நீங்கள் தேடியது "Worcestershire"

இங்கிலாந்து - இந்தியா இடையிலான ஐந்து போட்டிகள் கொண்ட டெஸ்ட் தொடர் நடைபெற்று வருகிறது. டிரென்ட் பிரிட்ஜியில் நடைபெற்ற 3-வது டெஸ்டின்போது இந்திய அணியின் முன்னணி சுழற்பந்து வீச்சாளரான அஸ்வினுக்கு காயம் ஏற்பட்டது.

ஆனால் சவுத்தாம்ப்டனில் நடைபெற்ற 4-வது டெஸ்டில் விளையாடினார். அஸ்வின் காயம் முழுமையாக குணமடையாமலே விளையாடினார் என்று கூறப்படுகிறது. இதனால் அவரது காயத்தின் வீரியம் அதிகமானது. இதனால் கடைசி டெஸ்டில் அவர் இடம்பெறவில்லை.



இதற்கிடையே கவுன்ட்டி கிரிக்கெட்டில் வொர்செஸ்டர்ஷைர் அணிக்காக விளையாடி முடிவு செய்திருந்தார். தற்போது காயத்தால் கவுன்ட்டி போட்டியில் இருந்து விலகியுள்ளார். கடந்த சீசனில் அஸ்வின் வொர்செஸ்டர்ஷைர் அணிக்காக சிறப்பான ஆட்டத்தை வெளிப்படுத்தியிருந்தார் என்பது குறிப்பிடத்தக்கது.

இந்திய அணியின் முன்னணி சுழற்பந்து வீச்சாளர் அஸ்வின். இவருக்கு ஒருநாள் மற்றும் டி20 அணியில் சமீப காலமாக இடம் கிடைக்கவில்லை. இந்த இடைவெளியைப் பயன்படுத்தி இங்கிலாந்தில் நடைபெறும் கவுன்டி கிரிக்கெட்டில் விளையாடினார். அவர் வொர்செஸ்டர்ஷைர் அணிக்காக களம் இறங்கினார்.

கவுன்டி அணியில் வெளிநாட்டு வீரர்கள் ஒரு குறிப்பிட்ட எண்ணிக்கையில் விளையாட முடியும். இந்த சீசனில் வொர்செஸ்டர்ஷைர் ஆஸ்திரேலியாவின் டிராவிஸ் ஹெட்டை ஒப்பந்தம் செய்திருந்தது.



தற்போது அவர் வொர்செஸ்டர்ஷைர் அணியில் இருந்து விலகியுள்ளார். இதனால் அஸ்வின் இடம்பெறலாம் என எதிர்பார்க்கப்படுகிறது. ஒருவேளை அஸ்வின் வொர்செஸ்டர்ஷைர் அணியில் இணைந்தால், எசக்ஸ், யார்க்சைர் அணிகளுக்கு எதிராக இரண்டு போட்டியில் விளையாட வாய்ப்புள்ளது.