தேசிய சீனியர் சாம்பியன்ஷிப் ஹாக்கி: அரியானாவை வீழ்த்தி ஒடிசா சாம்பியன்

தமிழ்நாடு ஹாக்கி அமைப்பு சார்பில் ஹாக்கி இந்தியாவின் 14-வது தேசிய சீனியர் சாம்பியன்ஷிப் போட்டி சென்னை எழும்பூரில் உள்ள மேயர் ராதா கிருஷ்ணன் ஸ்டேடியத்தில் நடைபெற்றது.

இறுதிப் போட்டியில் அரியானா- ஒடிசா அணிகள் பலப்பரீட்சை நடத்தின. முதல் கால்பகுதி ஆட்ட நேர முடிவில் ஒடிசா 1-0 என முன்னிலைப் பெற்றது. 2-வது காலிறுதி நேரத்தில் இரு அணிகளும் கோல் அடிக்கவில்லை. இதனால் முதல் பாதி நேரம் ஆட்ட முடிவில் ஒடிசா 1-0 என முன்னிலைப் பெற்றிருந்தது.

2-வது பாதி நேர ஆட்டத்திலும் ஒடிசாவின் கையே ஓங்கியது. மேலும் 3-வது காலிறுதி நேரத்தில் ஒரு கோல் அடித்தது 2-0 என முன்னிலைப் பெற்றது. கடைசி காலிறுதி ஆட்டத்தில் ஒடிசா 3 கோல் அடிக்க, அரியானா ஒரு கோல் அடித்தது. இதனால் ஒடிசா 5-1 என அரியானாவை வீழ்த்தி முதன்முறையாக சாம்பியன் பட்டம் வென்றுள்ளது.