நீங்கள் தேடியது "electric motorcycle"

எலெக்ட்ரிக் இருசக்கர வாகன பிரான்ட், ரெவோல்ட் மோட்டார்ஸ் தனது எலெக்ட்ரிக் மோட்டார்சைக்கிள் வாங்குவோருக்கு புதிய நிதி சலுகைகளை அறிவித்து இருக்கிறது. அதன்படி பயனர்கள் எவ்வித முன்பணமும் செலுத்தாமல் தனது RV400 எலெக்ட்ரிக் மோட்டார்சைக்கிளை வாங்க முடியும். இதற்கான மாத தவணை ரூ. 4 ஆயிரத்து 444 ஆகும்.

வாடிக்கையாளர்கள் தங்களது வருமான சான்று, ஸ்டாம்ப் டியூட்டி அல்லது பிராசஸிங் கட்டணம் என எதுவும் செலுத்தாமல், டிஜிட்டல் முறையில் இந்த சலுகையை பெற முடியும். இதுபற்றிய முழு விவரங்கள் அந்நிறுவன விற்பனை மையங்களில் தெரிந்து கொள்ளலாம் என்று ரெவோல்ட் தெரிவித்துள்ளது.

இதுபோன்ற சலுகைகளை அறிவிப்பதன் மூலம் ரெவோல்ட் நிறுவனம் தனது வாகன விற்பனையை அதிகப்படுத்த முயற்சிக்கிறது. முன்னதாக இதேபோன்ற அறிவிப்பில் அந்நிறுவனம் தனது RV400 ஸ்டான்டர்டு மற்றும் BRZ மாடல்களுக்கு ரூ. 5 ஆயிரம் விலை குறைப்பை வழங்கியது குறிப்பிடத்தக்கது. இத்துடன் ரூ. 10 ஆயிரம் கூடுதல் தள்ளுபடி, ரூ. 5 ஆயிரம் எக்சேஞ்ச் போனஸ் உள்ளிட்டவை வழங்கப்படுகிறது.

ரெவோல்ட் RV400 ஸ்டான்டர்டு மற்றும் BRZ மால்களில் 3 கிலோவாட் மோட்டார் மற்றும் 3.24 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த மாடல் அதிகபட்சம் 150 கிலோமீட்டர்கள் வரையிலான ரேஞ்ச் வழங்குகிறது. இந்த பைக்கில் டிஜிட்டல் டிஸ்ப்ளே, மூன்று ரைட் மோட்கள், கம்பைன்டு பிரேக்கிங் சிஸ்டம் போன்ற வசதிகள் உள்ளன.

அல்ட்ராவொய்லெட் நிறுவனம் தனது பிளாக்ஷிப் எலெக்ட்ரிக் மோட்டார்சைக்கிள் F77 மோட்டார்சைக்கிள் மாடலுக்கு புதிதாக பேட்டரி வாரண்டிகளை அறிவித்து இருக்கிறது. புதிய வாரண்டி திட்டத்தின் கீழ் அல்ட்ராவொய்லெட் F77 வாங்குவோர் அதன் பேட்டரியின் வாரண்டியை நீட்டிக்க ஏராளமான ஆப்ஷன்கள் வழங்கப்படுகிறது.

இதற்காக அல்ட்ராவொய்லெட் நிறுவனம் UV கேர், UV கேர் பிளஸ் மற்றும் UV கேர் மேக்ஸ் என மூன்று வாரண்டி திட்டங்களை அறிவித்து இருக்கிறது. இவற்றில் முதல் இரண்டு வாரண்டி திட்டங்களுக்கு முறையே 60 ஆயிரம் மற்றும் 1 லட்சம் கிலோமீட்டர்கள் வரையிலான வாரண்டி வழங்கப்படுகிறது.

முன்னதாக இவற்றில் 30 ஆயிரம் மற்றும் 50 ஆயிரம் கிலோமீட்டர்கள் வரையிலான வாரண்டியே வழங்கப்பட்டது. புதிய UV கேர் மேக்ஸ் திட்டத்தின் கீழ் பேட்டரிக்கான வாரண்டி 8 லட்சம் கிலோமீட்டர்கள் அல்லது எட்டு ஆண்டுகள் என நிர்ணயிக்கப்பட்டு உள்ளது. இது அந்நிறுவனம் ஏற்கனவே வழங்கி வந்ததை விட எட்டு மடங்கு அதிகம் ஆகும்.

ஏற்கனவே F77 மாடலை பயன்படுத்துவோரும் இந்த திட்டங்களை வாங்க முடியுமா என்பது பற்றி எந்த தகவலும் இல்லை. மேலும், புதிய வாரண்டி திட்டங்களின் விலையும் இதுவரை அறிவிக்கப்படவில்லை.

தாய்லாந்தை சேர்ந்த எலெக்ட்ரிக் வாகன உற்பத்தியாளர் ஸ்மார்டெக் 45 ஆவது பாங்காக் மோட்டார் விழாவில் தனது முற்றிலும் புதிய எலெக்ட்ரிக் டூரிங் மோட்டார்சைக்கிளை அறிமுகம் செய்தது. ஃபெலோ டூஸ் என அழைக்கப்படும் புதிய எலெக்ட்ரிக் மோட்டார்சைக்கிள் முழு சார்ஜ் செய்தால் நீண்ட தூரம் செல்லும் ரேன்ஜ் வழங்குகிறது.

புதிய எலெக்ட்ரிக் டூரர் பைக்கின் பேட்டரி மற்றும் மோட்டார் பற்றிய விவரங்கள் எதுவும் அறிவிக்கப்படவில்லை. எனினும், இந்த எலெக்ட்ரிக் பைக் முழு சார்ஜ் செய்தால் 720 கிலோமீட்டர்கள் வரையிலான ரேன்ஜ் வழங்கும் என்பது அனைவரையும் திரும்பி பார்க்க செய்திருக்கிறது.

ஃபெலோ டூஸ் எலெக்ட்ரிக் மோட்டார்சைக்கிளில் உள்ள வெஹிகில் டு லோட் அல்லது V2L என்ற அம்சம் கொண்டு பயனர்கள் மோட்டார்சைக்கிளின் பேட்டரியை கொண்டு மற்ற சாதனங்களுக்கு சார்ஜ் ஏற்றிக் கொள்ள முடியும். டூஸ் மாடலில் உள்ள பேட்டரியை 20-இல் இருந்து 80 சதவீதம் வரை சார்ஜ் செய்ய 20 நிமிடங்களே ஆகும். இந்த பைக்கினை டைப் 2 சார்ஜர் கொண்டு சார்ஜ் ஏற்றலாம்.

ஹோண்டா கோல்டுவிங் மாடலை போன்ற தோற்றம் கொண்டிருக்கும் ஃபெலோ டூஸ் மாடலில் ஃபிளாட் பாடி பேனல்கள் மற்றும் அளவில் பெரிய டாப் பாக்ஸ் மற்றும் பேனியர்கள் (பொருட்களை வைத்துக் கொள்வதற்கான பெட்டி) பேனியர்களில் ஒன்றை சில்டு பாக்ஸ்-ஆக மாற்றிக் கொள்ளும் வசதியும் உள்ளது.

இந்த மாடலில் 12 இன்ச் டி.எப்.டி. டிஸ்ப்ளே, 360 டிகிரி கேமரா, ஏ.பி.எஸ். மற்றும் டிராக்ஷன் கண்ட்ரோல் வசதிகள் உள்ளன. சர்வதேச சந்தையில் இந்த மாடல் எப்போது அறிமுகமாகும் என்பது பற்றி எந்த தகவலும் இல்லை. எனினும், தாய்லாந்தில் இந்த மோட்டார்சைக்கிள் விரைவில் அறிமுகம் செய்யப்படும் என்று எதிர்பார்க்கலாம்.

ஃபின்லாந்தை சேர்ந்த எலெக்ட்ரிக் மோட்டார்சைக்கிள் உற்பத்தியாளரான வெர்ஜ் மோட்டார்சைக்கிள்ஸ் தனது லிமிடெட் மைகா ஹகினென் சிக்னேச்சர் எடிஷன் மாடலை அறிமுகம் செய்து இருக்கிறது. இந்த இ பைக் மொத்தத்திலேயே 100 யூனிட்கள் மட்டுமே உற்பத்தி செய்யப்பட இருக்கிறது. இதன் விலை 80 ஆயிரம் யூரோக்கள், இந்திய மதிப்பில் ரூ. 71 லட்சத்து 48 ஆயிரம் என்று நிர்ணயம் செய்யப்பட்டு உள்ளது.

வெர்ஜா மைகா ஹகினென் சிக்னேச்சர் எடிஷன் மாடல் வெர்ஜ் மற்றும் மைகா ஹகினென் இடையேயான கூட்டணியை பிரதிபலிக்கும் வகையில் அமைந்து இருக்கிறது. இரண்டு முறை F1 பந்தயம் வென்ற மைகா ஹகினென் இந்த நிறுவனத்தில் முதலீடு செய்திருப்பதோடு, இந்த பைக்கின் டிசைனிங் பணிகளில் உதவியாக இருந்து வந்துள்ளார்.

வெர்ஜ் மோட்டார்சைக்கிள்ஸ்-இன் TS ப்ரோ மோட்டார்சைக்கிளை தழுவி உருவாக்கப்பட்டு இருக்கும் மைகா ஹகினென் எடிஷன் டார்க் கிரே மற்றும் சில்வர் டூயல் டோன் ஃபினிஷ் செய்யப்பட்டு உள்ளது. இந்த பெயிண்ட் ஸ்கீம்1998 மர்றும் 1999 ஆண்டுகளில் மைகா ஹகினென் பயன்படுத்திய மெக்லாரென் ஃபார்முலா 1 மாடல்களை நினைவூட்டும் வகையில் உள்ளது.

வெர்ஜ் மைகா ஹகினென் சிக்னேச்சர் எடிஷன் மாடலில் ஹப்லெஸ் மோட்டார் வழங்கப்பட்டு இருக்கிறது. இது 136.78 ஹெச்பி பவர், 1000 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த எலெக்ட்ரிக் பைக் மணிக்கு 100 கிலோமீட்டர் வேகத்தை 3.5 நொடிகளில் எட்டிவிடும் திறன் கொண்டிருக்கிறது.

மைகா ஹகினென் சிக்னேச்சர் எடிஷன் மாடலில் 20.2 கிலோவாட் ஹவர் லித்தியம் அயன் பேட்டரி பேக் உள்ளது. இந்த பைக்கை முழு சார்ஜ் செய்தால் 563 கிலோமீட்டர் வரையிலான ரேஞ்ச் வழங்குகிறது. இதன் பேட்டரி 25 கிலோவாட் டிசி ஃபாஸ்ட் சார்ஜிங் வசதி கொண்டிருக்கிறது. இது 35 நிமிடங்களில் பைக்கை சார்ஜ் செய்துவிடுகிறது. 

ஆமதாபாத்தை சேர்ந்த எலெக்ட்ரிக் வாகன ஸ்டார்ட் அப் நிறுவனம் மேட்டர் மோட்டார். இந்திய சந்தையில் கியர் கொண்ட முதல் எலெக்ட்ரிக் மோட்டார்சைக்கிளை ஏரா எனும் பெயரில் மேட்டர் மோட்டார் வெளியிட இருக்கிறது. புதிய மேட்டர் ஏரா மாடலுக்கான முன்பதிவு மே 17 ஆம் தேதி துவங்க இருக்கிறது.

முதற்கட்டமாக இந்தியாவின் 25 நகரங்களில் வசிக்கும் வாடிக்கையாளர்கள் புதிய மேட்டர் ஏரா மாடலை முன்பதிவு செய்து கொள்ளலாம். இதில் மும்பை, பூனே, டெல்லி என்சிஆர், சென்னை, ஐதராபாத், புவனேஷ்வர், கவுகாத்தி உள்ளிட்ட நகரங்கள் அடங்கும்.

மேட்டர் ஏரா எலெக்ட்ரிக் மோட்டார்சைக்கிள்களில் 5 கிலோவாட் ஹவர் லிக்விட் கூல்டு பேட்டரி பேக் வழங்கப்பட்டு இருக்கிறது. இது அதிகபட்சம் 10.5 கிலோவாட் பவர் வெளிப்படுத்தும். முழுமையாக சார்ஜ் செய்தால் மேட்டர் ஏரா எலெக்ட்ரிக் மோட்டார்சைக்கிள் 125 கிலோமீட்டர் வரையிலான ரேன்ஜ் வழங்கும் என்று தெரிவிக்கப்பட்டு இருக்கிறது.

மேட்டர் ஏரா மாடலுக்கான முன்பதிவு மேட்டர் மோட்டார் வலைதளம் மற்றும் ப்ளிப்கார்ட் என்று வெவ்வேறு ஆன்லைன் வலைதளங்களில் நடைபெற இருக்கிறது. ஏரா 5000 மற்றும் ஏரா 5000 பிளஸ் மாடல்களின் விலை முறையே ரூ. 1 லட்சத்து 44 ஆயிரம், ரூ. 1 லட்சத்து 54 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹார்லி டேவிட்சன் நிறுவனம் தனது துணை பிராண்டு லைவ்-வயர் மூலம் எலெக்ட்ரிக் வாகனங்கள் பிரிவில் கவனம் செலுத்தி வருகிறது. கடந்த ஆண்டு S2 டெல் மார் லாஞ்ச் எடிஷன் மாடலை அறிமுகம் செய்தது. இந்த மாடல் நிமிடங்களில் விற்றுத்தீர்ந்தது. தற்போது 2024 S2 டெல் மார் வெளியீடு மற்றும் விலை விவரங்களை லைவ்-வயர் அறிவித்து இருக்கிறது.

புதிய S2 டெல் மார் மாடலின் விலை 15 ஆயிரத்து 499 டாலர்கள், இந்திய மதிப்பில் ரூ. 12.7 லட்சம் என்று நிர்ணயம் செய்யப்பட்டு உள்ளது. இது முந்தைய மாடல் விலையை விட 1500 டாலர்கள் வரை குறைவு ஆகும். புதிய எலெக்ட்ரிக் பைக் வினியோகம் இந்த ஆண்டு ஜூலை மாதத்தில் துவங்க இருக்கிறது. அமெரிக்காவில் இந்த மாடலுக்கான முன்பதிவு ஏற்கனவே துவங்கிவிட்டது.

புதிய டெல் மார் மாடலில் உள்ள எலெக்ட்ரிக் மோட்டார் 249 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மோட்டார்சைக்கிள் முழு சார்ஜ் செய்தால் 177 கிலோமீட்டர்கள் வரையிலான ரேன்ஜ் வழங்குகிறது. இந்த எலெக்ட்ரிக் பைக் மணிக்கு 100 கிலோமீட்டர் வேகத்தை 3.1 நொடிகளில் எட்டிவிடும்.

மற்ற அம்சங்களை பொருத்தவரை புதிய டெல் மார் மாடல் லெவல் ஒன் மற்றும் லெவல் டூ சார்ஜிங் வசதி கொண்டிருக்கிறது. இந்த மாடலில் பில்ட்-இன் ஜிபிஎஸ், இண்டர்நெட் கனெக்டிவிட்டி, எல்இடி இலுமினேஷன் போன்ற வசதிகள் உள்ளன. புதிய லைவ்-வயர் S2 டெல் மார் இந்தியாவில் அறிமுகம் செய்யப்படும் வாய்ப்புகள் மிகவும் குறைவு. 

மேட்டார் நிறுவனம் இந்திய சந்தையில் தனது முதல் வாகனம்- ஏரா எலெக்ட்ரிக் மோட்டார்சைக்கிளை அறிமுகம் செய்து இருக்கிறது. புதிய மேட்டார் ஏரா மாடல் விலை ரூ. 1 லட்சத்து 43 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்திய சந்தையில் மேட்டார் ஏரா மாடல்: ஏரா 4000, ஏரா 5000, ஏரா 5000+ மற்றும் ஏரா 6000+ என நான்கு வேரியண்ட்களில் கிடைக்கிறது.

மேட்டார் EV மாடல் மொத்த டிசைன் இளைமிக்க தோற்றம் கொண்டிருக்கிறது. இதில் எல்இடி ஹெட்லைட், க்ளிப் ஆன் ஹேண்டில்பார்கள், ஸ்ப்லிட் சீட் செட்டப் உள்ளிட்டவை வழங்கப்பட்டு இருக்கிறது. இதன் ஒட்டுமொத்த தோற்றம் ICE இருசக்கர வாகனம் போன்றே காட்சியளிக்கிறது.

மேட்டார் ஏரா 5000 மாடலில் 10 கிலோவாட் மோட்டார் மற்றும் லிக்விட் கூல்டு 5 கிலோவாட் ஹவர் பேட்டரி வழங்கப்பட்டு இருக்கிறது. இந்த பைக் 125 கிலோமீட்டர் ரேன்ஜ் வழங்குகிறது. இதில் உள்ள பேட்டரியை ஐந்து மணி நேரத்தில் முழுமையாக சார்ஜ் செய்துவிட முடியும். இத்துடன் ஃபாஸ்ட் சார்ஜர் பயன்படுத்தும் போது இரண்டு மணி நேரத்தில் சார்ஜ் செய்திட முடியும். இதன் மோட்டார் செட்டப் உடன் 4-ஸ்பீடு மேனுவல் ஷிஃப்ட் லீவர் உள்ளது.

அம்சங்களை பொருத்தவரை மேட்டார் எலெக்ட்ரிக் பைக் ரேன்ஜ், ஸ்பீடு, ட்ரிப் மீட்டர், ஒடோமீட்டர், பேட்டரி லெவல், ரைடு மோட்கள், ஸ்மார்ட்போன் கனெக்டிவிட்டி விவரங்களை வழங்கும் டிஎஃப்டி ஸ்கிரீன் கொண்டிருக்கிறது. இதன் கன்சோலில் நேவிகேஷன், கால்/மெசேஜ் அலர்ட்கள், ரைடிங் விவரங்கள் உள்ளன. இத்துடன் OTA, கீலெஸ் வசதி மற்றும் சிறிய ஸ்டோரேஜ் யூனிட் வழங்கப்பட்டு இருக்கிறது.

ஹார்டுவேரை பொருத்தவரை இந்த மாடலில் டெலிஸ்கோபிக் முன்புற ஃபோர்க்குகள், டூயல் ரியர் ஷாக்குகள் வழங்கப்பட்டு உள்ளன. பிரேக்கிங் ஹார்டுவேரை பொருத்தவரை ஒற்றை டிஸ்க் பிரேக் மற்றும் ABS/CBS வசதிகை கொண்டுள்ளது. இத்துடன் 17-இன்ச் அலாய் வீல்கள் வழங்கப்பட்டுள்ளன.

மேட்டார் ஏரா 5000 மாடலின் விலை ரூ. 1 லட்சத்து 43 ஆயிரத்து 999 என்றும், ஏரா 5000+ விலை ரூ. 1 லட்சத்து 53 ஆயிரத்து 999 என்றும் நிர்ணயம் செய்யப்பட்டு உள்ளன. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. மேலும் இவை அறிமுக விலை என்பதால் விரைவில் மாற்றப்படலாம். புதிய மாடல்களுக்கு முன்பதிவு ஒரு மாதத்தில் துவங்குகிறது.

ஒலா எலெக்ட்ரிக் நிறுவனம் புதிய எண்ட்ரி லெவல் S1 ஏர் ஸ்கூட்டர்களை நேற்று இந்திய சந்தையில் அறிமுகம் செய்தது. பல்வேறு விலைகளில் அறிமுகம் செய்யப்பட்ட நிலையில், தற்போது ஐந்து எலெக்ட்ரிக் மோட்டார்சைக்கிள்களின் டீசரை ஒலா எலெக்ட்ரிக் வெளியிட்டு உள்ளது. டீசர்களின் படி ஒலா எலெக்ட்ரிக் நிறுவனம் எலெக்ட்ரிக் வாகன துறையில் பல்வேறு பிரிவுகளில் களமிறங்க இருப்பது உறுதியாகி இருக்கிறது.

புதிய டீசர்களின் படி ஒலா எலெக்ட்ரிக் நிறுவனம் ஐந்து எலெக்ட்ரிக் பைக் மாடல்களை உருவாக்கி வருவது அம்பலமாகி இருக்கிறது. இவை ஒவ்வொன்றும் தனித்தனி பிரிவுகளில் இடம்பெற இருக்கிறது. புதிய மாடல்கள் தற்போது கான்செப்ட் நிலையில் இருக்கின்றன. புதிய டீசர் ஒலா எலெக்ட்ரிக் நிறுவனத்தின் மீது சுவாரஸ்யத்தை ஏற்படுத்தும் வகையில் வெளியிடப்பட்டு இருக்கிறது.

ஃபுலி ஃபேர்டு அட்வென்ச்சர், குரூயிசர் மற்றும் இரண்டு ஸ்டிரீட் பைக்குகள் என ஐந்து மாடல்களை ஒலா எலெக்ட்ரிக் நிறுவனம் அறிமுகம் செய்ய இருக்கிறது. இந்த மாடல்கள் அடுத்த சில ஆண்டுகளில் அறிமுகம் செய்யப்பட இருக்கிறது. புதிய மாடல்களின் அம்சங்கள் ஒலா S1 சீரிசில் இருப்பதை விட வித்தியாசமாக இருக்கும் என தெரிகிறது.

ஒலா எலெக்ட்ரிக் நிறுவனத்தின் எதிர்கால மாடல்கள் பற்றிய இதர விவரங்கள் எதுவும் வெளியாகவில்லை. எனினும், புதிய எலெக்ட்ரிக் பைக் மாடல்களை ஒலா நிறுவனம் எவ்வாறு நிலைநிறுத்தும் என்பது சந்தையில் பெரும் எதிர்பார்ப்பை ஏற்படுத்தி இருக்கிறது. இவற்றில் சில மாடல்களின் விலை சற்று போட்டியை ஏற்படுத்தும் வகையில் நிர்ணயம் செய்யப்படும் என எதிர்பார்க்கலாம்.

ஐதராபாத்தை சேர்ந்த எலெக்ட்ரிக் வாகன உற்பத்தியாளரான பியூர் EV இந்திய சந்தையில் இகோட்ரிஃப்ட் எலெக்ட்ரிக் மோட்டார்சைக்கிள் மாடலை அறிமுகம் செய்து இருக்கிறது. புதிய பியூர் EV இகோட்ரிஃப்ட் மாடலின் விலை ரூ. 99 ஆயிரத்து 999, எக்ஸ்-ஷோரூம் என நிர்ணயம் செய்யப்பட்டுள்ளது. இந்த விலை டெல்லியை சேர்ந்த வாடிக்கையாளர்களுக்கு மட்டுமே பொருந்தும்.

மற்ற மாநில வாடிக்கையாளர்களுக்கு இகோட்ரிஃப்ட் எலெக்ட்ரிக் மோட்டார்சைக்கிளின் விலை ரூ. 1 லட்சத்து 14 ஆயிரத்து 999 என நிர்ணயம் செய்யப்பட்டு உள்ளது. புது பியூர் EV எலெக்ட்ரிக் பைக் வினியோகம் மார்ச் 1 ஆம் தேதி துவங்குகிறது. பியூர் EV இகோட்ரிஃப்ட் மாடலில் 3.0 கிலோவாட் ஹவர் AIS 156 சான்று பெற்ற பேட்டரி உள்ளது.

இந்த பேட்டரியை முழுமையாக சார்ஜ் செய்தால் அதிகபட்சம் 130 கிலோமீட்டர் ரேன்ஜ் வழங்குகிறது. பேட்டரியை முழுமையாக சார்ஜ் செய்ய ஆறு மணி நேரம் ஆகும். 20 முதல் 80 சதவீதம் வரை சார்ஜ் செய்ய மூன்று மணி நேரம் ஆகும். புதிய இகோட்ரிஃப்ட்- டிரைவ், கிராஸ் ஒவர் மற்றும் த்ரில் என மூன்று வித ரைடிங் மோட்களை கொண்டிருக்கிறது.

இதில் உள்ள டிரைவ் மோட் மணிக்கு 45 கிலோமீட்டர் வேகத்தில் மட்டும் செல்லும். கிராஸ் ஒவர் மோடில் மணிக்கு அதிகபட்சம் 60 கிலோமீட்டர் வேகத்திலும், த்ரில் மோட் மணிக்கு அதிகபட்சம் 75 கிலோமீட்டர் வேகத்தில் செல்லும் திறன் கொண்டுள்ளது. இதன் எலெக்ட்ரிக் மோட்டார் 4.2 ஹெச்பி பவர் பவர் வெளிப்படுத்துகிறது.

ஜோத்பூரை சேர்ந்த டிவோட் மோட்டார்ஸ் நிறுவனம் ப்ரோடக்ஷன் ரெடி ப்ரோடோடைப் எலெக்ட்ரிக் மோட்டார்சைக்கிளை அறிமுகம் செய்து இருக்கிறது. டிவோட் மோட்டார்ஸ் நிறுவனம் தனது ஆய்வு மற்றும் வளர்ச்சி மையத்தை பிரிட்டனில் கட்டமைத்து இருக்கிறது. இந்த நிறுவனத்தின் டெவலப்மெண்ட் செண்டர் ராஜஸ்தான் மாநிலத்தின் ஜோத்பூரில் அமைக்கப்பட்டு இருக்கிறது.

இந்த எலெக்ட்ரிக் மோட்டார்சைக்கிளில் உள்ள 9.5 கிலோவாட் மோட்டார் அதிவேக அக்செலரேஷன் வழங்குகிறது. இந்த எலெக்ட்ரிக் பைக் மணிக்கு அதிகபட்சம் 120 கிலோமீட்டர் வேகத்தில் செல்லும் திறன் கொண்டுள்ளது. மேலும் முழு சார்ஜ் செய்தால் 200 கிலோமீட்டர்கள் வரை செல்லும். இந்த ஆண்டே டிவோட் எலெக்ட்ரிக் மோட்டார்சைக்கிள் விற்பனைக்கு வரும் என தெரிகிறது.

புதிய டிவோட் மோட்டார்சைக்கிளில் டிஎப்டி ஸ்கிரீன், கீலெஸ் சிஸ்டம், டைப் 2 சார்ஜிங் பாயிண்ட் வழங்கப்படுகிறது. சார்ஜிங்கை பொருத்தவரை இந்த மோட்டார்சைக்கிளை ஒரு மணி நேரத்திற்கு சார்ஜ் செய்தால் 60 கிலோமீட்டர் வரை செல்ல முடியும். இதில் உள்ள ஸ்மார்ட் இண்டர்ஃபேஸ் மூலம் ஸ்பீடு மோட்களும் வழங்கப்படுகிறது. எனினும், இதுபற்றிய தகவல்கள் ரகசியமாக வைக்கப்பட்டுள்ளது.

டிவோட் எலெக்ட்ரிக் மோட்டார்சைக்கிள் லித்தியம் LFP பேட்டரி பயன்படுத்துகிறது. இத்துடன் ஆன்போர்டு சார்ஜர், சார்ஜிங் ப்ரோடெக்ஷன் வழங்கப்படுகிறது. இதன் பேட்டரி பேக் உடன் ஸ்மார்ட் பேட்டரி மேனேஜ்மெண்ட் சிஸ்டம் வழங்கப்பட்டு இருக்கிறது. இத்துடன் டெம்பரேச்சர் கண்ட்ரோல், ரிஜெனரேஷன் போன்ற அம்சங்கள் உள்ளது. 

பெங்களூரை சேர்ந்த ஸ்டார்ட் அப் நிறுவனம் அல்ட்ராவைலட், இந்திய சந்தையில் ஒருவழியாக தனது முதல் எலெக்ட்ரிக் மோட்டார்சைக்கிளை அறிமுகம் செய்தது. புதிய அல்ட்ராவைலட் F77 மாடலின் விலை ரூ. 3 லட்சத்து 80 ஆயிரம் என துவங்குகிறது. இதன் டாப் எண்ட் மாடல் விலை ரூ. 4 லட்சத்து 55 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

அல்ட்ராவைலட் F77 மாடல் ஸ்டாண்டர்டு, ரெக்கான் மற்றும் ஸ்பெஷல் என மூன்று வித வேரியண்ட்களில் கிடைக்கிறது. மூன்று வேரியண்ட்களிலும் ஒரே மாதிரியான டிசைன், எல்இடி ஹெட்லைட், பெரிய ஃபேரிங், ஸ்ப்லிட் சீட் செட்டப், அலாய் வீல்கள் வழங்கப்பட்டு இருக்கிறது. அல்ட்ராவைலட் F77 ஸ்டாண்டர்டு மற்றும் ரெக்கான் வேரியண்ட்கள் சூப்பர்சோனிக் சில்வர், ஸ்டெல்த் கிரே மற்றும் பிளாஸ்மா ரெட் என மூன்று நிறங்களில் கிடைக்கிறது. ஸ்பெஷல் வேரியண்ட் மீடியோர் கிரே + ஆஃப்டர்பர்னர் எல்லோ நிறத்தில் கிடைக்கிறது.

இதன் ஸ்டாண்டர்டு வேரியண்டில் 27 கிலோவாட் மோட்டார், 7.1 கிலோவாட் ஹவர் பேட்டரியுடன் வழங்கப்பட்டு இருக்கிறது. இந்த எலெக்ட்ரிக் பைக் அதிகபட்சமாக மணிக்கு 140 கிலோமீட்டர் வேகத்தில் செல்லும் திறன் கொண்டுள்ளது. மேலும் முழு சார்ஜ் செய்தால் 206 கிலோமீட்டர் வரை செல்லும். ரெக்கான் மற்றும் ஸ்பெஷல் வேரியண்ட்களில் முறையே 29 கிலோவாட் மற்றும் 30.2 கிலோவாட் மோட்டார் வழங்கப்பட்டு இருக்கிறது.

இரு மாடல்களுடன் 10.3 கிலோவாட் ஹவர் பேட்டரி வழங்கப்பட்டு உள்ளது. அல்ட்ராவைலட் F77 ரெக்கான் வேரியண்ட் மணிக்கு அதிகபட்சம் 147 கிலோமீட்டர் வேகத்தில் செல்லும். ஸ்பெஷல் வேரியண்ட் மணிக்கு அதிகபட்சம் 157 கிலோமீட்டர் வேகத்தில் செல்லும். இரு வேரியண்ட்களும் முழு சார்ஜ் செய்தால் 307 கிலோமீட்டர் வரை செல்லும் திறன் கொண்டுள்ளது. மூன்று வேரியண்ட்களின் மோட்டார்களும் ஸ்டீல் டிரெலிஸ் ஃபிரேமில் வைக்கப்பட்டு இருக்கிறது.

இந்த மாடலில் 41 மில்லிமீட்டர் யுஎஸ்டி முன்புற ஃபோர்க்குகள், பின்புறம் பிரீலோடு அட்ஜஸ்ட் செய்யக்கூடிய மோனோஷாக் யூனிட் வழங்கப்பட்டு இருக்கிறது. மூன்று மாடல்களிலும் முன்புறத்தில் 320 மில்லிமீட்டர் டிஸ்க், பின்புறம் 230 மில்லிமீட்டர் டிஸ்க் வழங்கப்பட்டுள்ளது. அல்ட்ராவைலட் F77 மாடலில் 5 இன்ச் அளவில் TFT ஸ்கிரீன், ஸ்மார்ட்போன் கனெக்டிவிட்டி, அடாப்டிவ் டேஷ் லைட்னிங், ஆட்டோ ஹெட்லைட் ஆன்/ஆஃப், நேவிகேஷன், வெஹிகில் லொகேட்டர், ஃபால் மற்றும் கிராஷ் சென்சார் உள்ளது.

முதற்கட்டமாக அல்ட்ராவைலட் F77 வினியோகம் பெங்களூருவில் துவங்குகிறது. இதைத் தொடர்ந்து மும்பை, கொச்சின், சென்னை, ஐதராபாத் என பல்வேறு நகரங்களில் படிப்படியாக விற்பனை செய்யப்பட இருக்கிறது. இதன் பேஸ் மாடலுக்கு 30 ஆயிரம் கிலோமீட்டர் வாரண்டி, ரெக்கான் மாடலுக்கு 50 ஆயிரம் கிலோமீட்டர்களும், ஸ்பெஷல் வேரியண்டிற்கு 1 லட்சம் கிலோமீட்டர்கள் வரை வாரண்டி வழங்கப்படுகிறது.

உலக சந்தையில் முன்னணி ஆட்டோமொபைல் உற்பத்தியாளர்கள் எலெக்ட்ரிக் வாகன பிரிவில் கவனம் செலுத்த துவங்கி விட்டன. பல்வேறு நிறுவனங்கள் ஏற்கனவே எலெக்ட்ரிக் வாகனங்களை அறிமுகம் செய்ய துவங்கி விட்டது. இந்த நிலையில், ராயல் என்பீல்டு நிறுவனமும் எலெக்ட்ரிக் வாகன துறையில் களமிறங்க திட்டமிட்டு இருப்பது தெரியவந்துள்ளது.

ராயல் என்பீல்டு நிறுவனத்தின் எலெக்ட்ரிக் வாகனம் பற்றிய விவரங்கள் அதிகளவில் வெளியாகவில்லை. எனினும், ராயல் என்பீல்டு நிறுவனத்தின் முதல் எலெகட்ரிக் மோட்டார்சைக்கிள் கான்செப்ட் எப்படி இருக்கும் என்ற விவரங்கள் ஆன்லைனில் லீக் ஆகி இருக்கிறது. இதில் புதிய எலெக்ட்ரிக் பைக் எவ்வாறு காட்சியளிக்கும் என ஓரளவுக்கு தெரிகிறது. மேலும் இந்த மாடல் "எலெக்ட்ரிக்01" எனும் பெயரில் அறிமுகமாகும் என்றும் கூறப்படுகிறது.

தோற்றத்தில் ராயல் என்பீல்டு எலெக்ட்ரிக் மோட்டார்சைக்கிள் கான்செப்ட் நியோ விண்டேஜ் தீம் சார்ந்த டிசைன் கொண்டிருக்கிறது. இதன் ஸ்டைலிங்கில் நீண்ட, மெல்லிய ஸ்லெண்டர் ஃபியூவல் டேன்க் போன்ற வடிவம், முன்புற சஸ்பென்ஷன் கிர்டர் ஃபோர்க்குகள் போன்று காட்சியளிக்கிறது. இத்துடன் அலாய் வீல்கள் நவீன தோற்றம் கொண்டிருக்கின்றன. இந்த பைக்கின் ஃபிரேம் டேன்க் மீது நீள்கிறது.

இதன் முகப்பு பகுதியில் ரெட்ரோ தோற்றத்திலான வட்ட வடிவம் கொண்ட ஹெட்லேம்ப், எல்இடி லைட்டிங் கொண்டிருக்கும் என தெரிகிறது. எலெக்ட்ரிக் வாகனங்களுக்காக ராயல் என்பீல்டு நிறுவனம் புதிய பிராண்டு உருவாக்கும் என்றும் இதன் முதல் எலெக்ட்ரிக் வாகனம் 2025 வாக்கில் அறிமுகம் செய்யப்படும் என எதிர்பார்க்கப்படுகிறது. இந்த பைக்கில் உள்ள பேட்டரி பேக் ஆல்-பிளாக் ஹவுசிங் மூலம் மறைக்கப்பட்டு இருக்கிறது.

Photo Courtesy; AutoCar