மாவட்ட செயலாளர்கள் கூட்டம் ஜனவரி 9-ம் தேதி நடைபெறும்: அ.தி.மு.க. அறிவிப்பு

சென்னை:

சமீபத்தில் நடந்த அ.தி.மு.க. பொதுக்குழு மற்றும் செயற்குழு கூட்டத்தில் பாராளுமன்ற தேர்தலில் தமிழகத்தில் 40 தொகுதிகளிலும் வெற்றி பெற தொண்டர்கள் உழைக்க வேண்டும் என தீர்மானம் நிறைவேற்றப்பட்டது.

இந்நிலையில், பரபரப்பான அரசியல் சூழ்நிலையில் எடப்பாடி பழனிசாமி தலைமையில் அ.தி.மு.க. மாவட்ட செயலாளர்கள் கூட்டம் வரும் 9-ம் தேதி நடைபெறும் என அறிவிக்கப்பட்டுள்ளது.

சென்னை ராயப்பேட்டையில் உள்ள அ.தி.மு.க. தலைமை அலுவலகமான எம்.ஜி.ஆர். மாளிகையில் காலை 10.30 மணிக்கு இந்தக் கூட்டம் நடைபெற உள்ளது.

இதில் பாராளுமன்ற தேர்தலில் கூட்டணியா அல்லது தனித்துப் போட்டியா என்பது குறித்து கருத்துகள் கேட்கப்படும் என எதிர்பார்க்கப்படுகிறது.