ஆசிய சாம்பியன்ஸ் ஹாக்கி இறுதிப்போட்டிக்கு முன்னேறியது மலேசியா

ஆசிய சாம்பியன் கோப்பை ஹாக்கி தொடரில் இன்று அரையிறுதி ஆட்டங்கள் நடைபெறுகின்றன. முதல் அரையிறுதி ஆட்டத்தில் நடப்பு சாம்பியன் தென்கொரியா- மலேசியா அணிகள் மோதின. விறுவிறுப்பான இந்த ஆட்டத்தில் மலேசிய அணி 6-2 என்ற கோல்கணக்கில் வெற்றி பெற்று இறுதிப்போட்டிக்கு முன்னேறியது.

மலேசிய அணி தரப்பில் அஸ்ராய் (3வது நிமிடம்), ஜஸ்லான் (9 மற்றும் 21வது நிமிடம்), சாரி (19வது நிமிடம்), சில்வரியஸ் (47 மற்றும் 48வது நிமிடம்) கோல் அடித்தனர். தென் கொரிய அணியில் ஜி 2வது நிமிடத்திலும், ஜாங் 14வது நிமிடத்திலும் கோல் அடித்தனர்.

மற்றொரு அரையிறுதி ஆட்டத்தில் இந்திய அணி, ஜப்பானை எதிர்கொள்கிறது.