பெடரேசன் கைப்பந்து இறுதிப் போட்டியில் ரெயில்வே-கேரளா

சென்னை:

36-வது பெடரேசன் கோப்பை கைப்பந்து போட்டி காரைக்காலில் நடைபெற்று வருகிறது.

பெண்கள் பிரிவில் நேற்று நடந்த ஆட்டத்தில் கேரளா 25-18, 25-21, 25-17 என்ற நேர் செட் கணக்கில் மேற்கு வங்காளத்தை வீழ்த்தியது. இறுதிப் போட்டியில் கேரளா-ரெயில்வே அணிகள் மோதுகின்றன.

ஆண்கள் பிரிவில் நடந்த ஆட்டம் ஒன்றில் தமிழ்நாடு 25-22, 24-26, 25-19, 19-25, 15-10 என்ற கணக்கில் போராடி சர்வீசஸ் அணியை வென்றது.

மற்ற ஆட்டத்தில் ஜார்க்கண்ட் 3-1 என்ற கணக்கில் கர்நாடகாவையும், ரெயில்வே 3-0 என்ற கணக்கில் புதுச்சேரியையும், அரியானா 3-1 என்ற கணக்கில் ராஜஸ்தானையும் வீழ்த்தியது.