திரையரங்குகளை விழாகோலமாக மாற்றும் விஜய் சேதுபதி ரசிகர்கள்

மேயாத மான், பெண்குயின், பபூன், 777 சார்லி உள்ளிட்ட பல வெற்றி படங்களை தயாரித்த ஸ்டோன் பென்ச் நிறுவனம் தற்போது விஜய் சேதுபதி நடிப்பில் 'டி.எஸ்.பி' என்ற படத்தை தயாரித்துள்ளது. விஜய் சேதுபதி போலீஸ் அதிகாரியாக நடித்துள்ள இப்படத்தை வருத்தப்படாத வாலிபர் சங்கம், ரஜினிமுருகன், சீமராஜா உள்ளிட்ட பல படங்களை இயக்கிய பொன்ராம் இயக்கியுள்ளார்.

இப்படத்தில் அனு கீர்த்தி கதாநாயகியாக நடித்துள்ளார். இப்படத்தின் போஸ்டர் மற்றும் டிரெய்லர் வெளியாகி ரசிகர்களிடையே நல்ல வரவேற்பு பெற்றது. சமீபத்தில் நடைபெற்ற இசை வெளியீட்டு விழாவில் நடிகர் கமல்ஹாசன் கலந்துக் கொண்டு படக்குழுவினரை வாழ்த்தினார்.

நாளை (டிசம்பர் 2) திரையரங்குகளில் வெளியாக இருக்கும் டி.எஸ்.பி திரைப்படத்தை காண ரசிகர்கள் ஆர்வம் காண்பித்து வருகிறார்கள். மேலும் திரையரங்குகளில் விழாகோலம் போல ரசிகர்கள் கொண்டாட்டத்திற்கு தயாராகி வருகின்றனர்.