நீங்கள் தேடியது "China Open 2018"

சீனா ஓபன் பேட்மிண்டன் ஆண்களுக்கான ஒற்றையர் பிரிவு காலிறுதி ஒன்றில் இந்தியாவின் முன்னணி வீரரான ஸ்ரீகாந்த் கிதாம்பி, ஜப்பானின் கென்டோ மொமோட்டாவை எதிர்கொண்டார்.

ஜப்பான் வீரரின் ஆட்டத்திற்கு ஸ்ரீகாந்த் கிதாம்பியால் ஈடுகொடுக்க முடியவில்லை. முதல் செட்டை 9-21 என இழந்த ஸ்ரீகாந்த், 2-வது செட்டை 11-21 என இழந்து தொடரில் இருந்து வெளியேறினார்.



கடந்த வாரம் நடைபெற்ற ஜப்பான் ஓபனில் கென்டோ மொமோட்டா சாம்பியன் பட்டம் வென்றார் என்பது குறிப்பிடத்தக்கது.

சீனா ஓபன் பேட்மிண்டனில் இந்திய வீராங்கனை பிவி சிந்து காலிறுதிக்கு முந்தைய சுற்றில் தாய்லாந்தின் பூசனன் ஒங்பம்ரங்பனை எதிர்கொண்டார்.

முதல் சுற்றில் இருவரும் ஒருவருக்கொருவர் விட்டுக்கொடுக்காமல் விளையாடினார்கள். இதனால் மாறிமாறி புள்ளிகள் பெற்றனர். இறுதியில் தாய்லாந்து வீராங்கனை 23-21 என முதல் செட்டை கைப்பற்றினார். பின்னர் சுதாரித்துக் கொண்ட பிவி சிந்து 21-13 என 2-வது செட்டை எளிதில் கைப்பற்றினார்.



வெற்றியை தீர்மானிக்கும் 3-வது செட்டில் தாய்லாந்து வீராங்கனை பிவி சிந்துவிற்கு கடும் நெருக்கடி கொடுத்தார். என்றாலும் பிவி சிந்து 21-18 என கைப்பற்றி காலிறுதிக்கு முன்னேறினார்.