கர்நாடகா

பெங்களூரு:

கர்நாடக மாநிலம் பெங்களூருவில் கடந்த ஒரு வாரத்திற்கு மேலாக தொடர்ந்து கனமழை கொட்டி தீர்த்து வருகிறது.

பெங்களூரு ஹெண்ணூர் போலீஸ் எல்லைக்கு உட்பட்ட பாபுசாப் பாளையாவில் புதிதாக 6 மாடி கட்டிடம் கட்டும் பணி நடந்து வந்தது. இந்தக் கட்டிடப் பணியில் வடமாநில தொழிலாளிகள் ஈடுபட்டு வந்தனர்.

இதற்கிடையே, நேற்று முன்தினம் மாலை 3 மணியளவில் கனமழை கொட்டி தீர்த்த நிலையில், அந்த 6 மாடி கட்டிடம் திடீரென இடிந்து விழுந்தது. இதில் கட்டிடத்திற்குள் வேலை பார்த்த தொழிலாளிகள் இடிபாடுகளில் சிக்கினர்.

தகவலறிந்து சம்பவ இடத்திற்கு ஹெண்ணூர் போலீசார், மீட்பு படையினர் விரைந்து வந்தனர். பொக்லைன் எந்திரம் உதவியுடன் அங்கு மீட்பு பணிகளை தொடங்கினர். கட்டிடம் இடிந்து விழுந்த விபத்தில் சிக்கி உயிரிழந்தோர் எண்ணிக்கை 8 ஆக உயர்ந்தது.

கட்டிட விபத்து தொடர்பாக கட்டிட உரிமையாளர் மகன் மோகன், ஒப்பந்ததாரர் முனியப்பா ஆகியோர் கைது செய்யப்பட்டுள்ளனர்.

இந்நிலையில், பெங்களூரு கட்டிடம் இடிந்து விழுந்த விபத்தில் சிக்கி உயிரிழந்தோர் குடும்பத்தினருக்கு இரங்கல் தெரிவித்துள்ள பிரதமர் மோடி தலா 2 லட்சம் ரூபாய் நிவாரணம் வழங்கப்படும் என தெரிவித்துள்ளார்.

கர்நாடக மாநில பா.ஜ.க.வின் சட்டமன்ற மேலவை உறுப்பினராக இருந்தவர் சி.பி. யோகேஷ்வரா. இவர் மேலவை உறுப்பினர் பதவியை கடந்த திங்கட்கிழமை ராஜினாமா செய்தார்.

அதன்பின் இன்று பா.ஜ.க.-வின் அடிப்படை உறுப்பினர் பதவி உள்ளிட்ட அனைத்து பதவியில் இருந்தும் ராஜினாமா செய்தார். ராஜினாமா செய்த கையோடு கர்நாடக மாநில முதலவர் சித்தராமையா மற்றும் துணை முதல்வர் டி.கே. சிவக்குமார் ஆகியோரை சந்தித்தார்.

கர்நாடகாவில் சன்னபட்னா, சந்தூர் மற்றும் சிகாயோன் ஆகிய மூன்று சட்டமன்ற தொகுதிகளுக்கு இடைத்தேர்தல் நடைபெற இருக்கிறது. சன்னபட்னா தொகுதியில் இருந்து தேர்வான ஹெச்.டி. குமாராசாமி மக்களவை எம்.பி.யாக தேர்வு செய்யப்பட்டதால், இந்த தொகுதிக்கு அடுத்த மாதம் 13-ந்தேதி இடைதேர்தல் நடைபெற இருக்கிறது.

பா.ஜ.க. சன்னபட்னா தொகுதியை மதசார்பற்ற ஜனதா தளத்திற்கு விட்டுக்கொடுத்தது. இருந்தாலும் கூட்டணி கட்சிகள் பா.ஜ.க.-விற்கு அந்த தொகுதியை தனக்காக விட்டுக்கொடுக்க வேண்டும் என யோகேஷ்வரா வேண்டுகோள் விடுத்தார். இல்லையென்றால் சுயேட்சையாக போட்டியிடுவேன் எனக் கூறியிருந்தார்.

மதசார்பற்ற ஜனதா தளம் அவருக்கு வாய்ப்பு வழங்க விரும்பியது. ஆனால் அதை யோகேஷ்வரா விரும்பவில்லை. பா.ஜ.க. வேட்பாளராக தன்னை குமாரசாமி ஆதரிக்க வேண்டும் என விரும்பினார். ஆனால், கட்சியால் அது ஏற்றுக் கொள்ளப்படவில்லை.

ஒகேனக்கல்:

கர்நாடக காவிரி நீர் பிடிப்பு பகுதியில் பெய்து வரும் பலத்த மழையால் ஒகேனக்கல் காவிரி ஆற்றில் நீர்வரத்து மீண்டும் அதிகரித்து வினாடிக்கு 31 ஆயிரம் கன அடியாக நீடித்து வருகிறது. இதன் காரணமாக இன்று 11-வது நாளாக குளிக்க, பரிசல் இயக்க தடை நீடிக்கப்பட்டது.

கர்நாடகா அணைகளில் இருந்து வெளியேற்றப்படும் உபரி நீர் குறைக்கப்பட்டுள்ள நிலையில் தமிழக காவிரி கரையோரப் பகுதிகளில் ஆங்காங்கே பெய்யக்கூடிய மழையைப் பொறுத்து நீர் வரத்து அதிகரிப்பதும் குறைவதுமாக இருந்து வந்தன.

இந்த நிலையில் கடந்த 10 நாட்களுக்கு மேலாக தமிழக மற்றும் கர்நாடகா ஆகிய மாநிலங்களில் காவிரி நீர்ப்பிடிப்பு பகுதிகளில் ஆங்காங்கே பெய்த கனமழை காரணமாக ஒகேனக்கல் காவிரி ஆற்றிற்கு நீர்வரத்து அதிகரித்து வந்தன. மழையின் அளவு குறைந்த தால் மீண்டும் நீர்வரத்து குறைய தொடங்கியது.

இந்த நிலையில் கர்நாடகா காவிரி நீர் பிடிப்பு பகுதிகளில் ஆங்காங்கே பலத்த மழை பெய்து வருவதால், அந்த மாநிலத்தில் உள்ள கே.ஆர்.எஸ். மற்றும் கபினி அணைகளில் இருந்து உபரி நீர் வெளியேற்றப்பட்டன.

அந்த உபரி நீர் பிலிக் குண்டுலு வழியாக காவிரி ஆற்றில் நேற்று முதல் வர தொடங்கியதால், ஒகேனக்கல்லுக்கு நீர்வரத்து அதிகரிக்க தொடங்கியது.

ஒகேனக்கல்லில் நேற்று நீர்வரத்து 18 ஆயிரம் கன அடியாக வந்து கொண்டி ருந்தது. கர்நாடகா அணை களில் இருந்து திறக்கப்பட்ட தண்ணீரால் ஒகேனக் கல்லுக்கு நீர்வரத்து படிப்படியாக அதிகரித்து இன்று காலை நிலவரப்படி வினாடிக்கு 31 ஆயிரம் கன அடியாக நீடித்து வருகிறது.

இந்த நீர்வரத்தால் மெயின் அருவி, சினிபால்ஸ், ஐந்தருவி ஆகிய அருவிகளில் தண்ணீர் ஆர்ப்பரித்து கொட்டியது. மேலும், மெயின் அருவிக்கு செல்லும் நடைபாதைக்கும் மேல் தண்ணீர் சென்றது.

அதிகளவு நீர் வரத்து என்பதால் சுற்றுலாப் பயணிகள் அருவி மற்றும் ஆற்றுப்பகுதிகளில் குளிப்ப தற்கும் பரிசல் சவாரி மேற்கொள்வதற்கும் தொடர்ந்து 11-வது நாளாக தடை நீடித்து வருகிறது.

மேலும், நீர்வரத்து அதிகரிப்பால், தடையை மீறி காவிரி ஆற்றங்கரை யோரம் பகுதிகளிலும் பொதுமக்கள் குளிக்க கூடாது என்று போலீசார் அறிவித்தப்படி கண்கா ணித்து வருகின்றனர்.

காவிரி நீர்ப்பிடிப்பு பகுதிகளில் ஆங்காங்கே பெய்து வரும் கனமழை காரணமாக மேலும் காவிரி ஆற்றில நீர்வரத்து அதிகரிக்க வாய்ப்பு உள்ள தால், பிலிக்குண்டுலுவில் மத்திய நீர்வளத்துறை அதிகாரிகள் தொடர்ந்து கண்காணித்து வருகின்றனர்.

கர்நாடக மாநிலம் பெங்களூருவில கடந்த சில தினங்களாக கனமழை பெய்து வருகிறது. இந்த நிலையில் நேற்று பெங்களூருவின் கிழக்குப் பகுதியில் உள்ள ஹோரமாவு அகாரா என்ற பகுதியில் புதிதாக கட்டப்பட்டு வந்த அடுக்குமாடி கட்டடம் திடீரென்று முழுமையாக இடிந்து விழுந்து விபத்து ஏற்பட்டது. இதில் 20-க்கும் மேற்பட்ட தொழிலாளர்கள் சிக்கிக் கொண்டனர்.

அவர்களில் ஐந்து பேர் பரிதாபமாக உயிரிழந்தனர். விபத்து நடைபெற்ற இடத்திற்கு துணை முதல்வர் டி.கே. சிவக்குமார் நேராக சென்று ஆய்வு மேற்கொண்டார். அப்போது அந்த கட்டடம் சட்டவிரோதமாக கட்டப்பட்டது. இதில் தொடர்புடைய அனைவர் மீதும் நடவடிக்கை எடுக்கப்படும் எனத் தெரிவித்தார்.

இது தொடர்பாக டி.கே. சிவக்குமார் கூறுகையில் "இடிந்து விழுந்த கட்டடத்திற்கு அனுமதி வழங்கப்படவில்லை. சட்டவிரோத செயல்கள் நடந்திருக்கிறது. உரிமையாளர், ஒப்பந்தக்காரர் மற்றும் தொடர்புடைய அனைவர்களது மீதும் கடுமையான நடவடிக்கை எடுக்கப்படும். பெங்களூரு முழுவதும் இது போன்ற செயல்களுக்கு எதிராக ஒரு முடிவு எடுப்போம்.

சட்டவிரோதமான அனைத்து கட்டுமான தொழில்களும் உடனடியாக நிறுத்தப்படும். ஒப்பந்தகாரர்கள், என்னுடைய அதிகாரிகள், நிலத்தின் உரிமையாளர்கள் கூட என அனைவரும் சட்டத்தின் கீழ் நடவடிக்கைக்கு உட்படுத்தப்படுவார்கள்.

இவ்வாறு டி.கே. சிவக்குமார் தெரிவித்தார்.

ஐந்து பேர் உயிரிழந்த நிலையில், ஏழு பேர் காயம் அடைந்துள்ளனர். 13 பேர் மீட்கப்பட்டுள்ளனர்.

மூன்று முறை நோட்டீஸ் வழங்கப்பட்டது, நோட்டீஸ் வழங்கிய பின்னர், உடனடியாக நடவடிக்கை எடுத்திருக்க வேண்டும். இது எங்களுக்கு மிகப்பெரிய பாடம் என அதிகாரி ஒருவர் தெரிவித்துள்ளார்.

பெங்களூரு:

கர்நாடக மாநிலம் பெங்களுரு நகரில் கடந்த 2 நாட்களாக பலத்த மழை பெய்து வருகிறது. நேற்று முன்தினம் இரவு தொடங்கிய மழை தொடர்ந்து நேற்று காலை முதல் இரவு வரை கொட்டி தீர்த்தது. இதன் காரணமாக நகரின் பல்வேறு பகுதிகளில் தண்ணீர் பெருக்கெடுத்து ஓடியது. இதன் காரணமாக பெங்களூரு மாநகரமே போக்குவரத்து நெரிசலால் ஸ்தம்பித்தது.

இந்த மழையின் காரணமாக சுமார் 1000 வீடுகளை வெள்ளம் சூழ்ந்தது. இதன் காரணமாக அந்த வீடுகளில் வசிக்கும் பொதுமக்களை மீட்பு குழுவினர் ரப்பர் படகு, டிராக்டர்கள் மூலம் பத்திரமாக மீட்டு முகாம்களில் தங்கவைத்து உள்ளனர்.

கோகிலு சர்க்கிள் என்ற பகுதியில் உள்ள ஒரு அடுக்குமாடி குடியிருப்பின் தரை தளம் முழுவதும் வெள்ளத்தில் மூழ்கியது. இதையடுத்து பார்க்கிங் பகுதியில் 5 அடி தண்ணீர் தேங்கி வாகனங்கள் தண்ணீரில் மூழ்கின.

இதையடுத்து அங்கு வசித்த பொதுமக்களை மீட்பு குழுவினர் பாதுகாப்பாக மீட்டனர். பெரும்பாலானவர்கள் உறவினர்கள் மற்றும் நண்பர்களின் வீடுகளுக்கு சென்று விட்டனர். மேலும் கோகிஷ கிராசை சுற்றியுள்ள பகுதிகள் வெள்ளத்தில் மூழ்கியதால் யலஹங்கா-மாருதி நகர் பிரதான சாலையில் வாகனங்கள் செல்ல முடியாமல் பல மணி நேரம் நிற்க வேண்டிய நிலை ஏற்பட்டது.

மாருதி நகரில் 20-க்கும் மேற்பட்ட வீடுகளுக்குள் புகுந்தது. இதனால் வீட்டில் இருந்த பொருட்கள் அனைத்தும் தண்ணீரில் மூழ்கின. பெங்களூரு மாநகரின் பல்வேறு இடங்களில் வீடுகளில் சுமார் 2 அடிக்கும், சாலைகளில் சுமார் 3 அடிக்கும் தண்ணீர் தேங்கி குளம் போல் மாறிவிட்டது.

முக்கிய சாலைகள் அனைத்தும் மழை வெள்ளத்தால் ஆறு போல் மாறியது. தொடர்ந்து மீட்பு பணியில் தீயணைப்பு படை வீரர்கள் ஈடுபட்டு உள்ளனர்.

பெங்களூரு கேந்திரியா விகார் அடுக்குமாடி குடியிருப்பு கட்டிடத்தை வெள்ளம் சூழ்ந்தது. அந்த கட்டிடத்தின் தரைத்தள பகுதியில் 6 அடி உயரத்திற்கு மழைநீர் தேங்கியது. இதனால் அந்த கட்டிடத்தில் இருந்த மக்கள் வெளியே வர முடியாத நிலை ஏற்பட்டது.

இதுகுறித்து தகவல் அறிந்த தீயணைப்பு படையினர் மற்றும் தேசிய பேரிடர் மீட்பு படையினர் 16 ரப்பர் படகுகளை கொண்டு வந்தனர். அந்த கட்டிடத்தில் இருந்து மக்களை படகுகள் மூலம் வெளியேற்றும் பணியை மேற்கொண்டனர்.

அந்த குடியிருப்பில் வசித்து வந்த சுமார் 2 ஆயிரத்து 500 பேர் பத்திரமாக மீட்கப்பட்டு, பாதுகாப்பான இடத்தில் தங்க வைக்கப்பட்டு உள்ளனர். அவர்களுக்கு மாநகராட்சி சார்பில் பிஸ்கட், தண்ணீர், உணவு பொருட்கள் வழங்க ஏற்பாடு செய்யப்பட்டது.

பெங்களூரு நகரில் இந்த மாதம் வழக்கத்தை விட இரண்டு மடங்கு பெய்துள்ளது.

இந்த நிலையில் இன்று காலை முதல் பலத்த மழை பெய்யும் என்று பெலகாவி, தார்வாட், உடுப்பி, சித்ர துர்கா, தும்கூர், ஹாசன், குடகு, மாண்டியா, மைசூரு உள்பட 12 மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது.

தொடர் மழையின் காரணமாக அங்குள்ள நீர் நிலைகளுக்கு தண்ணீர் வரத்து அதிகரித்து காணப்படுகிறது. இதனால் அவை நிரம்பும் தருவாயில் உள்ளது. இதனால் நீர்நிலை களில் இருந்து தண்ணீர் திறப்பு அதிகரிக்கப்பட்டுள்ளது.

துங்கபத்ரா அணையில் இருந்து 1லட்சம் கனஅடிக்கு மேல் தண்ணீர் திறக்கப்பட்டுள்ளதால் துங்க பத்ரா ஆற்றில் தண்ணீர் கரைபுரண்டு ஓடுகிறது.

இந்த நிலையில் தொடர் மழையின் காரணமாக பெங்களூரு பாபுஷா பாளையத்தில் கட்டப்பட்டு வந்த 6 மாடி அடுக்குமாடி கட்டிடம் இடிந்து விழுந்தது. இதில் 13 பேர் உயிருடன் மீட்கப்பட்டனர். 6 பேர் காயத்துடன் ஆஸ்பத்திரியில் அனுமதிக்கப்பட்டனர்.

இதில் 3 பேர் நேற்று இரவு இறந்த நிலையில் இன்று மேலும் 2 பேர் உயிரிழ்ந்தனர். இதனால் சாவு எண்ணிக்கை 5 ஆக உயர்ந்தது.

மைசூரு நகர்ப்புற மேம்பாட்டு ஆணையத்தியிடம் 14 வீட்டுமனைகளை சித்தராமையா மனைவி பார்வதி பெற்றதில் முறைகேடு நடைபெற்றதாக பா.ஜ.க. குற்றம்சாட்டியது. இது தொடர்பாக லோக்ஆயுக்தா வழக்குப்பதிவு செய்து விசாரணை மேற்கொண்டு வருகிறது. முறைகேடு நடைபெற்றுள்ளதாக அமலாக்கத்துறையும் விசாரணை நடத்தி வருகிறது.

இந்த நிலையில் தனக்கு சொந்த வீடு இல்லை என கர்நாடக மாநில முதல்வரான சித்தராமையா தெரிவித்துள்ளார். தனது சொந்த தொகுதியான வருணாவில் நடைபெற்ற பொதுக்கூட்டம் ஒன்றில் சித்தராமையா பேசினார். அப்போது சித்தராமையா பேசும்போது கூறியதாவது:-

என் மீது சுமத்தப்பட்ட குற்றச்சாட்டுகள் போலியானவை. குமாரசாமி, எடியூரப்பா, விஜயேந்திரா, அஷோகா, பிரகலாத் ஜோஷி போன்றோர்களால் நான் முதல்வராக இருப்பதை ஜீரணிக்க முடியவில்லை.

முதலமைச்சராக இருக்கும் நான் யாரோ ஒருவர் வீட்டில் வாடகைக்குதான் இருக்க வேண்டுமா? சொல்லுங்கள்... நான் இதை ஏன் உங்களிடம் சொல்லிக் கொண்டிருக்கிறேன் என்றால் நீங்கள்தான் என்னுடைய உரிமையாளர்கள், மாஸ்டர்கள். என்னை அசீர்வதித்தவர்கள்.

மைசூருவில் உள்ள குவேம்பு சாலையில் என்னுடைய வீடு கட்டப்பட்டு வருகிறது. இன்னும் வேலை முடியவில்லை. எனக்கு சொந்தமாக எந்த சொத்தும் இல்லை. கட்டுமான வேலை நடைபெற்று மூன்று வருடங்கள் ஆகிறது. கடந்த மூன்று வருடங்களாக மெதுவாக வேலை நடைபெற்று வருகிறது.

என்னுடைய செல்வாக்கை குறைக்க எப்படி பழி சுமத்துகிறார்கள் பாருங்கள். இந்த செல்வாக்கு எல்லாம் நீங்கள் கொடுத்தது. நீங்கள் ஆசீர்வதித்தது. நீங்கள் கொடுத்த அதிகாரம். நீங்கள் மட்டும்தான் திரும்ப பெற முடியும்.

சித்தராமையா 2-வது முறையாக முதல்வரானதை அவர்களால் ஜீரணிக்க முடியவில்லை. நான் பிற்படுத்தப்பட்ட சமூகத்தை சேர்ந்தவன். பிற்படுத்தப்பட்ட சமூகத்தை சார்ந்தவர்கள் முதல்வராகுவதை பா.ஜ.க. விரும்புவதில்லை. சமூக நீதியை அமல்படுத்துதல், ஏழைகளுக்காக பணியாற்றுதல் போன்றவை அவர்களுக்கு பிடிக்கவில்லை. ஏனென்றால் பா.ஜ.க. சமூக நீதிக்கு எதிரானது. ஏழை மக்களுக்கு எதிரானது.

இவ்வாறு சித்தராமையா தெரிவித்துள்ளார்.

பெங்களூரு:

கர்நாடக மாநிலம் தார்வார் மாவட்டம் உப்பள்ளியில் வசித்து வந்தவர் வினய் குண்டகாவி(வயது 38). இவர் டாக்டர் ஆவார். இவர் உப்பள்ளியில் சொந்தமாக ஆஸ்பத்திரி நடத்தி வந்தார். இவருக்கு திருமணமாகி மனைவி மற்றும் பிள்ளைகள் உள்ளனர். அவருடைய மனைவியும் டாக்டர் ஆவார்.

வினயின் தந்தை வீரபத்ரய்யா. இவரும் டாக்டர். இவர் ஹாவேரி என்ற இடத்தில் தனது மனைவியுடன் வசித்து வந்தார். அங்கேயே சொந்தமாக ஒரு ஆஸ்பத்திரி நடத்தி வந்தார்.

இந்த நிலையில் வினய்க்கு அடிக்கடி உடல்நலக் குறைவு ஏற்பட்டது. இதற்காக அவர் சிகிச்சை பெற்று வந்தார். நேற்று காலையில் திடீரென வினய் மயக்கம்போட்டு விழுந்தார். இதனால் பதற்றம் அடைந்த அவருடைய மனைவி, வினயை பரிசோதனை செய்தார். அப்போது அவர் மாரடைப்பால் உயிரிழந்துவிட்டது தெரியவந்தது.

அவரும், அவரது பிள்ளைகளும் கதறி அழுதனர். வினய் இறந்துவிட்ட தகவல் அவருடைய தந்தை வீரபத்ரய்யாவுக்கு தெரிவிக்கப்பட்டது. மகன் மீது மிகுந்த பாசம் கொண்ட வீரபத்ரய்யா, மகன் இறந்த செய்தி கேட்டதும் பதற்றம் அடைந்தார்.

சிறிது நேரத்தில் துக்கம் தாங்காமல் கதறி அழுதார். மயங்கி கீழே விழுந்தார். அவரை, ஆஸ்பத்திரியில் இருந்த சக டாக்டர்கள் மீட்டு சிகிச்சை அளித்தனர். இருப்பினும் அவர் பரிதாபமாக உயிரிழந்தார்.

மகன் இறந்த செய்தி கேட்ட வீரபத்ரய்யா மாரடைப்பு ஏற்பட்டு உயிரிழந்தது குறிப்பிடத்தக்கது. ஒரேநாளில் மகனும், தந்தையும் இறந்த சம்பவம் அவர்களது குடும்பத்தை பெரும் சோகத்தில் ஆழ்த்தி உள்ளது.

கர்நாடகாவில் பல்வேறு பகுதிகளில் கனமழை பெய்து வரும் நிலையில் தலைநகர் பெங்களூருவில் புதிதாகக் கட்டப்பட்டு வந்த அடுக்குமாடி   கட்டடம் இடிந்து விபத்து ஏற்பட்டுள்ளது.

பெங்களூருவில் ஹென்னூர் காவல் நிலைய எல்லைக்குள் உள்ள பாபுசாபல்யா பகுதியில் கனமழைக்கிடையில் புதிதாக கட்டப்பட்டு வந்த கட்டடம் இடிந்து விழுந்தது. இதில் அங்கு வேலை பார்த்துக்கொண்டிருந்த கட்டுமானத் தொழிலாளர்கள் இடிபாடுகளுக்கு உள்ளே சிக்கினர்.

தகவலறிந்து வந்த தீயணைப்புத் துறையினர் மீட்புப் பணியில் ஈடுபட்டு வருகின்றனர். இடிபாடுகளுக்கு உள்ளிருந்து ஒருவர் சடலமாக மீட்கப்பட்டார். மேலும் 17 தொழிலாளர்கள் உள்ளே சிக்கியுள்ளதாக அஞ்சப்படுகிறது. எனவே அவர்களை  மீட்கும் பணியில் தீயணைப்புத்துறையினர் ஈடுபட்டுள்ளனர்.

தொடர்ந்து கனமழை பெய்து வருவதால் மீட்பு பணியை தொடர்வதில் சிக்கல் ஏற்பட்டுள்ளது. இதற்கிடையே கட்டடம் இடித்து விழும் பரபரப்பு வீடியோ வெளியாகியுள்ளது.

பெங்களூருவில் இன்று (அக்டோபர் 22) கனமழை பெய்யும் என்று இந்திய வானிலை ஆய்வு மையம் எச்சரிக்கை விடுத்திருந்தது. அதன்படி தொடர்ந்து பெய்த கனமழை காரணமாக நகரின் பல்வேறு பகுதிகளில் மழைநீர் வெளியேறாமல், தேங்கியுள்ளது.

மழைநீர் தேங்கியதை அடுத்து பல்வேறு பகுதிகளில் போக்குவரத்து நெரிசல் ஏற்பட்டது. மேலும், மழைநீர் சூழ்ந்த பகுதிகளில் சிக்கியுள்ளவர்களை மீட்புப்படையினர் படகுகள் மூலம் மீட்டனர். தொடர் கனமழையில் சிக்கித் தவிக்கும் பெங்களூரு நகரின் சில பகுதிகளில் கடுமையான பாதிப்பு ஏற்பட்டுள்ளது.

இந்த நிலையில், கனமழையால் சூழ்ந்த வெள்ள நீரில் மக்கள் மீன்பிடித்து சென்ற சம்பவம் அரங்கேறியது. பெங்களூருவை அடுத்த அல்லலசண்ட்ரா மற்றும் எலஹங்கா பகுதிகளில் தேங்கியிருந்த மழைநீரில் மக்கள் மீன்களை பிடித்து சென்றனர். 

சிலிக்கான் சிட்டி பெங்களூருவில் கன்னடம் தவிர பிற மொழி பேசும் மக்களும் வசித்து வருகின்றனர். பெரும்பாலும் அவர்கள் தங்கள் தாய் மொழியில்தான் பேசுகின்றனர். குறிப்பாக வாடகை ஆட்டோ, கார்களை அழைக்கும்போது தாய் மொழியைத்தான் பயன்படுத்துகின்றனர். இதேபோல வணிக வளாகங்கள், கடைகளிலும் தாய் மொழியில்தான் பேசுகின்றனர். மேலும் அவர்கள் கன்னட மொழியில் பேசுவதற்கு ஆர்வம் காட்டவில்லை என்று கூறப்படுகிறது.

இந்தநிலையில் ஆட்டோ டிரைவர் ஒருவர் பயணிகளை கன்னட மொழியில் பேச ஊக்குவிக்கும் வகையில் புதிய முயற்சியை மேற்கொண்டுள்ளார். அதாவது தனது ஆட்டோவில் டிரைவர் இருக்கையின் பின்புறம் கன்னடம் மற்றும் ஆங்கிலத்தில் உரையாடல் தொடர்பான வாசகங்கள் அச்சிட்ட பதாகை ஒன்றை வைத்துள்ளார்.

அதில் ஆட்டோ பயணிகள் வழக்கமாக பயன்படுத்தும் உரையாடல் ஆங்கிலம் மற்றும் கன்னடத்தில் இடம் பெற்றுள்ளன. அதை ஆட்டோ பயணிகள் பயன்படுத்தி பேசும்படியும் வலியுறுத்தியுள்ளார். அவ்வாறு பேசும்போது, கன்னட மொழியை எளிதாக கற்று கொள்ளலாம் என்று அவர் நம்பிக்கை தெரிவித்துள்ளார்.

தற்போது இந்த கன்னட உரையாடல் பதாகை தொடர்பான புகைப்படம் சமூக வலைதளங்களில் வைரலாகியது. இதற்கு பொதுமக்கள் பலரும் வரவேற்று கருத்து தெரிவித்துள்ளனர்.

கர்நாடக மாநிலம் பெலகாவியில் உள்ள சாம்ப்ரா விமான நிலையத்திற்கு வெடிகுண்டு மிரட்டல் விடுக்கப்பட்டுள்ளது.

சென்னையில் இருந்து அனுப்பப்பட்ட வெடிகுண்டு மிரட்டலால் பரபரப்பு ஏற்பட்டுள்ளது.

சாம்ப்ரா விமான நிலைய இயக்குனர் தியாகராஜின் மின்னஞ்சலுக்கு வெடிகுண்டு மிரட்டல் வந்துள்ளது. இதையடுத்து, விமான நிலையத்தில் மோப்ப நாய் உதவியுடன், வெடிகுண்டு நிபுணர்கள் சோதனை செய்தனர்.

இந்த வெடிகுண்டு மிரட்டல் மாரிஹால் காவல் நிலைய போலீசார் வழக்குப்பதிவு செய்துள்ளனர். 

பெங்களூரு நகரின் சாமராஜ் பேட்டை பகுதியில் அக்காவுடன் பெட்ஷீட்டுக்காக சண்டைபோட்ட தங்கை தற்கொலை செய்து கொண்டது அதிர்ச்சியை ஏற்படுத்தியுள்ளது.

ஷ்ரவ்யா என்ற இளம்பெண் (19) தனியார் கல்லூரியில் பிபிஏ 2-ம் ஆண்டு படித்து வருகிறார். கடந்த 18 ஆம் தேதி அவரது அக்காவுடன் ஷ்ரவ்யா பெட்ஷீட்டுக்காக சண்டை போட்டுள்ளார்.

நேற்று காலை ஷ்ரவ்யா தனது அறையின் கதவை பூட்டியிருந்ததால் சந்தேகமடைந்த குடும்பத்தினர் கதவை உடைத்து பார்த்துள்ளனர். அப்போது ஷ்ரவ்யா தூக்குப் போட்டு தற்கொலை செய்துள்ளதை பார்த்து குடும்பத்தினர் அதிர்ச்சியடைந்தனர்.