இயக்குனர் சீனு ராமசாமி இயக்கத்தில் சமீபத்தில் வெளிவந்த திரைப்படம் கோழிப்பண்ணை செல்லதுரை. இப்படத்தில் ஏகன் , யோகி பாபு மற்றும் பிரிகிடா சகா முக்கிய கதாப்பாத்திரத்தில் நடித்து இருந்தனர். இப்படம் வெளியாகி மக்களிடையே கலவையான விமர்சனத்தை பெற்றது.

இந்நிலையில் படத்தை பார்த்த இயக்குனர் மற்றும் நடிகரான கரு பழனியப்பன் இப்படத்தை குறித்து முகநூல் பக்கத்தில் பதிவை பதிவிட்டுள்ளார். அதில் அவர்

இயக்குனர் சீனு ராமசாமி அவர்களுக்கு.... கடந்த ஒரு மாத காலமாய் கண்டவிடத்தில் எல்லாம் அண்ணே கோழி பண்ணை செல்லதுரை படம் பாக்கலையா? பாத்துட்டு, நாலு வரி நல்லதா, முகநூலில் எழுதுங்க"என்று சொல்லிக் கொண்டே இருந்தீர்கள்.

கல்லூரி காலம் முதலிலேயே நாம் இருவரும் ஒருவரை ஒருவர் அறிவோம் என்றாலும் இதுவரை கடிதம் எழுதிக் கொண்டதில்லை. இதுவே முதல் கடிதம். உங்களுடைய கோழிப்பண்ணை செல்லதுரை திரைப்படம் அரங்க வெளியீட்டின் போது வெற்றி பெறவில்லை எனினும் ஓ டி டி தளங்களில் வெளியான பின் பலரும் தங்களை பாராட்டுகின்றனர் அதை தாங்களும் தங்கள் வலைத்தள பக்கங்களில் பகிர்ந்து மகிழ்கின்றீர். நிற்க உங்களை பலரும் பாராட்டுவதில் எனக்கும் மகிழ்ச்சியே ஆனால் கோழிப்பண்ணை செல்லதுரை போல, குறைகளோடு கூடிய படைப்பை கோபுரத்தின் மேல் வைத்து ஒருவர் பாராட்டுவது என்பது அவருடைய பண்பை காட்டுகிறது. அதை நமக்குரியது என நினைத்து ஏற்றுக் கொள்வது நம் பயணத்தை தடை செய்யக்கூடும்.

சீனு ராமசாமி ஆகிய நீங்கள் செல்ல வேண்டிய தூரமும் அடைய வேண்டிய உயரமும் அளப்பரியது. இந்தக் குழந்தைப்பாராட்டுகளில் குதூகலித்து தேங்கி நின்று விடாதீர்கள். நடிப்பின் அசுரன் தனுஷின் தந்தை இயக்குனர் கஸ்தூரிராஜா தங்களுக்கு எழுதிய பாராட்டை பகிர்ந்து இருந்தீர்கள்.

நல்லது. மகிழ்ச்சி. தனக்கு அடுத்த தலைமுறை இயக்குனர்களின் மேல் திரு கஸ்தூரிராஜா காட்டும் அன்பு அது. இதனால் என்ன நன்மை விளையும் என்று நன்றாக யோசித்துப் பாருங்கள். முகம் தெரியாத ரசிகன் நம் படைப்பை ஆரவாரித்து கொண்டாடி வெற்றி பெற செய்ய வேண்டும். அது நிகழும் போது முகம் தெரிந்தவர்கள் எல்லாம் நம்மோடு கைகோர்த்து அடுத்த படம் செய்ய வருவார்கள், என்பதை நீங்களும் அறிவீர்கள் தானே "தென்மேற்கு பருவக்காற்று" "தர்ம துரை" படங்களுக்கு மேலாக சிறந்த படைப்பையும் மேலான வெற்றியையும் உங்களது அடுத்த படம் அடையட்டும். எதிர்பார்த்து காத்திருக்கும் கரு பழனியப்பன்.

என கூறியுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சூர்யா கங்குவா திரைப்படத்தை தொடர்ந்து கார்த்தி சுப்பராஜ் இயக்கத்தில் சூர்யா 44 திரைப்படத்தில் நடித்து முடித்துள்ளார்.

சூர்யா அடுத்ததாக ஆர்.ஜே பாலாஜி இயக்கத்தில் நடிக்கவுள்ளார். இப்படம் சூர்யா வின் 45-வது திரைப்படமாகும் . இப்படத்தை டிரீம் வாரியர் பிக்சர்ஸ் தயாரிப்பு நிறுவனம் தயாரிக்கவுள்ளது. இதனை படக்குழு சமீபத்தில் அதிகாரப்பூர்வமாக போஸ்டர் வெளியிட்டு அறிவித்தது.

படத்தின் இசையை ஏ.ஆர் ரகுமான் மேற்கொள்கிறார். இந்த கூட்டணி புதியதொரு கூட்டணியாக இருப்பதால் திரைப்படத்தின் மேல் ரசிகர்களுக்கு எதிர்பார்ப்பு அதிகரித்துள்ளது.

இப்படம் ஒரு தெய்வீக ஃபேன்டசி திரைப்படமாக இருக்கும் என எதிர்ப்பார்க்கப்படுகிறது. படத்தின் நடிக்கவுள்ள கதாநாயகி பற்றிய தகவல் வெளியாகியுள்ளது. சூர்யா 45 திரைப்படத்தின் நடிகை திரிஷா நடிக்கவுள்ளதாக தகவல்கள் பரவி வருகின்றன.

சூர்யா மற்றும் திரிஷா ஜோடியாக மௌனம் பேசியதே மற்றும் ஆறு திரைப்படங்களில் நடித்துள்ளனர். இவர்கள் நடித்த இரு திரைப்படங்களும் மிகப்பெரிய வெற்றி திரைப்படமாக அமைந்தது. இந்த தகவல் உண்மையெனில் இருவரும் 20 ஆண்டுகளுக்கு பிறகு மீண்டும் இணைந்து நடிக்கவுள்ளனர்.

சூர்யா 45 திரைப்படம் இயக்குவதற்கு முன் ஆர்.ஜே பாலாஜி திரிஷா நடிப்பில் மாசானியம்மன் திரைப்படத்தை இயக்க இருந்தது குறிப்பிடத்தக்கது.

சூர்யா 45 திரைப்படத்திற்கு கருப்பு என தலைப்பாக இருக்கும் என இணையத்தில் தகவல்கள் பரவி வருகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இந்தியாவின் புகழ்பெற்ற இசையப்பாளரும், ஆஸ்கார் விருது வென்றவருமான ஏர்.ஆர். ரகுமான் தனது மனைவி சாய்ரா பானுவை பிரிந்துள்ளார். கடந்த செவ்வாய்க்கிழமை இருவரும் இந்த அறிவிப்பை வெளியிட்டனர். இதனால் அவர்களுடைய 29 வருட திருமண வாழ்க்கை முடிவுக்கு வந்துள்ளது.

இந்த நிலையில் இருவருடைய கடந்த கால வாழ்க்கை குறித்து உறவினர்கள், நண்பர்கள் உள்ளிட்டோர் பல கருத்துகளை பகிர்ந்து வருகின்றனர்.

இந்த நிலையில் ஹனிமூனுக்கு சென்ற இடத்திலும் மியூசிக் கம்போஸ் செய்தார் ஏர்.ஆர். ரகுமான் என சாய்ரா பானுவின் சகோதரி கணவரும், நடிகருமான ரகுமான் தெரிவித்துள்ளார்.

இது தொடர்பாக நடிகர் ரகுமான் கூறுகையில் "அவர்கள் ஹனிமூனுக்கு சென்றிருந்த நேரத்தில் அவர்களுக்கு நான் போன் செய்திருந்தேன். அப்போது நள்ளிரவு 12 முதல் 1 மணி வரை இருக்கும். சாய்ரா பானு தூங்கிக் கொண்டிருந்த நிலையில், எழுந்து பதில் அளித்தார். அப்போது ரகுமானை எங்கே என்று நான் கேட்டேன்.

எனக்கு தெரியாது என்று சாய்ரா கூறினார். அவர் மற்றொரு அறையில் வீணை வைத்துக் கொண்டு பயிற்சி எடுத்துக் கொண்டிருந்தார். அவர் கம்போசிங் செய்து கொண்டிருந்தார். அவர் அப்படிப்பட்ட நபர். அந்த அளவிற்கு மியூசிக் மீது தன்னை ஈடுபடுத்திக் கொண்டார்" எனத் தெரிவித்துள்ளார்.

தமிழ் சினிமாவில் தனுஷ், ஜெயம் ரவி, ஜி.வி.பிரகாஷ் என நட்சத்திரங்களின் விவாகரத்து வரிசையில் தற்போது இசையமைப்பாளர் ஏ.ஆர்.ரகுமானும் இணைந்திருப்பது ரசிகர்களுக்கு மிகப்பெரிய கவலையை ஏற்படுத்தி இருக்கிறது.

எப்போதுமே சினிமா பிரபலங்கள் விவாகரத்து முடிவில் இருக்கும் சமயம் சண்டை, சச்சரவு, தகராறு, மோதல் என அரசல் புரசலாக ஏதாவது ஒரு தகவல் வெளியாகும். ஆனால் ஏ.ஆர்.ரகுமான் - சாய்ரா பானு இடையே இதுவரை எந்த சண்டையும், வாக்குவாதமும் ஏற்பட்டதாக யாருமே அறியாத நிலையில், திடீரென சாய்ரா பானுவின் இந்த பிரிவு அறிவிப்பு நேற்று இந்திய சினிமாவிலேயே பரபரப்பை ஏற்படுத்தியது. கிட்டத்தட்ட 29 ஆண்டு கால திருமண வாழ்க்கை முறிந்துள்ளது.

ஏ.ஆர் ரகுமான் நேற்று பதிவிட்ட எக்ஸ் பதிவில் #arrsairabreakup என்ற ஹேஷ்டேக்கை பயன்படுத்தி இருந்தார். இதற்கு நெட்டிசன்கள் அனைவரும் கமெண்டுகளை பதிவு செய்து வருகின்றனர். இந்த மாதிரி ஒரு சூழ்நிலைக்கு யார் ஹேஷ்டேகுகளை உருவாக்குவார்கள். எக்ஸ் பக்கத்தை பார்க்கும் அட்மினை வேலையை விட்டு நீக்குங்கள், விவாகரத்துக்கு ஹேஷ்டாக்கா என அவர்களது கருத்தை பதிவிட்டு வருகின்றனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இசைப்புயல் என்று அழைக்கப்படும் இசையமைப்பாளர் ஏ.ஆர்.ரகுமானுக்கும், சாய்ரா பானுவுக்கும் 1995-ம் ஆண்டு சென்னையில் திருமணம் நடந்தது. இவர்களுக்கு கதீஜா, ரஜீமா என்ற 2 மகள்களும், அமீன் என்ற மகனும் உள்ளனர்.

இந்தநிலையில், ஏ.ஆர்.ரகுமானை விட்டு பிரிவதாக அவரது மனைவி சாய்ரா பானு செவ்வாய்கிழமை இரவு அறிவித்தார். இருவருக்கும் இடையே நிரப்ப முடியாத இடைவெளி ஏற்பட்டுள்ளதால் இந்த விவாகரத்து முடிவை எடுத்திருப்பதாகவும், ஏ.ஆர்.ரகுமானுடனான தனது திருமண பந்தத்தை முறித்து கொள்வதாகவும் சாய்ரா பானு அறிவித்தார். இதன் மூலம் 29 வருட திருமண வாழ்க்கை முறிந்துள்ளது.

இதனை தொடர்ந்து முப்பது ஆண்டுகளை எட்டுவோம் என்று நம்பியிருந்த நிலையில், முடிவை எட்டியிருக்கிறது திருமண வாழ்க்கை என ஏ.ஆர்.ரகுமான் உருக்கமாக பதிவிட்டு இருந்தார்.

இந்த நிலையில் ஏ.ஆர்.ரகுமானின் விவாகரத்து அறிவிப்பு வெளியான அன்றே அவரிடம் பல வருடங்களாக துணை பாடகியாக பணியாற்றும் மோகினி டேவும், தனது கணவரை பிரிவதாக அறிவித்தார். இதனால் ஏ.ஆர்.ரகுமானின் விவாகரத்துக்கு மோகினி டே தான் காரணம் என்று சமூக வலைத்தளங்களில் தகவல் வெளியானது.

இந்நிலையில், சமூக வலைத்தளங்களில் வெளியாகும் தகவல் உண்மை அல்ல என்று ஏ.ஆர்.ரகுமான் மற்றும் சாய்ரா பானுவின் வழக்கறிஞர் வந்தனா கூறியுள்ளார். மேலும், சாய்ராவும், ஏ.ஆர்.ரகுமானும் தாங்களாகவே இந்த முடிவை எடுத்துள்ளனர். அது ஒரு இணக்கமான விவாகரத்து. இருவரும் மிகவும் உண்மையானவர்கள். இந்த முடிவை எளிதாக எடுக்கப்படவில்லை என்று கூறினார். 

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

எச்.வினோத் இயக்கத்தில் தற்போது விஜய் அவருடைய 69-வது படத்தில் நடித்து வருகிறார். அந்தப் படத்தின் படப்பிடிப்பு விறுவிறுப்பாக நடந்து வருகிறது. படத்தில் விஜய்க்கு ஜோடியாக பூஜா ஹெக்டே நடிக்கிறார். இப்படத்தில் பாபி தியோல், மமிதா பைஜூ மற்றும் பல முன்னணி நடிகர்கள் நடித்து வருகின்றனர்.

இந்தப் படம் விஜய்க்கு கடைசி படம் என்பதால் படத்தின் மீது அதிக எதிர்பார்ப்பு ஏற்பட்டு இருக்கிறது. தற்போது இப்படப்பிடிப்பு சென்னையில் நடைபெற்று வருகிறது. சில தினங்களுக்கு முன் படப்பிடிப்பிற்கு வந்த விஜயை கண்ட ரசிகர்கள் ஆரவாரம் செய்த வீடியோ காட்சி சமூக வலைத்தளங்களில் வைரலாகி வருகிறது.

இந்த நிலையில், தளபதி 69 படப்பிடிப்பு சென்னை பல்லாவரத்தில் உள்ள ராணுவ முகாம் பகுதியில் நடந்துவருகிறது. முன்னதாக, கடந்த சில தினங்களுக்கு முன் ராணுவ அதிகாரிகளின் குடும்பத்தாரை விஜய் சந்தித்து பேசியிருந்தார்.

இதனிடையே விஜய் அரசியலில் தீவிரமாக ஈடுபட்டு வருகிறார். கட்சி சார்ந்த கூட்டங்களில் பங்கேற்று வருகிறார் என்பது குறிப்பிடத்தக்கது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

மலையாள திரைப்பட மற்றும் தொலைக்காட்சி தொடர் நடிகர் மேகநாதன் காலமானார். அவருக்கு வயது 60. சுவாசக் கோளாறு காரணமாக கோழிக்கோடு தனியார் மருத்துவமனையில் சிகிச்சை பெற்று வந்த நிலையில் மரணம் அடைந்தார்.

திருவனந்தபுரத்தில் பிறந்த இவர், பிரபல மலையாள நடிகர் பாலன் கே நாயர் மற்றும் சாரதா நாயர் ஆகியோருக்கு மூன்றாவதாக பிறந்தவர். மேகநாதன் 1983 ஆம் ஆண்டு மலையாளத் திரைப்படமான 'அஷ்த்ரம்' மூலம் நடிகராக அறிமுகமானார். ஆரம்ப காலகட்டத்தில் குணச்சித்திர வேடங்களில் நடித்து வந்த நிலையில் வில்லன் கதாபாத்திரத்தில் நடித்து பிரபலமானார். இதையடுத்து 50-க்கும் மேற்பட்ட மலையாள படங்களில் நடித்தார். அவரது பன்முகத்தன்மைக்கு அங்கீகாரம் பெற்றார்.

மேகநாதன் சென்னையில் தனது ஆரம்பக் கல்வியை முடித்து, கோவையில் ஆட்டோமொபைல் இன்ஜினியரிங் டிப்ளமோ பெற்றார். பின்னர் நடிப்பின் மீதான ஆர்வத்தால் திரைத்துறையில் பணியாற்றினார்.

மேகநாதனுக்கு மனைவி சுஸ்மிதா மற்றும் மகள் பார்வதி உள்ளனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இயக்குநர் நித்திலன் சாமிநாதன் இயக்கத்தில் நடிகர் விஜய் சேதுபதி நடித்த மகாராஜா திரைப்படம் ஜூன் மாதம் வெளியாகி ரசிகர்கள் மற்றும் விமர்சகர்களிடையே பெரிய வரவேற்பைப் பெற்றது.

இத்திரைப்படம் திரையரங்குகளில் வெளியாகி ரூ.100 கோடிக்கும் அதிகமாக வசூலித்து இந்தாண்டின் வெற்றிப்படமானது. ஓடிடி தளத்திலும் வெளியாகி நல்ல வரவேற்பை பெற்றது.

ரசிகர்களிடையே பெரும் வரவேற்பை பெற்ற 'மகாராஜா' திரைப்படத்தை இந்தியில் ரீமேக் செய்ய உள்ளதாக தகவல்கள் வெளியாகின.

இந்நிலையில், 'மகாராஜா' திரைப்படத்தை சீன மொழியில் டப்பிங் செய்து சீனாவில் வருகிற 29-ந்தேதி வெளியிட உள்ளனர். அலிபாபா குழுமம் இப்படத்தை வெளியிடவுள்ளதாக தயாரிப்பு நிறுவனம் தகவல் தெரிவித்துள்ளது.

இதனிடையே சீனாவில் மகாராஜா திரைப்படம் 40,000 திரைகளில் வெளியாகவுள்ளது என்று தகவல் வெளியாகியுள்ளது.

சீனாவில் வெளியான டங்கல் திரைப்படம் 1300 கோடி வசூலை வாரி குவித்தது. இதன் மூலம் உலகம் முழுவதும் அத்திரைப்படம் 2000 கோடி வசூலை கடந்தது.

இந்நிலையில் சீனாவில் டங்கல் திரைப்படம் நிகழ்த்திய சாதனையை மகாராஜா திரைப்படமும் நிகழ்த்துமா என்று தமிழ் ரசிகர்கள் ஆவலுடன் எதிர்பார்த்து காத்துள்ளனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்

நடிகர் தனுஷ் ராயன் படத்தை தொடர்ந்து `நிலவுக்கு என் மேல் என்னடி கோபம்' என்ற படத்தை இயக்கியுள்ளார். இது ரோம்-காம் கதைக்களத்தில் உருவாகும் திரைப்படமாகும். இப்படத்திற்கு ஜி.வி பிரகாஷ் குமார் இசையமைத்துள்ளார்.

இந்தப் படத்தின் ஃபர்ஸ்ட் சிங்கிள் பாடல் `கோல்டன் ஸ்பேரோ' வெளியாகி ரசிகர்களிடம் பெரும் வரவேற்பை பெற்றது. இன்றுவரை இந்தப் பாடலின் வியூஸ் மற்றும் ரீல்ஸ் எண்ணிக்கை சமூக வலைதளங்களில் தொடர்ந்து அதிகரித்து வருகிறது.

இந்த நிலையில், 'நிலவுக்கு என் மேல் என்னடி கோபம்' படத்தின் அடுத்த பாடல் குறித்த தகவலை படக்குழு அறிவித்துள்ளது. அதன்படி இந்தப் படத்தின் 'காதல் ஃபெயில்' பாடல் வருகிற 25 ஆம் தேதி வெளியாகும் என்று அறிவிக்கப்பட்டு இருக்கிறது. இந்தப் பாடல் ஜென் Z சூப் பாடல் என்றும் தெரிவிக்கப்பட்டுள்ளது.

இப்படத்தில் மாத்யூ தாமஸ், பிரியா பிரகாஷ் வாரியர், அனிகா சுரேந்திரன், ரபியா காடூன் மற்றும் பவிஷ் முன்னணி கதாப்பாத்திரத்தில் நடிக்கின்றனர். இப்படத்தை தனுஷின் வுண்டர்பார் பிலிம்ஸ் தயாரிக்கிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

காட்டுக்கே ராஜாவான சிங்கத்தை வைத்து இதுவரையில் 2 லயன் கிங் படங்கள் வந்துள்ளது. 1994 ஆம் ஆண்டில் ஒன்றும், 2019 ஆம் ஆண்டில் மற்றொன்றும் வெளியானது.

லயன் கிங் படத்திற்கு ஒரு தனி ரசிகர் பட்டாளமே உள்ளது. சிம்பாவை தூக்கி அனைத்து காட்டு விலங்களுக்கும் காட்டும் காட்சி இன்னும் சமூகவலைத்தளங்களில் வலம் வந்து கொண்டுதான் உள்ளது.

இந்நிலையில், சூழ்ச்சியால் கொலை செய்யப்படும் சிம்பாவின் தந்தை முஃபாசா கடந்து வந்த பாதையை வைத்து உருவாகியுள்ளது முஃபாசா : தி லயன் கிங் படம். இப்படத்தை ஆஸ்கர் விருதை வென்ற ஜெஃப் நதன்சன் எழுத பேரி ஜென்கின்ஸ் இயக்கியுள்ளார். இப்படம் வருகிற டிசம்பர் 20 ஆம் தேதி வெளியாகவுள்ளது.

அரச குடும்பத்தை சாராது, அனாதையாக வளர்ந்து தனக்கான ஆட்சியை உருவாக்கும் முஃபாசாவின் கதை மெய்சிலிர்க்க வைக்கிறது. முஃபாசா படத்தின் ஆங்கில ட்ரெய்லர் சில நாட்களுக்கு முன்பு வெளியான நிலையில் இப்படத்தின் தமிழ், தெலுங்கு, இந்தி ட்ரெய்லர் தற்போது வெளியாகியுள்ளது.

நடிகர்கள் அர்ஜூன் தாஸ், அசோக் செல்வன், ரோபோ சங்கர், நாசர், விடிவி கணேஷ், சிங்கம் புலி ஆகியோரின் அட்டகாசமான குரலில் வெளியாகியுள்ள முஃபாசா படத்தின் தமிழ் ட்ரெய்லர் மக்களிடையே வரவேற்பை பெற்றுள்ளது.

முஃபாசா : தி லயன் கிங் படத்தின் தெலுங்கு ட்ரெய்லரில் முஃபாசா கதாபாத்திரத்திற்கு மகேஷ் பாபுவும் இந்தி ட்ரெய்லரில் முஃபாசா கதாபாத்திரத்திற்கு ஷாருக் காணும் குரல் கொடுத்துள்ளனர் என்பது குறிப்பிடத்தக்கது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகை நயன்தாரா, இயக்குநர் விக்னேஷ் சிவனை கடந்த 2022-ம் ஆண்டு ஜூன் மாதம் 9-ந்தேதி திருமணம் செய்துகொண்டார். தற்போது இந்த ஜோடிக்கு இரண்டு மகன்கள் உள்ளனர்.

இவர்களின் திருமணம் மகாபலிபுரம் ஷெரட்டன் ரிசார்ட் ஹோட்டலில் விமரிசையாக நடைபெற்றது. அப்போது Netflix ஓடிடி தளத்தில் நயன்தாராவின் ஆவணப்படம் வெளியாகும் வெளியானது.

'Nayanthara Beyond the Fairy Tale' என்ற தலைப்பில் உருவாகியுள்ள இந்த ஆவணப்படம் வெளியாவதில் இரண்டு ஆண்டுகள் தாமதமான நிலையில், கடந்த 18-ந்தேதி நயன்தாராவின் பிறந்தநாளை முன்னிட்டு அவரது பிறந்தநாள் பரிசாக Netflix நிறுவனம் இந்த ஆவணப் படத்தை வெளியிட்டது.

இதற்கிடைய தனது கடந்த 2 ஆண்டுகளாக திருமண வீடியோ வெளியாமல் இருக்க தனுஷ் தான் காரணம் என நயன்தாரா பரபரப்பை ஏற்படுத்தினார். நானும் ரவுடிதான் படத்தில் வரும் 3 நொடி காட்சியை பயன்படுத்தியதற்கு நடிகர் தனுஷ் 10 கோடி நஷ்டஈடு கேட்டதாக நயன்தாரா அவரைக் குறித்த காட்டமான அறிக்கையை வெளியிட்டிருந்தார்.

படம் தற்போது வெளியான நிலையில் NOC வழங்கிய மற்ற தயாரிப்பாளர்களுக்கு நன்றி தெரிவித்து நயன்தாரா அறிக்கை வெளியிட்டுளளார். இதில் தனுஷின் பெயரை அவர் தவிர்த்துள்ளார்.

அந்த அறிக்கையில்,  நமது Nayanthara Beyond the Fairy Tale' ஆவணப்படம் வெளியாகி இருக்கிறது. பல்வேறு மகிழ்வான தருணங்கள் அடங்கிய எனது திரைப் பயணத்தில், நாம் இணைந்து பணியாற்றிய திரைப்படங்கள் மிகவும் இன்றியமையாதது.

அதனால், அந்த படங்கள் குறித்த நினைவுகளும், ஆவணப்படத்தில் இடம்பெற வேண்டும் என உங்களை அணுகியபோது, எந்தவித தயக்கமோ, தாமதமோ இல்லாமல் தடையில்லா சான்றிதழ் வழங்கிய அந்த பேரன்பை என்றென்றும் நன்றியோடு நினைவில் வைத்துக் கொள்வேன் என்று தெரிவித்துள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

பிரபல இசையமைப்பாளர் ஏ.ஆர். ரகுமான் தனது மனைவியை பிரிவதாக அறிவித்த செய்தி ரசிகர்களை அதிர்ச்சியில் ஆழ்த்தியுள்ளது. பலரும் இந்த செய்தி பொய்யாக இருக்கக்கூடாதா என்று எண்ணி வருகின்றனர். இந்த நிலையில், ஏ.ஆர். ரகுமான் குழுவில் உள்ள துணை பாடகர் மோகினி டே தனது கணவரை பிரிவதாக அறிவித்து இருக்கிறார்.

மோகினி டே மற்றும் அவரது கணவர் இசையமைப்பாளர் மார்ஷ் ஹார்ட்சச் இருவரும் திருமண வாழ்வில் பிரிவதாக சமூக வலைதள பதிவின் மூலம் அறிவித்தனர். திருமண வாழ்வில் பிரிவதாக இருவரும் முடிவு செய்துள்ளதாக அறிவித்துள்ளனர்.

"கனத்த இதயத்துடன், மார்க் மற்றும் நானும் பிரிந்துவிட்டோம் என்று அறிவிக்கிறோம். முதலில், நண்பர்கள் மற்றும் குடும்பத்தினர் அர்ப்பணிப்பாக, இது எங்கள் இருவரிடையே பரஸ்பர புரிதல். நாங்கள் சிறந்த நண்பர்களாகவே இருக்கும் வேளையில், நாங்கள் இருவரும் வாழ்க்கையில் வெவ்வேறு விஷயங்களை விரும்புகிறோம் என்ற பரஸ்பர ஒப்பந்தத்தின் மூலம் பிரிந்து செல்வதுதான் சிறந்த வழி என்று நாங்கள் இருவரும் முடிவு செய்துள்ளோம்."

"MaMoGi மற்றும் Mohini Dey குழுக்கள் உட்பட பல திட்டங்களில் நாங்கள் இன்னும் இணைந்து செயல்படுவோம். நாங்கள் எப்போதும் ஒன்றாக வேலை செய்வதில் பெருமை கொள்கிறோம், அது எந்த நேரத்திலும் நிறுத்தப்படாது. நாங்கள் விரும்பும் பெரிய விஷயம், உலகில் உள்ள அனைவரிடமும் அன்பு இருக்க வேண்டும்."

"எங்களுக்கு நீங்கள் வழங்கிய அனைத்து விதமான ஆதரவுக்கும் நன்றி. இந்த நேரத்தில் நல்ல விதமாக நாங்கள் எடுத்திருக்கும் முடிவை மதிக்கவும், எங்களுக்கு தனியுரிமையை வழங்கவும் கேட்டுக் கொள்கிறோம். இந்த விஷயத்தில் எந்த முடிவுகளையும் நாங்கள் விரும்பவில்லை," என்று மோகினி டே தனது சமூக வலைதள பதிவில் குறிப்பிட்டுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.