மேட்ரிட் ஓபன் டென்னிஸ்: நடால், அல்காரஸ் அடுத்த சுற்றுக்கு முன்னேற்றம்

மேட்ரிட்:

மேட்ரிட் ஓபன் சர்வதேச டென்னிஸ் தொடர் ஸ்பெயினில் நடைபெற்று வருகிறது.

இந்த தொடரில் ஆண்கள் ஒற்றையர் பிரிவில் நம்பர் 3 வீரரான ஸ்பெயினின் கார்லோஸ் அல்காரஸ், பிரேசில் வீரர் தியாகோவுடன் மோதினார்.

இதில் அல்காரஸ் 6-3, 6-3 என்ற செட் கணக்கில் வென்று அடுத்த சுற்றுக்கு முன்னேறினார்.

இதேபோல், ஸ்பெயின் வீரர் ரபேல் நடால், அர்ஜென்டினாவின் பெட்ரோ காசினுடன் மோதினார். இதில் நடால் முதல் செட்டையும், பெட்ரோ 2வது செட்டையும் கைப்பற்றினர். வெற்றியாளரை நிர்ணயிக்கும் 3வது செட்டை நடால் வென்றார்.

இறுதியில், நடால் 6-1, 6-7 (5-7), 6-3 என்ற செட்களில் வென்று 4-வது சுற்றுக்கு முன்னேறினார்.