என் மலர்
நீங்கள் தேடியது "Tennis rankings"
- டென்னிஸ் தரவரிசையில் போலந்து வீராங்கனை ஸ்வியாடெக் 5வது இடத்துக்கு தள்ளப்பட்டார்.
- ஸ்வியாடெக் தொடர் தோல்வி அடைந்து வருவதால் தரவரிசையில் பின்தங்கி உள்ளார்.
புதுடெல்லி:
சமீபத்தில் நடைபெற்ற இத்தாலி ஓபன் டென்னிஸ் தொடரில் இத்தாலி வீராங்கனை ஜாஸ்மின் பவுலினி சாம்பியன் பட்டம் வென்றார்.
இந்நிலையில், டென்னிஸ் போட்டியில் சிறந்து விளங்கும் வீராங்கனைகளுக்கான தரவரிசை பட்டியலை டபிள்யு.டி.ஏ. வெளியிட்டது.
இதில் ஒற்றையர் பிரிவில் பெலாரசின் அரினா சபலென்கா நம்பர்-1 இடத்தை தக்கவைத்துக் கொண்டார். இத்தாலி ஓபன் பைனல் வரை சென்ற அமெரிக்காவின் கோகோ காப் 2வது இடம் பிடித்துள்ளார்.
மற்றொரு அமெரிக்க வீராங்கனை ஜெசிகா பெகுலா 3வது இடத்தையும், இத்தாலி ஓபனில் சாம்பியன் பட்டம் வென்ற ஜாஸ்மின் பவுலினி 4வது இடத்தையும் கைப்பற்றினார்.
போலந்தின் இகா ஸ்வியாடெக் 2-வது இடத்தில் இருந்து நம்பர்-5 இடத்துக்கு தள்ளப்பட்டார். இவர் சமீபத்தில் முடிந்த இத்தாலி ஓபனில் 3வது சுற்றோடு திரும்பினார்.
கடந்த ஆண்டில் பிரெஞ்சு ஓபனில் சாம்பியன் பட்டம் வென்றதற்கு பிறகு ஸ்வியாடெக் தொடர் தோல்வி அடைந்து வருவதால் தரவரிசையில் பின்தங்கி உள்ளார்.
- பார்சிலோனா ஓபன் டென்னிஸ் தொடரில் ஹோல்ஜர் ரூனே சாம்பியன் பட்டம் வென்றார்.
- இதையடுத்து தரவரிசையில் டாப் 10-ம் இடம் பிடித்தார் ஹோல்ஜர் ரூனே.
பார்சிலோனா ஓபன் டென்னிஸ் தொடர் கடந்த 20-ம் தேதியுடன் நிறைவடைந்தது. இதில் டென்மார்க்கைச் சேர்ந்த ஹோல்ஜர் ரூனே சாம்பியன் பட்டம் வென்றார்.
இந்நிலையில், சர்வதேச டென்னிஸ் சங்கம் வீரர்களின் புதிய தரவரிசை பட்டியலை வெளியிட்டது.
அதன்படி ஆண்கள் ஒற்றையர் தரவரிசையில், இத்தாலியின் ஜானிக் சின்னர் முதலிடத்தில் தொடருகிறார்.
பார்சிலோனா ஓபன் தொடரில் சாம்பியன் பட்டம் வென்ற டென்மார்க் வீரர் ஹோல்ஜர் ரூனே 4 இடங்கள் முன்னேறி 9-வது இடத்தைப் பிடித்துள்ளார்.
ஜெர்மனியின் அலெக்சாண்டர் ஸ்வெரேவ் 2-வது இடத்துக்கு முன்னேறினார். கார்லோஸ் அல்காரஸ் ஒரு இடம் சரிந்து 3வது இடத்தில் உள்ளார்.
அமெரிக்காவின் டெய்லர் பிரிட்ஸ் 4-வது இடத்திலும், செர்பியாவின் நோவக் ஜோகோவிச் 5-வது இடத்திலும் நீடிக்கிறார்கள்.
ரஷிய வீரரான மெத்வதேவ் ஒரு இடம் சரிந்து 10-வது இடம் பிடித்துள்ளார்.
- மாண்டே கார்லோ டென்னிஸ் தொடரில் அல்காரஸ் சாம்பியன் பட்டம் வென்றார்.
- இதையடுத்து தரவரிசையில் கார்லஸ் அல்காரஸ் ஒரு இடம் முன்னேறி 2-வது இடம் பிடித்தார்.
மாண்டே கார்லோ டென்னிஸ் தொடர் கடந்த 13-ம் தேதியுடன் நிறைவடைந்தது. இதில் ஸ்பெயினைச் சேர்ந்த கார்லோஸ் அல்காரஸ் சாம்பியன் பட்டம் வென்றார்.
இந்நிலையில், சர்வதேச டென்னிஸ் சங்கம் வீரர்களின் புதிய தரவரிசை பட்டியலை வெளியிட்டது.
அதன்படி ஆண்கள் ஒற்றையர் தரவரிசையில், இத்தாலியின் ஜானிக் சின்னர் முதலிடத்தில் தொடருகிறார்.
மாண்டே கார்லோ தொடரில் சாம்பியன் பட்டம் வென்ற ஸ்பெயின் வீரர் கார்லோஸ் அல்காரஸ், ஒரு இடம் முன்னேறி 2-வது இடத்தைப் பிடித்துள்ளார். ஜெர்மனியின் அலெக்சாண்டர் ஸ்வெரேவ் 3-வது இடத்துக்கு சரிந்துள்ளார்.
அமெரிக்காவின் டெய்லர் பிரிட்ஸ் 4-வது இடத்திலும், செர்பியாவின் நோவக் ஜோகோவிச் 5-வது இடத்திலும் நீடிக்கிறார்கள்.
இத்தாலி வீரரான முசெட்டி 5 இடங்கள் உயர்ந்து 11-வது இடம் பிடித்துள்ளார் என்பது குறிப்பிடத்தக்கது.
- ஆண்கள் பிரிவில் அலெக்சாண்டர் ஸ்வெரேவ் 2-வது இடத்தை பிடித்துள்ளார்.
- பெண்கள் பிரிவில் ஜெசிகா பெகுலா 3-வது இடத்தை பெற்றுள்ளார்.
அமெரிக்க ஓபன் டென்னிஸ் முடிந்ததும் நேற்று புதிய தரவரிசை பட்டியல் வெளியிடப்பட்டது. ஆண்கள் ஒற்றையரில் இத்தாலியின் சின்னெர் முதலிடத்தை தக்க வைத்துள்ளார். 2-வது இடத்தில் இருந்த ஒலிம்பிக் சாம்பியனான நோவக் ஜோகோவிச் (செர்பியா) 4-வது இடத்துக்கு தள்ளப்பட்டுள்ளார். நடப்பு சாம்பியன் அந்தஸ்துடன் நுழைந்த ஜோகோவிச் அமெரிக்க ஓபனில் 3-வது சுற்றுடன் வெளியேறியதால் தரவரிசையில் சறுக்கி இருக்கிறார்.
ஜெர்மனியின் அலெக்சாண்டர் ஸ்வெரேவ் இரு இடம் முன்னேறி 2-வது இடத்தை பிடித்துள்ளார். கார்லஸ் அல்காரஸ் (ஸ்பெயின்) 3-வது இடத்தில் நீடிக்கிறார். அமெரிக்க ஓபனில் இறுதி ஆட்டத்தில் தோற்ற டெய்லர் பிரிட்ஸ் 12-ல் இருந்து 7-வது இடத்துக்கு வந்துள்ளார்.
பெண்கள் ஒற்றையர் தரவரிசையில் முதல் இரு இடங்களில் ஸ்வியாடெக் (போலந்து), சபலென்கா (பெலாரஸ்) தொடருகிறார்கள். அதே சமயம் நடப்பு சாம்பியனாக கால்பதித்த அமெரிக்காவின் கோகோ காப் 4-வது சுற்றுடன் நடையை கட்டியதால் தரவரிசையில் பின்னடைவை சந்தித்து இருக்கிறார். அவர் 3-ல் இருந்து 6-வது இடத்துக்கு சரிந்தார். அமெரிக்க ஓபனில் இறுதிப்போட்டி வரை முன்னேறியவரான அமெரிக்காவின் ஜெசிகா பெகுலா 3 இடம் உயர்ந்து 3-வது இடத்தை பெற்றுள்ளார்.
பாரீஸ்:
உலகின் நம்பர்-1 டென்னிஸ் வீரராக ஜோகோவிச் (செர்பியா) திகழ்கிறார். 34 வயதான அவர் 20 கிராண்ட்சிலாம் பட்டங்களை வென்று ரோஜர் பெடரர் (சுவிட்சர்லாந்து), ரபெல் நடால் (ஸ்பெயின்) ஆகியோருடன் இணைந்து முதல் இடத்தில் உள்ளார்.
இந்த நிலையில் ஜோகோவிச் புதிய வரலாற்று சாதனை புரிந்துள்ளார். பாரீஸ் மாஸ்டர்ஸ் டென்னிஸ் போட்டியில் அவர் இறுதி போட்டிக்கு முன்னேறியதன் மூலம் இந்த ஆண்டு இறுதிவரை நம்பர்-1 இடத்தில் நீடிப்பார்.
அவர் அரை இறுதியில் போலந்தை சேர்ந்த ஹூபர்ட்டை 3-6, 6-0, 7-6 (7-5) என்ற கணக்கில் வீழ்த்தினார்.
ஜோகோவிச் தொடர்ந்து 348 வாரங்களாக நம்பர்-1 இடத்தில் நீடிக்கிறார். இந்த ஆண்டு இறுதி வரை அவர்தான் நம்பர்-1 இடத்தில் நீடிப்பார். இதன் மூலம் ஜோகோவிச் 7-வது ஆண்டாக நம்பர்-1 இடத்தில் இருக்கிறார்.
அவர் ஏற்கனவே 2011, 2012, 2014, 2015, 2018, 2020, ஆகிய ஆண்டுகளில் நம்பர்-1 இடத்தில் இருந்தார். தற்போது இந்த ஆண்டிலும் (2021) முதல் வரிசையில் உள்ளார்.
இதற்கு முன்பு அமெரிக்காவை சேர்ந்த பீட் சாம்ராஸ் 6 ஆண்டுகள் நம்பர்-1 இடத்தில் இருந்ததே சாதனையாக இருந்தது. இதை ஜோகோவிச் முறியடித்து புதிய வரலாறு படைத்துள்ளார். சாம்ராஸ் 1993 முதல் 1998 வரை தொடர்ந்து முதல் இடத்தில் இருந்தார்.
ரோஜர் பெடரர் தொடர்ந்து 310 வாரங்கள் நம்பர்-1 இடத்தில் இருந்ததை ஜோகோவிச் கடந்த மார்ச் 8- ந் தேதி முறியடித்தார். கடந்த 2 மாதங்களுக்கு முன்பு நடந்த அமெரிக்க ஓபன் இறுதி போட்டியில் அவர் மெட்வதேவிடம் தோற்றார்.
தற்போது பாரீஸ் மாஸ்டர்ஸ் டென்னிஸ் போட்டியில் சிறப்பாக ஆடி இறுதி போட்டிக்கு முன்னேறி உள்ளார்.
ஜோகோவிச் ஆஸ்திரேலிய ஓபன் பட்டத்தை 9 முறையும், பிரஞ்ச் ஓபன் பட்டத்தை 2 தடவையும், விம்பிள்டனை 6 முறையும், அமெரிக்க ஓபன் பட்டத்தை 3 தடவையும் கைப்பற்றி உள்ளார்.
யூகி பாம்ப்ரி பிரெஞ்ச் ஓபனில் முதல் சுற்றோடு வெளியேறினாலும், சர்பிட்டோன் சேலஞ்சர் தொடரில் காலிறுதிக்கு முன்னேறினார். இதனால் 30 புள்ளிகள் கிடைத்தது. இதன்மூலம் 9 இடங்கள் முன்னேறினார்.
ராம்குமார் ராமநான் 7 இடங்கள் பின்தங்கி 128-வது இடத்திலும், சுமித் நகல் 14 இடங்கள் பின்தங்கி 234-வது இடத்திலும் உள்ளனர்.
இரட்டையர் பிரிவில் ரோஹன் போபண்ணா 22-வது இடத்திலும், திவிஜ் ஷரன் 43-வது இடத்திலும், லியாண்டர் பயஸ் 59-வது இடத்திலும், புரவ் ராஜா 77-வது இடத்திலும் உள்ளனர்.
