காரைக்கால் நகர போலீஸ் இன்ஸ்பெக்டர் பதவி இறக்கம்

புதுச்சேரி:

காரைக்கால் நகர போலீஸ் நிலைய இன்ஸ்பெக்டராக பணியாற்றியவர் சிவக்குமார்.

இவர் மீது போஸ்கோ வழக்கை தவறாக கையாண்டது, போலீஸ் நிலையத்தில் தொடர்ந்து கையெழுத்து இட வேண்டிய குற்றவாளிகளுக்கு ஆதரவாக செயல்பட்டது, கஞ்சா வழக்கில் குற்றவாளிகளை விடுவித்தது என பல புகார்கள் எழுந்தது.

இந்த குற்றச்சாட்டுகளில் ஆதாரங்களின் அடிப்படையில் இவர் ஏற்கனவே சஸ்பெண்டு செய்யப்பட்டுள்ளார். இந்த நிலையில் சிவக்குமார் இன்ஸ்பெக்டர் பதவியில் இருந்து சப்-இன்ஸ்பெக்டராக பதவி இறக்கம் செய்யப்பட்டார்.

இந்த நடவடிக்கையை டி.ஜி.பி. மனோஜ் குமார் லால் அதிரடியாக எடுத்துள்ளார்.