குஜராத் மாநிலம் போர்பந்தரில் இருந்து 45 கி.மீட்டர் தூரத்தில் எண்ணெய் உற்பத்தி கப்பல் நிறுத்தப்பட்டுள்ளது. மோட்டார் டேங்கர் ஹரி லீலா என்ற இந்த கப்பலில் உள்ள பணியாளர் ஒருவர் பலத்த காயம் அடைந்ததாக இந்திய கடற்படைக்கு தகவல் வந்தது.
அதனைத் தொடர்ந்து காயம் அடைந்தவரை கரைக்கு கொண்டு வர இந்திய கடற்படை வீரர்கள் நான்கு பேருடன் லைட் ஹெலிகாப்டர் நேற்றிரவு புறப்பட்டது.
ஹெலிகாப்டர் கப்பல் அருகே சென்றபோது தரையிறங்க முடியாத நிலை ஏற்பட்டது. சிறிது நேரத்தில் கடலில் அவசரமாக தரையிறங்கியது. இதில் ஹெலிகாப்டரில் இருந்த நான்கு வீரர்களும் மாயமானர்கள். அதில் ஒருவர் மீட்கப்பட்டார். மற்ற மூன்று பேரை மீட்கும் பணி துரிதமாக நடைபெற்று வருகிறது.
அவர்கள் உயிருடன் இருக்கிறார்களா? என்பது தெரியவில்லை. இதற்கிடையே ஹெலிகாப்டர் பாகங்கள் கிடக்கும் பகுதியை கண்டுபிடித்துள்ளதாக கடற்படை சார்பில் தெரிவிக்கப்பட்டுள்ளது.
மூன்று வீரர்களை தேடும் பணியில் நான்கு கப்பல்கள், இரண்டு ஹெலிகாப்டர்கள் ஈடுபடுத்தப்பட்டுள்ளன.
