பல வீடுகளில் ஆண்களுக்கு பொருத்தமான ஆடைகளை பெண்களே தேர்ந்தெடுப்பார்கள், தினசரி அலுவலகத்துக்கு அணிய வேண்டிய ஆடைகள், நிகழ்ச்சிகளுக்கு அணிந்து செல்ல வேண்டிய ஆடைகள் என எதுவாக இருந்தாலும், ஆண்கள் அணியும் ஆடைகள் பெண்களின் தேர்வாகவே இருக்கும்.
அந்த வகையில் தங்கள் அப்பா, கணவர், மகள், அண்ணன், தம்பி அல்லது நண்பர்களுக்காக ஆடை வாங்கும் பெண்களுக்கான பிரத்தியேக 'கலர் காம்போ' ஆலோசனைகள் இங்கே..
ஆடைகளை பொறுத்தவரை அடர் நிற காம்போ. வெளிர் நிற காம்போ, அடர் மற்றும் வெளிர் நிறம் கலந்த காம்போ என்று மூன்று 'காம்போ வகைகள் உள்ளன. அனைத்து வகையான சரும நிறம் கொண்டவர்களுக்கும், பின்வரும் காம்போ நிறங்கள் எடுப்பாக இருக்கும்.
அடர் நிற காம்போ:
அடர் நிற காம்போவோடு கருப்பு நிறத்துடன் எந்தவொரு அடர் நிறத்தை இணைத்தாலும், அது எளிதில் ஒத்துப்போகும். எனினும், தற்போது கருப்பு நிற பேண்ட்டுடன் சாம்பல், அடர் பழுப்பு நிறம், இண்டிகோ நீலம், அடர் சந்தன மஞ்சள், ஒயின் சிவப்பு, பேஷன் பெர்ரி மற்றும் திராட்சை நிற பழுப்பு நிற சட்டையும் தற்போது டிரெண்டில் இருப்பவையாகும். இதுதவிர மல்பெர்ரி, ராசின், பிளம், கத்தரி, சங்கரியா, மெர்லட் போன்ற நிறங்களை கொண்ட பர்பிள் மற்றும் சிவப்பு நிற களிலும் ரக்ரோஸ் நிறம், ஆக்கேர் மஞ்சள் நிறம். ஆர்மி மற்றும் ஹண்டர் பச்சை நிற வகைகளிலும், இஸ்டிகோ, நேவி, பீக்காக், டினிம், பெர்ரி போன்ற நிற எண்களைக் கொண்ட நீல நிற வகைகளிலும் பேண்ட் மற்றும் சட்டைகளை தேர்ந்தெடுக்கலாம்.
வெளிர் நிற காம்போ:
வெளிர் நிற காம்போ உடைகளை பொறுத்த வரை பேண்ட், சட்டை என இரண்டுமே வெளிர் நிறத்தில் இருக்கும். இதற்கு பெரும்பாலும் பேஸ்டல் நிறங்களும், பழத்தை அடிப்படையாகக் கொண்ட வெளிர் நிறங்களும் பயன்படுத்தப்படுகின்றன. உதாரணமாக ஆலிவ் பச்சை, எலுமிச்சை மஞ்சள், புதினா பச்சை, டிபானி மற்றும் பிரிக்கியோசிஸ் நீலம், கிரீம், பிரிட்ஜ், பிளக்ஸ் மற்றும் ஷாபரான் மஞ்சள், பிளஸ் சிவப்பு, பபுள்கம், பிளம்மிங்கோ, கோரல் மற்றும் சாலமன் ரோஸ் நிற வகைகள் தற்போது டிரெண்டில் உள்ளன.
பழங்களை அடிப்படையாகக் கொண்ட நிறங்கள்:
மாம்பழத்தை அடிப்படையாகக் கொண்ட மஞ்சள், பச்சை மற்றும் இளஞ்சிவப்பு நிறம், வாழைப்பழத்தை அடிப்படையாகக் கொண்ட வெளிர் பச்சை மற்றும் நடுநிலையான மஞ்சள் மற்றும் மெரூன் நிறம், தர்பூசணியை அடிப்படையாகக் கொண்ட அடர் பச்சை, அடர் சிவப்பு மற்றும் வெள்ளை நிறம், கொய்யாப் பழத்தை அடிப்படையாக கொண்ட வெளிர் சிவப்பு, வெளிர் ரோஸ், கிரீம் வெள்ளை மற்றும் பச்சை நிறம், எலுமிச்சை பழத்தின் அடிப்படையில் வெளிர் பழுப்பு, பொளிர் மற்றும் அடர் பச்சை நிறம் போன்ற பழத்தை அடிப்படையாகக் கொண்ட அடர் மற்றும் வெளிர் நிற காம்போக்கள் இப்போது டிரெண்டில் உள்ளன.
