சிம்பு நடித்த `பத்து தல' திரைப்படம் மக்கள் மத்தியில் சிறப்பான வரவேற்பை பெற்றது. அதைத் தொடர்ந்து இயக்குனர் மணி ரத்னம் இயக்கியுள்ள தக் லைஃப் திரைப்படத்தில் முக்கிய கதாப்பாத்திரத்தில் சிம்பு நடித்துள்ளார்.
இதை தொடர்ந்து சிம்பு தேசிங்கு பெரியசாமி இயக்கவுள்ள STR 48 திரைப்படத்தில் நடிக்கவுள்ளார். இப்படம் ஒரு பெரிய வரலாற்று பின்னணி கதைக்களத்துடன் உருவாகும் திரைப்படமாகும்.
இந்நிலையில் சிம்பு அவரது எக்ஸ் தளத்தில் நேற்று ஒரு பதிவு ஒன்றை பகிர்ந்தார் அது இணையத்தில் வைரலானது. அதில் அவர் 2000 களில் நடித்த படங்களான தம், மன்மதன், வல்லவன், விடிவி, இவையெல்லாம் சேர்த்து ஜென் சி மோடில் அப்படி இருக்க போறது நம்முடைய அடுத்த திரைப்படம் என பதிவிட்டுள்ளார்.
தற்பொழுது அவர் நடிக்கப்போகும் அடுத்த திரைப்படத்தின் அப்டேட்டை வெளியிட்டுள்ளார். இவர் அடுத்ததாக அஷ்வத் மாரிமுத்து இயக்கத்தில் ஏஜிஎஸ் தயாரிப்பு நிறுவனம் தயாரிப்பில் நடிக்கவுள்ளார்.
இதுக்குறித்து வெளியிட்ட போஸ்டரில் சிம்பு அவரது 2000 களில் வெளிவந்த படங்களில் உள்ள கெட்டப்பில் இருக்கிறார். கையில் கர்சீப் சுற்றி, டேட்டூ குத்தி மிகவும் ஸ்டைலான தோற்றத்தில் உள்ளார்.
அஷ்வத் மாரிமுத்து தற்பொழுது பிரதீப் ரங்கநாதன் நடிப்பில் டிராகன் திரைப்படத்தை இயக்கியுள்ளார்.
இந்த பதிவு இணையத்தில் வேகமாக பரவி வருகிறது. இதனால் ரசிகர்கள் மிகவும் எதிர்ப்பார்ப்புடன் காத்துக் கொண்டுள்ளனர்.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
