GOLD PRICE TODAY : வரலாற்றில் புதிய உச்சத்தை தொட்ட தங்கம் விலை- ரூ.70ஆயிரத்தை தாண்டிய சவரன்

சென்னை:

தங்கம் விலை ஏற்ற, இறக்கத்துடன் காணப்படுகிறது. கடந்த 3-ந்தேதி வரை தாறுமாறாக உயர்ந்து வந்த நிலையில், அன்றைய தினம் ஒரு கிராம் ரூ.8 ஆயிரத்து 560-க்கும், ஒரு சவரன் ரூ.68 ஆயிரத்து 480-க்கும் விற்பனை செய்யப்பட்டது.

அதன் பின்னரும் விலை அதிகரிக்கும் என்ற அச்சத்தை கொடுத்த நிலை மாறி, மறுநாளில் இருந்து தங்கம் விலை மளமளவென சரியத் தொடங்கியது. அதன்படி, கடந்த 4-ந்தேதியில் இருந்து 8-ந்தேதி வரையிலான 5 நாட்களில் மட்டும் கிராமுக்கு ரூ.335-ம், சவரனுக்கு ரூ.2 ஆயிரத்து 680-ம் அதிரடியாக குறைந்து சற்று நிம்மதியை அளித்தது. ஆனால் அது நீடிக்கவில்லை.

நேற்று முன்தினம் கிராமுக்கு ரூ.150-ம், சவரனுக்கு ரூ.1,200-ம் அதிகரித்து, ஒரு கிராம் ரூ.8 ஆயிரத்து 560-க்கும், ஒரு சவரன் ரூ.68 ஆயிரத்து 480-க்கும் விற்பனை செய்யப்பட்டது. இதனை தொடர்ந்து நேற்று கிராமுக்கு ரூ.185-ம், சவரனுக்கு ரூ.1,480-ம் அதிகரித்து, ஒரு கிராம் ரூ.8 ஆயிரத்து 745-க்கும், ஒரு சவரன் ரூ.69 ஆயிரத்து 960-க்கும் விற்பனை செய்யப்பட்டது.

இந்த நிலையில், இந்திய வரலாற்றில் முதல் முறையாக தங்கம் விலை புதிய உச்சத்தை தொட்டுள்ளது. தங்கம் கிராமுக்கு 25 ரூபாய் உயர்ந்து ஒரு கிராம் தங்கம் ரூ.8,770-க்கும் சவரனுக்கு 200 ரூபாய் உயர்ந்து ஒரு சவரன் ரூ.70,160-க்கும் விற்பனையாகிறது.

இதன் மூலம் 4 நாட்களில் தங்கம் விலை சவரனுக்கு ரூ.4,360 உயர்ந்துள்ளது குறிப்பிடத்தக்கது.

வெள்ளி விலையும் உயர்ந்துள்ளது. கிராமுக்கு 2 ரூபாய் உயர்ந்து ஒரு கிராம் வெள்ளி 110 ரூபாய்க்கும் கிலோவுக்கு இரண்டாயிரம் உயர்ந்து பார் வெள்ளி 1 லட்சத்து 10 ஆயிரம் ரூபாய்க்கும் விற்பனை செய்யப்படுகிறது.

கடைசி ஐந்து நாள் தங்கம் விலை நிலவரம்:-

11-04-2025- ஒரு பவுன் (22 காரட்) ரூ.69,960

10-04-2025- ஒரு பவுன் (22 காரட்) ரூ.68,480

09-04-2025- ஒரு பவுன் (22 காரட்) ரூ.67,280

08-04-2025- ஒரு பவுன் (22 காரட்) ரூ.65,800

07-04-2025- ஒரு பவுன் (22 காரட்) ரூ.66,280

கடைசி ஐந்து நாள் வெள்ளி விலை நிலவரம்:-

11-04-2025- ஒரு கிராம் ரூ.108

10-04-2025- ஒரு கிராம் ரூ.107

09-04-2025- ஒரு கிராம் ரூ.104

08-04-2025- ஒரு கிராம் ரூ.102

07-04-2025- ஒரு கிராம் ரூ.103