நீங்கள் தேடியது "mercy plea"

ஜெய்ப்பூர்:

ராஜஸ்தான் மாநிலம் ஜோத்பூர் அருகே, 16 வயது தனது சீடரை கற்பழித்த வழக்கில் கைது செய்யப்பட்டவர் சாமியார் ஆசாராம் பாபு. இவர் தனது பல்வேறு பெண் சீடர்களை பாலியல் ரீதியாக துஷ்பிரயோகம் செய்ததாக குற்றச்சாட்டு எழ்ந்தது. இதையடுத்து கைது செய்யப்பட்ட ஆசாராம் பாபுவுக்கு, கடந்த ஏப்ரல் மாதம் ஆயுள் தண்டனை விதிக்கப்பட்டது.

தாம் தான் கடவுள் என்று சொல்லிக்கொண்ட சாமியார் ஆசாராம் பாபு, தற்போது ஆயுள் தண்டனை கைதியாக சிறையில் உள்ளார். இந்நிலையில், தனது ஆயுள் தண்டனையை குறைக்குமாறு ராஜஸ்தான் கவர்னருக்கு கருணை மனு அளித்துள்ளார்.

அந்த மனுவில் வயது மூப்பின் காரணமாக தனது ஆயுள் தண்டனையை குறைக்குமாறு கோரிக்கை விடுத்துள்ளார். இந்த மனு மாவட்ட நிர்வாகம் மற்றும் சிறைத்துறை, காவல்துறைக்கு அனுப்பப்பட்டு, பதிலளிக்குமாறு கோரப்பட்டுள்ளது.

ஆசாராமின் கருணை மனு மீது மேற்கண்ட நிர்வாகம் பதிலளித்த உடன், மனு சிறைத்துறை பொது இயக்குனருக்கு அனுப்பி வைக்கப்படும் என தெரிவிக்கப்பட்டுள்ளது. #Asaram #MercyPlea #Rajasthan

புதுடெல்லி:

முன்னாள் பிரதமர் ராஜீவ் காந்தி கொலை வழக்கில் ஆயுள் தண்டனை அனுபவித்து வரும் முருகன், சாந்தன், பேரறிவாளன், நளினி, ராபர்ட் பயஸ், ரவிச்சந்திரன், ஜெயக்குமார் ஆகிய 7 பேரையும் சிறையில் இருந்து விடுதலை செய்யப்போவதாக கடந்த 2014-ம் ஆண்டு தமிழக அரசு அறிவித்தது.

இந்த முடிவை எதிர்த்து அப்போது மத்தியில் ஆட்சியில் இருந்த காங்கிரஸ் கூட்டணி அரசு, சுப்ரீம் கோர்ட்டில் ரிட் மனு தாக்கல் செய்தது. அதை விசாரணைக்கு ஏற்றுக்கொண்ட சுப்ரீம் கோர்ட்டு, 7 பேரையும் விடுதலை செய்ய இடைக்கால தடை விதித்து உத்தரவிட்டது.

இதற்கிடையே, தாங்கள் 20 ஆண்டுகளுக்கும் மேலாக சிறையில் உள்ளதால் தங்களை விடுவிக்க வேண்டும் என்று கோரி முருகன், சாந்தன், பேரறிவாளன் உள்ளிட்ட 7 பேரும் தமிழக அரசுக்கு மனு அளித்தனர்.

அவர்களது கோரிக்கையை பரிசீலித்த தமிழக அரசு, அவர்களை விடுதலை செய்ய முடிவு செய்திருப்பதாகவும், அதற்கு ஒப்புதல் வழங்கவேண்டும் என்றும் கோரி மத்திய அரசுக்கு கடந்த 2016-ம் ஆண்டு கடிதம் எழுதியது.

கடந்த ஏப்ரல் 16-ந்தேதி இவர்களை விடுவிக்க மறுப்பு தெரிவித்து ஜனாதிபதி பிறப்பித்த உத்தரவை மத்திய அரசு வெளியிட்டது. அந்த உத்தரவில், ராஜீவ் காந்தி கொலையில் விடுதலைப்புலிகள் உள்ளிட்ட சில வெளிநாட்டு அமைப்புகளுக்கும் தொடர்பு உள்ளதாக தெரியவந்துள்ளதால் அவர்களை விடுவிக்க மத்திய அரசு ஒப்புதல் வழங்காது என்று கூறப்பட்டு இருந்தது.

இந்நிலையில் நேற்று சுப்ரீம் கோர்ட்டில் நீதிபதிகள் ரஞ்சன் கோகாய், நவீன் சின்கா, கே.என்.ஜோசப் ஆகியோர் அடங்கிய அமர்வு முன்பு இவ்வழக்கு விசாரணைக்கு வந்தது. முருகன், சாந்தன், பேரறிவாளன் உள்ளிட்ட 7 பேர் தரப்பில் ஆஜரான வக்கீல்கள் கோபால் சங்கரநாராயணன், பிரபு ராமசுப்பிரமணியன் ஆகியோர் தங்கள் வாதத்தின் போது, மத்திய அரசு 7 பேர் விடுதலைக்கு அனுமதி வழங்க மறுப்பு தெரிவித்து அரசாணை வெளியிட்டுள்ளதால் தற்போது நிலுவையில் உள்ள வழக்கை முடித்து வைக்குமாறு கோரிக்கை விடுத்தனர்.

இவர்கள் 7 பேரும் ஏற்கனவே தமிழக கவர்னருக்கு கருணை மனு ஒன்றை தாக்கல் செய்து இருப்பதாகவும், சுப்ரீம் கோர்ட்டில் இந்த வழக்கு நிலுவையில் உள்ளதால் அங்கு முடிவு ஏதும் எடுக்க முடியவில்லை என்பதால் இங்குள்ள வழக்கை முடித்து வைக்குமாறு கோரிக்கை விடுக்கப்பட்டது.

அதனை ஏற்றுக்கொண்ட நீதிபதிகள், 7 பேரின் இடைக்கால மனுவை வரும் செப்டம்பர் 6-ந்தேதி விசாரணைக்கு எடுத்துக்கொள்வதாக உத்தரவு பிறப்பித்தனர்.  #RajivGandhi #Assassination

புது டெல்லி :

பீகார் மாநிலம், வைசாலி மாவட்டதில் உள்ள ரகோர்பூர் கிராமத்தை சேர்ந்த விஜேந்திர மஹ்டோ, கடந்த 2005-ம் ஆண்டு தமது எருமை மாட்டை திருடினார்கள் என ராய், வசிர் ராய் மற்றும் அஜய் ராய் ஆகியோர் மீது போலீசில் புகார் அளித்தார். அதைத்தொடர்ந்து, ராய் என்பவர் தன் மீது போலீசில் கொடுத்த புகாரை வாபஸ் வாங்க வேண்டும் என விஜேந்திர மஹ்டோவிற்கு அழுத்தம் கொடுத்தார்.

இதற்கு, உடன்படாத காரணத்தினால் விஜேந்திர மஹ்டோவின் வீட்டிற்கு ராய் நெருப்பு வைத்து கொலை செய்ய முயன்றார். இதில், மஹ்டோ, அவரது மனைவி மற்றும் அவரது 5 குழந்தைகள் உடல்கருகி பரிதாபமாக உயிரிழந்தனர். ஒரே குடும்பத்தை சேர்ந்த 7 பேரை கொலைசெய்த காரணத்தால் ராய்க்கு மாவட்ட நீதிமன்றம் தூக்கு தண்டனை வழங்கியது.

இதை எதிர்த்து கடந்த 2013-ம் ஆண்டு உயர் நீதிமன்றம் மற்றும் உச்ச நீதிமன்றத்தில் ராய் மேல்முறையீடு செய்தார். ஆனால் ராயின் மனுவை நிராகரித்து அவரின் தூக்கு தண்டனையை நீதிமன்றம் உறுதி செய்தது.

இந்நிலையில், தூக்கு தண்டனையில் இருந்து விடுவிக்க கோரி ராய்,  ஜனாதிபதி ராம் நாத் கோவிந்துக்கு கருணை மனு எழுதியிருந்தார். பரிசீலனையில் இருந்த மனுவை கடந்த ஏப்ரல் மாதம் 23-ம் தேதி ஜனாதிபதி நிராகரித்து விட்டார் என தகவல் வெளியாகியுள்ளது. இதன்மூலம், ஜானாதிபதியாக ராம் நாத் கோவிந்த் பதவியேற்ற பின் நிராகரிக்கும் முதல் கருணை மனு இது என்பது குறிப்பிடத்தக்கது. #RamNathKovind