மொபைல்ஸ்

இன்றைய அன்றாட தேவைகளில் செல்போனும் ஒன்றாகி விட்டது. புதுப்புது மாடல்களில் செல்போன்களை வாங்கி பயன்படுத்தினாலும் மற்றவர்கள் பயன்படுத்தும் புது மாடல், பிராண்டுகளின் மோகம் அதிகரிக்கத்தான் செய்யும். அதன்படி வாடிக்கையாளர்களுக்காகவே புதுப்புது மாடல்களை செல்போன் நிறுவனங்கள் வெளியிட்டு தான் வருகின்றன.

இந்த நிலையில், உலக அளவில் பெரிதும் எதிர்பார்ப்பை ஏற்படுத்திய iPhone 16e மாடலை நேற்று ஆப்பிள் நிறுவனம் வெளியிட்டுள்ளது. நாளை முதல் அமேசான், பிளிப்கார்ட் உள்ளிட்ட தளங்களில் விற்பனைக்கு வர உள்ளது. டெலிவரி வருகிற 28-ந்தேதி முதல் தொடங்குகிறது.

கருப்பு, வெள்ளை நிறங்களில் Apple Intelligence உள்ளிட்ட நவீன வசதிகளுடன் அறிமுகப்படுத்தப்பட்டுள்ள 16 சீரிஸ் மாடலின் ஆரம்ப விலை ரூ.59,900. இந்தியாவில் ஐபோன் 16s-ன் விலை ரூ.79,900- ஆகும். தற்போது ரூ.20 ஆயிரம் வித்தியாசத்துடன் 16e மாடல் இந்திய சந்தையில் விற்பனைக்கு வந்துள்ளது. ஐபோன் 16e-யின் 256 ஜிபி ஸ்டோரேஜ் மாடலின் விலை ரூ.69,900, அதே சமயம் 512 ஜிபி ஸ்டோரேஜ் மாடலின் விலை ரூ.89,900.

ஐபோன் 16e-ல் 6.1 இன்ச் OLED டிஸ்ப்ளே, பாதுகாப்பிற்காக ஃபேஸ் ஐடி அமைப்பைக் கொண்டுள்ளது. ஐபோன் SE தொடரில் காணப்படும் மியூட் சுவிட்சுக்கு பதிலாக ஆக்ஷன் பட்டனை கொண்டுள்ளது. இதனால் வாடிக்கையாளர்கள் பல்வேறு செயல்பாடுகளை விரைவாக அணுகலாம். ஆப்பிள் ஐபோன் 16e-ஐ USB-C போர்ட்டுடன் பொருத்தியுள்ளது.

ஐபோன் 16e 26 மணிநேர வீடியோ பிளேபேக்கை வழங்கும் என்று ஆப்பிள் நிறுவனம் கூறுகிறது. இந்த சாதனம் வயர்லெஸ் சார்ஜிங் மற்றும் செயற்கைக்கோள் வழியாக செய்திகள் மற்றும் அவசரகால SOS போன்ற செயற்கைக்கோள் இணைப்பு அம்சங்களை உள்ளடக்கியது. இது வரையறுக்கப்பட்ட செல்லுலார் கவரேஜ் உள்ள பகுதிகளில் வாடிக்கையாளர்களை தொடர்பு கொள்வதற்கான ஆப்ஷன்களை வழங்குகிறது. இதில் விபத்து கண்டறிதலும் அடங்கும், இது கடுமையான விபத்து ஏற்பட்டால் அவசர சேவைகளை தானாகவே எச்சரிக்கும். இருப்பினும், இந்த அவசர அம்சம் அமெரிக்க சந்தைக்கு மட்டுமல்ல, இந்தியர்களுக்கும் கிடைக்கிறதா என்பது உறுதிப்படுத்தப்படவில்லை.

இந்தியாவில் பெரிதும் எதிர்பார்க்கப்பட்ட Samsung Galaxy S25 Series மொபைல் போன்கள் நேற்று வெளியாகின.

சாம்சங் கேலக்ஸி அன்பேக்டு 2025 நிகழ்ச்சி நேற்று அமெரிக்காவின் சான் பிரான்சிஸ்கொ மாகாணத்தில் நடைபெற்றது.

ஜெமினி ஏஐ வசதியுடன் சாம்சங் கேலக்ஸி S25, S25+ மற்றும் S25 Ultra ஆகிய 3 மாடல்கள் அறிமுகம் செய்யப்பட்டுள்ளது. S25ன் ஆரம்ப விலை ரூ. 80.999 ஆகவும், S25+ன் ஆரம்ப விலை ரூ. 99,999 ஆகவும், S25 Ultraன் ஆரம்ப விலை ரூ. 1.29,999 ஆகவும் நிர்ணயிக்கப்பட்டுள்ளது.

சாம்சங் கேலக்ஸி S24 இந்த ஆரம்ப விலையை விட சாம்சங் கேலக்ஸி S25 இன் ஆரம்ப விலை வெறும் 1000 ரூபாய் மட்டும் தான் அதிகமாகும். ஆனால் S24 இல் 8GB ரேம் மட்டுமே வழங்கப்பட்ட நிலையில், S25 இல் 12GB ரேம் வழங்கப்பட்டுள்ளது.

அமேசான், பிளிப்கார்ட் உள்ளிட்ட தளங்களில் இன்று முதல் சாம்சங் கேலக்ஸி S25 சீரிஸ் மொபைல் போன்களை ஆர்டர் செய்து கொள்ளலாம். பிப்ரவரி 7 முதல் மொபைல் போன்கள் டெலிவரி செய்யப்படும் என்று அறிவிக்கப்ட்டுள்ளது.

ஆப்பிள் நிறுவனம் ஐபோன் உற்பத்தியை இந்தியாவில் கடந்த 2017-ம் ஆண்டு தொடங்கியது. பாக்ஸ்கான் நிறுவனம் ஸ்ரீபெரும்புதூரில் ஐ-போன் செல்போன்களை உற்பத்தி (Assembly) செய்கிறது.

இந்தியாவில் பாக்ஸ்கான், விஸ்ட்ரான், பெகட்ரான் ஆகிய நிறுவனங்கள் ஐ-போன் தயாரித்து ஏற்றுமதி செய்கிறது.

இந்நிலையில், கர்நாடகாவின் நர்சபுராவில் உள்ள விஸ்ட்ரான் நிறுவனத்தை டாடா குழுமம் 125 மில்லியன் டாலருக்கு (இந்திய மதிப்பில் கிட்டத்தட்ட ரூ.1000 கோடி) கடந்த வருடம் அக்டோபர் மாதம் கையகப்படுத்தியது.

நர்சபுரா ஆலையின் ஆண்டு உற்பத்தி கடந்தாண்டு மட்டும் ரூ. 40,000 கோடியாக உயர்ந்துள்ளது. இது முந்தைய 2023 ஆம் ஆண்டை விட 180 சதவீதம் அதிகமாகும்.

இந்நிறுவனத்தின் கடந்த ஆண்டு ஐபோன் ஏற்றுமதி 125 சதவீதம் உயர்ந்துள்ளது. அதாவது 2024 ஆம் ஆண்டில் மட்டும் ஏற்றுமதி ரூ.31,000 கோடியாக அதிகரித்துள்ளது.

2023 ஆண்டு இந்நிறுவனத்தில் 19,000 ஊழியர்கள் பணியாற்றிய நிலையில் கடந்தாண்டு 31,000 ஊழியர்கள் வேலை செய்துள்ளனர். இது கிட்டத்தட்ட 63% அதிகமாகும்.

இந்தியாவில் உற்பத்தி செய்யப்படும் ஐபோன்களில் இந்த நிறுவனம் மட்டுமே 26% ஐபோன்களை உற்பத்தி செய்கிறது என்பது குறிப்பிடத்தக்கது.

கடந்தாண்டு செப்டம்பர் மாதம் தமிழ்நாட்டின் கிருஷ்ணகிரி மாவட்டத்தில் உள்ள ஓசூர் அருகே உள்ள டாடா எலக்ட்ரானிக்ஸ் தொழிற்சாலையில் ஒரு பெரிய தீ விபத்து ஏற்பட்டது.

இதனையடுத்து அந்த ஆலையில் ஐபோன் உதிரிப்பாகங்களின் உற்பத்தி பாதிக்கப்பட்டது. அதன் பிறகும் டாடா நிறுவனம் ஐபோன் உற்பத்தியை அதிகரித்துள்ளது.

ஒப்போ ரெனோ 13 5ஜி சீரிஸ் ஸ்மார்ட்போன்கள் இந்தியா மற்றும் உலகளவில் விரைவில் வெளியாக இருக்கிறது. இந்தியாவில் வருகிற 9-ந்தேதி ரிலீஸ் ஆகும் என ஒப்போ நிறுவனம் அறிவித்துள்ளது.

8ஜி ரேம் உடன் 128ஜிபி மற்றும் 256ஜிபி ஸ்டோரேஜ் கொண்ட செல்போன் வெளியாகலாம் எனத் தெரிகிறது. ஐவரி ஒயிட் உள்பட இரண்டு கலர்களில் கிடைக்கும்.

12ஜிபி ரேம் வரை சப்போர்ட் செய்யும் வகையில், 256 ஜிபி மற்றும் 512 ஜிபி ஸ்டோரோஜ் கொண்டதாக ஒப்போ ரெனோ 13 ப்ரோ 5ஜி ஸ்மார்ட்போன் இருக்கும்.

ஒப்போ ரெனோ 13 ப்ரோ போன்கள் 80W wired SuperVOOC சப்போர்ட் உடன் 5800mAh பேட்டரி கொண்டதாகவும், ஒப்போ ரேனா 13 5600mAh பேட்டரி பேட்டரி கொண்டதாக இருக்கும்.

ஒப்போ ரெனோ 13 ப்ரோ போன்களில் கேமரா 3.5x ஆப்டிகல் ஜூம் உடன் 50 மெகாபிக்சல் பெரிஸ்கோப் டெலிபோட்டா வசதி கொண்டதாக இருக்கும். ஒப்போவின் SignalBoost X1 சிப்ஸ் உடன் MediaTek Dimensity 8350 SoCs பிராசசர் கொண்டதாக இருக்கும்.

இந்திய ஸ்மார்ட்போன் சந்தையில் கடந்த ஆண்டு ஏராளமான ஸ்மார்ட்போன் மாடல்கள் அறிமுகம் செய்யப்பட்டன. முன்னணி ஸ்மார்ட்போன் பிரான்டுகள் பல்வேறு புது மாடல்களை அறிமுகம் செய்தன. மிட் ரேஞ்ச் பிரிவில் ஏராளமான மாடல்கள் இடம்பெற்றுள்ளன. இதில் 2024 சிறந்த மிட் ரேஞ்ச் ஸ்மார்ட்போன்கள் பட்டியலை தொடர்ந்து பார்ப்போம்..

மோட்டோ எட்ஜ் 50 நியோ:

மிட் ரேஞ்ச் பிரிவில் மோட்டோ பிரான்டின் எட்ஜ் 50 நியோ சக்திவாய்ந்த பிராசஸர், சிறப்பான கேமரா சென்சார், வாட்டர் ரெசிஸ்டண்ட் வசதி, வீகன் லெதர் பேக் டிசைன் கொண்டிருக்கிறது. இந்த ஸ்மார்ட்போன் குறைந்த விலையில் பிரீமியம் தோற்றத்துடன், சீரான வேகத்தில் இயங்கும் திறன் கொண்டுள்ளது.

நத்திங் போன் 2a பிளஸ்:

நத்திங் பிரான்டின் பட்ஜெட் ரக ஸ்மார்ட்போன் மாடலாக 2a பிளஸ் விற்பனைக்கு வந்தது. தனித்துவ டிசைன், சக்திவாய்ந்த மீடியாடெக் டிமென்சிட்டி 7350 ப்ரோ 5ஜி பிராசஸர், 8 ஜிபி ரேம் உள்ளிட்டவை இந்த ஸ்மார்ட்போனின் குறிப்பிடத்தக்க அம்சங்களாக உள்ளன. இத்துடன் இரட்டை கேமரா சென்சார்கள் வழங்கப்பட்டுள்ளது.

போக்கோ F6:

போக்கோ பிரான்டின் F சீரிஸ் மாடல்கள் மிட் ரேஞ்ச்-இல் சக்திவாய்ந்த பிராசஸர் கொண்டிருக்கின்றன. அந்க வகையில் போக்கோ F6 ஸ்மார்ட்போனில் ஸ்னாப்டிராகன் 8s ஜென் 3 சிப்செட் உள்ளது. இந்த பட்ஜெட்டில் இத்தனை சக்திவாய்ந்த பிராசஸர் கொண்ட ஸ்மார்ட்போன்களில் ஒன்றாக போக்கோ F6 தனித்து நிற்கிறது.

விவோ T3 அல்ட்ரா:

விவோ நிறுவனம் மிக மெல்லிய டிசைன் மற்றும் பிரீமியம் தோற்றத்துடன் அறிமுகம் செய்த ஸ்மார்ட்போனாக விவோ T3 அல்ட்ரா மாடல் அறிமுகம் செய்யப்பட்டது. இதில் மீடியாடெக் டிமென்சிட்டி 9200+ பிராசஸர் வழங்கப்பட்டு இருக்கிறது. இத்துடன் 50MP பிரைமரி கேமரா வழங்கப்பட்டு இருக்கிறது.

ஒன்பிளஸ் நார்டு 4:

ஒன்பிளஸ் நிறுவனம் பட்ஜெட் ரக ஸ்மார்ட்போன்களை நார்டு சீரிசில் விற்பனை செய்து வருகிறது. அந்த வகையில், கடந்த ஆண்டு அந்நிறுவனம் அறிமுகம் செய்த நார்டு 4 ஸ்மார்ட்போன் மெட்டல் டிசைன், ஸ்னாப்டிராகன் 7+ ஜென் 3 பிராசஸர், 256 ஜிபி மெமரி, சிறப்பான கேமரா சென்சார் உள்ளிட்ட அம்சங்களை கொண்டிருக்கிறது.

விவோ நிறுவனம் கடந்த ஏப்ரல் மாதம் இந்திய சந்தையில் அறிமுகம் செய்த போன் விவோ T3x 5ஜி. பட்ஜெட் பிரிவில் நிலைநிறுத்தப்பட்ட விவோ T3x 5ஜி மாடல் தற்போது அசத்தலான விலை குறைப்பை பெற்றிருக்கிறது. விலை குறைப்பின் படி விவோ T3x 5ஜி அனைத்து வித வெர்ஷன்களுக்கும் ரூ. 1000 குறைக்கப்பட்டு இருக்கிறது.

புதிய விலை விவரங்கள்:

விவோ T3x 5ஜி 4ஜிபி ரேம், 128 ஜிபி ரூ. 12,499

விவோ T3x 5ஜி 6ஜிபி ரேம், 128 ஜிபி ரூ. 13,999

விவோ T3x 5ஜி 8ஜிபி ரேம், 128 ஜிபி ரூ. 15,499

இந்த ஸ்மார்ட்போன் விவோ இந்தியா இ-ஸ்டோர், ப்ளி்பகார்ட் மற்றும் ரீடெயில் ஸ்டோர்களில் குறைக்கப்பட்ட புதிய விலையில் கிடைக்கிறது.

அம்சங்களை பொருத்தவரை விவோ T3x 5ஜி மாடலில் 6.72 இன்ச் ஃபுல் ஹெச்.டி. பிளஸ் ஸ்கிரீன், 120Hz ரிப்ரெஷ் ரேட், ஸ்னாப்டிராகன் 6 ஜென் 1 பிராசஸர், அட்ரினோ 710 GPU, ஹைப்ரிட் டூயல் சிம் ஸ்லாட், ஆண்ட்ராய்டு 14 சார்ந்த ஃபன்டச் ஓ.எஸ். 14 வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, 2MP டெப்த் கேமரா, எல்.இ.டி. ஃபிளாஷ், 8MP செல்ஃபி கேமரா வழங்கப்பட்டுள்ளது. இதன் பக்கவாட்டில் கைரேகை சென்சார், 3.5mm ஆடியோ ஜாக், ஸ்டீரியோ ஸ்பீக்கர்கள் வழங்கப்பட்டுள்ளன. இந்த ஸ்மார்ட்போன் 6000 எம்.ஏ.ஹெச். பேட்டரி, 44 வாட் ஃபாஸ்ட் சார்ஜிங் வசதி கொண்டிருக்கிறது.

கனெக்டிவிட்டி்கு 5ஜி, டூயல் 4ஜி வோல்ட்இ, வைபை 6, ப்ளூடூத் 5.1, யு.எஸ்.பி. டைப் சி வழங்கப்பட்டுள்ளது. இந்த ஸ்மார்ட்போன் டஸ்ட் மற்றும் வாட்டர் ரெசிஸ்டண்ட் வசதி கொண்டுள்ளது.

இந்திய ஸ்மார்ட்போன் சந்தையில் கடந்த ஆண்டு ஏராளமான ஸ்மார்ட்போன் மாடல்கள் அறிமுகம் செய்யப்பட்டன. இதில் பல்வேறு புது மாடல்களும், ஏற்கனவே அறிமுகம் செய்யப்பட்ட ஸ்மார்ட்போன்களின் மேம்பட்ட வெர்ஷன்களும் அடங்கும். மலிவு பட்ஜெட்டில் துவங்கி மிக அதிக விலை என பல்வேறு விலை பிரிவுகளில் ஸ்மார்ட்போன்கள் கிடைக்கின்றன.

இதில் கடந்த ஆண்டு வெளியான ஃபிளாக்ஷிப் ஸ்மார்ட்போன்களில் தலைசிறந்த மாடல்களின் பட்டியலை தொடர்ந்து பார்ப்போம்.

விவோ X200 ப்ரோ:

விவோ நிறுவனம் கடந்த சில ஆண்டுகளாக தனது ஸ்மார்ட்போன்களின் கேமரா தரம் மீது அதிக கவனம் செலுத்தி வருகிறது. குறிப்பாக விவோ X சீரிஸ் ஸ்மார்ட்போன்களில் கேமரா சிறப்பாக இருப்பதை பயனர்களும் தெரிவித்துள்ளனர். அந்த வகையில், விவோ நிறுவனம் கடந்த ஆண்டு அறிமுகம் செய்த விவோ X200 ப்ரோ ஸ்மார்ட்போன் 2024 ஆண்டின் சிறந்த ஃபிளாக்ஷிப் ஸ்மார்ட்போன்களில் ஒன்றாக அமைந்தது.

புகைப்படங்களை எடுக்க விவோ X200 ப்ரோ மாடலில் செய்ஸ் பிரான்டிங் கொண்ட 50MP கேமரா, 200MP பெரிஸ்கோப் டெலிபோட்டோ லென்ஸ், 50MP அல்ட்ரா வைடு கேமரா வழங்கப்பட்டு இருக்கிறது. இதில் மீடியாடெக் டிமென்சிட்டி 9400 பிராசஸர், 16 ஜிபி ரேம், 6000 எம்.ஏ.ஹெச். பேட்டரி வழங்கப்பட்டுள்ளது.

கூகுள் பிக்சல் 9 ப்ரோ XL:

கூகுள் நிறுவனம் கடந்த அக்டோபர் மாதம் அறிமுகம் செய்த பிக்சல் 9 ப்ரோ XL மாடலில் அதிநவீன, சக்திவாய்ந்த டென்சார் ஜி4 பிராசஸர் வழங்கப்பட்டு இருக்கிறது. இத்துடன் ஆண்ட்ராய்டு 15 ஓ.எஸ்., 50MP பிரைமரி கேமரா, 48MP அல்ட்ரா வைடு கேமரா, 48MP பெரிஸ்கோப் டெலிபோட்டோ கேமரா, OIS, வழங்கப்பட்டு இருக்கிறது.

சாம்சங் கேலக்ஸி எஸ்24 அல்ட்ரா:

அதிவேகமான குவால்காம் ஸ்னாப்டிராகன் 8 ஜென் 3 பிராசஸர், மேம்பட்ட டெலிபோட்டோ கேமரா வழங்கப்பட்டு இருக்கிறது. இத்துடன் ஏ.ஐ. சார்ந்த அம்சங்கள், அதிகபட்சம் 1 டி.பி. வரையிலான ஸ்டோரேஜ் வழங்கப்படுகிறது. இந்த ஸ்மார்ட்போனிற்கு அதிகபட்சம் ஏழு ஆண்டுகளுக்கு மென்பொருள் அப்டேட் வழங்குவதாக சாம்சங் அறிவித்துள்ளது.

ஐபோன் 16 ப்ரோ மேக்ஸ்:

ஆப்பிள் நிறுவனம் கடந்த ஆண்டு அறிமுகம் செய்ததில் டாப் எண்ட் ஐபோன் மாடல் தான் ஐபோன் 16 ப்ரோ மேக்ஸ். மேம்பட்ட டிசைன், அதிவேக பிராசஸர், ஏ.ஐ. வசதிகளை வழங்கும் ஆப்பிள் இன்டெலிஜன்ஸ் என ஏராளமான சுவாரஸ்ய அம்சங்களுடன் ஐபோன் 16 ப்ரோ மேக்ஸ் அறிமுகம் செய்யப்பட்டது. இந்த ஸ்மார்ட்போனில் அதிகபட்சம் 1 டி.பி. வரையிலான ஸ்டோரேஜ் வசதி வழங்கப்படுகிறது. இத்துடன் தலைசிறந்த கேமரா சென்சார்கள் வழங்கப்படுகிறது.

சியோமி நிறுவனம் தனது முற்றிலும் புதிய ரெட்மி டர்போ 4 ஸ்மார்ட்போனினை இன்னும் சில நாட்களில் அறிமுகம் செய்ய இருக்கிறது. ஜனவரி 2 ஆம் தேதி சீன சந்தையில் அறிமுகம் செய்யப்பட இருக்கும் ரெட்மி டர்போ 4 டிமென்சிட்டி 8400 அல்ட்ரா சிப்செட் கொண்ட முதல் ஸ்மார்ட்போன் என்ற பெருமையை கொண்டிருக்கும்.

வெளியீட்டுக்கு முன் புதிய ரெட்மி டர்போ 4 ஸ்மார்ட்போனின் டிசைன் விவரங்களை அந்நிறுவனம் வெளியிட்டுள்ளது. அதன்படி இந்த ஸ்மார்ட்போன் செங்குத்தாக பொருத்தப்பட்ட டூயல் 50MP கேமரா சென்சார்கள், பின்புறம் சிவப்பு நிற அக்சென்ட்கள் செய்யப்பட்டுள்ளன. இதன் பேக் கவரில் ஃபிராஸ்ட்டெட் மேட் கிளாஸ் கொண்டுள்ளது.

இதன் ஒட்டுமொத்த தோற்றம் ஐபோன் 16 மாடலை நினைவூட்டும் வகையில் உருவாக்கப்பட்டு இருக்கிறது. இந்த ஸ்மார்ட்போனின் வலது புறத்தில் வால்யூம் மற்றும் பவர் பட்டன்கள் உள்ளன. இத்துடன் கீழ்புறம் ஸ்பீக்கர் இடம்பெற்று இருக்கிறது.

புதிய ரெட்மி டர்போ 4 ஸ்மார்ட்போன் பிளாக், வைட் மற்றும் புளூ என மூன்றுவித நிறங்களில் கிடைக்கும் என்று தெரிகிறது. சீனாவில் ரெட்மி டர்போ 4 பிரான்டிங்கில் வெளியாகும் நிலையில், சர்வதேச சந்தையில் இந்த ஸ்மார்ட்போன் போக்கோ X7 ப்ரோ பெயரில் அறிமுகம் செய்யப்படும் என்று எதிர்பார்க்கலாம். 

விவோ நிறுவனம் இந்திய சந்தையில் தனது X200 மற்றும் X200 ப்ரோ ஸ்மார்ட்போன் மாடல்களை அறிமுகம் செய்தது. இதில் விவோ X200 மாடலில் 6.67 இன்ச் 1.5K 120Hz LTPS ஸ்கிரீன், X200 ப்ரோ மாடலில் 6.78 இன்ச் 1.5K 120Hz AMOLED ஸ்கிரீன் வழங்கப்பட்டு இருக்கிறது.

இரு மாடல்களிலும் மீடியாடெக் டிமென்சிட்டி 9400 பிராசஸர், அதிகபட்சம் 16 ஜிபி ரேம், 512 ஜிபி மெமரி, ஆண்ட்ராய்டு 15 சார்ந்த ஃபன்டச் ஓஎஸ் 15 வழங்கப்பட்டு இருக்கிறது. இதுதவிர நான்கு ஓஎஸ் அப்டேட்கள், ஐந்து ஆண்டுகளுக்கு செக்யூரிட்டி அப்டேட்கள் வழங்கப்டுகிறது. இரு மாடல்களிலும் IP68+IP69 தர வாட்டர் மற்றும் டஸ்ட் ரெசிஸ்டண்ட் வசதி வழங்கப்பட்டு இருக்கிறது.

புகைப்படங்களை எடுக்க விவோ X200 மாடலில் 50MP பிரைமரி கேமரா, 50MP அல்ட்ரா வைடு கேமரா, 50MP டெலிபோட்டோ கேமரா மற்றும் 32MP செல்பி கேமரா வழங்கப்பட்டு இருக்கிறது. விவோ X200 ப்ரோ மாடலில் 50MP பிரைமரி கேமரா, 50MP அல்ட்ரா வைடு கேமரா, 200MP டெலிபோட்டோ கேமரா மற்றும் 32MP செல்பி கேமரா உள்ளது.

பேட்டரியை பொருத்தவரை விவோ X200 மாடலில் 5800 எம்ஏஹெச், விவோ X200 ப்ரோ மாடலில் 6000 எம்ஏஹெச் வழங்கப்பட்டு இருக்கிறது. இரு மாடல்களிலும் 90 வாட் ஃபாஸ்ட் சார்ஜிங் வசதி உள்ளது. விவோ X200 ப்ரோ மாடலில் மட்டும் கூடுதலாக 30 வாட் வயர்லெஸ் ஃபிளாஷ் சார்ஜிங் வழங்கப்பட்டு இருக்கிறது.

புதிய விவோ X200 மாடல் நேச்சுரல் கிரீன், காஸ்மோஸ் பிளாக் நிறங்களில் கிடைக்கிறது. இதன் விலை ரூ. 65 ஆயிரத்து 999 என துவங்கி டாப் எண்ட் மாடல் விலை ரூ. 71 ஆயிரத்து 999 என நிர்ணயம் செய்யப்பட்டு உள்ளது.

விவோ X200 ப்ரோ மாடல் டைட்டானியம் கிரே மற்றும் காஸ்மோஸ் பிளாக் நிறங்களில் கிடைக்கிறது. இதன் விலை ரூ. 94 ஆயிரத்து 999 என நிர்ணயம் செய்யப்பட்டு உள்ளது. இரு மாடல்களின் விற்பனை டிசம்பர் 19 ஆம் தேதி துவங்குகிறது. 

சியோமி நிறுவனம் ஏற்கனவே அறிவித்தப்படி ரெட்மி நோட் 14 5ஜி ஸ்மார்ட்போனினை இந்திய சந்தையில் அறிமுகம் செய்தது. புதிய ரெட்மி நோட் ஸ்மார்ட்போனில் 6.67 இன்ச் FHD+ OLED ஸ்கிரீன் 120Hz ரிப்ரெஷ் ரேட் மற்றும் 2100 நிட் பீக் பிரைட்னஸ் உள்ளது. இந்த ஸ்மார்ட்போன் வெறும் 7.99mm அளவில் மிக மெல்லியதாக இருக்கும்படி உருவாக்கப்பட்டு இருக்கிறது.

இதில் மீடியாடெக் டிமென்சிட்டி 7025 பிராசஸர், 8 ஜிபி ரேம், 8 ஜிபி வரை விர்ச்சுவல் ரேம் வழங்கப்பட்டு இருக்கிறது. ஆண்ட்ராய்டு 14 சார்ந்த ஹைப்பர் ஓஎஸ் கொண்டிருக்கும் புதிய ரெட்மி நோட் 14 ஸ்மார்ட்போனிற்கு இரண்டு ஆண்ட்ராய்டு ஓஎஸ் அப்டேட்கள், நான்கு ஆண்டுகளுக்கு செக்யூரிட்டி அப்டேட்கள் வழங்குவதாக சியோமி தெரிவித்துள்ளது.

புகைப்படங்களை எடுக்க 50MP பிரைமரி கேமரா, OIS, 8MP அல்ட்ரா வைடு கேமரா, 2MP மேக்ரோ கேமரா மற்றும் 20MP செல்பி கேமரா வழங்கப்பட்டு இருக்கிறது. இந்த ஸ்மார்ட்போன் IP54 தர வாட்டர் ரெசிஸ்டண்ட் வசதி மற்றும் 5110 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 45 வாட் பாஸ்ட் சார்ஜிங் வசதி வழங்கப்பட்டுள்ளது.

புதிய ரெட்மி நோட் 14 5ஜி ஸ்மார்ட்போன் டைட்டன் பிளாக், மிஸ்டிக் வைட் மற்றும் ஃபேண்டம் பர்பில் நிறங்களில் கிடைக்கிறது. இதன் 6 ஜிபி ரேம், 128 ஜிபி மெமரி மாடல் விலை ரூ. 18 ஆயிரத்து 999 என்றும் 8 ஜிபி ரேம், 128 ஜிபி மெமரி மாடல் விலை ரூ. 19 ஆயிரத்து 999 என்றும் 8 ஜிபி ரேம், 256 ஜிபி மெமரி மாடல் விலை ரூ. 21 ஆயிரத்து 999 என்றும் நிர்ணயம் செய்யப்பட்டு உள்ளது. 

டெக்னோ நிறுவனம் இந்திய சந்தையில் தனது பேண்டம் V2 சீரிஸ் ஸ்மார்ட்போன்கள்- பேண்டம் V போல்டு 2, பேண்டம் V ப்ளிப் 2 மாடல்களை அறிமுகம் செய்தது. புதிய பேண்டம் V2 சீரிஸ் மாடல்களில் ஏர்செல் பேட்டரி தொழில்நுட்பம் வழங்கப்பட்டு இருக்கிறது. இத்துடன் மெல்லிய - குறைந்த எடையிலான டிசைன், அதிநவீன ஏ.ஐ. வசதிகளை கொண்டிருக்கிறது.

பேண்டம் V போல்டு 2 ஸ்மார்ட்போனில் 7.85 இன்ச் மெயின் ஸ்கிரீன், 6.42 இன்ச் கவர் டிஸ்ப்ளே, கார்னிங் கொரில்லா கிளாஸ் விக்டஸ் 2 பாதுகாப்பு வழங்கப்பட்டு இருக்கிறது. பேண்டம் V ப்ளிப் 2 மாடலில் 6.9 இன்ச் மெயின் டிஸ்ப்ளே, 3.64 இன்ச் கவர் ஸ்கிரீன் மற்றும் கார்னிங் கொரில்லா கிளாஸ் 8 பாதுகாப்பு வழங்கப்பட்டு இருக்கிறது.

பேண்டம் V போல்டு 2 அம்சங்கள்:

மீடியாடெக் டிமென்சிட்டி 9000 பிளஸ் பிராசஸர்

12 ஜிபி ரேம்

512 ஜிபி மெமரி

50MP பிரைமரி கேமரா

50MP அல்ட்ரா வைடு கேமரா

32MP+32MP செல்பி கேமரா

5750 எம்ஏஹெச் பேட்டரி

70 வாட் அல்ட்ரா சார்ஜ்

15 வாட் வயர்லெஸ் சார்ஜிங்

பேணடம் V ப்ளிப் 2 அம்சங்கள்:

டிமென்சிட்டி 8020 பிராசஸர் வழங்கப்பட்டு இருக்கிறது. இத்துடன்

8 ஜிபி ரேம்

256 ஜிபி மெமரி

50MP பிரைமரி கேமரா

50MP அல்ட்ரா வைடு கேமரா

32MP செல்பி கேமரா

4720 எம்ஏஹெச் பேட்டரி

70 வாட் அல்ட்ரா சார்ஜ்

விலை விவரங்கள்:

டெக்னோ பேண்டம் V ப்ளிப் 2 மாடலின் விலை ரூ. 34 ஆயிரத்து 999 என்றும் V போல்டு 2 விலை ரூ. 79 ஆயிரத்து 999 என்றும் நிர்ணயம் செய்யப்பட்டு உள்ளது. இது அறிமுக விலை என்று டெக்னோ அறிவித்து இருக்கிறது. இரு மாடல்களின் விற்பனை டிசம்பர் 13 ஆம் தேதி துவங்குகிறது.

ஐகூ நிறுவனத்தின் முற்றிலும் புதிய ஸ்மார்ட்போன் மாடல் இந்திய சந்தையில் அறிமுகம் செய்தது. ஐகூ 13 என அழைக்கப்படும் புது ஸ்மார்ட்போன் ஸ்னாப்டிராகன் 8 எலைட் பிராசஸர் கொண்டிருக்கிறது. ஐகூ 12 ஸ்மார்ட்போனின் மேம்பட்ட வெர்ஷனாக அறிமுகம் செய்யப்பட்டுள்ள ஐகூ 13 ஸ்மார்ட்போன் 6.82 இன்ச் 2K 1440x3168 பிக்சல் ரெசல்யூஷன் கொண்ட AMOLED டிஸ்ப்ளே கொண்டிருக்கிறது.

இத்துடன் 12 ஜிபி ரேம், 16 ஜிபி வரை விர்ச்சுவல் ரேம், அதிகபட்சம் 512 ஜிபி மெமரி வழங்கப்பட்டுள்ளது. புகைப்படங்களை எடுக்க 50MP பிரைமரி கேமரா, 50MP அல்ட்ரா வைடு கேமரா, 50MP டெலிபோட்டோ லென்ஸ், 32MP செல்பி கேமரா வழங்கப்பட்டு இருக்கிறது. இந்த ஸ்மார்ட்போன் ஆண்ட்ராய்டு 15 சார்ந்த ஃபன் டச் ஓஎஸ் 15 கொண்டுள்ளது.

IP68 மற்றும் IP69 தர வாட்டர் ரெசிஸ்டண்ட் வசதி கொண்டிருக்கும் ஐகூ 13 ஸ்மார்ட்போன் அல்ட்ரா சோனிக் கைரேகை சென்சார், யுஎஸ்பி டைப் சி போர்ட், வைபை 7, என்எப்சி போன்ற வசதிகளை கொண்டிருக்கிறது. இந்த ஸ்மார்ட்போன் 6000 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 120 வாட் பாஸ்ட் சார்ஜிங் வசதி வழங்கப்பட்டு இருக்கிறது.

புதிய ஐகூ 13 ஸ்மார்ட்போன் லெஜன்ட் மற்றும் நார்டோ கிரே என இரண்டு நிறங்களில் கிடைக்கிறது. இந்த ஸ்மார்ட்போனிற்கான முன்பதிவு நாளையும் (டிசம்பர் 5) விற்பனை டிசம்பர் 11 ஆம் தேதியும் துவங்குகிறது. இந்த ஸ்மார்ட்போனை முன்பதிவு செய்தவர்கள் மட்டும் டிசம்பர் 10 ஆம் தேதியே இதனை வாங்கிட முடியும்.

ஐகூ 13 ஸ்மார்ட்போனின் 12 ஜிபி ரேம், 256 ஜிபி மெமரி மாடல் விலை ரூ. 54 ஆயிரத்து 999 என்றும் 16 ஜிபி ரேம், 512 ஜிபி மெமரி மாடல் விலை ரூ. 59 ஆயிரத்து 999 என்றும் நிர்ணயம் செய்யப்பட்டு உள்ளது. ஹெச்டிஎப்சி மற்றும் ஐசிஐசிஐ வங்கி கிரெடிட் கார்டு பயன்படுத்துவோருக்கு ரூ. 3 ஆயிரம் தள்ளுபடி வழங்கப்படுகிறது. விற்பனை அமேசான் மற்றும் ஐகூ வலைதளங்கள், விவோ ஸ்டோர்களில் நடைபெறும்.