நீங்கள் தேடியது "Dharmapuri constituency"

தர்மபுரி:

தர்மபுரி செட்டிக்கரையில் உள்ள அரசு பொறியியல் கல்லூரியில் தர்மபுரி பாராளுமன்ற தொகுதி மற்றும் பாப்பிரெட்டிப்பட்டி, அருர்(தனி) ஆகிய சட்டமன்ற இடைத்தேர்லுக்கான வாக்கு எண்ணிக்கை இன்று காலை 8 மணியளவில் தொடங்கியது. முதலில் தபால் வாக்குகள் எண்ணப்பட்டன்.

இந்த வாக்கு எண்ணிக்கை 23 சுற்றுக்களாக எண்ணப்படுகிறது.

முதல் சுற்றில் வேட்பாளர்கள் பெற்ற வாக்குகள் விவரம் வருமாறு:

பா.ம.க. வேட்பாளர் டாக்டர் அன்புமணி ராமதாஸ்-4552 வாக்குகளும், தி.மு.க. வேட்பாளர் டாக்டர் டிஎன்வி செ. செந்தில்குமார்-3868 வாக்குகளும், அ.ம.மு.க. வேட்பாளர் பி.பழனியப்பன்- 233 வாக்குகளும் பெற்றுள்ளனர்.

இதில் அன்புமணி ராமதாஸ் 684 வாக்குகள் அதிகமாக பெற்று முன்னிலையில் உள்ளார்.

கிருஷ்ணகிரி:

கிருஷ்ணகிரி, ஓசூர், போச்சம்பள்ளி, மத்தூர், ஊத்தங்கரை உள்ளிட்ட பல்வேறு பகுதிகளில் மக்கள் ஆர்வத்துடன் வந்து ஓட்டு போட்டனர்.

மாற்றுத்திறனாளிகள் ஓட்டளிக்க சக்கர நாற்காலிகள் தயாராக இருந்தன. கிருஷ்ணகிரி மாவட்டத்தில் மொத்தம் 1800 வாக்குச்சாவடிகள் அமைக்கப்பட்டு இருந்தன.

சில இடங்களில் மின்னணு வாக்குப்பதிவு எந்திரங்கள் பழுதானாலும் உடனடியாக சரிசெய்யப்பட்டு ஓட்டுப்பதிவு தொடங்கியது.

சூளகிரி உள்ளிட்ட பகுதிகளில் முஸ்லீம்கள் ஆர்வத்துடன் ஓட்டு போட்டனர்.

தர்மபுரி மாவட்டத்தில் மொத்தம் 1787 வாக்குச்சாவடிகள் அமைக்கப்பட்டு இருந்தன. தேர்தல் பணியில் 6 ஆயிரத்திற்கு மேற்பட்ட ஊழியர்களும், பாதுகாப்பு பணியில் 2606 போலீசாரும் ஈடுபட்டனர்.

வாக்குப்பதிவு விறுவிறுப்பாக நடந்து வருகிறது. பெண்களும், ஆண்களும் நீண்ட வரிசையில் நின்று ஓட்டு போட்டனர். மிக உயரமான வாக்குச்சாவடியாக பென்னாகரத்தை அடுத்த அலக்கட்டு, கோட்டூர்மலையில் அமைக்கப்பட்டு இருந்தது. இங்கு கழுதை மூலம் வாக்குப்பதிவு எந்திரம் கொண்டு செல்லப்பட்டு ஓட்டுப்பதிவு நடந்தது.

பென்னாகரம் அடுத்த தாளக்குலம் வாக்குச்சாவடியில் காலை 6 மணிக்கே வாக்காளர்கள் ஆர்வத்துடன் காத்திருந்தனர்.

தர்மபுரியில் அதியமான் கோட்டை அரசு பள்ளிகளில் ஆண்கள் மற்றும் பெண்கள் மேல்நிலைப்பள்ளிகளில் வாக்காளர்கள் கூட்டம் அதிகமாக இருந்தது.

ஓசூர் சட்டமன்ற இடைத்தேர்தலில் இன்று விறுவிறுப்பான ஓட்டுப்பதிவு நடந்தது. கர்நாடக எல்லையில் உள்ள ஓசூர், தளி உள்ளிட்ட பகுதிகளில் தமிழ் மட்டும் அல்ல கன்னடத்திலும் வாக்குச் சீட்டு அச்சடிக்கப்பட்டு இருந்தது. காலை 9 மணி நிலவரப்படி 9 சதவீதம் ஓட்டு பதிவாகி இருந்தது.

அரூர் மற்றும் பாப்பி ரெட்டிப்பட்டி சட்டமன்ற தொகுதிகளிலும் இன்று இடைத் தேர்தல் நடந்தது. விறுவிறுப்பாக ஓட்டுப்பதிவு நடந்து வருகிறது. #LokSabhaElections2019

தருமபுரி:

தருமபுரியில், உயர்கல்வித்துறை அமைச்சர் கே.பி.அன்பழகன் நிருபர்களிடம் கூறியதாவது:-

தருமபுரி நாடாளுமன்ற உறுப்பினராக அன்புமணி ராமதாசை தவறாக மக்கள் தேர்ந்தெடுத்து விட்டனர். ஒரு பொய்யை சொல்லிக் கொண்டே இருந்தால் அது உண்மையாகி விடும் என்று அவர் நினைக்கிறார்.

கடந்த 2001-2006 வரை நான் அமைச்சராக இருந்தபோது தருமபுரி மாவட்டம் பின்தங்கிய மாவட்டமாக இருந்தது. அப்போது 100-க்கும் மேற்பட்ட பள்ளிகள், கல்லூரிகளை கொண்டு வந்தவன் நான். எனது சொந்த பந்தம், கட்டிடம் கட்டுவதற்காக கல்லூரிகள் கொண்டுவரவில்லை.

மாவட்ட மாணவர்களின் நலனுக்காகவே கல்லூரிகள் கொண்டுவரப்பட்டது. இதை அன்புமணி ராமதாஸ் கொச்சைப் படுத்தி பேசுகிறார். வரும் தேர்தலில் யாரை எதிர்த்தால் மக்கள் தன்னை திரும்பி பார்ப்பார்கள் என்று நினைத்து 4 ஆண்டு காலம் எந்த அக்கறையும் இல்லாமல் இருந்த அன்புமணி என்மீது குறை கூறுகிறார்.

மாவட்டத்தின் அனைத்து பகுதிகளுக்கும் நான் சென்றுள்ளேன். ஆனால் பல கிராமங்களுக்கு அன்புமணி நன்றி சொல்லக்கூட போகவில்லை. தொகுதி பக்கம் வராத நாடாளுமன்ற உறுப்பினர் எதை சொல்லுவது என்று தெரியாமல் உளறிக் கொண்டு இருக்கிறார்.

பா.ம.க. நிறுவனர் ராமதாஸ், எனது குடும்பத்தினர் யாரையும் நிறுத்த மாட்டோம் என்றார். ஆனால் அவரது மகனையே எம்.பி.யாக்கி உள்ளார். உள்ளூரில் விலை போகாத அவர் தருமபுரியை நாடி வந்து இங்குள்ள மக்களை ஏமாற்றிக்கொண்டு இருக்கிறார். அவர் நாயக்கன்கொட்டாய் சம்பவத்தை கையில் எடுத்துக்கொண்டதால் கடந்த எம்.பி. தேர்தலில் வெற்றி பெற்றார். வருகிற தேர்தலில் அவரை மக்கள் ஏற்றுக்கொள்ள தயாராக இல்லை. தருமபுரி தொகுதியில் மீண்டும் போட்டியிட்டாலும் அவரால் வெற்றி பெற முடியாது.

தருமபுரி மாவட்டத்தில் 3 இடங்களில் ரெயில்வே மேம்பாலம் கட்டப்பட்டு வருகிறது. மொரப்பூர் ரெயில் பாதை திட்டத்திற்காக 17 முறை மத்திய அமைச்சரை சந்தித்தால் மட்டும் போதுமா? இவர் மக்களையே சந்திக்கவில்லை. இவருக்கு முன்பாக இருந்த முன்னாள் நாடாளுமன்ற உறுப்பினர் ஒருவர் தருமபுரி-மொரப்பூர் ரெயில் திட்டம் குறித்து நாடாளுமன்றத்தில் கோரிக்கை வைத்தார். அந்த கோரிக்கை தான் தற்போது முன்னேற்றம் அடைந்து வருகிறது.

இவ்வாறு அவர் கூறினார். #ADMK #TNMinister #KPAnbazhagan #AnbumaniRamadoss