கால்சியம் நிறைந்த கேழ்வரகு லட்டு

தேவையான பொருட்கள் :

கேழ்வரகு மாவு - 1 கப்

வெல்லம் அல்லது கருப்பட்டி - 1 கப் (துருவியது)

நெய் - 2 மேசைக்கரண்டி

முந்திரி - 1 தேக்கரண்டி

கருப்பு எள் - தேக்கரண்டி

திராட்சை - 1 தேக்கரண்டி

ஏலக்காய் தூள் - 1 சிட்டிகை

சுக்கு தூள் - 1 சிட்டிகை

செய்முறை :

* வெல்லம் அல்லது கருப்பட்டியை சிறிது தண்ணீர் சேர்த்து கொதிக்க வைத்து வடிகட்டவும். (வெல்லம் கரையும் வரை வைத்தால் போதுமானது)

* எள்ளை வெறும் கடாயில் போட்டு வாசனை வரும் வரை வறுத்து கொள்ளவும்.

* நெய்யில் முந்திரி, திராட்சையை வறுத்து வைக்கவும்.

* கேழ்வரகு மாவை இளஞ்சூடாக வாசனை வரும் வரை வறுத்தெடுத்து, சூடாக இருக்கும் போதே வெல்லம், நெயில் வறுத்த முந்திரி, திராட்சை, எள், ஏலக்காய் தூள், சுக்கு தூள் ஆகியவற்றை அதில் சேர்த்து நன்கு கலந்து உருண்டைகளாக பிடிக்கவும்.

* சுண்ணாம்பு, இரும்பு, புரதம் நிறைந்த லட்டு தயார்.