தெலுங்கு திரையுலகில் முன்னணி நடிகர் ராம் சரண் கடைசியாக ராஜமௌலியின் ஆர்ஆர்ஆர் படத்தில் நடித்திருந்தார். அடுத்ததாக தமிழின் முன்னணி இயக்குநர் ஷங்கர் இயக்கத்தில் கேம் சேஞ்சர் என்ற படத்தில் ராம் சரண் நடித்துள்ளார். இயக்குநர் கார்த்திக் சுப்பராஜ் இப்படத்தின் கதையை எழுதியுள்ளார்.
இப்படத்தில் கியாரா அத்வானி, அஞ்சலி, எஸ்.ஜே. சூர்யா, சமுத்திரக்கனி, நாசர் மற்றும் பலர் முன்னணி கதாபாத்திரங்களில் நடித்துள்ளனர். தமன் இந்த படத்திற்கு இசையமைக்க, ஒளிப்பதிவு பணிகளைத் திருநாவுக்கரசு மேற்கொண்டுள்ளார்.
திரைப்படம் பொங்கலை முன்னிட்டு அடுத்தாண்டு ஜனவரி 10 ஆம் தேதி திரையரங்குகளில் வெளியாகவுள்ளது. படத்தின் டீசர் இன்று வெளியாகி ரசிகர்கள் மத்தியில் நல்ல வரவேற்பை பெற்று வருகிறது.
படத்தின் டீசரை லக்னோ மாநிலத்தில் ரசிகர்கள் மத்தியில் மிக பிரம்மாண்டமாக வெளியிட்டனர். இந்த டீசர் வெளியீட்டு விழாவில் நடிகர் ராம் சரண், எஸ் ஜே சூர்யா, தயாரிப்பாளர் தில் ராஜு, கியாரா அத்வானிஅஞ்சலி மற்றும் பலர் பங்கேற்றனர்.
விழாவில் பேசிய எஸ் ஜே சூர்யா " நான் வட இந்தியா திரையுலகில் வலர்ந்து வரும் நடிகன் என நகைச்சுவையாக கூறினார். மேலும் கேம் சேஞ்சர் திரைப்படம் கண்டிப்பாக ஒரு கேம் சேஞ்சிங் திரைப்படமாக நடிகர் ராம் சரண், கியாரா அத்வானி, தயாரிப்பாளர் தில்ராஜு மற்றும் இயக்குனர் ஷங்கருக்கும் அமையும் என கூறினார்.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
