லெனோவோ நிறுவனம் இசட்5எஸ் ஸ்மார்ட்போனினை தொடர்ந்து இசட்5 ப்ரோ ஜி.டி. ஸ்மார்ட்போனினை சீனாவில் அறிமுகம் செய்தது. புதிய இசட்5 ப்ரோ ஜி.டி. ஸ்மார்ட்போனில் ஸ்னாப்டிராகன் 855 பிராசஸர் மற்றும் அதிகபட்சமாக 12 ஜி.பி. ரேம் வழங்கப்பட்டுள்ளது. அந்த வகையில் இரு அம்சங்களை கொண்ட உலகின் முதல் ஸ்மார்ட்போன் என்ற பெருமையை லெனோவோ இசட்5 ப்ரோ பெற்றுள்ளது.
கார்பன் பிளாக் ஃபினிஷ் செய்யப்பட்டுள்ள லெனோவோ இசட்5 ப்ரோ ஜி.டி. ஸ்மார்ட்போனின் பக்கவாட்டுகளில் ரெட் மற்றும் பிளாக் நிற அக்சென்ட்கள் செய்யப்பட்டுள்ளன. இந்த ஸ்மார்ட்போனின் 12 ஜி.பி. வெர்ஷனில் அதிகபட்சம் 50 செயலிகளை ஒரே நேரத்தில் திறக்க முடியும்.
மற்ற அம்சங்களை பொருத்த வரை 6.39 இன்ச் ஃபுல் ஹெச்.டி. பிளஸ் சூப்பர் AMOLED 19:5:9 ரக டிஸ்ப்ளே, ஸ்லைடர் வடிவமைப்பு, 16 எம்.பி. செல்ஃபி கேமரா, 8 எம்.பி. ஐ.ஆர். ஃபேஸ் அன்லாக் மற்றும் இன்-டிஸ்ப்ளே கைரேகை சென்சார் உள்ளிட்டவை வழங்கப்பட்டுள்ளது.
பின்புறம் 16 எம்.பி. + 24 எம்.பி. டூயல் பிரைமரி கேமரா சோனி சென்சார், 3350 எம்.ஏ.ஹெச். பேட்டரி, ஃபாஸ்ட் சார்ஜிங் வசதி வழங்கப்பட்டுள்ளது.
லெனோவோ இசட்5 ப்ரோ ஜி.டி. சிறப்பம்சங்கள்:
- 6.39 இன்ச் 1080x2340 பிக்சல் ஃபுல் ஹெச்.டி. பிளஸ் சூப்பர் AMOLED 19.5:9 டிஸ்ப்ளே
- கார்னிங் கொரில்லா கிளாஸ்
- ஆக்டாகோர் ஸ்னாப்டிராகன் 855 7 என்.எம். பிராசஸர்
- அட்ரினோ 640 GPU
- 6 ஜி.பி. / 8 ஜி.பி. ரேம், 128 ஜி.பி. மெமரி
- 8 ஜி.பி. ரேம், 256 ஜி.பி. மெமரி
- 12 ஜி.பி. ரேம், 512 ஜி.பி. மெமரி
- டூயல் சிம் ஸ்லாட்
- ஆண்ட்ராய்டு 9.0 பை மற்றும் ZUI 10
- 16 எம்.பி. பிரைமரி கேமரா, சோனி IMX519 சென்சார், f/1.8, டூயல்-டோன் எல்.இ.டி. ஃபிளாஷ்
- 24 எம்.பி. இரண்டாவது பிரைமரி கேமரா, சோனி IMX576 சென்சார், f/1.8
- 16 எம்.பி. செல்ஃபி கேமரா, f/2.2
- 8 எம்.பி. ஐ.ஆர். இரண்டாவது செல்ஃபி கேமரா
- இன்-டிஸ்ப்ளே கைரேகை சென்சார்
- யு.எஸ்.பி. டைப்-சி ஆடியோ, டால்பி அட்மோஸ்
- டூயல் 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 3350 எம்.ஏ.ஹெச். பேட்டரி, ஃபாஸ்ட் சார்ஜிங்
லெனோவோ இசட்5 ப்ரோ ஜி.டி. 6 ஜி.பி. ரேம், 128 ஜி.பி. மெமரி விலை 2698 யுவான் (இந்திய மதிப்பில் ரூ.27,780), 8 ஜி.பி. ரேம், 128 ஜி.பி. மெமரி மாடல் விலை 2998 யுவான் (இந்திய மதிப்பில் ரூ.30,865), 8 ஜி.பி. ரேம், 256 ஜி.பி. மெமரி மாடல் விலை 3398 யுவான் (இந்திய மதிப்பில் ரூ.34,985) என்றும் டாப்-என்ட் 12 ஜி.பி. ரேம், 512 ஜி.பி. மெமரி மாடல் 4395 யுவான் (இந்திய மதிப்பில் ரூ.45,280) என நிர்ணயம் செய்யப்பட்டுள்ளது.
