நடிகர் பிருத்விராஜ் இயக்கத்தில் மோகன்லால் நடிப்பில் கடந்த 2019-ஆம் ஆண்டு வெளியான படம் 'லூசிஃபர்'. இந்தப் படம் ரசிகர்கள் மத்தியில் நல்ல வரவேற்பை பெற்றது. இதைத் தொடர்ந்து 'லூசிஃபர்' படத்தின் இரண்டாம் பாகம் உருவாக்கப்பட்டு வருகிறது.
லூசிபர் இரண்டாம் பாகத்துக்கு 'எம்புரான்' என தலைப்பிடப்பட்டுள்ளது. ஆண்டனி பெரும்பாவூருடன் இணைந்து லைகா நிறுவனம் தயாரிக்கும் இப்படத்துக்கு முரளி கோபி கதை எழுதியுள்ளார். பிருத்விராஜ் இப்படத்தை இயக்குவதோடு முக்கிய கதாபாத்திரத்திலும் நடித்துள்ளார்.
இந்தப் படத்தில் பிருத்விராஜ் ராணுவ ஜெனரலாக நடித்திருப்பதை போஸ்டர் உறுதி செய்தது. மேலும் இப்படம், வருகிற மார்ச் மாதம் 27-ந்தேதி வெளியாகும் என தெரிவிக்கப்பட்டு இருந்தது. இந்தப் படத்தில் டோவினோ தாமஸ், ஜதின் ராம்தாஸ் என்று கதாபாத்திரத்தில் நடித்துள்ளார்.
எம்புரான் திரைப்படம் அறிவிக்கப்பட்டதில் இருந்தே, இப்படத்திற்கான எதிர்பார்ப்பு அதிகரித்துள்ளது. இந்த நிலையில், எம்புரான் படத்தின் டீசர் வருகிற 26-ம் தேதி வெளியாகும் என்று இயக்குநர், நடிகர் பிருத்விராஜ் தெரிவித்துள்ளார். அதன்படி எம்புரான் டீசர் ஜனவரி 26-ம் தேதி இரவு 7.07 மணிக்கு வெளியாகிறது.
இந்தப் படம் மலையாளம், தமிழ், இந்தி,தெலுங்கு மற்றும் கன்னடா என்று மொத்தம் ஐந்து மொழிகளில் வெளியாக இருக்கிறது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
