பிக்பாஸ் வீட்டுக்குள் நுழைந்த பிரபல நடிகை

பிக்பாஸ் தமிழ் 6-வது சீசன் கடந்த அக்டோபர் 9-ஆம் தேதி கோலாகலமாக தொடங்கி, தற்போது விறுவிறுப்பாக நடைபெற்று வருகிறது. இந்நிகழ்ச்சியில் தற்போதுவரை சாந்தி, ஜி.பி. முத்து, அசல், ஷெரினா, மகேஷ்வரி, நிவாஷினி, ராபர்ட் மாஸ்டர், குயின்சி, ஆயிஷா, ராம், ஜனனி வீட்டை விட்டு வெளியேறியுள்ளனர். இதில் தற்போது 10 நபர்கள் வீட்டினுள் இருக்கின்றனர். பிக்பாஸ் நிகழ்ச்சி இன்றுடன் 80 நாட்களை நெருங்கியுள்ளது.

இந்நிலையில் இந்த வார பிக்பாஸ் வீட்டில் ஃப்ரீஸ் ரிலீஸ் (Freez, Release) டாஸ்க் கொடுக்கப்படுகிறது. பிறகு போட்டியாளர்களின் குடும்பங்கள் நுழைகின்றனர். நீண்ட இடைவேளைக்கு பிறகு தங்களின் குடும்பங்களை பார்த்த சந்தோஷத்தில் பிக்பாஸ் வீடு ஆனந்த கண்ணீரில் மூழ்கியுள்ளது. இன்று வெளியாகியுள்ள புரொமோவில் மணிகண்டனின் மனைவி, குழந்தை, அம்மா மற்றும் சகோதரி ஐஷ்வர்யா ராஜேஷ் சென்றுள்ளார். தமிழ் திரையுலகின் பிரபல நடிகையான ஐஷ்வர்யா ராஜேஷ் சென்றுள்ளது அவருடைய ரசிகர்கள் உற்சாகத்தில் ஆழ்த்தியுள்ளது. இந்த புரொமோ தற்போது இணையத்தில் வைரலாகி வருகிறது.