையும் பதிவு செய்துள்ளனர்.

ராக்கெட் டிரைவர்

ஸ்டோரீஸ் பை தி ஷோர் நிறுவனம் சார்பில் தயாரிப்பாளர் அனிருத் வல்லப் தயாரித்துள்ள படம் "ராக்கெட் டிரைவர்". இந்த படத்தை அறிமுக இயக்குனர் ஸ்ரீராம் அனந்த சங்கர் இயக்கியுள்ளார். பேண்டசி, டிராமா-காமெடி என்டர்டெயினர் கதையம்சம் கொண்ட இந்த படத்தில் விஷ்வந்த் முதன்மை பாத்திரத்தில் நடித்துள்ளார். நடிகை சுனைனா, ஜெகன் நாக விஷால், காத்தாடி ராமமூர்த்தி மற்றும் பலர் முக்கிய வேடங்களில் நடித்துள்ளனர். மறைந்த ஏபிஜே அப்துல் கலாம் இக்கால சூழலில் உயிர் பெற்று வந்தால் எப்படி இருக்கும் என கற்பனை கலந்த கதையாக அமைந்துள்ளது. இப்படம் சிம்பிலி சவுத் ஓ.டி.டி தளத்தில் நேற்று வெளியாகி உள்ளது.

கிஸ்கிந்தா காண்டம்

திஞ்சித் அய்யாதன் இயக்கத்தில் மர்மமான திரில்லர் கதை களத்தில் உருவான மலையாள படம் 'கிஷ்கிந்தா காண்டம்'. இப்படத்தில் ஆசிப் அலி , விஜயராகவன் மற்றும் அபர்ணா பாலமுரளி ஆகியோர் முக்கிய கதாப்பாத்திரத்தில் நடித்துள்ளனர். கடந்த மாதம் வெளியான இந்தத் திரைப்படம் மிகப்பெரிய வெற்றிப் பெற்றது. நடிகர் ஆசிப் அலி முன்னணி கதாபாத்திரத்தில் அதிக வசூல் செய்த படங்களில் இதுவும் ஒன்றாகம். இப்படம் 2024 -ம் ஆண்டு அதிக வசூல் செய்த 9-வது மலையாளப் படமாகும். இப்படம் 19.11.2024 அன்று டிஸ்னி பிளஸ் ஹாட்ஸ்டார் ஓ.டி.டி தளத்தில் வெளியாகி உள்ளது. தமிழில் வெளியாகியுள்ளது என்பது குறிப்பிடத்தக்கது.

விவேசினி

பவன் ராஜகோபாலன் இயக்கியுள்ள படம் 'விவேசினி'. இந்தப் படத்தில் நாசர், காவ்யா உட்பட பலர் நடித்துள்ளனர். இப்படம் டிரெக்கிங் சென்றவர்களுக்குள் ஏற்படும் உணர்ச்சிகரமான மோதல்களையும், ஊர் திரும்பிய பிறகு அப்பாவுக்கும் மகளுக்கும் ஏற்படும் உணர்வு மோதல்களையும் அழகாக எடுத்துக்காட்டும் படமாக உருவாகி உள்ளது. திரில்லர் கதைக்களத்தில் இருக்கும் இப்படம் ஆஹா தமிழ் ஓ.டி.டி தளத்தில் வெளியாகி உள்ளது.

ஏலியன் ரோமுலஸ்

மிகவும் எதிர்பார்க்கப்பட்ட சயின்ஸ் பிக்சன் ஹாரர் படம் 'ஏலியன்: ரோமுலஸ்'. இந்த படத்தினை 'ஈவில் டெட் மற்றும் டோண்ட் ப்ரீத்' படங்களை பெடே அல்வாரெஸ் இயக்கியுள்ளார். இந்த படத்தினை ரிட்லி ஸ்காட் தயாரித்துள்ளார். மேலும் கெய்லி ஸ்பேனி, இசபெலா மெர்சிட், ஸ்பைக் பியர்ன் மற்றும் ஐலீன் வு உள்ளிட்டோர் இப்படத்தில் நடித்துள்ளனர். இப்படம் ஏலியன் சம்பந்தமாக உருவாகி அதிக வசூல் செய்த படங்களின் பட்டியலில் இரண்டாவது இடத்தை பிடித்துள்ளது. இப்படம் 21-ந் தேதி டிஸ்னி பிளஸ் ஹாட்ஸ்டார் ஓ.டி.டி தளத்தில் வெளியாக உள்ளது.

மார்டின்

கன்னட சினிமாவின் முக்கிய நடிகர்களுள் ஒருவர் ஆக்சன் கிங் அர்ஜுனின் சகோதரி மகன் துருவா சர்ஜா. இவர் மார்டின் படத்தில் கதாநாயகனாக நடித்துள்ளார். இப்படத்திற்கான திரைக்கதையை அர்ஜூன் எழுதியுள்ளார்.மேலும் கதாநாயகியாக வைபவி சாண்டில்யா நடித்துள்ளார். ஆக்சன் கதைக்களத்தில் உருவாகியுள்ள இப்படம் ஆஹா தமிழ் ஓ.டி.டி தளத்தில் நாளை { 22-ந் தேதி}வெளியாக உள்ளது.

ஸ்பெல்பவுண்ட்

அமெரிக்க அனிமேஷன் இசை சாகச கற்பனை நகைச்சுவைத் திரைப்படமாகும். இந்த படத்தை விக்கி ஜென்சன் இயக்கியுள்ளார். லும்ப்ரியா எனப்படும் மாயாஜால உலகில் அமைக்கப்பட்ட கதை, இளவரசி எலியன் (ஜெக்லர்) தனது பெற்றோரை அரக்கர்களாக மாற்றிய மந்திரத்தை உடைத்து தனது ராஜ்யத்தை காப்பாற்றும் விதமாக இப்படம் உருவாகி உள்ளது. இப்படம் நாளை நெட்பிளிக்ஸ் ஓ.டி.டி தளத்தில் வெளியாக உள்ளது.

ராஜ்குமார் பெரியசாமி இயக்கத்தில் சிவகார்த்திகேயன் நடித்த அமரன் படம் கடந்த 31-ந் தேதி திரைக்கு வந்து மிகப்பெரிய வெற்றியை பெற்றுள்ளது. பாக்ஸ் ஆபிஸ் வசூலில் ரூ.300 கோடியை தாண்டியது.

சிவகார்த்திகேயன் அடுத்ததாக சுதா கொங்கரா இயக்கத்தில் எஸ்.கே.25 என்று தற்காலிகமாக பெயரிடப்பட்டுள்ள படத்தில் நடிக்க இருக்கிறார்.படத்தின் கதாநாயகியாக ஸ்ரீ லீலா நடிக்க உள்ளார். அவருக்கு வில்லன் கதாபாத்திரத்தில் விஷால், ஜெயம் ரவி ஆகியோர் நடிக்க இருப்பதாக தகவல்கள் வெளியாகியது. இந்நிலையில் விஷால் அதை மறுத்து கூறியுள்ளார்.

"வில்லனா? கண்டிப்பா நான் வில்லன் கதாப்பாத்திரத்துல நடிக்கப்போறதில்ல. நான் என் அடுத்து கமிட் ஆகியுள்ள திரைப்படங்களில் நடிக்கவுள்ளேன். நான் வில்லனாக நடிக்க வேண்டும் என்ற விமர்சனம் எங்கு இருந்து வந்திருக்கக்கூடும் என எனக்கு தெரியும். நான் இந்த நிலமைக்கு வர 20 வருட கடின உழைப்பை போட்டுள்ளேன். வில்லனாக நடிக்க இப்போது நான் தயாராக இல்லை" என கூறியுள்ளார்.

இதனால் சுதா கொங்கரா இயக்கத்தில் உருவாகவுள்ள திரைப்படத்தில் ஜெயம் ரவி வில்லன் கதாப்பாத்திரத்தில் நடிப்பார் என எதிர்ப்பார்க்கப்படுகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகர் தனுஷ் இயக்கி நடித்து வரும் இட்லி கடை படத்தை தயாரித்து வரும் டான் பிக்சர்ஸ் தயாரிப்பு நிறுவனத்தை நடத்தி வரும் ஆகாஷ் பாஸ்கரின் திருமணம் இன்று நடைபெற்றது.

இந்த திருமண நிகழ்ச்சியில் நடிகர் தனுஷ் மற்றும் நடிகை நயன்தாரா ஒன்றாக கலந்துக் கொண்ட புகைப்படம் வெளியாகி இணையத்தில் தீயாக பரவி வருகிறது.

மேலும், இந்த நிகழ்ச்சியில் நடிகர் சிவகார்த்திகேயன் இசையமைப்பாளர் அனிருத் ஆகியோர் கலந்து கொண்டனர். நயன்தாரா சிவகார்த்திகேயன் மற்றும் அனிருத் ஆகியோர் திருமண மேடை அருகே ஒன்றாக இருக்கும் புகைப்படம் ஒன்று இணையத்தில் தீயாக பரவி வருகிறது.

'Nayanthara Beyond the Fairy Tale' என்ற தலைப்பில் உருவாகியுள்ள இந்த ஆவணப்படம் வெளியாவதில் இரண்டு ஆண்டுகள் தாமதமான நிலையில், கடந்த 18-ந்தேதி நயன்தாராவின் பிறந்தநாளை முன்னிட்டு அவரது பிறந்தநாள் பரிசாக Netflix நிறுவனம் இந்த ஆவணப் படத்தை வெளியிட்டது.

இதற்கிடைய தனது கடந்த 2 ஆண்டுகளாக திருமண வீடியோ வெளியாமல் இருக்க தனுஷ் தான் காரணம் என நயன்தாரா பரபரப்பை ஏற்படுத்தினார். நானும் ரவுடிதான் படத்தில் வரும் 3 நொடி காட்சியை பயன்படுத்தியதற்கு நடிகர் தனுஷ் 10 கோடி நஷ்டஈடு கேட்டதாக நயன்தாரா அவரைக் குறித்த காட்டமான அறிக்கையை வெளியிட்டிருந்தார் என்பது குறிப்பிடத்தக்கது

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இயக்குநர் பிளெஸ்சி இயக்கத்தில் பிருத்விராஜ் , அமலாபால் நடிப்பில் கடந்த மார்ச் 28 ஆம் தேதி வெளிவந்த படம் ஆடு ஜீவிதம். இப்படம் மிகப் பெரிய எதிர்பார்ப்புக்கு மத்தியில் வெளியாகி ரூ. 100 கோடிக்கும் அதிகமாக வசூலித்தது.

ஏ.ஆர். ரகுமான் இசையில் வெளியான இப்படத்தின் பாடல்களும் பின்னணி இசையும் ரசிகர்களை வெகுவாக கவர்ந்தது.

இந்நிலையில், சிறந்த பின்னணி இசைக்கான வெளிநாட்டு படப்பிரிவில் ஹாலிவுட் இசை மீடியா விருதை (HMMA) 'ஆடுஜீவிதம்' படத்திற்காக இசையமைப்பாளர் ஏ.ஆர். ரகுமான் வென்றுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகர் அஜித்குமார், நடிகை ஷாலினி இருவரும் முதன்முதலில் ஜோடியாக நடித்த படம் அமர்க்களம். இயக்குனர் சரண் இப்படத்தை இயக்கினார்.

இந்நிலையில் பட ஷூட்டிங்கில் ஷாலினி காயம் ஏற்பட்டு சிகிச்சை பெற்று வந்த போது அஜித் அவரை பாசத்துடன் பார்த்துக்கொண்டார். இதனால் ஷாலினிக்கு அஜித் மீது காதல் உருவானது.

மேலும் பட ஷூட்டிங் நேரத்தில் இருவருக்கும் இடையே காதல் அதிகரித்தது. இதை யொட்டி கடந்த 2000-ம் ஆண்டில் பெற்றோர் சம்மதத்துடன் இருவரும் திருமணம் செய்தனர். இந்த தம்பதிக்கு அனோஷ்கா என்கிற மகளும், ஆத்விக் என்கிற மகனும் உள்ளனர்.

இந்நிலையில் நேற்று தனது 44-வது பிறந்தநாளை கொண்டாடிய ஷாலினிக்கு நடிகர் அஜித்குமார் காஸ்டலி கார் ஒன்றை பரிசாக கொடுத்துள்ளார்.

விலை உயர்ந்த லெக்சஸ் காரை தனது மனைவி ஷாலினிக்கு அஜித்குமார் பரிசாக கொடுத்துள்ளார். லெக்சஸ் காரின் முன்பு ஷாலினி நிற்கும் புகைப்படம் இணையத்தில் வைரலாகி வருகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

மலையாள சினிமாவின் முன்னணி நடிகர்களில் ஒருவரான ஜோஜு ஜார்ஜ், இயக்குநராக அறிமுகமாகியுள்ள படம் 'பணி'. கடந்த மாதம் மலையாளத்தில் வெளியான இப்படம் மிகப்பெரிய வெற்றி பெற்று தற்போதும் திரையரங்குகளில் ஓடிக்கொண்டிருக்கிறது.

இப்படத்தை பார்த்த தமிழ் சினிமா பிரபலங்கள் பலர் படம் குறித்து பாராட்டி சமூக வலைதளப் பக்கங்களில் பதிவுகளை வெளியிட்டனர். இப்படத்தை நடிகர் சூர்யா, அனுராக் காஷ்யப், சந்தோஷ் நாராயணன், கார்த்திக் சுப்பராஜ் மற்றும் பலர் பாராட்டினர்.

இப்படத்தில் ஜோஜு ஜார்ஜ் முன்னணி கதாப்பாத்திரத்தில் நடிக்க இவர்களுடன் அபிநயா, சகர் சூர்யா மற்றும் ஜுனாய்ஸ் நடித்துள்ளனர். இப்படத்திற்கு விஷ்ணு விஜய் மற்றும் சாம் சி எஸ் இசையமைத்துள்ளனர்.

இந்த நிலையில், 'பணி' தமிழாக்கத்தின் சிறப்பு திரையிடல் மற்றும் பத்திரிகையாளர்கள் சந்திப்பு நேற்று சென்னை பிரசாத் லேப் திரையரங்கில் நடைபெற்றது. இதில், நடிகர் மற்றும் இயக்குநர் ஜோஜு ஜார்ஜ், நாயகி அபிநயா உள்ளிட்ட படக்குழுவினர்கள் கலந்துக்கொண்டார்கள்.

திரைப்படம் தமிழில் நாளை தமிழகம் முழுவதும் வெளியாகவுள்ளது. இந்நிலையில் படக்குழு நடிகர் கமல்ஹாசனை நேரில் சந்தித்து வாழ்த்துக்களை பெற்றனர். அப்பொழுது எடுத்து கொண்ட புகைப்படத்தை இணையத்தில் வெளியாகியுள்ளது.

கார்த்திக் சுப்பராக் இயக்கத்தில் உருவாகி வரும் சூர்யா 44 மற்றும் கமல்ஹாசன் நடித்து முடித்துள்ள தக் லைஃப் படத்திலும் ஜோஜு ஜார்ஜ் முக்கிய கதாப்பாத்திரத்தில் நடித்துள்ளார் என்பது குறிப்பிடத்தக்கது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

பாலிவுட் திரையுலகின் முன்னணி நடிகராக தனது முத்திரையை பதித்தவர் ஷாருக் கான். கடந்த வருடம் அட்லீ இயக்கத்தில் வெளியான ஜவான் படம் 1000 கோடி வசூலை கடந்து ஷாருக் கானுக்கு சூப்பர் ஹிட் படமாக அமைந்தது.

இந்நிலையில் ஷாருக் கானின் 27 வயது மகன் ஆர்யன் கான் திரையுலகில் இயக்குனராக கால் பாதிக்க உள்ளார். பிரபல ஓடிடி தளமான நெட்ப்ளிக்ஸில் வெப் தொடர் ஒன்றை ஆரியன் கான் எழுதி இயக்க உள்ளதாக அதிகாரப்பூர்வ அறிவிப்பு வெளியாகி உள்ளது. இந்த வெப் தொடர் அடுத்த வருடமே வெளியாகலாம் என்று எதிர்பார்க்கப்படுகிறது.

இந்த நிலையில், ஷாருக்கானின் மகன் ஆர்யன் கான் நடிகராக அல்லாமல் இயக்குநராக அறிமுகமானதை கங்கனா ரனாவத் பாராட்டியுள்ளார்.

"குழந்தைகள் இது மிகவும் நல்லது. திரையுலகக் குடும்பங்களில் இருந்து, மேக்கப் போடவும், உடல் எடையைக் குறைக்கவும், பொம்மையை வளர்க்கவும், தாங்கள் நடிகர்கள் என்று நினைக்கவும் ஆசைப்படுவதைத் தாண்டிச் செல்கிறார்கள். எங்களுக்கு கேமராக்களுக்குப் பின்னால் அதிகமானவர்கள் தேவை. ஆர்யன் இந்த பயணத்தை மேற்கொள்வது நல்லது என்று கங்கனா ரனாவத் தெரிவித்துள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

தெலுங்கு திரையுலகில் பிரபல இளம் நடிகர்களில் விஜய் தேவரகொண்டா முக்கிய இடத்தில் இருப்பவர். இவர் சமீபத்தில் நடித்த திரைப்படங்கள் மக்கள் மத்தியில் எதிர்ப்பார்த்த வரவேற்பு கிடைக்கவில்லை.

லைகர், தி ஃபேமிலி ஸ்டார் திரைப்படங்கள் மக்களிடையே வரவேற்பை பெறவில்லை. சமீபத்தில் விஜய் தேவரகொண்டா சஹிபா என்ற இந்தி ஆல்பம் பாடலில் நடித்து இருந்தார். இதுக்குறித்த ப்ரோமோஷன் ஈவண்டில் இவரது காதல் வாழ்க்கை குறித்து மனம் திறந்துள்ளார்.

அதில் அவர் "எனக்கு 35 வயது ஆகிறது, நான் சிங்கிளாக இருப்பேன் என நினைக்கிறீர்களா? என நகைச்சுவையாக கூறினார். மேலும் என்னுடன் நடித்த சக நடிகையை நான் டேட் செய்துள்ளேன் என ஒப்புக் கொண்டார். எனக்கு காதலிக்கப்படுவது எப்படிப்பட்ட உணர்வு என்று தெரியும், எனக்கு காதல் என்றால் என்னவென்றும் புரியும். என்னுடைய காதல் அன்கண்டிஷனலான காதல் கிடையாது. என்னுடைய காதல் சில கண்டிஷன்களுடன் தான் வரும்." என்றார்.

விஜய் தேவரகொண்டா மற்றும் ராஷ்மிகா மந்தனா இருவரும் காதலித்து மற்றும் ஒன்றாக டேட் செய்து வருகின்றனர் என்ற தகவல் டியர் காமரேட் திரைப்பட நாட்களில் இருந்தே பரவி வருகின்றன. அவர்கள் இருவரும் ஒன்றாக இணைந்து பொது இடங்களுக்கு செல்வது, சமீபத்தில் கூட இருவரும் குடும்பத்தினரும் ஒன்றாக தெலுங்கு திரையுலகின் ஆட வடிவமைப்பாளர் திருமணத்தில் ஒன்றாக கலந்துக்கொண்டனர். எனவே இவர்களின் காதல் உறுதியாகவே ரசிகர்கள் மத்தியில்பார்க்கப்படுகிறது. இதுக்குறித்த அதிகாரப்பூர்வ தகவல் இருவர் தரப்பினரிடம் இருந்து விரைவில் வெளியிடப்படும் என எதிர்ப்பார்க்கப்படுகிறது.

ராஷ்மிகா மந்தனா தற்பொழுது புஷ்பா 2, குபேரா ஆகிய திரைப்படங்களில் நடித்து முடித்துள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இயக்குநர் கஸ்தூரிராஜாவின் இளைய மகன் நடிகர் தனுஷுக்கும், நடிகர் ரஜினிகாந்தின் மூத்த மகள் ஐஸ்வர்யாவுக்கும், கடந்த 2004-ஆம் ஆண்டு திருமணம் நடந்தது. இந்த தம்பதிக்கு லிங்கா , யாத்ரா என இரு மகன்கள் உள்ளனர். திருமணத்திற்கு பிறகு ஐஸ்வர்யா திரைப்படங்களை இயக்கி வந்தார். மேலும் பல்வேறு பொது நிகழ்ச்சிகளில் பங்கேற்று இருவரும் கவனம் பெற்றனர். இந்த நிலையில் 2 ஆண்டுகளுக்கு முன்பு இருவரும் பிரியப்போவதாக அதிர்ச்சி தகவலை வெளியிட்டனர்.

இருவரும் பரஸ்பரத்துடன் பிரிவதாக அறிக்கை வெளியிட்டனர். இதனால் ரஜினி மற்றும் தனுஷ் ரசிகர்கள் மத்தியில் கடும் அதிர்ச்சியை ஏற்படுத்தியது. இதைத்தொடர்ந்து ஐஸ்வர்யா மற்றும் தனுஷை சமாதானம் செய்யும் முயற்சிகள் செய்யப்பட்டதாக கூறப்படுகிறது. ஆனால் இருவரும் விவாகரத்து பெறுவதில் உறுதியாக இருந்தனர்.

இந்த நிலையில் இருவரும் தங்களுடைய திருமண வாழ்க்கையை முடித்துக் கொள்ளும் வகையில் பரஸ்பரம் விவாகரத்து கோரி சென்னை குடும்ப நல நீதிமன்றத்தில் மனு தாக்கல் செய்தனர்.

இந்த மனு முதன்மை குடும்ப நல நீதிமன்ற நீதிபதி சுபாதேவி முன்பு கடந்த 3-ஆம் தேதி விசாரணைக்கு வந்தது. அப்போது நடிகர் தனுஷ், ஐஸ்வர்யா ஆகியோர் ஆஜராகவில்லை. இதையடுத்து வழக்கின் விசாரணை நவம்பர் 21-ஆம் தேதிக்கு தள்ளிவைக்கப்பட்டது.

இந்த நிலையில் இன்று நடிகர் தனுஷ்- ஐஸ்வர்யா இருவரும் சென்னை குடும்ப நல நீதிமன்றத்தில் ஆஜராகினர். அப்போது நீதிமன்றத்தின் கதவுகள் அடைக்கப்பட்டு இருவரிடமும் ரகசிய விசாரணை நடத்தப்பட்டது. நடிகர் தனுஷ்- ஐஸ்வர்யா இருவரும் பிரிவதில் உறுதியாக இருப்பதாக நீதிமன்ற விசாரணையில் தெரிவித்துள்ளனர்.

இதையடுத்து இந்த வழக்கில் வருகிற 27-ந்தேதி தீர்ப்பு வழங்கப்படும் என குடும்ப நல நீதிமன்றம் அறிவித்துள்ளது. 

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

ரெட் ஜெயன்ட் மூவிஸ் தயாரிப்பில் இயக்குனர் கிருத்திகா உதயநிதி இயக்கத்தில், ஏ.ஆர்.ரஹ்மான் இசையில், ஜெயம் ரவி, நித்யா மேனன் நடிப்பில் உருவாகியுள்ள திரைப்படம் "காதலிக்க நேரமில்லை".

ஜெயம் ரவி, நித்யா மேனன் முதன்மை கதாபாத்திரத்தில் நடிக்க அவர்களுடன் யோகி பாபு, லால், வினய், லக்ஷ்மி ராமகிருஷ்ணன், பாடகர் மனோ, TJ பானு, ஜான் கோகேன், வினோதினி உள்ளிட்ட பலர் நடித்துள்ளனர்.

கேவ்மிக் ஆரி ஒளிப்பதிவில் உருவாகும் இப்படத்திற்கு லாரன்ஸ் கிஷோர் படத்தொகுப்பை மேற்கொள்கிறார்.

அனைவரும் மிகவும் எதிர்ப்பார்த்த படத்தின் முதல் பாடல் நாளை மாலை 5

மணிக்கு  வெளியாகவுள்ளது என படக்குழு ஒரு புது ப்ரோமோ வீடியோவை வெளியீட்டு அறிவித்துள்ளனர். இப்பாடலிற்கு `என்னை இழுக்குதடி' என தலைப்பு வைத்துள்ளனர்.

காதலிக்க நேரமில்லை திரைப்படத்தின் பாடல், டீசர் மற்றும் டிரைலர் விரைவில் அறிவிக்கப்படும் என தயாரிப்பு தரப்பு கூறியுள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.