மத்தியப்பிரதேசம்

மத்தியப் பிரதேச மாநிலத்தில் குள்ளநரிகளின் தாக்குதலால் அச்சத்தில் ஆழ்ந்துள்ளது. குள்ளநரி தாக்குதலால் அம்மாநிலத்தில் பலர் படுகாயம் அடைந்துள்ளனர்.

அந்த வரிசையில் செஹோர் மாவட்டத்தில் இரண்டு பேர் குள்ளநரியால் தாக்கப்பட்டு காயமடைந்தனர். இந்த சம்பவம் அங்கிருந்த சிசிடிவியில் பதிவாகியுள்ளது. சிசிடிவி வீடியோவின் படி, சாலையோரத்தில் அமர்ந்திருந்த இருவர் மீது குள்ளநரி பாயும் காட்சிகள் இடம்பெற்றுள்ளது.

குள்ளநரி தாக்க முற்பட்டதை அடுத்து, அவர்கள் அதன் மீது கற்களை எறிந்து நரியை விரட்ட முயன்றனர். எனினும், அவர்களது முயற்சி தோல்வியடைந்தது. ஆனாலும், இருவரில் ஒருவர் நரியை பிடித்து தூக்கி எறிந்தார். இதில் அந்த குள்ளநரி சுமார் 15 அடி தூரம் சென்று கீழே விழுந்தது.

இந்த சம்பவத்தில் குள்ளநரி தாக்குதலில் காயமடைந்த ஷியாம் யாதவ் மற்றும் நர்மதா பிரசாத் ஆகிய இருவரும் நர்மதாபுரம் மாவட்ட மருத்துவமனையில் சிகிச்சை பெற்று வருகின்றனர். குள்ளநரி தாக்குதலை தொடர்ந்து குடியிருப்பு வாசிகள் எச்சரிக்கையுடன் இருக்கவும், தனியாக வெளியே செல்வதைத் தவிர்க்கவும் உள்ளூர் அதிகாரிகள் வலியுறுத்தியுள்ளனர்.

இதுகுறித்து கிராம பஞ்சாயத்து உதவி செயலாளர் ராமகிருஷ்ணா கூறும் போது, "கிராம மக்கள் குள்ளநரிகளை பிடிக்காமல் இருக்கவும், குழுக்களாக பயணம் செய்யவும் கேட்டுக் கொண்டுள்ளோம். வனத்துறைக்கு தகவல் தெரிவிக்கப்பட்டுள்ளது. ரேஞ்சர் ஹரிஷ் மகேஸ்வரி காயமடைந்தவர்களை பார்வையிட்டு இழப்பீடு வழங்கினார்" என்றார்.

மத்திய பிரதேச மாநிலம் இந்தூரில் உள்ள அரசு மருத்துவமனையில் ரத்த புற்றுநோயால் பாதிக்கப்பட்ட 22 வயது பெண்ணிற்கு இரட்டைக் குழந்தைகள் பிறந்துள்ளது. இது அரிதான நிகழ்வு என்று மருத்துவர்கள் தெரிவித்துள்ளனர்.

அரசு சூப்பர் ஸ்பெஷாலிட்டி மருத்துவமனையின் ஹீமாட்டாலஜி துறையின் உதவி பேராசிரியர் அக்ஷய் லஹோடி கூறுகையில், அந்த பெண்ணுக்கு நாள்பட்ட மைலோயிட் லுகேமியா, ரத்த புற்றுநோய் இருப்பதாகவும், அத்தகைய சூழ்நிலையில் அவருக்கு சுகப்பிரசவம் நடத்துள்ளதாகவும் கூறினார்.

அந்த பெண் கர்ப்பமாகி மருத்துவமனையில் அனுமதிக்கப்பட்டபோது, அவரது உடலில் உள்ள வெள்ளை இரத்த அணுக்களின் எண்ணிக்கை (WBC) இயல்பை விட பல மடங்கு அதிகமாக இருந்தது.

எனவே, கர்ப்ப காலத்தில் அவருக்கு சாதாரண புற்றுநோய் மருந்துகள் மற்றும் கீமோதெரபியை பரிந்துரைக்க முடியவில்லை.

இந்தியா மற்றும் வெளிநாடுகளைச் சேர்ந்த நிபுணர்களுடன் கலந்தாலோசித்த பிறகு, அந்தப் பெண்ணின் உடல்நிலை மற்றும் அவரது வயிற்றில் உள்ள இரட்டைக் குழந்தைகள் பாதிக்கப்படாமல் இருக்க சிறப்பு மருந்துகள் வழங்கப்பட்டது என்று அவர் கூறினார்.

மகப்பேறு மருத்துவர் டாக்டர் சுமித்ரா யாதவ் கூறுகையில், அந்த பெண்ணுக்கு ரத்த புற்றுநோய் இருப்பதாக கூறப்படவில்லை. கர்ப்ப காலத்தில் அவரது மனநலம் முற்றிலும் நன்றாக இருக்க வேண்டும் என்று நாங்கள் விரும்பினோம் என்றார்.

சுகப்பிரசவத்தின் மூலம் அந்த பெண்ணுக்கு ஆண் மற்றும் பெண் குழந்தை பிறந்துள்ளது. தாயும் இரட்டை குழந்தைகளும் நலமாக உள்ளனர்.

இது பெண்ணின் முதல் கர்ப்பம் என்றும், இரட்டை குழந்தைகள் பிறந்தது அவரது குடும்பத்தில் மகிழ்ச்சியை ஏற்படுத்தியுள்ளது என்றும் அவர் கூறினார்.

போபால்:

மத்தியபிரதேச மாநிலம் உஜ்ஜயினி பகுதியை சேர்ந்த ஒரு பெண்ணை சாலையில் வைத்து ஒருவர் பாலியல் பலாத்காரம் செய்வது போன்ற வீடியோ சமூக வலைதளங்களில் பரவி அதிர்ச்சியை ஏற்படுத்தியது.

இதைத்தொடர்ந்து போலீசார் விசாரணை நடத்தி பெண்ணை கற்பழித்த லோகேஷ் என்பவரை கைது செய்தனர். இவர் அந்த பெண்ணை திருணம் செய்து கொள்வதாக ஆசை வார்த்தைகள் கூறி, அந்த பெண்ணுக்கு மது ஊற்றிக்கொடுத்துள்ளார்.

பின்னர் போதையில் இருந்த பெண்ணை கற்பழித்துள்ளார். அந்த வழியாக சாலையில் சென்ற சிலர் இந்த சம்பவத்தை வீடியோ எடுத்து வலைதளங்களில் பதிவிட்டுள்ளனர்.

சம்பவத்தின் போது அந்த பெண்ணை தாக்கிய லோகேஷ், நடந்த சம்பவத்தை வெளியில் சொல்லக்கூடாது என மிரட்டி விட்டு சென்றுள்ளார். இது தொடர்பாக அந்த பெண் போலீசில் அளித்த புகாரின் பேரில் வழக்குப்பதிவு செய்து லோகேஷை கைது செய்தனர்.

மத்தியப் பிரதேச மாநிலம் இந்தோரில் 5 ஆண்கள் தன்னை பாலியல் பலாத்காரம் செய்ததுடன் நிர்வாணமாக ஆடவைத்து சித்ரவதை செய்ததாகக் காவல் நிலையத்தில் பெண் புகார் அளிக்க வந்தது பெரும் பரபரப்பை ஏற்படுத்தியது. அந்த பெண் அளித்த புகாரில், கடந்த ஜூலை 11 ஆம் தேதி தன்னை அவர்கள் கடத்திச் சென்று குடோன் ஒன்றில் அடைத்து வைத்து பாலியல் பலாத்காரத்துக்கும், இயற்கைக்கு மாறான வல்லுறவுக்குக்கும் ஆளாக்கினார்கள், அதன்பின் தொலைக்காட்சி பார்த்த அவர்கள் தன்னை பெல்டால் அடித்து வற்புறுத்தி அந்த நிலைமையில் அரை மணி நேரம் தன்னை நிர்வாணமாக நடனம் ஆட வைத்தார்கள் என்று தெரிவித்திருந்தார்.

19 நாட்களுக்கு முன்னர் அந்த பெண் புகார் அளித்திருந்தும் போலீசார் இந்நாள்வரை எப்.ஐஆர் பதியாமல் இருந்துள்ளனர். தற்போது உயர்நீதிமன்றத்தில் தலையீட்டுக்கு பின்னர் எப்.ஐ.ஆர் பதியப்பட்டுள்ளது. போலீசார் எப்.ஐ.ஆர் பதியாததற்கு காரணம், குற்றம்சாட்டப்பட்ட அந்த ஐவருள் ஒருவன் பாஜகவை சேர்ந்தவன் என்று கூறப்படுகிறது. இதுதொடர்பாக ம.பி. காங்கிரஸ் செய்தி தொடர்பாளர் நீலப் சுக்லா, பாஜக போலீசை நடவடிக்கை எடுக்க விடாமல் தடுக்கிறது என்று குற்றம் சாட்டியிருந்தார்.

இதற்கு பதிலளித்த அம்மாநில பாஜக செய்தி தொடர்பாளர் நரேந்திர சாலுஜா, குற்றவாளியின் அரசியல் சார்புகள் எதுவாக இருப்பினும் பாதிக்கப்பட்ட பெண்ணுக்கு நிச்சயம் நீதி கிடைக்கும் என்று தெரிவித்துள்ளார். இதற்கிடையில் இந்த வழக்கு தொடர்பாக விரைந்து விசாரணை நடதப்பட்டும் என்று துணை ஆணையர் அபிநய் விஸ்வகர்மா தெரிவித்துள்ளார். இந்த வழக்கில் குற்றம் சாட்டப்பட்டவர்கள் இன்னும் கைது செய்யப்படவில்லை என்பது  குறிப்பிடத்தக்கது.

போபால்:

மத்தியப் பிரதேச மாநிலம் கட்னியில் உள்ள ரெயில் நிலையத்தில் ரெயில்வே போலீசார் பெண் மற்றும் அவரது பாட்டியை சரமாரியாக தாக்கும் வீடியோ காட்சிகள் சமூக வலைத்தளங்களில் வைரலாகி பெரும் பரபரப்பை ஏற்படுத்தியுள்ளது.

அரசு ரெயில்வே காவல்துறையைச் (GRP) சேர்ந்தவர்கள் பாட்டி மற்றும் அவரது பேரன் (15 வயது) ஆகியோரை திருட்டு வழக்கு குறித்து விசாரித்து வருவதாக தகவல்கள் தெரிவிக்கின்றன. முதலில் அந்த பெண்ணை தாக்கியவர்கள், பின்னர் அவரது பேரனை நோக்கி தாக்க திரும்பியதாக கூறப்படுகிறது.

''அப்பா எங்கே என்று போலீஸ் கேட்டது... எங்கே என்று தெரியவில்லை. போலீசார் என்னை டிராபிக் இன்ஸ்பெக்டர் அலுவலகத்திற்கு அழைத்துச் சென்றனர். அப்போது என்னை அடித்தார்கள். அப்போது என் பாட்டியையும் அடித்தார்கள். என் அப்பா கூலித் தொழிலாளிதான்" என்று சிறுவன் கூறினான்.

வீடியோவில், GRP போலீசார் அவரை பெல்ட்டால் அடிக்கும்போது அந்த அப்பெண் தரையில் கிடப்பதை காண முடிகிறது. சீருடை அணியாத மற்றொரு ஆண், அந்த பெண்ணின் தலைமுடியை இழுத்து, தலையை பக்கவாட்டில் ஆட்டுவதைக் காணலாம்.

வீடியோ வெளியாகி பெரும் பரபரப்பை ஏற்படுத்தியதை அடுத்து, இந்த வீடியோ குறித்து ஏஎஸ்பி தலைமையில் விசாரணை நடத்தப்படும் என்று கட்னி எஸ்பி அபிஜீத் குமார் ரஞ்சன் தெரிவித்தார். மேலும், இது திருடப்பட்ட நகைகளை மீட்பது தொடர்பான பழைய சம்பவம் இது என தெரிவித்த போலீசார், வீடியோவில் காணப்படும் GRP ஆட்கள் தண்டிக்கப்படுவார்கள் என்று தெரிவித்தனர்.

இதனிடையே, இந்த சம்பவம் மத்திய பிரதேசம் தலித்துகளுக்கு பாதுகாப்பற்ற நிலைமை குறித்து காட்டுவதாக முன்னாள் முதல்வர் கமல்நாத் தெரிவித்துள்ளார்.

மத்திய பிரதேச மாநிலத்தின் குவாலியரில் இயங்கி வரும் சிபிஎஸ் தனியார் பள்ளி கஞ்ச் மில் பகுதியில் இயங்கி வருகிறது. இந்த பள்ளியில் 11 ஆம் வகுப்பில் பயின்று வந்த மாணவன் தேர்வில் தோல்வியுற்றதாக கூறப்படுகிறது.

தேர்வில் தோல்வி அடைந்ததை அடுத்து, பள்ளிப் படிப்பை நிறுத்திவிட மாணவன் முடிவு செய்தான். அதன்படி பள்ளிக்கு சென்ற மாணவன் தனக்கு மாற்றுச் சான்றிதழ் வழங்குமாறு கேட்டுள்ளான். அப்போது பள்ளியின் ப்ரின்சிபல் மாணவரிடம் பள்ளிக்கு செலுத்த வேண்டிய கட்டணம் பாக்கியுள்ளது என கூறியுள்ளார்.

மேலும் கட்டண பாக்கியை செலுத்தியதும் மாற்றுச் சான்றிதழ் வழங்குவதாக தெரிவித்து இருக்கிறார். இது தொடர்பாக மாணவன் மற்றும் பள்ளி ப்ரின்சிபல் இடையே வாக்குவாதம் ஏற்பட்டது. ஒருகட்டத்தில் வாக்குவாதம் முற்றியதை அடுத்து, பள்ளியின் ப்ரின்சிபல் மற்றும் மேலும் இரண்டு ஆசிரியர்கள் சேர்ந்து கொண்டு மாணவனை கடுமையாக தாக்கினர்.

தொடர்ச்சியாக தாக்குதலுக்கு ஆளான மாணவன் அவர்களிடம் இருந்து தப்பிக்க ஆசிரியர்களை தள்ளி விட்டுள்ளான். பள்ளியில் இருதரப்பும் மோதிக் கொண்ட விவகாரம் காவல் நிலையம் சென்றடைந்தது. இடையே ஆசிரியர்களால் தாக்கப்பட்ட மாணவன் மருத்துவமனையில் சிகிச்சை பெற்ற பிறகு, காவல் நிலையத்தில் ஆசிரியர்கள் மீது புகார் அளித்தான்.

இதே போன்று பள்ளி ப்ரின்சிபல் தரப்பிலும் மாணவன் மீது புகார் அளிக்கப்பட்டது. இந்த விவகாரம் தொடர்பாக ஹஜிரா காவல் நிலையத்தில் வழக்குப் பதிவு செய்யப்பட்டுள்ளது. போலீசார் இந்த சம்பவம் தொடர்பாக விசாரணையை துவங்கியுள்ளனர். 

சிறுமியை இரக்கமின்றி அடித்து, திட்டுவது போன்ற கொடூரமான வீடியோ சமூக வலைதளங்களில் வெளியாகியுள்ளது. இந்த சம்பவம் மத்திய பிரதேச மாநிலத்தில் நடந்துள்ளது.

ஒரு கொடுமைக்கார அத்தை தனது 13 வயது சிறுமி (அண்ணன் மகள்) மனிதாபிமானமற்ற முறையில் அடித்துள்ளார். குற்றம் சாட்டப்பட்டவர் ரத்லமில் உள்ள தீன்தயாள் நகரில் வசிக்கும் பூஜா என அடையாளம் காணப்பட்டார். சிறுமியின் தாய்வழி தாத்தா கொடுத்த புகாரின் பேரில் அவர் மீது வழக்குப்பதிவு செய்யப்பட்டுள்ளது.

தகவலின்படி, சிறுமியின் பெற்றோர் விவாகரத்து பெற்றுள்ளனர். மேலும் சிறுமி தனது தந்தையின் குடும்பத்துடன் வசித்து வருகிறார். தந்தையின் சகோதரியான பூஜா கோபமடைந்து சிறுமியை பிடித்து அடிக்கத் தொடங்கினார்.

அந்த வீடியோவில், அந்த பெண், சிறுமியை தனது கால்களுக்கு இடையில் பிடித்து, இரு கைகளாலும் அடித்து, என்னை எதிர்த்து பதில் சொல்ல தைரியமா?" (அப் போலேகி, படா அப் கரேகி)

தன்னை காப்பாற்றுமாறு பாட்டியிடம் சிறுமி கெஞ்சினாலும், அந்தப் பெண் தொடர்ந்து அவரைத் தாக்கியுள்ளார்.

குற்றம் சாட்டப்பட்ட பூஜாவிடம் சிறுமியை விட்டுவிடுமாறு அவரது மாமியார் கோரிக்கை விடுத்தும் கேட்காததால், அவர் தனது செல்போனில் சம்பவத்தை பதிவு செய்ய தொடங்கினார்.

இதைப் பார்த்த பூஜா பயமின்றி தன் மாமியாரிடம், பதிவு செய்வதால் எனக்கு எந்தப் பிரச்சனையும் இல்லை (கர் லோ ரெக்கார்டு, முஜே கோய் திக்கத் நஹி) என்று கூறினார்.

சிறுமி வலியால் கதறிக் கொண்டிருந்தாள், ஆனால் அவளுடைய அத்தை இரக்கமின்றி அவளை அடித்தார்.

சிறுமியின் பாட்டி அந்த வீடியோவை அவரது தாயாருக்கு அனுப்பியுள்ளார். இதையடுத்து, சிறுமியின் தாய்வழி தாத்தா, அவரது அத்தை மீது போலீசில் புகார் அளித்தார். கடும் நடவடிக்கை எடுக்க வேண்டும் என கோரிக்கை விடுத்துள்ளார்.

மேலும் மாமியார் மற்றும் கணவரின் துன்புறுத்தல் காரணமாக சிறுமியின் தாய் ஏற்கனவே தனது கணவரிடமிருந்து விவாகரத்து பெற்றதாகவும் ஒரு பெண் தன் தாயுடன் தங்குவாள், மற்றவள் தந்தையுடன் தங்குவது என பரஸ்பரம் முடிவு செய்யப்பட்டதாகவும் அவர் காவல்துறை அதிகாரிகளிடம் கூறினார்.

இந்த காலத்துல குழந்தைகளை கண்டிக்கவும் முடியல.. தண்டிக்கவும் முடியல... அந்த அளவுக்கு படு சுட்டித்தனமாக இருக்கிறாங்க..

இது பல பெற்றோர்களின் புலம்பல்களாக இருக்கிறது. இதை பரிணாம வளர்ச்சி என்பதா அல்லது நவநாகரிக மாற்றத்தின் விளைவுகள் என்பதா என்றே தெரியவில்லை.

முன்பெல்லாம் நிலவைக்காட்டியும், பாட்டிகதை, ராஜா கதைகளையும் சொல்லியும் சோறூட்டினார்கள். இப்போது வீடியோ கேம்களை காண்பித்தும், செல்போன்களை கையில் கொடுத்தும் ஏமாற்றி காரியம் சாதிக்க வேண்டியிருக்கிறது என்கிறார்கள் பல தாய்மார்கள்.

அதேபோல் குழந்தைகள் தவறு செய்தால் தைரியமாக தண்டித்த காலமும் இருந்தது. ஆனால் இப்போது தண்டிக்க முடியவில்லை. தவறை சுட்டிக்காட்டினாலே பல குழந்தைகள் பெற்றோருடன் சண்டையிட்டுக்கொண்டு பேசாமல் இருந்துவிடுகிறார்கள்.

அல்லது தாய்-தந்தையை பற்றி தாத்தா, பாட்டிகளிடம் போட்டுக்கொடுக்கும் சேட்டைகளை செய்துவிடுகின்றனர் என்பது இன்னும் சிலரது ஆதங்கங்கள்.

இது என்ன பிரமாதம்..? ஒரு சிறுவன் தன்னை திட்டிய தந்தை மீது நடவடிக்கை எடுக்க வேண்டும் என்று போலீஸ் நிலையத்துக்கே சென்றுவிட்டான் என்றால் நம்ப முடிகிறதா... நம்பித்தான் ஆகவேண்டும்.

மத்திய பிரதேசத்தில்தான் அந்த சம்பவம் அரங்கேறியிருக்கிறது. அந்த மாநிலத்தின் தார் மாவட்டத்தை சேர்ந்த பாக்னெர் போலீஸ் நிலையத்துக்கு அதே பகுதியை சேர்ந்த 5 வயது சிறுவன் சென்றான்.

தன்னந்தனியாக வந்த சிறுவனை பார்த்து அங்கிருந்த போலீஸ் அதிகாரி ஏதோ வழிதவறி வந்துவிட்டானோ என்று முதலில் நினைத்தார். பின்னர் அவனை நாற்காலியில் அமரவைத்து பேச்சுக்கொடுத்தபிறகே அவன் வந்த நோக்கம் அவருக்கு தெரிந்தது.

சிறுவனது கொஞ்சும் மழலைப்பேச்சு ரசிக்க வைத்தாலும், அவன் சொன்ன விஷயங்கள் அவரை அதிர்ச்சியடையவைத்தது. ``சார், என் பேரு ஹசானைன். எங்க அப்பா இக்பால். அவர் என்னை அடிக்கடி திட்டுறாரு, ரோடு பக்கம் போகக்கூடாது, ஆற்றங்கரைக்கு போகக்கூடாதுன்னு கண்டிஷன் போடுறாரு.

எனக்கு தொந்தரவு கொடுக்கிறாரு, என்னை அடிக்கவும் செய்யறாரு. அவர் மேலே நடவடிக்கை எடுக்கணும். அவரை கைது செய்து சிறையில் தள்ளுங்க..'' என்று தனது புகாரை அடுக்கிக்கொண்டே போனான் அந்த சிறுவன்.

கோபத்தில், கொதிக்கும் பால் போல் பொங்கிய அவனை போலீசார் சிரித்துப்பேசி சமாதானப்படுத்தினார்கள். அதன்பிறகு அவனை வீட்டுக்கு அழைத்துச்சென்று அவனது தாயாரிடம் ஒப்படைத்தனர்.

அந்த நேரத்தில் அவனது தந்தை இக்பால் வீட்டில் இல்லை. வியாபாரத்துக்காக வெளியூருக்கு சென்றிருந்தார். அவரிடம் போலீசார் செல்போனில் பேசி நடந்ததை கூறி, மகனிடம் கண்டிப்போடு நடக்காதீர்கள். அன்பாக அறிவுரை சொல்லுங்கள், என்று அறிவுரை கூறினர்.

சிறுவனிடமும், தினமும் பள்ளிக்கு ஒழுங்காக செல், குறும்பு செய்யக்கூடாது, தாய்-தந்தை சொல்வதை கேட்டு நடக்க வேண்டும் என்று கனிவோடு கூறிவிட்டு சென்றனர், போலீசார்.

இதற்கிடையே சிறுவனின் வேடிக்கையான புகாரை ரசித்த போலீஸ் நிலையத்தில் இருந்த சிலர் அதை செல்போனில் பதிவு செய்து வலைத்தளத்தில் பரவவிட்டனர். அது தற்போது படுவேகமாக உலா வருகிறது.

இதை பலரும் திரும்ப திரும்ப பார்ப்பதால் அதிக லைக்குகளை குவிக்கும் வீடியோவாக அது மாறிவிட்டது.

இதுதொடர்பாக சிறுவனின் தந்தைக்கும் சிலர் செல்போனில் பேசி அவனுக்கு ஆதரவாக வரிந்துகட்டிக் கொண்டு வசைபாடவும் செய்கிறார்களாம். அவர்களுக்கு பதிலளித்து முடியவில்லை என்று அங்கலாய்த்துக் கொள்கிறாராம் அவனது தந்தை.

மத்தியப் பிரதேசத்தில் காவலர் சீருடை அணைத்தவாறு தனியார் பயிற்சி மைய விளம்பரத்தில் நடித்த பெண் காவலர் இடைநீக்கம் செய்யப்பட்டுள்ளார்.மத்தியப் பிரதேச மாநிலம் ரத்லாம் மாவட்டத்தில் இயங்கி வரும் போட்டித் தேர்வுகளுக்கான தனியார் பயிற்சி மையத்தின் விளம்பரத்தில் பெண் கான்டபிள் ஒருவர் சீருடை அணைத்தவாறு நடித்த வீடியோ இணையத்தில் வைரலானது.

இதைத்தொடர்ந்து போலீஸ் மேலதிகாரிகளின் கவனத்துக்கு இது சென்றுள்ளது. எனவே அவரை தற்போது இடைநீக்கம் செய்து காவல் கண்கணிப்பாளர் உத்தரவிட்டுள்ளார். மேலும் இந்த விவகாரம் குறித்து விசாரணை நடத்தி உரிய நடவடிக்கை எடுக்கப்படும் என்றும் அவர் தனது எக்ஸ் பக்கத்தில் உறுதியளித்துள்ளார்.   

இந்தியாவின் 78-வது சுதந்திரதின விழா நேற்று கோலாகலமாக கொண்டாடப்பட்டது. நாட்டு மக்கள் அனைவரும் தேசியக்கொடி ஏற்றி மரியாதை செலுத்தினார். அரசு அலுவலகம், பள்ளிக் கூடங்கள், வீடுகளில் தேசியக் கொடியை அவமதிக்காத வகையில் ஏற்ற வேண்டும் என வலியுறுத்தப்பட்டது.

இந்த நிலையில் மத்திய பிரதேச மாநிலம் போபாலில் உள்ள டெய்லர் கடைக்காரர் அவரது கடைக்கு முன் பாலஸ்தீன கொடியை ஏற்றியுள்ளார். இதுகுறித்து தகவல் அறிந்த உள்ளூர் பாஜக மற்றும் ஆர்எஸ்எஸ் தலைவர்கள் போலீசார் புகார் அளித்தனர்.

அதனைத் தொடர்ந்து தேசிய மரியாதையை அவமதிப்பதை தடுக்கும் சட்டம் 1971 கீழ் தேசிய கொடியை அவமதித்தல் உள்ளிட்ட இரண்டு பிரிவுகளின் கீழ் போலீசார் வழக்குப்பதிவு செய்துள்ளனர். அத்துடன் அவரை துணை கமிஷனர் ஜெயிலில் அடைத்துள்ளார்.

ஹனீப் கான் (வயது 40) தனது கடையை காவி, வெள்ளை, பச்சை கலர் பலூன் மற்றும் மலர்களால் அலங்கரித்திருந்தார். ஆனால், தேசிக்கொடியுடன் பாலஸ்தீன கொடியையும் சேர்த்து ஏற்றிருந்தார். போலீசார் பாலஸ்தீன கொடியை அகற்றி அவரை கைது செய்தனர்.

சமையலில் இடம்பெற்று வரும் பூண்டுக்கு மருத்துவக்குணம் அதிகம். பூண்டு ஒரு கிருமிநாசினி. பூண்டை அரைத்து அதே அளவு தண்ணீர் கலந்து பருகினால் காலரா நம்மை நெருங்காது. சுவாச கோளாறுகளை சரி செய்ய பூண்டிலுள்ள சல்பைடு எண்ணெய் மிகவும் உதவியாக உள்ளது.

வயிற்று உப்புசம் போக்கக்கூடிய பூண்டு பக்கவாதம், உடல் விரைப்பு, இதயநோய், வயிற்றுவலி போன்றவற்றுக்கு கைகண்ட மருந்தாகும். நுரையீரலில் கட்டியிருக்கும் மார்புச்சளியை கரைக்கக்கூடியது. கபத்தை இளக்கி தூக்கத்தை தரக்கூடிய பூண்டானது செரிமானத்தை சீர்படுத்தக்கூடியது; உடல் எடை கூட்டக்கூடியது.

சமையலில் முக்கியத்துவம் கொடுத்து பூண்டு ரசம், குழம்பு, துவையல் என பல்வேறு வடிவங்களில் சாப்பிடுவதன்மூலம் வாயுதொடர்பான நோய்கள் குணமாகும். இதயக்கோளாறு, ரத்த அழுத்தம் உள்ளவர்களும், ரத்தக்குழாயில் கொழுப்பு படிந்திருப்பவர்களும் வெள்ளைப்பூண்டை வேக வைத்து சாப்பிடுவதால் நாளடைவில் அவர்களுக்கு நோய்கள் கட்டுக்குள் வரும்.

சபாஷ் சரியான கேள்விதான். இதைவைத்து ஒரு பட்டிமன்றமே நடத்திவிடலாம். எனினும் இது சற்று சிந்திக்கக்கூடிய விசயம்தான். இந்த விவாதம் நீண்ட காலமாக நடந்து வருகிறது.

2015-ம் ஆண்டில் மத்திய பிரதேசத்தில் உள்ள விவசாயிகள் அமைப்பு பூண்டை காய்கறியாக வகைப்படுத்த மண்டி வாரியத்தை வற்புறுத்தியது. ஆனால் வேளாண்மைத் துறை வேளாண் உற்பத்தி சந்தைக் குழு சட்டம் 1972 -ன் கீழ் பூண்டை ஒரு மசாலாப் பொருளாக மறுவகைப்படுத்தியது.

இதற்குப் பதிலளிக்கும் விதமாக, உருளைக்கிழங்கு, வெங்காயம் மற்றும் பூண்டு கமிஷன் முகவர்கள் சங்கம் 2016-ம் ஆண்டில் வேளாண்துறையின் முடிவை எதிர்த்து மத்தியப் பிரதேச ஐகோர்ட்டின் இந்தூர் பெஞ்ச்சை அணுகியது. 2017-ம் ஆண்டு பிப்ரவரி மாதம் ஒரு தனி நீதிபதி சங்கத்திற்கு ஆதரவாக தீர்ப்பளித்தார், இந்த முடிவு முக்கியமாக விவசாயிகளை விட கமிஷன் ஏஜெண்டுகளுக்கு நன்மை பயக்கும் என்று வாதிட்ட வணிகர்களிடையே சர்ச்சையை ஏற்படுத்தியது.

ஜூலை 2017-ல், மனுதாரர்களில் ஒருவரான முகேஷ் சோமானி ஒரு மறுஆய்வு மனுவைத் தாக்கல் செய்தார். இதை தொடர்ந்து நீதிபதி எஸ்.ஏ. தர்மாதிகாரி மற்றும் நீதிபதி டி.வெங்கடராமன் ஆகியோர் அடங்கிய பெஞ்ச் இந்த விவகாரத்தை முடிவுக்கு கொண்டு வந்துள்ளது.

அதன்படி மத்தியப் பிரதேச உயர் நீதிமன்றத்தின் இந்தூர் பெஞ்ச் 2015 -ம் ஆண்டின் தீர்ப்பை உறுதி செய்து பூண்டு ஒரு காய்கறியாக அறிவித்துள்ளது. அதாவது தற்போது மீண்டும் காய்கறி பட்டியலில் பூண்டு வந்துள்ளது.

இந்தூர் பெஞ்ச் இறுதியாக இந்த பல ஆண்டுகளாக நீடித்த விவாதத்தை முடித்து, பூண்டை ஒரு காய்கறியாக அறிவித்து, காய்கறி மற்றும் மசாலா சந்தைகளில் விற்க அனுமதித்துள்ளது. இந்த தீர்ப்பு விவசாயிகளுக்கும் வியாபாரிகளுக்கும் பயனளிக்கும் என்று எதிர்பார்க்கப்படுகிறது.

இதனிடையே வேளாண் துறை இந்த விஷயத்தை சுப்ரீம் கோர்ட்டுக்கு கொண்டு செல்கிறதா அல்லது இதை ஒரு காய்கறியாகக் கருதி இந்த விஷயத்தை கிடப்பில் போடுமா என்பதைப் பொறுத்திருந்துதான் பார்க்க வேண்டும் என்கின்றனர் வியாபாரிகள்.

மத்தியபிரதேச மாநிலத்தில் நில ஆக்கிரமிப்பு தொடர்பாக பலமுறை புகார் அளித்தும் தீர்வு காணப்படாததால் ஏமாற்றமடைந்த விவசாயி ஒருவர் மாவட்ட ஆட்சியர் அலுவலகத்தை நோக்கி உருண்டு சென்றதால் பரபரப்பு ஏற்பட்டது.

ஆக்கிரமிப்பாளர்கள் தனது நிலத்தை கையகப்படுத்தி விட்டனர் என்று 2 ஆண்டுகளாக விவசாயி ஷியாம்லால், போராடி வருகிறார். 2 ஆண்டுகளாக தனது புகார்கள் புறக்கணிக்கப்பட்டதால் மனமுடைந்த அவர், பொது விசாரணைக்காக ஆட்சியர் அலுவலகத்திற்கு செல்லும் வழியில் உருண்டு சென்றார்.

விவசாயி உருண்டு செல்வதை பார்த்து அதிர்ச்சியான மக்களை அதனை வீடியோ எடுத்து சமூக வலைத்தளங்களில் வெளியிட்டனர்.

விவசாயியின் விண்ணப்பத்தைப் பெற்று உரிய நடவடிக்கை எடுப்பதாக ஆட்சியர் அனுப்குமார் சிங் உறுதியளித்துள்ளார்.