நீங்கள் தேடியது "Angela merkel"

வாஷிங்டன்:

உலகின் பெரும் செல்வந்தர்கள் மற்றும் சக்தியும் செல்வாக்கும் நிறைந்த ஆண், பெண்களின் பட்டியலை ஆண்டுதோறும்  ‘போர்ப்ஸ்’ பத்திரிகை வெளியிட்டு வருகிறது.


அவ்வகையில், இந்த ஆண்டு நிலவரப்படி உலகின் மிக சக்திவாய்ந்த பெண்கள் பட்டியலில் தொடர்ந்து எட்டாவது முறையாக ஏஞ்சலா மெர்க்கெல் முதலிடம் பிடித்துள்ளார். அவரையடுத்து, பிரிட்டன் பிரதமர் தெரசா மே இரண்டாம் இடத்தில் உள்ளார். இந்த இடத்தை தெரசா மே தொடர்ந்து இரண்டாவது ஆண்டாக தக்கவைத்து கொண்டுள்ளார்.

இவர்களை தொடர்ந்து சர்வதேச நிதியத்தின் நிர்வாக இயக்குனர் கிறிஸ்ட்டைன் லகார்டே மூன்றாவது இடத்தில் உள்ளார். #AngelaMerkel #ForbeslistMostInfluentialWomen

புருசெல்ஸ்:

ரஷியாவில் இருந்து பைப்லைன் வழியாக சமையல் எரிவாயு இறக்குமதி செய்யும் விவகாரம் தொடர்பாக ஜெர்மனி பிரதமர் ஏஞ்சலா மெர்க்கல்-ஐ அமெரிக்க அதிபர் டொனால்ட் டிரம்ப் சமீபத்தில் நேரடியாக குற்றம்சாட்டி இருந்தார். மேலும், ராணுவத்துக்காக அந்நாடு மிக அதிகமாக செலவு செய்வதாகவும் சுட்டிக்காட்டினார்.

ஜெர்மனியின் எரிபொருள் தேவையில் ரஷியாவிடம் ஏஞ்சலா மெர்க்கல் சரணாகதி அடைந்து விட்டதாக டிரம்ப் குறிப்பிட்டது ஏஞ்சலா மெர்க்கலை ஆவேசம் அடைய வைத்தது.

இந்நிலையில், பெல்ஜியம் நாட்டு தலைநகரான புருசெல்ஸ் நகரில் நடைபெறும் ‘நாட்டோ’ நாடுகள் உச்சிமாநாட்டில் பங்கேற்க சென்றுள்ள அமெரிக்க அதிபர் டொனால்ட் டிரம்ப் இன்று  ஏஞ்சலா மெர்க்கலை சந்தித்து இருநாடுகள் இடையிலான ராணுவம் மற்றும் வர்த்தக தொடர்பு தொடர்பாக ஆலோசனை நடத்தினார்.

பின்னர் செய்தியாளர்களுக்கு பேட்டியளித்த டிரம்ப், ஜெர்மனியுடனும் பிரதமர் ஏஞ்சலா மெர்கலுடனும் மிக நல்ல உறவுமுறைகளை அமெரிக்கா பேணி வருவதாக குறிப்பிட்டார். டிரம்ப்புடன் வர்த்தகம் மற்றும் குடியுரிமை பிரச்சனைகள் தொடர்பாக விவாதித்ததாவும், ஜெர்மனியின் கூட்டாளியாக அமெரிக்கா எப்போதுமே இருந்து வந்துள்ளதாகவும் ஏஞ்சலா மெர்கல் தெரிவித்தார். #TrumpMerkelmeet #NATOsummit