நீங்கள் தேடியது "Betaraya Swamy Temple"

தேன்கனிக்கோட்டை:

கிருஷ்ணகிரி மாவட்டம், தேன்கனிக்கோட்டையில் பேட்டராய சுவாமி கோவில் தேர்்திருவிழாவை முன்னிட்டு இன்று காலை எருதாட்டம் நடைபெற்றது.

தேன்கனிக்கோட்டை பேருராட்சி தலைவர் சீனிவாசன் தலைமையில் நடைபெற்ற எருது விடும் விழாவில் கிருஷ்ணகிரி மாவட்டம் உள்ளிட்ட பல இடங்களில் இருந்தும், அண்டைய மாநிலங்களான ஆந்திரா, கர்நாடகாவில் இருந்தும் காளைகளை கொண்டு வந்திருந்தனர்.

போட்டியை காண சுற்றுப்புற பகுதியைச் சேர்ந்த 10 ஆயிரத்திற்கும் மேற்பட்டோர் திரண்டனர். முதலில் ஊர் காளை அவிழ்த்து விடப்பட்டது.தொடர்ந்து ஒன்றன்பின் ஒன்றாக 500-க்கும் மேற்பட்ட காளைகளை அவிழ்த்து விட்டனர்.

இலக்கை நோக்கி சீறிப் பாய்ந்து சென்ற காளை களை இளைஞர்கள் பாய்ந்து சென்று மடக்கினர். அப்போது, காளைகள் முட்டியதில் 3 பேர் காயம் அடைந்தனர். அவர்கள் சிகிச்சைக்காக மருத்துவ மனைக்கு அனுப்பி வைக்கப்பட்டனர்.