இயக்குநர் சங்கர் இயக்கத்தில் தெலுங்கு நடிகர் ராம் சரண் கதாநாயகான நடித்துள்ள படம் 'கேம் சேஞ்சர்'. இப்படத்தில் எஸ்.ஜே. சூர்யா, கியாரா அத்வானி, அஞ்சலி, ஸ்ரீகாந்த், சமுத்திரக்கனி உள்ளிட்ட பலர் நடித்துள்ளனர். இப்படத்திற்கு தமன் இசையமைத்துள்ளார். இப்படம் மிகப்பெரிய எதிர்பார்ப்பை ஏற்படுத்தி உள்ளது.
பொங்கலை முன்னிட்டு இப்படம் வருகிற 10-ந்தேதி வெளியாக உள்ளது. அதனால் தற்போது இப்படத்திற்கான புரமோஷன் பணிகள் நடைபெற்று வருகிறது. படத்தின் டிரெய்லர் சமீபத்தில் வெளியாகி மக்களிடையே நல்ல வரவேற்பை பெற்றது. படத்தின் ப்ரீ ரிலீஸ் நிகழ்ச்சி அண்மையில் சிறப்பாக நடைப்பெற்றது.
இந்நிலையில் கேம் சேஞ்சர் திரைப்படத்தை தமிழில் இங்கு வெளியிட மறுத்துள்ளது லைக்கா தயாரிப்பு நிறுவனம். ஷங்கர் இயக்கத்தில் இதற்கு முன் கமல்ஹாசன் நடிப்பில் வெளியான இந்தியன் 2 திரைப்படம் தோல்வி படமாக அமைந்தது. வணீக ரீதியாகவும் பெரிய வசூலை பெறவில்லை. இத்திரைப்படத்தை தயாரித்தது லைக்கா நிறுவனம். இதனால் படத்தின் அடுத்த பாகமான இந்தியன் 3 திரைப்படத்தை எடுத்து தராமல் கேம் சேஞ்சர் திரைப்படத்தை வெளியிடக்கூடாது என மறுப்பு தெரிவித்து வருகின்றனர். பேச்சு வார்த்தை தொடர்ந்து நடைப்பெற்று வருகிறது. இந்தியன் 3 திரைப்படத்தை படப்பிடிப்பு முடிக்க இன்னும் 65 கோடி ரூபாய் பட்ஜெட் கேட்பதாகவும் கூறப்படுகிறது. விரைவில் இந்த பிரச்சனைக்கு தீர்வு காணப்படும் என எதிர்ப்பார்க்கப்படுகிறது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
