பாவூர்சத்திரத்தில் முதியவர் உள்பட 2 பேர் தற்கொலை

நெல்லை:

பாவூர்சத்திரத்தை அடுத்த மேலபாவூர் ஒத்தபனையடி கோவில் தெருவை சேர்ந்தவர் திருமலை(வயது 76). இவர் கடந்த சில மாதங்களாக குடல் வால்வு உள்ளிட்ட பிரச்சினைகளால் அவதிப்பட்டு வந்துள்ளார். இதனால் மனமுடைந்த அவர் நேற்று விஷம் குடித்து தற்கொலை செய்து கொண்டார்.

பாவூர்சத்திரம் அருகே உள்ள வடக்கு கொண்டாலூர் கிராமத்தை சேர்ந்தவர் சமுத்திரபாண்டி. இவரது மனைவி சொர்ணம்(வயது 62). கடந்த சில மாதங்களாக உடல்நலக்குறைவால் அவதிப்பட்டு வந்துள்ளார். இந்நிலையில் நேற்று அப்பகுதியில் உள்ள தனியார் கல்குவாரி நிறுவனத்தில் உள்ள கல்வெட்டான்குழியில் அவர் இறந்த நிலையில் மிதந்து கொண்டிருந்தார்.தகவல் அறிந்த பாவூர்சத்திரம் போலீசார் அங்கு விரைந்து சென்று சொர்ணம் உடலை மீட்டு பிரேத பரிசோதனைக்காக அனுப்பி வைத்தனர். உடல்நிலை சரியில்லாததால் அவர் தற்கொலை செய்து கொண்டாரா? என்று போலீசார் வழக்குப்பதிவு செய்து விசாரணை நடத்தி வருகின்றனர்.