நீங்கள் தேடியது "salem collector office"

சேலம்:

சேலம் மாவட்டம் காடையாம்பட்டி பேரூராட்சியில் 6-வது வார்டு கவுன்சிலராக இருப்பவர் மேகலா. அ.தி.மு.க. வை சேர்ந்த இவர் இன்று காலை தனது 10 வயது மகள் மற்றும் 3 வயது மகனுடன் கலெக்டர் அலுவலகத்திற்கு வந்தார்.

பின்னர் தனது குழந்தைகளுடன் கலெக்டர் அலுவலக நுழைவு வாயில் அருகே தரையில் படுத்து தர்ணாவில் ஈடுபட்டார். தொடர்ந்து அவரை பிடித்து போலீசார் விசாரணை நடத்தினர். அப்போது அவர் போலீசாரிடம் கூறியதாவது:-

எனது வார்டில் பொது குடிநீர் குழாய் அமைப்பது தொடர்பாக பேச செயல் அலுவலரிடம் சென்றால் அவர் என்னிடம் பேச விருப்பம் இல்லை என்று கூறுகிறார். மேலும் எங்களது கோரிக்கைகளை மாதந்தோறும் மன்ற கூட்டத்தில் மனுக்களாக கொடுத்து வருகிறோம், ஆனால் எதையும் நிறைவேற்றுவதில்லை. எனக்கு வாக்களித்த மக்களுக்கு அத்தியாவசிய தேவைகளை கூட செய்து கொடுக்க மறுக்கிறார்.

ஏனென்றால் நான் கீழ் சாதியை சேர்ந்தவர், இதனால் எனது குழந்தைகளை இனி பள்ளிக்கு அனுப்ப மாட்டேன், பேரூராட்சியில் அனைத்து மக்களின் அடிப்படை தேவைகளையும் விரைந்து முடிக்க வேண்டும்.

இவ்வாறு அவர் கூறி உள்ளார்.

சேலம்:

சேலம் மாவட்டம் ஓமலூர் தாலுகா டேனீஸ்பேட்டை பெரியவடகம்பட்டியை சேர்ந்தவர் பழனியப்பன் (வயது 90). இவருடைய மனைவி பொன்னம்மாள் ( 82).

இவர், தன்னுடைய மகள் கமலா (60) என்பவருடன் கலெக்டர் அலுவலகம் வந்து ஒரு பரபரப்பு புகார் மனு கொடுத்தார். அதில் அவர் கூறியிருப்பதாவது:-

எனது கணவர் பழனியப்பனுக்கு 90 வயதாகிறது. எங்களுக்கு ஒரு மகன், ஒரு மகள் உள்ளனர். மகன் உடல் நலக்குறைவால் இறந்து விட்டாார்.

எனது கணவர் ஏற்கனவே குப்பாயி (70) என்பவருடன் கள்ளத்தொடர்பு வைத்திருந்தார். இந்த தொடர்பை கைவிடுமாறு நாங்கள் பலமுறை கண்டித்தும் அவர் கேட்கவில்லை.

தற்போது 3-வதாக பழனியம்மாள் (70) என்பவருடன் தொடர்பு வைத்துள்ளார். எங்களுக்கு சொந்தமான பல லட்ச ரூபாய் மதிப்பு உள்ள 6.5 ஏக்கர் நிலத்தை கணவர், ஆசைநாயகி பழனியம்மாளுக்கு எழுதி வைத்துள்ளார்.

மேலும், நாங்கள் பேரனுடன் வசித்து வந்த வீட்டை இடித்து விட்டு எங்களை மிரட்டுகிறார்.

கூலி வேலைக்கு சென்று பிழைப்பை நடத்த முடியாமல் இந்த வயதில் கடும் சிரமம்பட்டு வருகிறோம். கணவரிடம் இருந்து சொத்தை மீட்டு, எங்களுக்கு பாதுகாப்பு வழங்க வேண்டும். அவ்வாறு இல்லாவிட்டால் என்னை கருணை கொலை செய்து விடுங்கள்.

இவ்வாறு அவர் அதில் கண்ணீர் மல்க கூறியுள்ளார்.

இந்த சம்பவம் குறித்து விசாரணை நடத்த காவல்துறைக்கு கலெக்டர் அலுவலகம் உத்தரவிட்டுள்ளது.

சேலம்:

சேலம் கருப்பூர் பகுதியை சேர்ந்தவர் ஆறுமுகம். தறித்தொழிலாளி. இவர் இன்று காலை கலெக்டர் அலுவலகம் மனு கொடுக்க வந்த அவர் தடீரென அவர் கலெக்டர் அலுவலகம் முன்பு தர்ணாவில் ஈடுபட்டார்.

இது குறித்து தகவல் அறிந்த போலீசார் அவரிடம் விசாரணை நடத்தினர். விசாரணையில் எனக்கு உடல் நிலை சரியில்லை. இதனால் சொந்த தொழில் செய்ய வேண்டும் என நினைத்து கயிறு திரிக்கும் தொழில் நடத்துவதற்காக கருப்பூர் மின்சார அலுவலகத்தில் மின் இணைப்பு கேட்டு மனு வழங்கினேன்.

கடந்த 6 மாதம் ஆகியும் மின் இணைப்பு கோரிய மனுவிற்கு எந்த வித நடவடிக்கையும் எடுக்கவில்லை. இது குறித்து மின்சாரத்துறை அதிகாரியிடம் மின் இணைப்பு கேட்டு புகார் தெரிவித்தேன்.

இதையடுத்து மின் ஊழியர்கள் மின் இணைப்புக்காக அளவீடு செய்தனர். அளவீடு செய்து 3 மாதம் ஆகியும் எந்த நடவடிக்கையும் எடுக்கவில்லை. இது குறித்து அதிகாரிகள் மற்றும் மின் வாரிய ஊழியர்கள் மின் இணைப்பு வழங்க லஞ்சம் கேட்டதாக கூறப்படுகிறது. இதனால் நான் அதிர்ச்சி அடைந்தேன்.

 இவ்வாறு அவர் கூறினார்.

இதனால் மனம் உடைந்த ஆறுமுகம் இன்று கலெக்டர் அலுவலகத்திற்கு வந்தார். இன்று விடுமுறை என்பதால் கலெக்டர் இல்லை. ஆகவே அங்கு தர்ணாவில் ஈடுபட்டார். போலீசார் ஆறுமுகத்திடம் பேச்சுவார்த்தை நடத்தி இது குறித்து சம்மந்தப்பட்ட அதிகாரிகளிடம் கூறி நடவடிக்கை எடுப்பதாக கூறி உறுதியளித்தனர்.

இதையடுத்து அவர்கள் அங்கிருந்து கலைந்து சென்றனர். விடுமுறை நாளில் கலெக்டர் அலுவலகத்தில் தர்ணாவில் ஈடுபட்டதால் சிறிது நேரம் பரபரப்பு ஏற்பட்டது.

சேலம்:

சேலம், கருப்பூர், சாமி நாயக்கன்பட்டி பகுதியை சேர்ந்தவர் அருண்குமார். இவரது மனைவி சாவித்ரி (வயது 35). மாற்றுதிறனாளி. இவர் இன்று காலையில் தனது 2 குழந்தைகள் அகில், அக்ஷிதா ஆகியோரை அழைத்துக் கொண்டு கலெக்டர் அலுவலகத்தில் மனு கொடுக்க வந்தார். அப்போது கலெக்டர் அலுவலக வளாகத்தில் நின்று சாவித்ரி மறைத்து வைத்திருந்த மண்எண்ணையை எடுத்து தலையில் திடீரென ஊற்றினார்.

இதை பார்த்த அங்கு பாதுகாப்பு பணியில் ஈடுபட்ட போலீசார் அதிர்ச்சி அடைந்தனர். அவர்கள் ஓடி வந்து சாவித்ரி தலையில் தண்ணீரை ஊற்றி தீக்குளிப்பு முயற்சியை தடுத்து நிறுத்தினார்கள். போலீசாரிடம் சாவித்ரி கண்ணீர் மல்க கூறியதாவது:-

எனது கணவர் அருண்குமார் கிரானைட்டில் கல் உடைக்கும் கூலி வேலை செய்து வருகிறார். அவர் வேறு ஒரு பெண்ணுடன் தொடர்பு வைத்துக் கொண்டு என்னையும், குழந்தையும் வீதியில் விட்டு விட்டார். சாப்பாடுக்கு கூட வழியில்லாமல் தவித்து வருகிறேன். இது பற்றி சூரமங்கலம் போலீஸ் நிலையத்தில் புகார் அளித்தேன். போலீசார் விசாரணை நடத்தி விட்டு எந்த நடவடிக்கையும் எடுக்கவில்லை. எனது கணவர் மீது நடவடிக்கை எடுக்க வேண்டும். இல்லையெனில் என்னை சாகவிடுங்கள்.

இவ்வாறுஅவர் கூறினார்.

இதையடுத்து விசாரணைக்காக சாவித்ரியை டவுன் போலீஸ் நிலையத்திற்கு அழைத்து சென்றனர்.

இதேபோல் சேலம், வீராணம் அருகே உள்ள பெருமானூர் பகுதியை சேர்ந்தவர் லட்சுமணன் (வயது 30). இவர் இன்று காலை மனு கொடுக்க வேண்டி கலெக்டர் அலுவலகத்திற்கு வந்தார். அப்போது நுழைவு வாயில் முன்பு நின்று தீ குளிப்பதற்காக திடீரென தலையில் மண்எண்ணையை ஊற்றினார். இதை போலீசார் தடுத்து நிறுத்தி விசாரணை நடத்தினர். அப்போது அவர் வைத்திருந்த மனுவில் கூறியதாவது:-

நான் மேட்டூர் பகுதியை சேர்ந்த 2 பேரிடம் டாரஸ் லாரி ஒன்றை வாங்குவதற்கு விலை பேசினேன். இதற்கு முன்பணமாக ரூ.2½லட்சம் கொடுத்தேன். மீதி பணம் 15 லட்சம் அவர்களது கணக்கில் வங்கி மூலம் செலுத்தினேன்.

இதையடுத்து லாரியை தருமாறு கேட்டபோது, அவர்கள் லாரியை தராமல் காலம் இழுத்தடித்து வருகிறார்கள். மேலும் அடிக்கடி கேட்டதால் அடியாட்டிகள் வைத்து என்னை மிரட்டுகின்றனர். இது பற்றி பல முறை அதிகாரிகளிடம் மனு கொடுத்து எந்த நடவடிக்கையும் எடுக்கவில்லை. நீதி கிடைக்காததால் உயிரை விடுவதே தவிர வேறு வழியில்லை.

இவ்வாறு அவர் அந்த மனுவில் கூறியுள்ளார்.