நீங்கள் தேடியது "அன்திம் பன்ஹால்"

பாரீஸ் ஒலிம்பிக் மல்யுத்தம் போட்டியில் பெண்களுக்கான 53 கிலோ எடைப்பிரிவு ப்ரீஸ்டைல் பிரிவில் காலிறுதிக்கு முந்தைய சுற்றில் இந்திய வீராங்கனை அன்திம் துருக்கி வீராங்கனை ஜெய்னெப் யெட்கில்-ஐ எதிர்கொண்டார்.

இந்த போட்டியின் முதல் சுற்றில் இந்திய வீராங்கனை அன்திம் 0-10 என டெக்னிக்கல் சுப்ரியாரிட்டி அடிப்படையில் தோல்வியை தழுவினார்.

இதன்மூலம் இன்றைய மல்யுத்த போட்டி இந்தியாவுக்கு ஏமாற்றம் அடைவதாக இருந்தது. மற்றொரு வீராங்கனையான வினேஷ் போகத் 50 கிலோ எடைப்பிரிவில் இன்று இரவு இறுதிப் போட்டியில் மோத இருந்தார். ஆனால் 50 கிலோ எடையை விட 100 கிராம் அதிகமாக இருந்ததால் போட்டியில் இருந்து தகுதி நீக்கம் செய்யப்பட்டார்.

இதனால் மல்யுத்தம் போட்டியில் இந்தியாவுக்கு தங்கம் அல்லது வெள்ளி பதக்கம் கிடைக்கும் வாய்ப்பு பறிபோனது.

பெல்கிரேடு:

உலக மல்யுத்த சாம்பியன்ஷிப் போட்டி செர்பியா தலைநகர் பெல்கிரேடில் நடந்து வருகிறது. பெண்களுக்கான பிரீஸ்டைல் 53 கிலோ எடைப்பிரிவில் வெண்கலப் பதக்கத்துக்கான போட்டி இன்று நடைபெற்றது.

இதில் 19 வயது இந்திய வீராங்கனை அன்திம் பன்ஹால், 2 முறை ஐரோப்பிய சாம்பியன் ஜோனா மால்கிரேன் (ஸ்வீடன்) எதிர்கொண்டார்.

20 வயதுக்கு உட்பட்டவர்களுக்கான உலக சாம்பியன்ஷிப்பில் 2 முறை சாம்பியன் பட்டம் வென்றவரான அரியானாவை சேர்ந்த அன்திம் தொடக்கம் முதல் சிறப்பாக ஆடினார்.

இறுதியில், 16-6 என்ற புள்ளி கணக்கில் வென்று வெண்கலப் பதக்கம் பெற்றார். மேலும், பாரிசில் அடுத்த ஆண்டு நடைபெறும் ஒலிம்பிக் போட்டிக்கும் தகுதி பெற்றார்.