24ம் தேதி முதல் அதிமுக 2ம் கட்ட ஆலோசனை கூட்டம்

பாராளுமன்ற தேர்தல் முடிவுகள் குறித்த அதிமுக 2ம் கட்ட ஆலோசனை கூட்டம் வரும் 24ம் தேதி முதல் ஆகஸ்ட் 5ம் தேதி வரை நடைபெறும் என அறிவிக்கப்பட்டுள்ளது.

முதற்கட்ட ஆலோசனை கூட்டம் கடந்த 10ம் தேதி தொடங்கிய நிலையில், இன்றுடன் நிறைவடைந்தது.

காலை, மாலை என இரு வேளைகளில் தொகுதி வாரியாக எடப்பாடி பழனிசாமி ஆலோசனை நடத்துகிறார்.

அதன்படி, 24ம் தேதி தேனி, ஆரணி, 25ம் தேதி தென்காசி, ஈரோடு தொகுதி நிர்வாகிகளுடன் ஆலோசனை நடத்துகிறார்.

ஆகஸ்டு 1ம் தேதி வட சென்னை, மத்திய சென்னை, தென் சென்னை தொகுதி நிர்வாகிகளுடன் ஆலோசனை நடத்துகிறார்.