பீனட் பட்டர்... வீட்டிலேயே செய்யலாம் வாங்க...

தேவையான பொருட்கள் :

வறுத்த வேர்க்கடலை - 2 கப்

கடலை அல்லது ரைஸ் ப்ராண்ட் எண்ணெய் - 6 டீஸ்பூன்

உப்பு - 1 சிட்டிகை

தேன் - 2 டீஸ்பூன்

செய்முறை :

வறுத்த வேர்க்கடலையாக இருந்தாலும் அதன் தோலை நீக்கிவிடுங்கள். முழு காய்ந்த கடலை இருந்தாலும் அதை உரித்து கடாயில் போட்டு நன்றாக வாசனை வரும் வரை வறுத்துக்கொள்ளுங்கள்.

பின் அதன் தோலை நீக்கிவிட்டு வைத்துக்கொள்ளுங்கள்.

வறுத்த வேர்கடலையை மிக்ஸி ஜாரில் போட்டு மைய அரைத்துக்கொள்ளுங்கள்.

வேர்க்கடலை கொஞ்சம் மசிந்ததும் அதனுடன் எண்ணெய் சேர்த்து மீண்டும் நன்றாக அரைக்கவும்.

அடுத்து அதில் தேன், உப்பு சேர்த்து மீண்டும் மைய அரையுங்கள்.

அவ்வளவுதான் பீனட் பட்டர் தயார்.

இதை ஒரு காற்று புகாத டப்பாவில் அடைத்து வைத்து தேவைப்படும்போது பயன்படுத்திக்கொள்ளுங்கள்.