இணையத்தில் வைரலாகும் சான் டி-யின் லார்ட் போயட்ரி ஆல்பம்

சினிமா படங்களின் பாடல்கள் எந்த அளவிற்கு ரசிகர்களை ஈர்த்துள்ளதோ அந்த அளவிற்கு தற்பொழுது ஆல்பம் பாடல்கள் ரசிகர்களை பெருமளவில் கவர்ந்து வருகிறது. அந்த வகையில் இசை கலைஞர் சான் டி-யின் புதிய ஆல்பம் வெளியாகி பெரும் வரவேற்பை பெற்று வருகிறது. 'லார்ட் போயட்ரி' (Lord Poetry) எனும் தலைப்பில் வெளியாகி இருக்கும் இந்த ஆல்பத்தில் மொத்தம் ஆறு பாடல்கள் உள்ளன.

அடென்டன்ஸ், மை நேம் இஸ், கழிவரா, மம்பிள், நோ ஜோக் மற்றும் லார்ட் போயட்ரி என ஆறு பாடல்களும் சமீபத்தில் வெளியாகி ரசிகர்களை கவர்ந்துள்ளது. சப்லையர்ஸ் சார்பில் தயாரிக்கப்பட்டு இருக்கும் 'லார்ட் போயட்ரி' ஆல்பம் சமூக வலைத்தளங்களில் வெளியாகி வரவேற்பை பெற்று வருகிறது.

சான் டி-யின் முதல் ஆல்பம் 2021-ம் ஆண்டு வெளியானது. இந்த ஆல்பம் "நான் கத்துக்கிட்ட ஹிப்ஹாப்," எனும் பெயரில் உலகம் முழுக்க வெளியிடப்பட்டது என்பது குறிப்பிடத்தக்கது.