பென்னாகரம்:
தர்மபுரி மாவட்டம் பென்னாகரத்தில் மார்க்சிஸ்ட் கம்யூனிஸ்ட் கட்சி சார்பில் பிரச்சார பொதுக் கூட்டம் நடைபெற்றது.
இந்த கூட்டத்தில் மார்க்சிஸ்டு கம்யூனிஸ்டு கட்சி மாநில செயலாளர் கே.பாலகிருஷ்ணன் பேசியதாவது:-
அன்புமணி ராமதாஸ் பாராளுமன்ற தேர்தலில் டெபாசிட் இழப்பார். அ.தி.மு.க. கூட்டணிக்கு யார் தலைமை ஏற்கின்றனர் என்றே தெரியவில்லை. ஒற்றுமையில்லாத கூட்டணி அ.தி.மு.க. கூட்டணிக்கு நீட் தேர்வு ரத்து, எட்டுவழி சாலை, மது ஒழிப்பு போன்ற பிரச்சினைகளில் ஒன்றுமையில்லை.
ஆட்சி முடியும் போது ராமதாஸ் 10 கோரிக்கைகளை கொடுத்து என்ன பயன். வாக்குசாவடியை கைப்பற்றுவோம் என பேசிய பாராளுமன்ற உறுப்பினர் அன்புமணி ராமதாஸ் தேர்தலில் வன்முறையை உருவாக்க வேண்டும் என்பதே நோக்கமாக கொண்டு பேசுகிறார்.
தேர்தல் ஆணையம் அன்புமணியை கைது செய்ய நடவடிக்கை எடுக்க வேண்டும். நரேந்திர மோடி விவசாய கடன்களை ரத்து செய்யவில்லை. டெல்லியில் போராடிய விவசாயிகளை அழைத்து பேசவில்லை. மாறாக வசதி படைத்த தொழிலதிபர்களின் 36,200 கோடியை ரத்து செய்துள்ளார்.
பிரதமர் விவசாய கடன்களை செய்து செய்வாரா. பா.ம.க. சாதியை சொல்லி மக்களை திரட்டுகிறது. சாதி பெயரால் ஒரு குடும்பமே வாழ்கிறது. சண்டைகளை உருவாக்குகிறது பா.ம.க. வன்னிய இளைஞர்களுக்கு ராமதாஸ் என்ன செய்தார். பி.ஜே.பி. மதக் கலவரங்களை உருவாக்குகிறது. மகாத்மாவை படுகொலை செய்த இயக்க ஆர்.எஸ்.எஸ்., அ.தி.மு.க. குழப்பத்திற்கான கூட்டணி. 18 தொகுதி இடைத்தேர்தல், 40 தொகுதிகளிலும் வெற்றிபெற்று விரைவில் மு.க.ஸ்டாலின் முதல்வராக பதவி ஏற்பார்.
இவ்வாறு அவர் பேசினார். #tamilnews
