முல்லை பெரியாறு , சிலந்தி அணைகளில் உரிமைகள் பறிப்பு: முதல்வர் மவுனமாக இருப்பது ஏன்?- தமிழிசை

சென்னை:

டாக்டர் தமிழிசை சவுந்தரராஜன் வெளியிட்டுள்ள அறிக்கையில் கூறி இருப்பதாவது:-

சாவி இருக்கிறது என்ற உடனேயே தமிழர்களை திருடர்கள் என்று கூறினார்கள் என்று பொய் பிரசாரம் செய்த மு.க.ஸ்டாலின் அவர்களே....

இன்று கேரளா அரசு முல்லை பெரியாறு அணையை இடித்துவிட்டு நாங்களே புதிய அணையை கட்டிக் கொள்வோம் என்று கூறுகிறார்கள்.... இன்று நம் விவசாயிகளின் நீர் ஆதாரமாக இருக்கும் ஒரு அணையை உங்கள் கூட்டணியைச் சார்ந்த கேரளா அரசு முழுவதுமாக களவாட நினைக்கிறது உங்களிடமிருந்து பதில் என்ன?

முல்லை பெரியாறு அணையிலும், சிலந்தி அணையிலும் நம் தமிழர்களின் உரிமை பறிக்கப்பட்டு கொண்டிருக்கிறது... இப்போது மவுனமாக இருப்பது ஏன்?

இதுதான் உங்களின் தமிழ்ப்பற்றா?

தமிழர்கள் மீதான பற்றா?

தமிழ்நாட்டு உரிமையை பாதுகாக்கும் நிலைமையா?

உங்கள் மவுனம் கலையுமா?

வழக்கம்போல் கடிதம் மட்டும் தான் எழுதுவீர்களா?

இவ்வாறு அதில் கூறப்பட்டுள்ளது.