சென்னை:
தமிழகத்தில் 6ம் வகுப்பு முதல் 10-ம் வகுப்பு வரையிலான மாணவர்களுக்கு காலாண்டுத் தேர்வு கால அட்டவணையை பள்ளிக் கல்வித்துறை வெளியிட்டுள்ளது. அதன்படி, காலாண்டு தேர்வு வருகிற செப்டம்பர் மாதம் 17-ம் தேதி தொடங்கி 26-ந்தேதி வரை நடைபெறும்.
6, 7, 8 ஆகிய வகுப்புகளுக்கு செப்டம்பர் 19-ல் தேர்வு தொடங்குகிறது. முதல் நாளில் தமிழ்ப் பாடத்தேர்வு நடைபெறும். செப்டம்பர் 20-ல் ஆங்கிலம், செப்டம்பர் 24-ல் கணிதம், செப்டம்பர் 25-ல் அறிவியல், 26-ல் சமூக அறிவியல் என தேர்வு நடத்தப்படும்.
இதேபோல் 9, 10 ஆகிய வகுப்புகளுக்கு செப்டம்பர் 17-ல் காலாண்டுத் தேர்வு தொடங்குகிறது. முதல் நாளில் தமிழ் முதல் தாள் தேர்வு நடைபெறும். செப்டம்பர் 18-ல் தமிழ் இரண்டாம் தாள், செப்டம்பர் 19-ல் ஆங்கிலம் முதல்தாள், செப்டம்பர் 20-ல் ஆங்கிலம் இரண்டாம் தாள் தேர்வு நடைபெறும். செப்டம்பர் 24-ம் தேதி கணிதத் தேர்வு நடைபெறும். செப்டம்பர் 25-ம் தேதி அறிவியல் தேர்வு நடைபெறும். செப்டம்பர் 26-ம் தேதி சமூக அறிவியல் தேர்வு நடைபெறும்.
27-ம் தேதி முதல் அக்டோபர் 2-ந்தேதி வரை காலாண்டு விடுமுறையாகும். அக்டோபர் 3-ந்தேதி மீண்டும் பள்ளிகள் திறக்கப்படும் என்று தமிழக பள்ளிக் கல்வித்துறை தெரிவித்துள்ளது. #QuarterlyExams
