நீங்கள் தேடியது "AMMA Mini Clinic name change"

சேலம்:

தமிழகம் முழுவதும் கடந்த பிப்ரவரி, மார்ச் மாதங்களில் அ.தி.மு.க. அரசு சார்பில் 2 ஆயிரம் அம்மா மினி கிளினிக்குகள் தொடங்கப்பட்டன. சேலம் மாவட்டம் மேட்டூர் தாலுகா நவப்பட்டி ஊராட்சி மன்ற அலுவலக வளாகத்திலும் அம்மா மினி கிளினிக் தொடங்கப்பட்டது.

இந்தநிலையில் கடந்த 4 நாட்களுக்கு முன்பு நவப்பட்டி அம்மா மினி கிளினிக் முன்புறம் இருந்த பெயர் பலகை திடீரென மாற்றப்பட்டது. பின்னர் முன்னாள் முதல்வர் கருணாநிதி, முதல்-அமைச்சர் ஸ்டாலின் படத்துடன் முதல்-அமைச்சர் மினி கிளினிக் என பெயர் பலகை வைக்கப்பட்டுள்ளது.

இது குறித்து நவப்பட்டி ஊராட்சி தலைவர் காளியம்மாள் கூறுகையில், அம்மா மினி கிளினிக் பெயர் பலகையை மாற்றம் செய்து ஊராட்சி அலுவலகம் முன் தி.மு.க.வினர் போர்டு வைத்துள்ளனர். இதற்காக ஊராட்சியில் எந்த வித அனுமதியும் பெறவில்லை. இது குறித்து உள்ளாட்சி அதிகாரிகளுக்கு தகவல் தெரிவிக்கப்பட்டுள்ளது என்றார்.

அம்மா மினி கிளினிக் பெயர் மாற்றப்பட்டு அதில் இருந்த முன்னாள் முதல்-அமைச்சர் ஜெயலலிதா படம் நீக்கப்பட்டதற்கு அ.தி.மு.க.வினர் எதிர்ப்பு தெரிவித்துள்ளனர்.

இதையடுத்து அந்த பகுதியில் அ.தி.மு.க.வினர் திரண்டதால் பரபரப்பு ஏற்பட்டது.